DU PRINCE D'ORANGES A LA REGENTE

Madame,

4'ay rfxeu les lettres (I), qu'il a pieu à vostre AUcsse m'c5criprc, ensemble A ceulx du Conseil de mon gouvern**mcnt, et entendu l'inlenlion de sa Majesté, sur trois poinets, me commandant bien expressément, de faire exécuter chaseun d'iceulx, par toutes les placi^s de mondiet gouvernement. El combien, Madame, i\\iv n'ay esté requis d'advis en chose de si grand poix et conséquence : Toutesfois, comme leal serviteur et vassal de sa Majesté, esmeu d'ung zèle désireux, à satisfaire au deu de mon estât et serment, n'ay sceu laisser en dire mon opinion librement et franchement, aymant mieulx attendre le hazard d'avoir, pour le présent, mauvais gré de mes advertissemens et remonstrances, (pie, par ma

(1) Cosont les lotircs, avec la résolution du Roy, par tout envoyez par la llegenlo, le 18. Decemb. 1565. dessus insérez, N«m. 2. Fol. 211). et 218.

connivence et silence, après l'esclandre et désolation du Pays, estre noté et blasmé d'infidel, négligent, et nonchaillant gouverneur.

Premièrement, quant à l'exécution du Concile, oires, que au commencement, il y avoit quelque malcontentement et murmuration : Toutesfois veu qu'on y a depuis adjousté aucunes réservations, je croy, que, en cest endroict, il y aura peu de difficulté. Et quant à la Reformation des prebstres, et aultres ordonnances Ecclesiasticques , n'estant chose de ma vocation, je le remets à ceux qui en ont la charge, et où il sera besoing, satisferay au commandement de sa Majesté.

Quant au second poinct, contenant, que les Gouverneurs, Consauix, et aultres Officiers, debvroyent, à tout leur pouvoir, favoriser aux Inquisiteurs , et les maintenir en l'auctorité, que de droict divin et humain, leur appartient, et dont ils auroyent usé jusques à maintenant.

Vostre Altesse peult avoir souvenance, que les plainctes, oppositions, et difficultez, esmeùes par tout le pays de pardeça, alendroict l'cstablissement des Evesques, n'ont esté pour aultre regard, que de peur, que, soubs ce pretext, l'on taschat introduyre quelque forme d'Inquisition. Tant est,non seullement l'exécution, mais aussi le nom odieulx et desaggreable.

Oultre ce, peult sçavoir vostre Altesse, et est cler et notoir à la pluspart des subjects , et gens de bien de par deçà, que sa Majesté Imperialle, et celle de la Roy ne Marie, ont plusieurs fois asseuré les Inhabitans, tant de bouche, que par escript, que ladicte Inquisition ne s'introduyroit en ce Pays bas , ains seroit le mesme pays maintenu et riglé, comme de toute anchienneté auparavant. Voire sa Majesté mesmes, pour ester ceste impression ausdicts

Inhabitans, a faict souventesfois semblable asseurance.

Les asseurances et promesses susdictes, Madame, ont infailliblement gardé les subjects, et autres resseans, tomber en quelque altération, et de ce, que beaucoup de gens de bien et de pouvoir, n'ont aliéné leurs biens, cerchans autres places, pour y vivre, sans crainte d'aucune Inquisition. Dont consécutivement s'est retenue l'union, tranquillité, traffîcque de marchandise, et fournissement de la plus part des finances, pour le soustenement de la guerre, là où autrement, le Pays desnué des Inhabitans, vassaux, et deniers, fust allé en proye à ceulx, qui y eussent voulu mettre la main.

Touchant le troisiesme poinct, par lequel sa Majesté veull et ordonne bien expressément, que les Placcarts, faicts tant par l'Empereur, que sa Majesté, soyenl en tous poincts et articles, gardez, ensuyviz, et exécutez, en toute rigueur, sans aucune modération ny connivence.

Madame, ce poinct me semble semblablcment fort dur, d'aultant que les Placcarts sont plusieurs et divers, et parcidevîint quelquefois limitez, et non ensuyviz à la rigueur, mesmes au temps que la misère universelle, n'estoit si aspre, comme maintenant, et nostre peuple, par incitation et practicques de nos voisins, non tant inclin à nouvellité.

Et de vouloir présentement user de plus d'extrémité, et tout en ung coup, avecq plus de véhémence, renouvcllcr ladicte Inquisition, et passer oultre aux exécutions, en toute sévérité : Je ne puis. Madame, comprendre, que sa Majesté y puisse gaigner aultre chose, que mettre soy mesmes en peine, et le pays en trouble, de perdre l'affection de ses bons subjects, donnant à ung chascun suspicion , que sa Majesté vueille procéder d'autre pied qu'il a tousjours asseuré et de-

monstre, mettant le tout en hazard, de venir es mains de noz voisins, tant pour les gens, qui se dépayseront, comme par le peu de fiance, qu'on aura de ceux, qui resteront, le tout, sans nul prouffit, au redressement de la Religion. J'obmects icy, pour éviter prolixité, d'alléguer plusieurs inconveniens, saichant, que sa Majesté et vostre Altesse , en ont souventesfois, par cy devant, esté tout au long advertis. Oultre ce, que, parlant à correction, le temps me semble mal propre, pour esmouvoir les cerveaulx et humeurs du peuple , par trop altéré et ^rouble, par la présente nécessité et chierté de bleds. Et vaudroit mieux, à mon advis, le tout différer et remettre, jusques à la venue de sa Majesté, laquelle l'on dict se préparer, pour se trouver par deçà, et vouldrois, qu'elle fusse servie, se haster, à fin qu'en sa présence, il y fust donné l'ordre , qu'il trouveroit convenir, pour le service de Dieu, de sa Majesté, repos et prospérité des Pays et subjects de par deçà. Car en cas de trouble, seroit le remède plus prompt, en sa présence, que aultrement.

Si toutesfois sa Majesté, et vostre Altesse, persistent et vueillent desmaintenant, que l'on l'ensuyve, en tous lesdicts poincts, voyanjt clairement et à l'œil , qu'il ne se peult présentement exécuter, sans grand hazard de la totale ruyne du Pays, en quoy, peult estre, sa Majesté prendroitesgard, si elle estoit icy, Aimerois mieulx, au cas qu'elle ne le vueille dilayer jusques à là, et des à présent persiste sur ceste Inquisition et exécution, que sa Majesté commisse quelque aultre en ma place,mieulx entendant les humeurs du peuple, et plus babil que moy, à les maintenir en paix et repos, plus tost que d'encourir la note, dont moy, et les miens, pourrions estre souillez , si quelque inconvénient advint aux Pays de mon gouvernement, et durant ma charge.

Et se peuvent bien asseurer sa Majesté et vostre Altesse, que je ne dis cecy, pour ne vouloir ensuivre ses commandemens, ou, de vivre aultrement, que bon Chrestien, comme de ce, mes actions précédentes peuvent rendre bon tesmoingnage, et que j'espère, sa Majesté aura cogneu , par expérience, que je n'ay jamais espargné corps ny biens, pour le service d'icelle, comme je désire continuer, tant que la vie me durera. Oultre ce, que, si les affaires du Pays allassent aultrement, que bien à poinci, je y mettrais (par dessus l'obligation que je doibs à sa Majesté, et à la patrie) non seullement tout ce que j'ay au monde, mais aussi ma personne, ma femme, et mes enfans, que pour le moins, la nature me commande, préserver et garder. A quoy plairat à vostre Altesse, prendre regard, selon sa trespourveiie et couslumiere discrétion, prenant ceste ma remonslrance , de bonne part, comme procédant de celluy, qui parle d'ardant désir et affection, qu'il a au service de sa Mîijesté, et d'obvier à tous inconveniens. Dont je prens Dieu en tesmoing, auquel je prie après, m*eslre recommandé treshumblement , en la bonne grâce de vostre Altesse, donner à icelle en santé, bonne vie, et longue. De Bruxelles le xxnii, jour de janvier 4565. slyl de Brabant (1).

(1) Cest 1366« stil de Lempire.

RESPONSIVE