GO

ni lui ni Prince quelconque, le tenant en souveraineté nuë et absolue, ce que peu d'autres Seigneurs pourront dire. Et n'y a Prince pour le regard de mon dict Principaulté duquel j'aie besoin de l'amitié et bonne grâce sinon du Roi de France, lequel j'espère ne Youldra toucher à ce qui appartient à un paoure Prince qui lui est tresimmble serviteur, pource que la raison ne le permet, laquelle il ne vouldra oultrepasser, et aussi en considération des loiaus services que mes prédécesseurs ont faict à la Couronne de France et Duché de Bretaigne(dont il est descendu et est héritier) avecq grands dangers de leurs vies, grandes despenses, et infinis travaus.

Il reste doncq ce qui m'appartient au Conté de Bourgoigne et dequoi si iniustement et tyrannicquement j'ai esté si long temps spolié et dépossédé, qui me revient jusques à présent à prest de deux millions de perte. 3Iais je vouldroi en premier lieu qu'on se souvint pourquoi le Conté de Bourgoigne est appelle Franc, à sçavoir entre aultres raisons par ce que la franchise et liberté des Seigneurs et tenans biens audict pais, est, qu'ils ont puissance de tester et disposer de leurs biens comment et à qui bon leur semble, sans pouvoir estre ni pour femmes ni pour enfans ou héritiers quelconques forcez à disposition aultre de leurs biens sinon comment il plaist à leur volunté. Puis donc que Monsieur le Prince René meu de sa propre volunté sans aultre esgard qu'il eust à moi, qui estoi encores lors jeusne enfant vivant en AUemaigne soubs la puissance et discipline de mes maistres et gouverneurs, et n'aiant aultre respect sinon que j'estoi son cousin germain, m'a institué son héritier universel, ce qu'il a faict suivant la puissance qu'il en avoit selon les lois et coustumes du pais, si dis-je j'en doi rendre grâces à quel-

— Gl —

qu'un, c'est à la mémoire dudict Seigneur Prince lequel estant l'aisné de nostre maison a voulu comme je lui debvoi succéder à ce rang d'aisneesse, que je \insse aussi à lui succéder en ses biens. Je ne vcoi point doncques jusques à présent que je soi obligé de rien pour ceste succession à la maison d'Espaigne, et n'y a homme du monde qui le peult dire avecq vérité.

Mais l'Empereur donna ottroi audict Seigneur Prince de tester à qui bon luy sembleroit, et en vertu de l'ottroi le Prince m'a choisi pour héritier. Cela, Messieurs, est à mon tresgrand advantage, et ne peult servir à mon ennemi. Car quand l'Empereur a accordé l'ottroi, il ne sçavoit pas qui debvoit estre nommé héritier par le Prince, et n'a esté sceu de personne jusques au jour de l'ouverture du testament qui fust faicte en la présence de la Roine Marie, depuis la mort dudict seigneur Prince, tellement que l'Empereur accordant l'ottroi, puis que son intention n'estoit de m'advancer, je ne me sens aussi lui estre obligé, ceste faveur qui fust faicte au Prince (laquelle neantmoins la moindre personne qui soit, peult facilement obtenir par lettres ordinaires de la chancellerie) n'estant faicte en ma contemplation. Car de juger de l'ottroi par ce qui en est par après ensuivi, seroit juger contre les règles que j'ai si souvent ouï repeter à l'Empereur, qui disoit les conseils debvoir estre examinez, approuvez, ou reprouvez par les causes et non par les eflects. Or posons qu'il n'y eust point eu d'ottroi. Toutesfois rien n'a esté ordonné par le testament de Monsieur le Prince René que selon les lois ainsi qu'il a esté dict.

Mais ([ue respondront ils quand oultre toutes ces raisons je leur dirai, que le testament de 3Ionsieur mon cousin est un testament militaire, ce qu'ils ne peuvent débattre ni obs-

curcir, Yoire faict avec telle solennité et maturité. Faict disje et fondé par parolles expresses sur ce que ledict Seigneur Prince, qui avoit ja au paravant senti que c'estoit des dangers de la guerre en tant d'expéditions pour le service de l'Empereur, estoit ja en chemin pour aller à une guerre si dangereuse et auecq un si grand Prince que le Roi François : et combien que je ne sois pas un grand docteur en lois, si est ce qu'il me souvient tresbien avoir ouï plusieurs sçavanls personnages disputans de ceste matière en présence de 3Ionsieur mon père, qui disoient non seulement les testaments militaires mais aussi les codicilles estre de telle valeur suivant les lois Impériales, que si l'homme de guerre avant sa mort avoit faict la moindre marcque de sa volunté, le plus petit signe qu'on peut imaginer, comme aiant tracé de son sang sur sa large le nom de celui qu'il veult instituer, ou de la pointe de sa hallebarde ou espee escript en terre : que ceste ordonnance de dernière volunté est inviolable, et est préférée à toute aultre institution, suivant les anciens privilèges de cens qui sont honorez du bauldrier militaire. Combien plus ce. privilège estoit il deu à un si vaillant Prince et si gentil chevalier? Car ici il n'est point question d'une simple marque : il y a un testament bien faict et meurement, non point à la haste ou par un simple soldat blessé, tendant à la mort ; mais par un Prince de vertu et digne d'honneur immortel, assisté de son conseil et acheminé à l'expédition : non point à un estrangier, mais à son cousin germain : non pointa un importun flatteur, mais à un enfantestant bien loing de l'armée Impériale qui alloit assiéger Saint-Disier et deliberoit de donner jusques à Paris. Ordonnance dis-je faicte non point au desceu de l'Empereur, mais avec son ottroi, ordonnance suivant les lois et coustumes des lieus. Estant

doncq si ferme, il n'a esté en la puissance d'aulcun de la débattre et moins de m'en frustrer, sinon par une voie qui eust esté par trop tyrannique, et qui peult cstre eust plus apporté de dommage à la renommée de l'Empereur que d'advaiitage, s'il eust voulu me faire aultre chose que la raison. Et comme il y a eu entre mes prédécesseurs aulcuns qui ont bien trouvé moien de se faire faire raison à des Princes injustes et ingrats qui leur detenoient leur bien, aussi j'espère que Dieu me fera encorcs la grâce d'avoir heureuse issue contre celui qui m'a injustement despouillé de mes biens et me veult barbarement oster la vie. Mais puis que je suis contraint de parler encores de ceste succession, ie vouldroi qu'on me dict si l'Empereur me laissant jouir de la succession, m"a donné de son -l)ien ou non, car si je n'ai rien receii sinon ce qui avoit appartenu à 3Ionsieur le Prince René : je ne veoi point que le Roi puisse en façon quelconque me reprocher, que lui, ou que l'Empereur son père m'aient donné quelque chose, si ce n'est libéralité faire largesse du bien d'aultrui.

3Iais au contraire ores que pour le présent je taise les torts qui me sont faicts audict Conté, auquel j'ai tels droicts et prééminences, et dont on m'a despouillé, et desquels je ne parle pour le présent, les remettans à débattre quand les armes m'auront faict plus de raison, que l'injustice de celui qui me détient le tout : je n'eu pas si tost appréhendé la succession, qu'aussi tost je fu despouillé de la Seigneurie de Chastel-bclin, laquelle est de si peu de valeur qu'à présent me sont deus trois cents cincquante mille livres d'arrierage à cause dicelle. Et voici le comble d'injustice. L'Empereur fust requis par Monsieur mon père, que pour le moins selon les clroicts je fusse premièrement réintégré en la possession en laquelle avoit esté mon prédécesseur, il ne le voulust per-

mettre, seulement me permit (estant toutesfois despouillé) de poursuivre mon droit par justice, en quoi il me laissoit au moins quelque ouverture, d'aultant qu'il ne niVaiipeschoit pas de débattre mon droit contre lui, estant la cause evocquee au Parlement de Malines. Mais le fds qui ncantmoins ose me reprocher ses bienfaicts, voiant la cause preste à juger, le jour mesmes que le procès se debvoit vuider, les advis des Président et Conseillicrs estoient ja enregistrez, et avoi eu advertissement de cercher argent pour les espices, (voiez, Messieurs, que la Justice estoit bien rendue par celui qui me l'avoit jurée et aux Barons de ces païs) Il . interdict à sa cour de passer oultre, et laisse le procès pendu au crocq, ou il est encores à présent. Voila les grands advantages que j'ai receu de la maison dEspaigne, voila le fondement et la base des reproches, et surquoi est appuiée ceste infâme structure de Proscription.

Mais si au contraire je vien à déduire combien la maison d'Espaigne est obligée à mes prédécesseurs (car de moi je n'en dirai encores rien,) j'ai peur d'entrer en une mer que je ne puisse passer en plusieurs mois. Je toucherai doncques seulement les principaus points laissant à vous, Messieurs, et aux lecteurs la recerche particulière desdictes obligations aux histoires et anciens registres de ce païs.

Celui qui est premièrement venu de la maison d'Austriche au païs bas et long temps après que mes prédécesseurs y tenoient Contez et Baronnies, est l'Empereur Maximilian, lors Archiducq d'Austriche, qui est ce qui ne cognoist que le Conte Engelbert mon grand oncle, est celui qui a maintenu ledict Empereur, emploiant ses biens, sa vie, et son entendement pour le conserver? N'est ce point le Conte Engelbert avecq Monsieur de Romont, lequel gaigna la journée de Gui-

— Go —

negaste, aiant par son asseiirance retenu les gens de pied ensemble estans les gens de cheval rais en routte, au moien dequoi furent arrestees les grandes conquestes du Roi Louis unziesme, ce qui asseura depuis Testât de Maximilian? N'est ce pas lui qui au retour de sa prison de France trouva Maximilian embrouillé en Flandre contre Monsieur de Ravestain et ceus de Bruges, et qui fist tant par armes et par conseil que l'appointement se fist : qui fusi cause de maintenir derechef ledit Archiduc, et qui fist pareillement entretenir l'accord aus habitants de Bruges, dont encores en demeurent aujourd'hui les marcques illustres et de sa fidélité, et de la gratitude des Brugeois? C'est ce mesme Engelbert qui a dompté ceus qui se rebelloient vers les confins du Rhin, et a rendu ledict Empereur paisible des pais d'Oultremeuze. Sans parler des voiages dangereus entrepris pour ledict Empereur, comme de Bretaigne pour le traicté du mariage entre ledict Sieur Archiduc et de Madame Anne héritière du duché, et depuis Roine de France deux fois : et avoit si bien négocié que tout estoit accordé et fust passé oultre, sans que Monsieur Jehan Prince d'Orenge père de Monsieur Philibert rompist ce coup, et procura le mariage de ladicte dame sa cousine germaine avecq Charles Roi de France. Et furent les mérites et valeurs dudit Sieur Conte si grands en ces pais qu'il fust Lieutenant gênerai par tout le pais bas.

Le successeur et héritier es biens de ces païs dudict Sieur Conte Engelbert, fust Monsieur le Conte Jehan de Nassau son frère et mon ayeul : et après sa mort succéda Monsieur le Conte Henri mon oncle fils aisné dudict Seigneur Conte Jehan aux biens de pardeça, en Brabant, Luxembourg, Hollande, et Flandres : Monsieur le Conte Guillaume mon père aux biens d'Allemaigne. Personne ne peult nier que de son temps