DU PRINCE D'ORANGES

CONTRE SES CALYMNIATEVRS.

Qui ont expérience des affaires d'Estatz et Piiblicques, ne sont empeschez à cognoistre ceulx qui par ambition et désir de quelque bien particulier, cherchent troubler la tranquillité et repos publicq, ains tiennent pour marcques certaines et infallibles de semblables desseings, toutes nouvellitez et manières inusitées, d'ont usent gens de pouvoir, crédit, et authorité. Et à tant pour monstrer qui ont esté chefs et autheurs des troubles advenuz au pays bas, fault seulement considérer, qui estoyent ceulx qui avoyent cause (pour quelque bien ou prouffît qu'ilz attendoient) de désirer nouvellitez audict pays : et ont esté les premiers à les commencer, et mettre de faict en exécution.

Et pour ce faire, nous semble nécessaire, représenter Testât dudict pays bas, tel qu'il estoit au paravant lesdicts troubles, et après les guerres, que tant feu de très-haute et tresdigne mémoire l'Empereur Charles, que le Roy d'Espaigne, Princes dudict pays bas, et souverains Seigneurs des vassaulx d'iceluy, ont quasi continuellement l'espace de dix ans soustenus contre le Roy de France,qui estoit tel, que nonobstant

<]ue durant icelles, le peuple estoit en quelque altération par l'Inquisition et placcartz, que en plusieurs Provinces, l'on y observoit au faict de la Religion (s'augmentant de jour à aultre par l'accroissement de ladicte Religion, et rigueur desdicts placcartz (1) si exorbitante et extrême, qu'il faict à esmerveiller qu'on les a si longuement et avec telle pacience en ung pays si libre souffert et enduré) comme cy après sera remonstré, l'on s'estoit,toutesfois clairement aperceu,que les subjectz desdicts pays, estoyent aultrement prestz, non seulement de prester toute deiie obeyssance, mais aussi d'exposer corps et biens pour sa Majesté.

S'estant la noblesse avecq vertu et promptitude incroyable acquité ausdicts guerres. Et ayant les Estatz desdicts pays généralement et de leur volonté, contribuez aux fraiz d'icelles, incroyable somme de deniers, revenant bien à la somme de quarante millions de florins, si voluntairement, que oncques l'on n'a apperceu à ceste cause quelque signe d'altération : de manière que l'on peult asseurement présupposer, que ledict pays estoit tellement affectionné à sa Majesté, que pour maintiennement du bien et grandeur d'icclle, contre ses ennemis, n'espargneroit chose du monde.

Et sepouvoit à tant sa Majesté aisément asseurer de toutes forces estrangeres. Et estant chose naturelle, que tousgrands services et biensfaictz, engendrent confidence, ne pouvoit estre que lesdicts pays, signamment les nobles, tenans que par leurs dangiers, sang et proUesse, sa Majesté avoit acquis tant honnorables victoires, et que par subvention, ayde et assistence commune s'estoit tant honnorablemeut deffaict

(I) Appert par les placcartz publiez es années 1521. 2G. 29. 51. 40. H.iQ. 50. 36 et autres.

d'une si longue et fascheuse guerre, n'eussent entière confidence, que sa Majesté (s'offrant l'occasion) auroit regard à leurs si grands et notables debvoirs et services, par où l'on pouvoitles-dictspays aussi apparentement asseurer,de toutes troubles et esmolions intestines.

Car n'attendant le subject aultre que bien de son Prince, continue avec plusgrande dévotion en l'obéissance d'iccluy : De manière que considérant Testât desdicts pays, florissantz par le cours de toute sorte de négociations et marchandises, et ce que en dépend, combien qu'il estoit fort foullé par la guerre précédente, chargé, et quasi oppressé de Tailles, Impostz, et Exactions, imposées à cause desdicts sommes de deniers, qu'avoit convenu lever pour les fraiz d'icelle : N'y a rien plus apparent, que estant par dehors asseuré des ennemis, et par dedans si uni avecq son Prince, et secouru des Placcarls et ordonnances accommodez au temps, non seulement se seroit refaict, acquité et deschargé de toutes debtes, mais en peu d'années parvenu au comble de toute félicité humaine.

Dont sa Majesté venant à estre redoublé et crainct des estrangiers, et révéré et aymé de ses subjectz, se pouvoit tenir pour le plus grand et heureux Roy et Prince de son temps : De sorte, qu'il fault confesser, que ceulx qui ont empesché cestuy bien et félicité, et dissolu ceste union, et divertyceste affection, ont commis faulte si grande, au détriment de sa Majesti', et de la Republicrpie, qu'ilz méritent d'estre puniz et chastiez, à l'exemple d'aultres : Et pensons que tous ceulx qui voyent lesdicts pays à présent reduicts en extrêmes calamitez, servitude, et misères, au lieu de félicité tant apparente, concurreront en ceste nostre opinion, et donneront la mesme sentence. Et Nous Gvillaume de Nassav, Prince d'O-

ranges, estans tenus par le Prociu*L'ur gênerai, suyvant ses Lettres patentes d'adjournement et Citation (1), autheur de cestemutation,Ne refusons aucunement ladicfepiinition, en cas que le prétendu dudict Procureur, soit véritable. Lequel pour représenter quelque cause et occasion que nous pourroit avoir incité à icelle (n'ayant apparence que l'aurions entreprins sans cause) allègue nostre ambition et désordonnée affection d'administrations. U'ont s'ensuyt que la cause finale de noz actions et desseings, seroyent esté bonneurs, entremises, et authorité extraordinaire.

Dont pour ester audict Procureur, ce fondament, sur lequel il prétend bastir son accusation, sufTiroit à ceulx qui ont cognoissance de nostre personne alléger nostre naturel, nullement enclin à semblables convoitises, Et aux autres, les parties des biens, d'ont Dieu par sa grâce nous avoit pourveu, par le bon gouvernement et administration, desquels pouvions plustost espérer grandeur et authorité, que par aultre entremise quelconque. Car fault que tous confessent que estans retirez en noz maisons, et à noz affaires, avions beaucoup meilleur moyen d'amasser trésors et richesses, et par la gaigner, conserver et maintenir authorité, que despendant largement en court, espérer ladicte authorité, par usurpation d'administrations : desquels tous ceulx qui ont quelque cognoissance de noz affaires, sçavent fort bien que n'avons oncqiies prétendu aucun prouffit : et estans les pays si affectionnez à sa Majesté, comme cy devant a esté dict, n'y a rien plus absurd, que nous vouloir imputer avoir voulu usurper sur l'auctorité d'icelle, et ledict pays.

Mesmes que avons lousjours esté d'opinion, que sa Ma-

(1) Appert parles lettres cilaloircs du 19.(]e Janvier et lu prudanialion du 24. dudict nioys.au fin insérez.

jesté debvoit pliistost entretenir ses subjectz en ladicte affection et volunté, par modération des Placcartz, que par advancement de nouvellitez et rigueur les en divertir : qui est le seul poinct et moyen par lequel l'on peult prétendre, que aurions voulu parvenir à ladicte surprinse. Car l'on ne peult nyer, que affection et benevolence, sont moyens, par lesquels le Prince peult maintenir son auctorité et ses pays. Et fault à tant confesser, que par ladicte opinion venions à conserver et non à usurper l'auctorité de sadicte Majesté. Laquelle si aultres ont trouvé plus expédient que fust maintenue par rigueur, s'ensuyt bien, que, quant aux moyens de ccste conservation, avons esté en opinion contraires : mais nullement quant au poinct dudict maintiennement et conservation, laquelle l'expérience monstre que par ladicte rigueur ne se pouvoit faire, demourant lesdicts Pays en l'apparente fc licite qu'ilz estoient, en laquelle desirions qu'ilz fussent, soubz l'auctorité de sa Majesté, conservez, qui a esté après le service de Dieu, la seule cause, que n'avons approuvé la rigueur de ladicte Inquisition etPlaccarts.

Dont rendront aussi tesmoignagc toutes noz aultrcs actions, eslongees, voire contraires à toute ambition : Car et auparavantavions renoncé à Testât que avions au conseil d'eslat, Et à celuy de cbief des finances (l),Jant apparente, pour gaigner la vogue et suyte de tous estatz (voire nous mettant quasi toute la superintendence des affaires en mains, si eussions voulu) et desquels, aultres s'en sçavent si bien servir à leur prouffit : Ains grâces à Dieu, avons esté tant eslongez de ceste pretension, que avons l'ung et l'autre desdicts Estatz remis à sa Majesté, puis que n'y povions faire bon service,

(1) Appert par les commissions sur ce en forme dcpcschecs et renvoyez l'an 15S8.

comme bien eussions désiré, ohsïant les trafiicques d'iceulx aullres : toutesfois comme sa Majesté par celuy nostre deportement et renvoy de noz commissions, ne laissa de nous adhiber souvent es délibérations, nous avons, à nostre possible, acquitez, pour adviser ce que nous sembloit,pour son service, et le bien du pays convenir, et ce nous estoit grand crev.ecœur, de veoir, que quelques deux ou trois, traversoyent ainsi la bonne intention de sa Majesté.

Mais comme icelle avoit tout ce temps cogneu la sincérité de noz actions, et promptitude de noz services. Et estant en Zcelande, pour paitir vers Espaigne, nous fîst autresfois grande instance, de reprendre ledict Estât de Conseillier, avons obey, après nous avoir grandementexcusé,mais voyant depuis les choses aller à l'accoustumé, et aultrement que sa Majesté nous avoit donné espoir,avons prié derechef estre déportez,environ deux ans après (1). Et voyant que à toute force l'on vouloit réduire le Pays en servitude (que aucuns appellent entière obéissance) comme cy après sera déclaré, pour n'avoir occasion d'entrer sur ce poinct,(qui du tout sembloit tendre au détriment de sa Majesté, et de la Republicque) en plus ample contestation, avons aussi requis d'estre déportez de noz gouvernemens pour entièrement nous retirer, et vacquer à noz affaires particulières. Et pour point estre notez des inconveniens que par la apparentement pourroyent advenir. Alaquelle fin avons souvent faict plusieurs instances (2), tant vers sa Majesté, que la Régente, mesmes encores plus d'une fois après la présentation de la Requeste des confederez, par noz adversaires tant descriee (5).

(1) Appert par leUres onvoycos au Pioy du 23. de Jullel 1561.

(2) Appcrl par leUres envoyées au Roy du 11. de Mars 1562, et 29. do Julletl;i63.

(ô) Appert par lettres envoyées au Roy le 20. d'Apuril. cl27.de May 15GC.

Et certes si nostre ambition eust esté aucunement suspecte, n'est vray semblable que sa Majesté, nous eust refusé ledict dcportement, du moins ne nous eust tant de fois si expressément commandé et instamment requis, d'y vouloir continuer (1), Estant de droictnotoir, qu'on doibt eslonger de toutes administrations et gouvernemens, ceulx desquels on craint l'ambition. De sorte que sa Majesté nous continuant esdicts estatz et offices, vient à déclarer (directement contraire au soustenu dudict Procureur gênerai) que ne auparavant ne après le partement d'icelle, estions suspectz de par ambition avoir voulu surprendre sur l'auctorité d'icelle, ou autrement sur ses pays, puis que par là appert assez que ne desirions rien tant que d'estre déportez de toute administration et auclorité.

Et qui prendra regard que après le partement de sa Majesté tous les affaires restoyent es mains du Cardinal de Granvelle, et comme ledict Cardinal estoit jaloux de sa grandeur : (Mesme estant accoustumé de faire exiler et forclore de toute administration et entremise, ceulx qui en quelque manière luy sembloyent pouvoir empescber l'accroissement ou maintienncment d'icelle : Dont servira d'exemple que du temps du feu de tresheureuse mémoire l'Empereur Charles, il persuada à sa Majesté de n'entremettre aux affaires de l'Empire, Seigneurs de qualité, et qui povoyent obfusquer ou diminuer son auctorilé. Et plus particulièrement le Seigneur Ferdinando Gonzaga, Gouverneur de Milan, et le Conseillier Reynart : Ayant ledictSeigneur Ferdinando, durant le Gouvernement dudict Cardinal, es affaires d'Italie, esté constrainct abandonner sondict gouvernement, et jus-

(I) Appert par k'Uros du Roy dak'os du 29.de Septembre 1361. 6. tir, JuinglaGS. et31. de Jullet. liiGG.

ques à la mort continuer à la poursuyte de certain procès criminel, que luy estoit suscité par son moyen (pour par là gaigner la vogue des Espaignolz, lesquels quant à la reste, avoyent soubz leur domination toutes les Seigneuries de sa Majesté en Italie) : Et ledict Reynart laisser sa maison, femme, enfans, et estatz au pays bas, et se trouver en Espaigne, où il est apparent, comme confiné ou relégué, finir ses jours. Ne trouvera aucunement vray semblable, que si nous eussions prétendu par administration usurper sur l'auctorilé du Roy (ce que faire ne pouvions sans diminuer l'auctorité dudict Cardinal) l'on nous eust retenu ausdicts Estatz, ains au contraire que à l'exemple des deux precedens eussions esté constrainctz les abandonner plustost que ne l'avons requis, du moins l'on ne nous eust refusé congé d'en départir à la première demande, et encores aux itératives.

Mais cognoissant ledict Cardinal nostre naturel cslongé de toute ambition, et que de faict ne desirions aucune entremise, et moins grande et extraordinaire, et par laquelle eussions prétendu d'usurper sur son auctorité, a bien voulu practiquer que fussions retenuz ausdicts Estais, à fin d'abuser le peuple, auquel il se sentoit fort odieux, et par moyen de nous et aultres, faire trouver ses actions meilleures, qu'elles n'estoyent : A l'exemple de Dionysius, Tyran de Secille, qui retenoit en son Conseil, ceulx, d'ont le peuple avoit bonne opinion : point, comme il disoit, pour user de leur advis, mais seullement à fin qu'il semblast qu'il en usast.

Et après le partement dudict Cardinal, s'offrant l'occasion de descouvrir l'ambition si aucune estoit en nous , ne s'est oncques veu qu'avons prétendu le moindre poinct pardessus les autres , ains a esté rendue à Madame de Parme Gou- Yernante, l'auctoritéque luy appartenoit, et que ledict Car-

dinal avoit usurpô, se servant d'elle (comme des autres du Conseil) de coinxrlure et ombre : De manière que ladicte Dame a depuis ouvcrlement déclaré et confessé , qu'elle avoit plus entendu des afl'aires du Pays, en peu de mois après ledict parlement, que de tout le temps (jue ledict Cardinal avoit esté auprès d'elle.

Laquelle veullant paiapres aux dernières troubles abandonner la ville de Bruxelles, et se retirer à Blons, (laissant tout an bénéfice de nature) et par la donner occasion à ceulx qui eussent peu avoir envie de surprendre sur son autorité, l'avons avecq aultres , par grande instance et importunité, requiz et supplié ne voulloir faire ce tort à soy mesme, ne telle disreputation et desservice à sa Majesté, qui monstre bien que noz actions et pensées ont esté du tout contraires H l'ambition, dont pour le présent à tort l'on nous accuse. Et certes si eussions eu quelque desseing d'usurper seulz 'autorité, ne ce nous pouvoit offrir occasion, ny moyen, plus propice et convenable, que de veoir la Régente effectuer son- Jict desseing. Mais comme nostre intention estoit du tout rontraire, l'avons, à noslre povoir,empes('hé, comme dist est.

Et estant remonstré à sa Majesté t'slre convenable pour son service, que le Conseil d'estat fust augmenté des Seigneurs et gens de lettres, et autorizé en aucuns poinctz,pour obvier à toute confusion et dissenlion,et pouvoir tant mieulx en beaucoup d'affaires resouldre, mesmes aussi alin que les decretz et resolutions d'icelluy, fussent entretenus, et sortissent effect, avecq plus grande autorité et respect, aussi afin que seroit mieulx ostee toute occasion à ung chascun d'usurper toute l'administration, ou cercber son privé aux despens du publicq.

Et estans requis de par Madame, de dénommer aucuns

— IvnS —

que Ton poiirroit à co promovoir, nous en sommes excusez, pour ne donner aucune suspilion, ([ue y voulussions mettre quelques ungs à nostre main, et avecq Icsquelz avions intelligence, ayant le tout remis à sa Majesté, sans que oncques ayons faict demonstrauce, de penser à nostre particulier.

D'ontse pcult inlercr qucnonseull^ment à tort, mais aussi inntrc toute apparence de vérité, sommes accusez, de par ambition et convoitise de gouvernemens et administrations, avoir voulu usurper sur l'auclorité de sa Majesté, et à cest elFect, troubler le repos et tranquillité, d'ung pays auquel debvons quasi autant, qu'à nostre propre patrie : Et ce sans prendre regard à nostre propre dommaige et interest, esquellesdebvions apparentementencourrir,à causedes biens qu'avions esdicts Pays, par moyen desdicts troubles, estant nostre bien, interest, et dommaige, inséparable de celuy dudict Pays.

Car estant le naturel des ambitieux, de vouloir gouverner seul, et avecq forclusion d'aullres , avons au contraire non seullement proposé que le Conseil se debvroit augmenter, et l'auctorité communicquer à plusieurs, mais aussi offert de nous en retirer, pour donner place aux autres : Dont ladicte Gouvernante et ceulx dudict Conseil pourront estre tesmoings.

Convient à tant cercher allieurs causes plus apparentes desdicts troubles ; et pour ce faire, considérer, que lesdicts Pays estoyent sur tout jaloux de la conservation des libériez et franchises qu'ilz avoycnt, tant en vei-tudes contracts faicts avec leurs Princes, que drs Privilèges obtenus d'iceulx,mesmes aussi des Empereurs, de toute ancienneté : craindant que par introduction des estrangiers, et nommrement Espaignols, l'on les en vouloit priver, pouree que Icdict Cardinal

avoit dict que le Roy ne pouvoit iiiaiiiUnir lesdicts Pays, sans retenir forces d'Espaignols, et se faire absouldre par le Pape, du serment qu'il avoit faict à la réception d'iceux : Et les conquerrede nouveau, pour, en abolissant lesdicts contractz et Privilèges, les gouverner à sa volunté : Et mesmes alleguoit, que l'on n'y pouvoit parvenir, sans trcncher les lestes à quatre ou cincq des principaulx.

Par où toutes Nouvellitez venoyent à estre tant plus suspectes et odieuses, y joingt, que durant les dernières guerres, l'on avoit assez modéré et suspendu l'extrême rigueur de l'Inquisition et Placcarlz. Et par l'Introduction des gens de guerre Âllemans, d'ont on estoit contrainct s'aider, donne liberté aux preschcs qui se faisoyent ouvertement entre eux, tant en villes que en campaigne : et secrètement entre les autres en plusieurs lieux, joinct que en tous les Pays circonvoisins estoit desja rcceu la doctrine contraire à la Romaine.

Et que par là en ung Pays si peuplé et fréquenté de tous costez, le faict de la Religion estoit successivement, et par l'espace de tant d'années si advancé, que en la fin l'on tenoit pour exécrable, le nom de ladicte Inquisition et Placcarts, par lesquelles multitude innum('ral)lc de gens, voire, plus de cinquante mille personnes, avoiont cruellement esté exécutez et mis à mort, ot autre semblable contraincte d'abandonner biens, parcns, amis,, et alliez, et vivre en perpétuel et misérable exil, seulement (comme l'on veoit et entendoit de jour à aultre plus clairement) pource qu'ilz ne s'avoyent voulu eslongner des commandemens de Dieu, et suyvre les inventions des liommes.

Ce que causoit non seulement altération, mais aussi par divers respects, aigreur si grande contre ladic le Inquisition et Placcarlz, que les Officiers en plusieurs lieux n'osoient

plus procéder à l'exécution d'iceulx, sinon de nuicf, et à la desrobee, et ce point cncores sans péril et dangier de troubles. Et pourront tesmoigner s'ilz n'ont souvent avecq grand hazard garanti leur vie de la rage de la commune, csmeiie parce misérable spectacle des exécutions si horribles.

D'ont tous ceulx qui avoyent expérience des affaires, prevoyent, que cestuy poinct seul, seroit occasion d'esmotions, si sagement et en temps n'y estoit pourveu.

Lesquels et autres inconveniens craindant desja de son temps, la Royne Marie, Gouvernante Jesdicts pays , s'estoit l'an 50. en personne transportée à Augsbourg, vers feu de tresheureuse mémoire l'Empereur Charles, à fin de modérer et mitiguer la rigueur des Placcartz, lors conccuz (1) : et laisser affranchiz de ladicle Inquisition la ville d'Anvers, et le pays de Brabant, et autres qui n'en avoyent esté subjectez. Ce que aussi vers sa Majesté elle obtint (2). Quoy non obstant ledict Cardinal avec ses Créatures et Inquisiteurs, ne cessarent de leurs persécutions et practicques, avec grand murmure du peuple.

Mesmes sceurent bien user d'une grande cautelle, et faire depescher au nom de sa Majesté au commencement de son règne, l'an 53. lettres de Placcart pour donner assistence aux Inquisiteurs (3). Et ores que icelles furent incontinent après revocquees, quant sa Majesté fust informée, de ce, que alendroict de l'Inquisition s'estoit paravant comporté, toutesfois ce causa une véhémente aigreur au peuple, voyant leur desseing.

(1) Apport par le placcarl du moys d'Apnril lijjO.

(2) Appert par le placcart du moys de Septembre 13'JO.

(">) Appert parles lettres de placcart surcc depcscliccs Tan. 1jj5. et les lettres reuocquatoires depuis concédées.

Et avoyent à tant au partemeiit de sa Majesté, l'œil sur ccluy qui seroit commis au gouveinemcnt gênerai ilesdicts pays : de tant plus que les Estatz generaulx, avoyent adonc à grande difficulté peu obtenir de sa Majesté que les soldatz Espaignols, retircroyent du Pays, desquels ledict Cardinal s'entendoit fortifier.

Ce que prévoyant aussi d'extrement ledict Cardinal (lors Evesque d'Arras) combien qu'il entendoiten effect avoir seul ledict gouvernement, fist tant, que le tiltre et nom de Gouvernante, fiist attribué à la Duchesse de Parma, (laquelle alors n'avoit aucune expérience des alîaires, ne humeurs du Pays bas, s'ayant tousjours tenu en Italie, à fin que à ceste occasion elle fusse quasi constraincte de se rapporter à ce qu'il luy persuaderoit.) Et pour faire trouver ses actions meilleurs, que sa Majesté, au paravant partir, ordonnoit ung Conseil d'Estat, auquel furent députez , aucuns des principaulx Chevaliers de l'Ordre, et Nous, (nonobstant nostre refus, comme dict est) entre les autres. Car se sentant tenu ennemi de toutes libertez, franchises, et Privilèges, qui pouvoyent empescher ses desseings , et Chief, Autheur et Promoteur de l'Inquisition et exécution des Placcarts, scavoit tresbien, que ceulx desdicts Pays, n'eussent souff"ertson Gouvernement, sans s'opposer, des la première heure.

Estant doncq le repos et tranquillité dudict Pays sousteniie de ceste umbre, apparence, et couverture, que les affaires se traictoyent par l'auctorité de ladicte Gouvernante,et advis dudict Conseil d'Estat, fust par l'ambition et indiscrétion dudict Cardinal, bien tost après, osté, et descouvert ceste Masque, pource que quasi incontinent après le partement de sadicte Majesté, il commença seul, ou avecq quelques unga dependans de luy, à part traictcr tous affaires d'importance,

/ans les représenter, comme il appartenoit, à ladicte Gouvernante, et communicquer et proposer audict Conseil d'Estat, disant ouvertement aux députez des Provinces et villes, qu'il se falloit à luy et point ailleurs, addresser, pour parvenir à bonne fin et depesche des affaires : et neantmoins soustenant que tous ceulx dudict Conseil d'Estat, debvoyent esgalement respondre des inconveniens , si aucuns advenoyent. Ce que altcroit et sembloit fort irraisonnable à aucuns dudict Conseil, qui en firent aussi remonstrance par lettres à sa 3Iajesté, comme icelle leur avoit ordonné de faire en cas semblables.

Et comme ce pendant d'Evesque il se fist Cardinal. Et le Président Viglius (ung de ses premiers) Prestre, concurrant îe bruict des nouvelles Eveschies et incorporation des Abbayes et prelatures (1), mesmes aussi les déterminations du Concile de Trente (choses resoliies par sa 3Iajesté, avant son parlement, par le conseil desdicts deux, et quelques trois ou quatre aultres, taschans par là assouvir leurambition et avance) fust fort altéré et esraeu le peuple, duquel n'y avoit membre ny estât, qui ne se sentoit grandement intéressé : Tenans les Seigneurs et Nobles que ceste authorité dudict Cardinal, et Nouvelle Introduction d'Evesques (tous dependans de luy) tendoyent à leur dépression, et pour mettre le gouvernement et administration dudict Pays es mains des Ecclesiasticques : et à tant indirectement en priver sa Majesté (à laquelle lesdicts Ecclesiasticques soustiennent,ne debvoir ne pouvoir porter aucune obeyssance,)el tous autres : Et les Abbez, Prelatz, Conventz et Collèges, que lesdicts Evesques se vouloient enrichir de leurs despoilles, mesmes en incor-

(1 ) Appert par les Bulles Papales de Paul 4. et Pic 4.

porant lesdicts Abbayes et Prelatures, leur oster toute élection, et espoir de parvenir aux dignitez accoustumees : Et le peuple, que c'esloil le vray chemin pour abolir toutes libertez, franchises et privilèges, et introduyre l'Inquisition, et renouveller l'ancienne rigeur des placcars, et les reduyre en servitude des Ecclesiasticques:qui ontesté les vrayes causes et sources des diffidences, troubles, et maulx depuis ensuyvies (quant l'on a voulu mettre en exécution ce que ces beaux Conseilliers avoyent persuadé à sa Majesté, lesquels pource en debvroyent estre notez et reprins) Lesquels l'on prétend divertir dudict Cardinal, pour nous en charger, sans couleur ou apparence quelconque.

Et combien que par hystoires l'on trouve, que à moindres occasions sont advenus changemens, esmoticns, et révoltes : si est ce, que en ung peuple si tresaffectionné à son Seigneur et Prince, ne firent encores ces causes leurs cffects accoustumez et ordinaires , pource que l'on esperoit, que les Estats desdicts Pays (recommandez par les debvoirs et services faicts es guerres précédentes) pourroyent divertir l'intention de sa Majesté, et que icelle accommodant ses délibérations au temps, et selon leurs traictez et Privilèges, empescheroil plustost, à la Rcqueste d"ung peuple si loyal et fidel, toutes nouvellitez, et mesmes le progrès des Eveschees, de l'Inquisition, et rigueur de ses Placcarts, que à l'appctit d'ung estranger, et quelques gens incognus, advanceroit nouvellitez si exorbitantes, contre la disposition desdicts temps. Privilèges du pays, ses promesses, et en effect la nature mesme, veu les troubles au mesme temps suscitez en France à l'occasion d'ordonnances et Placcarts, lendans à semblable effect. Combien que ledict Pays n'est si fi'equenté, et de toutes parts enclos et environné des pays suyvants autre Reli-

gion , que la Romaine, comme sont lesdicls pays bas.

De tant plus que desdicts novcllitcz se commençoy?ntaussi à ressentir estrangiers , Archevesques, et Evesques de l'Empire, par l'Erection desdicts nouvelles Eveschees, intéressez en leur Jurisdiction et Diocèse : Et que d'icelles sa Majesté ne pouvoit tirer aultre proulTit, que de coUoequer son auctorit«', en ceulx, qui expressément faisoyent profession de ne le vouloir recognoistre.

Par ces raisons et aultres, que chascun se proposoit selon la capacité de son entendement, et sur tout l'espoir que lesdicts Pays, tant en gênerai, que les particuliers avoyent en la bonté du Roy, ayant tant par sa Majesté que ses prédécesseurs, tousjours esté traictez en raison, et par justice, et selon les droicts du Pays, et estans accoustumez remonstrer ce, en quoy ils se sentoyent grevez , par requeste et doléances, ont bien voulu prendre le mesme chemin, et par iceluy advertir sa Majesté des Nouvellitez susdicts, et inconveniens apparens d'en sourdre, si bien tost ny fust remédié, et à tant de la part de la Gouvernante, et des Seigneurs , estans au Conseil d'Estat, (lesquels ledict Cardinal, comme dist est, soustenoit debvoir esgallement avecq luy estre chargez de tous inconveniens, qui pourroyent advenir) fust envoyé (1) vers sa Majesté par la poste, et en diligence, le Seigneur, Baron de Montigny, Chevalier de l'Ordre, avecq charge etinstruction de remonstrer Testât et nécessité du Pays, et mescontentement gênerai desdicts nouvellitez, que fist surceoir toute ultérieure el particulière poursuyte des nobles, estans des Estats du Pays, esperans par ce, que sadicte Majesté ordonneroit sur lesdictes remonstrances satisfaction, ou du

{l)En Aoust. i'an 1dG2.

moins allcgoment des poincts, d'ont ils se scntoyent intéressez et grevez, Veu que pour ompescher l'inrorporation des Prcliituros et Abbayes, lors vacquantos en Erabant, les Prélats et autres Estais dudict Pays, avoyent au paravant envoyé (1) leurs députez, comme aussi avoyent faict ceulx d'Anvers (2), pour empeschcr l'Inquisition et Introduction de leur nouvel Evesque, que retint lesdicts pays pour quelque temps suspens , et sans quelque esmotion ou trouble, soubs espoir d'obtenir par iceulx leurs députez, quelque bon remède et appoincteinent tel, que Testât des afliures requiroit, combien que le faict de la Religion s'advançoit de touscostez.

De sorte que l'on commencboyt en aucuns lieux à prescber, non seullement secrètement (ce que par aucune rigeur Ton n'avoit oncques sçeu empcscher,) mais aussi publicquement, et nommeement à Valenciennes, Tournay, et qu(>lques aultres lieux, à quoy donnoit, du moins augmentoit les occasions, la liberté de la Religion accordée en France : De tant que leur sembloyt, n'avoir moins mérité vers leur Roy et Prince, que les Franchoys, à l'exemple desquels estanstraictez en plusieurs endroicts, leur semblovt aussi qu'ils meritoyent d'obtenir liberté de leurs consciences , et veoyt-on à l'œil que esdicts pays (environnez d'aultres tous suyvans aultre Religion, comme dist est : Et lequel se doibt entretenir par l'intercours de la marcbandise, fréquentation et conversation des voysins,) estoit impossible de plus obsei'ver les anciennes ordonnances et placcarts au faict de la Religion : Laquelle par iceulx l'on avoit prétendu dcsraciner et extir-

(1) En Fcuricr, Tan 1562.

(2) En May, l'an 1562.

per, Icà où loutesfois l'on îrouvoit par expérience, que aussi en la plus grande r!geur,elle esloit creiie et augmentée : Et que à tant du tout est impossible, par rigeur ellbrcer et constraindre Religion ou conscience, du moins phisavant que à quelque dissimulation.

Ce nonobstant, continuoit ledict Cardinal, d'introduire et mettre en possession les-dicts Evesques, ayant pour soy practicqué l'Archevesché de Malines, (en vertu de laquelle il entendoit aussi demeurer Métropolitain et Primat, Et engloutir l'Abbaye d'Afnigem,la plus riche de Brabant, oultre celle de S. Amand, dont s'estoit desja saisy) et les aultrcs reparti entre gens si mal propices et idoines, que publicquement l'on en mocquoit. Et combien que les-dicts introductions se faisoyent en aucunes villes, sans opposition manifeste, si est ce que l'on s'apparcevoit aisément du mescontentement, que plusieurs en recepvoycnt, et s'opposoyent aucuns, nommeement ceulx d'Anvers, Groeningen, Leewaerden, Devcnter, Ruermonde, assez ouvertement.

Et estoit aysé d'entendre, à quoy ces menées tendoyent, puis que le Cardinal (qui dominoit pardessus tous les consaulx, et la Gouvernante mesme. Et qui à tant avoit auctorité et pouvoir absolut) devenoit chef de tous ces Evesques, qui par leur inidoneité et inexpérience, tous devoyent dépendre de luy, et que à tant usurpoit plus d'auctorité qu'onques Prince dudict pays avoit eu, et qui pour maintenir, confirmer, accroistre et augmenter icelle par moyens violens, avanchoyt le faictde l'Inquisition, et exécution des-dicts placoarts. Et pour gratiffier, avoit moyen de à sa recommandation, faire donner, distribuer, et conférer tous offices, bénéfices et mercedes du Roy, et de ladicte Gouvernante, sans le moyen qu'il avoit de par soy et par lesdicts Evesques : et à

tant s"avoit ouvert le vray chemin, pour gaigner, acquérir, et maintenir auclorité sur le Roy et ses pays : Et d avantage pour eslre adverty au vray de ce que passoit par tout, et entretenir les Roys et Princes voisins, avoil quasi de sa main et à sa poste, tous les Ambassadeiu-s, agens et députez de sa >lajesté : et entre autres, son frère propre, qui mist les affaires de France en tel estât, que pour le bien et repos dudict Royaume, la Roynerequist tresinstamment, sa Majesté, l'oster de là.

A quoy qui voudra prendre regard, pourra facillemenl juger, qui estoil qui pretendoit sur Tauthoritéde sa Majesté: Nous qui n'avions aucuns desdicts moyens, et recepvions que mescontentement de toutes nouvelletez : Et que nous estions plus de unefois déportez du conseil d'estat, et celluy de Chief des finances, et ne desirions riens tant que d'estre aultresfois déportez dudict conseil d'estat, et aussi par après de nos Gouvernemens, et d'icelluy Conseil, Ou ledict Cardinal, qui par nouvelletez, et moyens si extraordinaires, de faict, declaroit, avoir la-dlcte aulhorité, tendant par iceulx à se confirmer et maintenir en icelle, voire plus grande que oncques Prince avoit eu audict Pays.

Certes, nous pensons que ceulx qui prendront regard, et jugeront de ce que dist est, sans affection, ne trouveront moins absurd, que Ton nous prétend en ceste partie accuser, que si l'on vouloit excuser ledict Cardinal,

Or ayans les députez des Prélats par moyen d'argent et Pensions, obtenu que l'on ne procedoit à l'incorporation des Abbayes : et lesdicts d'Anvers, que l'on ne les molesteroitde l'Inquisition, et useroit avec(i eulx de connivenre, au regard de l'introduction dudict nouvel Evesque : Et estant ledict Seigneur de Montigny retourné sans resolution souffisanle,

pour remédier aux autres inconvcniens, et par le peu d'esr)oir du r addressement des affaires, veu que par moyen deslicts pensions, l'on advançoit le faict desdicts Evesques (i'in- ,roduction desquels n'estoit que la vraye Inquisition,) Et que 'on pretendoit indirectement priver lesdicts d'Anvers de 'effect de ladicte connivence, les vueillant reduyre en pouroir dudict Cardinal, et sous l'Archevesché de Malines, trouva la Régente en Conseil, d'aultresfois représenter à sa Majesté Testât des affaires, et signamment de Valenchiennes ctTournay, où sembloit par tout impossible, contenir le peuple de l'exercice de la Religion, sans continuelle garnison et garde. Et fust par son Alteze envoyé vers sa Majesté son Conseillier Armenteros (I), que lors finablement fust résolu par sa Majesté que ledict Cardinal, apparent autheur de toutes altérations et mescontentemens, s'absenteroit desdicts Pays, que donna derechef quelque contentement et espoir d'amendement des affaires au peuple. Et fust en effect cause, de tenir autresfois lesdicts Pays suspens, et sans procéder à ultérieure altération.

Mais comme les créatures dudict Cardinal continuoyent es mesmes nouvelletez,el traictoyent,en son absence,les affaires au mesme ordre qu'il avoit observé, retournèrent ])ien tost les mesmes desordres : Estant impossible d'y remédier pailes dissentions, qui estoyent entre les trois principaulx consaulx : Assçavoir, celluy d'estat, privé, et des finances, tous trois en effect dominez par ledict Cardinal et ses créatures : Mais tellement qu'ils ne pouvoyent entre eulx venir à correspondence. Enquoy faict à noter la notoire malversation et calumnie dudict Cardinal, qui, pour empescher que les autre^

1) En l'un I5G4.

dudict conseil d'estat, ne pourroyent faire à sa Majesté les services qu'ils desiroyent, les avait entièrement privé d'accès et correspondcnce des finances et justice, où que toutes ordonnances de policie et aultres se decretoyent : Sçaichant que sans sçavoir Testât d'icelles,estoit impossible de bien délibérer et resouldre sur plusieurs affaires d'importance : et pour par là aussi retenir et establir son authorité. Et neantmoins tasche de accuser nous et aultres de crime de lèse 3Iajesté, pour ce que, pour le service du Roy, avions désiré, que les secrets des-dicts finances fussent communicquez audict conseil d'estat, comme nécessaire , pour s'acquiter en icelluy de son debvoir, là où luy, et après luy le Président Viglius, ont dominé à tous trois les-dicts consaulx, comme si à luy et les siens, de droict toute authorité appartenoyt, et que ce fust au contraire crime et delict exécrable aux aultres, requérir qu'on transporta une partie de ladicte authorité. Non en nous qui offrions de partir dudict conseil, mais en ung entier et souverain conseil : qui est la sincérité de laquelle l'on procède, pour le présent, au pa\s bas, pour conserver (comme l'on prétend) l'auctorité de sa Majesté.

Estant doncq les affaires tellement reparties, qu'il esloit impossible àceulx dudietxonscil d'estat (que l'on prcteiidoyt, comme distest, charger de tous inconveniens qui pourroyent survenir) par faulte d'aulhorité et intelligence avecq les aultres, prévenir et remédier à iceulx, et par là advancher le bien et service de sa Majesté : et voyant le peuple que les nouveaulx Evesques par leur inidoneité, vie, et conduyle si désordonnée, que la Gouvernante fust constrainete les aj)pelier et reprendre, ne pouvoyent servirpour mettre quelque bien audict pays, et se descouvrant par les insolences, menaces, et manières défaire, d'ont eulx, et ceulx de leur sequele.

usoyent, qu'il csloit n^solu à Rome (1), que chacun Evcsque auroyt neuf ProlxMufos affectées à l'assistence de l'Inquisition, mesmes deux d'icelles pour deux Inquisiteurs : Et que à tant ils ne scrvoycnt que pour advancheret establir ladicte Inquisition, pour par moyen de sa Majesté obvier aux maulx, qui de ce (jue dist est, f;pparentemcnt pouvoycnt soudre,fust trouvé en conseil, d'envoyer (2) vers icelle, le Prince de Gavre Conte d'E?mont, qui à son retour donnoit grand espoir et apparence d'amendement et redressement des affaires au royard de la mitigalion (!es placcarfs, et abolition de l'Inquisition : Desquels l'on veoyt ouvertement, defaict, et par expérience, tant par l'exemple de France (comme cy devant a esté demonstré,) comme aultrement, que deppendoit l'altération ou appaiscmcnt dudict peuple : Et ausquels à tant, cl point à nostre pretendr.e ambition, se doibt référer tout ce que depuis est ensuyvi. Et furent à l'effect que dessus, de faict assemblez (3) trois Evcsqucs, trois Théologiens, trois faisans profession du droict Civil, et trois aultrcs du droict Canon, lesquels ayans donné quelque advis sur ladicte mitigation, estant ledict advis envoyé à sa Majesté, n'a icelle, (par l'instigation dudict Cardinal et aultres, estans à ses oreilles) à icelluy (combien que fort rigoureux,) ne aux remonstrances précédentes, prins aucun regard.

Commandant expressément au fin de l'an G5. que sans ultérieure rcplicque, l'on procederoit à l'introduction desdicts nouveaux Evesques,- n'estans encores en possession, publication des Decretz du Concile de Trente, et à donner

(1) Appeil par 1rs sasditti s Euilcs l'apalos, et la consulte de sept Canlinaulx.

(2) Au commencement de Tan iSGo.

(3) En l'Eslo, Tan 156o.

aux Inquisiteurs l'authorité, que de droict Civil et Canon leur appartient, et au surplus à l'exécution des Placcarts en effect, en toute rigueur, et au pied de la lettre.

Dont furent incontinent envoyez copies et extraicts (1) contenans ce que dessus, à toutes les villes, et leur enjoincl et commandé, de se conformer à la resolution et commandement de sa Majesté, qui fust la seconde et principale cause des altérations, maulx et inconveniens depuis ensuyviz, ayant pour source, l'ambition dudict Cardinal, et non la nostre, et la diffîdence par luy causée, par les nouvellitez susdicts, entre le peuple, comme appert evidamment par ce que dist est, et se (2) confirme par les ensuyvies doléances des villes de Brabant, et membres de Flandres, et autres, ensemble par la confédération qui se list bien tost après, entre aucuns Seigneurs et Gentilshommes, contre l'Inquisition et rigueur desdicts Placcarts.

N'ayant aucune apparence, que le Procureur gênerai prétend, que aurions esté cause de ladicte confédération , pai' avoir persuadé à aucuns, que l'intention de sa Majesté estoit, d'inlroduyre l'Inquisition d'Espaignc(3),commesi plustost la qualité et forme de l'Inquisition, que l'effect, et exécution faisoit altérer les gens. Chose de tant plus absurde, que ce n'est la qualité de la mort, que faict craindre, altérer, et esmouvoir les gens, mais la propre peur d'icelle, mesmes au cas présent, ou par l'adjection de ce mot d'Espaigne, ne qualité, ne espèce de supplice se changeoit, ains seuUemeni le nom gênerai, de l'Inquisition se restraindoit à celle d'Es-

(1) Appert par rcxtruicl des Icllres Uoyalcs, enuoyé partout par lellr. ^ delà Gouvernante, du 18. de Décembre 15G5. Amhedeux au fin inserez.

(2) Appert par les remonslrances et requesles exhibées en court.

(3) Motz repriitn hors la citation.

paigne, qui n'est cause souffi.sanle pour faire aucune altération ou esmotion, combien que pour respondre plus péremptoirement, disons, que ce n'estoit,nc en nous, ne en autres, persuader, que sa Majesté entendoit, introduyre l'Inquisition d'Espaigne, puis que au paravant n'avoit esté aucune question d'icelle Inquisition. Et que par après, par les lettres de sa 3Iajesté divulguées, en manière susdicte, estoit expressément déclarée la forme de l'Inquisition, que l'on entendoit advancher, par où promptement se trouvoyent convaincus, ceulx qui par moyen de ce mot d'Espaigne, entendoyent inciter et esmouvoir le peuple.

Ayant adoncq l'Inquisition spécifiée et déclarée par le^dictes lettres de sa Majesté, esté cause du mescontentement, s'ensuyt que à elle, et non allieurs, se doibt référer tout ce qui est ensuyvy, (veu que tout ultérieur espoir de remède failloil) et consécutivement, qu'il n'est vray que par noz inductions et impressions semblables , plusieurs subjects seroyent rebellez et eslevez contre sa Majesté, et que aurions premièrement seduict, corrompu, et incité une grande partie de la noblesse(l), tellement qu'ilz auroyent faict ligues, conspipations, et conjurations, et juré par icelles se deffendre et fortifier contre sa Majesté et ses ordonnances, de tout temps gardées et observées, s'estans les assemblées à ceste fin faictes en noz maisons, tant à Breda que à Bruxelles. Et ({ue par ainsi aurions esté chief, autheur, promoteur, faulteur et receptateur de rebelles, conspirateurs, conjurez, machinateurs et perturbateurs du bien et repos public.

Car n'appert d'aucune rébellion et esmotion, que seroit faicte contre sa Majesté : et de laquelle serions tenus de respondre. Et ladicte confédération a esté faicte non à nostre

(1) Ce sont mots cxprcssez en la citation.

occasion, mais à raison des diflicullcz causées de ladicte Inquisition et Piaccarts, Et que l'on contravenoit aux promesses faictes l'an cincquante, Iv. Ixij. Ixv. et en autres temps, comme cy devant a esté remonstre, et sedoibtà iceulx et à l'ambition dudict Cardinal, comme dist est, imputer la perturbation du bien et repos publicq : Et non à persuasions et impressions si frivoles, comme de l'Inquisition d'Espaigne et semblables, n'estant ccste allégation, moins absurde, que le propos d'iceluy, qui pensoit obvier à toutes altérations par dire que ce que le Roy cntendoit establir, n'estoit l'Inquisition, mais seullement Visitation , comme si l'on prenoit plus de regard aux paroUes que au faict, et l'on fust plus pour s'altérer à ces motz d'Inquisition, ou d'Espaigne, que par la rigueur et cruaulté que l'on avoit veu, et craindoit par l'exécution des Piaccarts.

Et disons cà tant, que par ladicte confédération et doléances, et tout ce qu'est ensuyvy, s'est seullement monstre en ('ifect, ce que en plein conseil d'estat auparavant avions predict à Madame la Gouvernante, que craindions debvoir advenir, à sçavoir, que ladicte resolution de sa 3Iajcsté, causeroit quelque grande altération , mesmes par l'espoir que plusieurs avoyent reccu par le retour et rapport dudict Seigneur Conte d'Egmont.Et ayant escript(l) en eflectle mesme à son Altcze par après, nous a confessé par sa response (2), qu'elle s'appo,;cevoit clairement que ladicte resolution estoil cause de toutes altérations, à laquelle à tant, comme dist est, se doibt aussi référer ladicte confedeiation, faicte sans nostre sceu et adveu. Et de laquelle estans advertiz quelque peu de temps (comme de quinze jours ou environ) au paravant

(l)et (2) Appert par ces deux missives, envoyées au cuinmcncement Je l'an 156(5.

que lesdicts confpdercz se trouvoyent en court, déclarions ouvertement et rondement, qu'elle ne nous contentoit, et que ce ne nous sembloit eslre le vray moyen, pour maintenir le repos et tranquillité publicque.

Bien vray est, que ne l'avons estimé pour rébellion, conspiration, ou conjure, pour ce que lesdicts confederez s'arrestoyent fermement sur ce poinct,qu'ilz n'entendoyent riens faire ou entreprendre contre le bien de sa Majesté, et du Pays, (1) estansà nostreadvis inséparables, et que la commune opinion, confermee par expérience, portoit , que ladicte Inquisition et rigueur des Placcarts, ne pouvoyent revenir à bien, et que par les exemples que au paravant avions veu en Allemaigne, France, Angleterre et Escosse, estions contraincts de confesser, que la resolution de sa Majesté, en ceste partie, ne pouvoit apporter que grand desgast, désolation et ruines desdicts Pays, sans advancer le desseing d'icelle, là où au contraire l'on veoyt, que les Pays ayans liberté de Religion, du moins de conscience, et où ladicte Inquisition et rigeur des placcarts ne sont observez, s'entretiennent en repos et tranquillité : qui monstre evidamment, que vivre sans Inquisition en liberté de conscience, est aultre chose, que vivre en toute dissolution , et sans loy ou riegle, comme aucuns fausement et calumnieusement prétendent : Ce que les Princes d'Allemaigne, etaultres, qui ont le repos et bien de leur Pays, aultant recommandé que sa Majesté, ne vouldroyent aucunement soulfrir : 3Iesmes si par là faisoit à craindre que s'ensuyvroit quelque desobeyssance.

Et estions de tant plus confirmez en ceste opinion que lesdicts confederez ne se monslroyent obstinez, et qu'ils entendoyent obtenir leur requeste à toute force, ains requiroyent

(1) Appert par les motz exprès, de la soubzsignco confédération.

seullement, (1) que sa Majesté (laquelle ils disoyent esti'c abusée, par aucuns qui soubs umbre et pretext de Religion, pretendoyent assouvir leur propre ambition et avarice) voulsist entendre leur querelle et requeste, et sur icelle ouyr l'advis de ses Estats, s'offrans rigler et conduyre, selon que lors par icelle, deiiement informée , seroit ordonné, sur le faictde la Religion. De sorte que estant en cecy rébellion, conspiration, ou conjure, elle debvoit estre en ce que les confederez requiroyent, que regard, fust prins à leurs remonstrances, où en ce qu'ilz requiroyent que lesdicts Estats fussent ouys : Ou, que generallement et sans distinction, toutes confédérations sont à reputer du mesme : Dont confessons que ne pouvons riens approuver. Car selon nostre discours, se peull ung Prince abuser : et est à tant raisonnable, que le subject, vassal, et quiconque est intéressé, luy puisse faire remonstrances. Et sont loiiez les Empereurs et Roys, qui se ont laissé reprendre de personnes particulières, pour ce qu'il leur sembloit, qu'ils n'attendoyent à leurs requestes et doléances, comme celluy qui souffrit qu'on luy dist en pleine rue : Si ne vueillez entendre à noz querelles, ne vueillez aussi imperer : Et l'autre, que combien qu'il estoit Roy et Souverain, souffrit qu'une vielle appelloitde luy, pource que (comme elle disoit) il n'entendoit à son affaire. Et puis que l'on est au Pays bas en cas d'importance, el dont honneur et bien, tant de l'universel que du particulier dépend, accoustumé se rapporter aux Estats, lesquels à cest effect, de tout temps, selon leurs Privilèges, et mesmes, par feu de tresheureuse mémoire l'Empereur Charles, ont par plusieurs fois, pour occurrences de semblable et moindre

H) Appert par la requeste des confederez, et la rcsponse Amijcdeiix au fin inserez.

importance, mesmcs au faict de la Religion, esté assemblez: Ayant aussi à leur advis en Fan xxxi. faict l'ordonnance et l'iaccart lors publié, comme appert par le text et narrée (l'iceUuy, Pensions n'estre deffendu de requérir ce que on voyt estre faict et usité en cas semblables. Et a t-on trouvé plusieurs confédérations et alliances bonnes et sainctes, comme celle des Macbabees et autres faictes, et qu'on pourroit encores faire pour l'honneur de Dieu, et prospérité des Princes et Pays. De sorte que à nostre advis, l'on ne peult desdicts poincts inférer aucune rébellion.

Car quant à ce que ce pendant lesdicts confederez avoyent promis et jurez, de se conserver,ayder,et défendre contre ladicte Inquisition et Placcarts, puis que par moyens tels que dessus, l'on pouvoit faire cesser ladicte promesse, Et que estant apparu que icelle estoit contre le bien de sa 3Iajesté, ils offroyent en effect, par leur requeste, s'en départir, et obeyr à ce, que par l'advis desdicts Estais, seroit ordonné, nous sembloit absurd, puis que veneurs et autres qui se meslent de dompter bestes irraisonnables, s'employent à les oster la fierté, sauvaige et farouche, par diligence, accoustumance et nourriture, plustost que par coups de fouet et rudesse, que le Roy, par les sinistres instigations, dudict Cardinal et ses sequaces, à vassaulx et subjects si loyaulxet fidèles, useroit plustost de rigueur et rudesse, que de quelque doulceur et clémence, pour les entretenir à sa dévotion accoustumee : surceant (du moins pour quelque temps) l'exécution de ladicte Inquisition et Placcarts, que à tous sembloit que l'on ne pouvoit advancer, ne en ce temps là continuer, sans tresapparent dommaige, interest, et préjudice de sa Majesté, et des pays : veu mesmes que par les guerres précédentes, comme dist est, l'on avoit desia en ef-

fect, en partie suspendu et modéré ladicte rigueur, et que à tant icelle estoit venue en quelque discontinuation, et que les diversitez et changemens depuis de tous costez survenus, ne sembloyent aucunement souffrir, qu'elle fust renouvellee et remise.

Et se sembloyt à ce que dist est, aussi conformer la Gouvernante, laquelle auparavant là venue, desdicts confederez, disoit desia avoir pense à la modération (1) desdicts Placcarts. Et avoit desia ouvertement de la part de sa Majesté, déclaré, quicte de ladicte Inquisition le Pays de Brabant (2), et ne faisoit, ne dez le commenchement ne par après (du moins jusques à nostre partemenl) semblant de tenir ladicte confédération, et requeste sur icelle présentée, pour rébellion. Ce que avons bien voulu remonstrer, point pour entrer en formele contestation, au regard de ladicte confédération, laquelle, par ce que dist est, ne nous touche, ains seullement pour monstrer que n'avions raison, de seul tenir les-dicts confederez pour rebelles, et comme tels les forclorcde l'accoustumce fréquentation, et conversation de noz maisons, esquelles sommes asseurez, que de nostre sceu, aucune assemblée n'a esté faicte contre le bien, honneur et prospérité de sa Majesté.

Et n'avions à tant, et puis que Madame, par le commandement du Roy et advis de tous ses consaulx, secondoit lesdicts confederez, jusques à leur promettre par lettres signées de sa main, et scellées de son seau (3), que à cause de la-

(1) Appert par le propose concept (in nouveau cdict.

(2) Appert par l'appoinctement, donné le 2i. de Mars, l'an 1566. stil commun, qui s'cscript 1565 slil de Braliant.

(3) Appert par les lettres d'asseurances, datées du 25 d'Aoust 156C cy après insérées.

dicte confédération, et ce qu'cstoit ensuyvi, riens ne leur seroit imputé, raison de les traicter ou tenir en aultre estime : et dire que Madame l'aurcyt faict à aultre fin, et seuUement pour les endormir, et s'en servir contre ceux, qui s'estoyent débordez au brisement des imaiges, ne faict riens contre nostre intention.

Car combien que par là l'on pourroyt inférer, que nostre opinion ne s'est point extendue si avant, si est ce toutesfois ([ue au poinct de les entretenir en conversation, hantise et fréquentation, Nous venons à concurrir en l'opinion du Roy, et de son Alteze. Et que à tant par là avons advanché,et non empesché ou retardé le bien et service de sa Majesté, ou du moins que par ladicte déclaration de sadicte 31ajesté et son Alteze, avons esté abusez, que suffîst de nous excuser de toute prétendue receptation et promotion, puis que lesdicts confederez, ou du tout ne sont et n'ont esté rebelles, ou pour le moins n'ont esté par sadicte Majesté, son Alteze et la commune, tenuz pour telz : estant notoir que ung commun erreur, et principallement causé de Roy et Prince, à force de loy et de droict.

Et en conformité de ce, «ous a sa Majesté escript de sa main propre, au mois d'Aougst (1), et à tant, après que ladicte confédération, et présentation de requeste, estoit venue à cognoissance d'icelle, qu'il se tenoit trescontent de noz services, et ne nous scavoit mauvais gré de tout ce que estoit passé. Et que ne nous debvions laisser persuader, le contraire, et mcsmes qu'il se confioyt entièrement à nous, Et n'adjoustoit nulle foy à ce, que quelques malings nous

(1) Appert par les lettres du Pioy. du prcniior d'aoust 156G. d'ont la traduction est après insérée.

blasmoyent, lesquelz disoit faire mauvais office, et plusieurs propos semblables.

Et considérant cest affaire, comme il appartient, n'avoit sa Majesté raison, par ce que dist est, d'en juger aultrement, veu que auparavant ladictc confédération, avions assez déclaré que nostre opinion portoit, que l'Inquisition etrigeur des Placcarts, ne se pourroyent remettre sans altération et inconveniens, et successivement requiz (1), d'estre déporté de nos estats et gouvernemens, estant sa Majesté par là assez advertie, que ne tiendrions semblable confédération pour rébellion, et nous retenant csdicts Estats et gouvernemens, accordoit assez (du moins tacitement) continuer en ladicte opinion, et ce qu'en dépend.

Etna à tant aucune apparence, que l'on nous prétend baptiser Chiefz,autheurs, faulteurs,promoteurs, et receptateursdes rebelles (2), puis qu'il n'apperraque ayons, comme telz, aucuns receu, favorisé, pourveu, ou authorisé. Et ne se trouvera, que ayons aucuns desdicts confederez, ou aultres, prins en nostre particulière protection et sauvegarde, Dont toutesfois l'on nous prétend aussi accuser, par où l'on peult entendre, de qu'elle Justice l'on us'e pour le présent, au Pays bas, puis que pour causes si notoirement mal fondées, et moins que véritables, l'on a, non seuUement saisy et annoté nostre bien, mais aussi le confisqué et emmené partie d'icelluy, commenchant par exécution, contre tout ordre de droict. Et monstrant par là évidemment, que sans pi-endre regard à justifications ou deffenses quelconques, l'on est d'intention, soubs manteau et couverture de justice, exploic-

(1) Appert par les lettres envoyées au Roy, le 14. de Ining. laGG.

(2) Motz (le la citation.

1er toutes sortes de violences, et en effect administrer, Pro stimmo itire, sunimam iniuriam.

A quel effect, l'on nous accuse aussi, que aucuns confederez, se seroyent mis en armes, en divers lieux et campaignes, sans prendre regard que ne sommes tenus de rcspondre du faict d'autres, Et que ne pouvons estre chargez, de ce que aucuns desdicts confederez, pourroyent par après estre devenus rebelles, puis qu'ils n'estoyent tels, ou pour tels reputez, du temps qu'ils hantoyent et frequentoyent nos maisons, et que tout ce qu'en ceste partie s'est faict, est passé, non seulement sans nostre adveu, mais aussi à nostre indicible regret, et ioing de nous, estans pour lors en Hollande, où, et non ailleurs, debvions faire levées, vuellans par force usurper sur l'authorité de sa Majesté, estans les villes et forteresses à nostre commandement.

Mais n'ayans rien en pensée, que, suyvant nostre cominission et charge expresse de Madame , pacifier ledict Pays, ensemble les Provinces de Zeelande et Utrecht (toutes de nostre gouvernement) et les retenir en l'obéissance de sadicte Majesté, Nous sommes de tout nostre pouvoir employez, pour nous bien et fidellement acquiter de ladicte charge, Dont les Presidens, les Consaulx, Estats, Officiers, et Magistrats des villes desdicts pays, nous pourront rendre bon tesmoignage : et si jamais leur ayons tenu propos, que, pour les animer en obéissance, fidélité, el service de sa Majesté, comme avons faict aussi tous aultres , où avons eu quelque administration ou authorité.

Ce que se demonstre bien ouvertement, par ce, que nonobstant toutes ces garbouilles, nous avons avecq la grâce de Dieu, precavé, que place, ne ville, ne fort, de nos gouvernemens , soit destruit, ou saccagé, ne diverty.

de la dciie obéissance du Roy, ne de la Régente.

Et de la mesme forge procède, ce qu'est inséré en la Citation du Conte de Hoochstraten (à tort diftamé d'avoir secondé à nos ambitieux desseings) Que à Hoochstraten avions tenu plusieurs suspectes communications et practicques , et que cà Denremonde aurions avec ledict Conte d'Egmont, et le Conte de Bornes, et dudict Hoochstraten , arresté de prendre les armes contre sa Majesté, et empescher la veniie d'icelle, avecq force, au pays bas. Car nous nous rapportons aux Seigneurs, qui ont esté audict Hoochstraten, quant y estions, s'il y eust aultre question, que de faire bonne chère, et nous entreveoir,et festoyer quelques Seigneurs estrangiers, comme amis et alliez par ensemble, et ne se vérifiera jamais, que y soit conclu quelque chose, qui pourroit estre suspecte, ou practicqué aucun desservice de sa Majesté.

Aussi ne se trouvera, que ayons audict Denremonde, ou ailleurs, traicté d'empescher la venue de sa Majesté, avecq forces, ou autrement : Car combien qu'estions advertis, que l'on interpretoit sinistrement toutes nos actions, vers sa Majesté pour divertir la bonne affection, que icelle nous pouvoit porter : Et qu'estoit venue entre nos mains, copie, de certaines lettres , escriptes de Don Francisco d'Alava, Ambassadeur de sa Majesté en France, à la Duchesse Gouvernante (1), contenant que les trois y désignez (qui estoyent lesdicts Contes d'Egmont, et de Hornes,et Nous) seroyent en temps et lieu chastiez, comme ils meritoyent, jusques auquel temps, l'on nous debvroit tenir toute bonne mine, et en effect, que à nous faisoit à imputer tout ce qu'estoit advenu audict Pays (qui estoit la principale cause de l'assemblée

(1) Appert par deux ses lettres, envoyées au moysd'Aoust, l'an 1366.

audict Denremonde.) Toutesfois nous confîans à plain sur nostre innocence, n'arrestames aultre chose, que de communicquer le contenu desdictes lettres à son Altcze, et luy demander rondement ce qu'en esloit : bien y furent traictez (juelques aultres poincts, concernans ceulv qui y estoyent, et leurs actions en particulier : Dont nous tenons, que les- (licts deux Seigneurs prisonniers, en ont faict suffisante déclaration. Pourquoy et qu'elles sont ici impertinentes, et qu'il faict à présumer, que en ceste partie l'on se tient (du moins en nostre endroict) pour appaisé, puis que desdicts deux assemblées, ne se faict aucune mention, es lettres patentes de nostre Citation, n'en fe'rons plus ample discours.

Adjoustant seullement que qui auroit preveu les forces et violences, dont pour le présent on use au Pays bas, et se seroit mis en debvoir pour les empescher, suyvant les contracts de la Duché de Brabant,et son serment et obligation, ne seroit paradventure reprenable d'aucune rébellion, et pour ce faire, eust on trouvé plus de moyens, que nos adversaires ne pensent, si la presumption qu'avions de la bonté du Roy, et que à l'appétit d'ung Cardinal de Granvelle, il ne gasteroit, destruyroit, et ruyneroit Pays si affectionnez à son service, et par conséquent, soymesme, ne nous eust diverty de semblables pensées.

Et venants à tant aux aultres poincts de nostre citation, nommcement celluy, qui porte, qu'aurions assisté et conseillé le Seigneur de Brederode, Chief (comme l'on prétend) des rebelles susdicts, à fortifier sa ville de Viane, contre sa Majesté (1), confessons, qu'estans quelque année au paravant ces altérations, venuz à Viane : Et Nous déclarant ledict Seigneur de Brederode, que par Testament, et dernière

(1) Molz de la citation.

voliinté, de feu son Seigneur et pcre, luy cstoit enjoinct et ordonne, de continuer la commencée fortifîcatioîi de sadicte ville et maison, Nous requirantsur ladicte fortification, vouloir donner nostre advis, que l'avons faict, par où se peult inférer, qu'avons donné advis audict Seigneur, pour exécuter la dernière volunté de son feu Seigneur et père trespassé. Mais nullement, qu'aurions assisté, et conseillé au Chief des rebelles, fortifier ladicte ville contre sa Majesté, Pourquoy et que donner advis sur la fortifiîcation de quelque lieu, n'est crime de lèse Majesté se voyt clerement, que par ces accusations, l'on ne tend que à calumnieusement déguiser la vérité, et opprimer l'innocence.

De tant plus qu'aux Pays bas à tous Seigneurs et Gentilshommes ayans povoir, et commodité, de tout temps a esté parmis, munir et foiliffîcr leurs places. Desquelles on voyt beaucoup qui d'ancienneté et depuis, ont, en vertu de ccste liberté, esté fortifiiez, tant aulx frontières que au millieu et fin cœur des-dicts Pays : laquelle fortiffication estoit autant plus permise audict Seigneur de Brederode, qu'il tenoit et t posscssoit ladicte ville de Viane en toute souveraineté. Et 1 combien que sur ce poinct, ses prédécesseurs avoyent esté, i passé long temps, en procès et litige : Ce nonobstant, estoit

iil demeuré en possession, et saisine de ladicte souveraineté. Et regardant plus près ledict advis, l'on trouvera la grande absurdité et iniquité, de ce que sur icelluy,ron prétend fonder uug crime de lèse Majesté, pour ce qu'il n'a esté donné sur le principal poinct, assçavoir, si fortiffication se debvoil faire, ou non, d'ont ledict Seigneur de Brederode ne faisoit doubte ou difliculté aucune, ains seullement sur la qualité et forme de ladicte fortiffication : Lequel à tant ne pouvoit estre ensuyvi, sans que l'aultre poinct preallablement fust

vuydé, conclud, et arresté, Duquel Icdict Seigneur de Brederode seul seroit tenu de icspondre, et ne faict riens que ladicle fortiffication a esté depuis lesdicts' altérations mise en œuvre : Car estant l'advis donné auparavant, regard doibt estrc prins audict temps.

Quant à ce que l'on prétend que aurions souffert, que ledict de Brederode auroit enrollé gens de guerre en la ville .d'Anvers, au veu et sceu d'ung chascun, contre les expresses ordonnances lors nouvellement faictes et publiées, et iceulx embarqué vers ladicte ville de Vianen , avecq toutes munitions de guerre (1), servira de responce, que combien qu'estions venuz en ladicte ville d'Anvers, seullement pour contenir icelle en repos, et en l'obeyssance de sa Majesté : Dont peult apparoir par lettres de la Gouvernante (2), envoyées quant et nous, au Magistrat de ladicte ville, et mesmes par confession dudict Procureur, contenue en ladicte Citation : Si est ce que ayans entendu dudict enrollement , et où il se faisoit, l'avons déclaré audict Magistrat , et au 3Iarcgrave principal Officier d'icelle, et auquel appartenoit de poui-veoir à ces et semblables occurences, et luy commandé, suyvant la cbarge que Madame nous avoit donné par lettre sur ce envoyée, appréhender et saisir au corps ceulx qui le faisoyenl. Surquoy estant ledict Jlarcgrave de nous party, et ayant au lieu que luy avions designé, trouvé ceulx que l'on disoit faire ledict enrollement, à table, se mist avecques eux, rapportant par après qu'il n'avoit trouvé, que l'on y faisoit enrollemeiU. qui donna aux sus-dicts opportunité de se retirer secrètement.

Bien vray est, que long temps, auparavant ces altérations,

(l)Ce sont niutsri prins en la Citation.

(2) Appert parles lettres, datées du 12 de luHcl i'ÔGG.

avons faict présent audict Seigneur de Brederode, de trois pièces d'artillerie, lesquelles, par après, avons faict fondre à Utrecht (ville de sa Majesté) au vea de tout le monde, et avons envoyé audict Seigneur, mais long temps auparavant ledict enrollement, et estant ledict Seigneur encoires au service de sa Majesté, et tenant d'icelle une compaignie d'ordonnance. De sorte, qu'il n'est moins absurd, nous vouloir imputer ledict don et présent d'artillerie, que si l'on vouloit charger ceulx qui ont advanché ledict Seigneur de Brederode à ladicte compaignie, veu mesmes que ledict de Brederode, asseuré par la Gouvernante, authorisée (comme dist est) par sa Majesté que riens ne luy seroit imputé de tout ce que jusques alors estoit passé, n'avoit raison de se fortifier contre icelle : ne Nous , apparence de refuser l'exécution et accomplissement dudict don, que auparavant luy avions faict, et qu'il sçavoit estre prest et destiné pour luy, et si près de Viane comme est Utrecht.

Venans à tant au poinct de ladicte Citation , contenant, qu'avions deffendu à aucunes places et villes de sa Majesté, de recepvoir garnison d'icelle, et entre aultres, en Zeelande, où aurions envoyé gens exprès, pour la surprendre, et par ce bout, forclore et empescher le passaige de sa Majesté, par Mer (1). Pour autant, que touche le poinct de ladicte garnison, ne pensons avoir oncques usé des propos qui pourroyent donner occasion d'excogiter ceste accusation , et faict à présumer,si nostre partie en eust preuve souffîsante,que l'on ne fauldroit de spécifier le temps et lieu, veu que à ladicte spécification tous accusateurs, de droit, sont tenus et obligez : et neantmoins comme entre aultres est nommé Zeelande, voulons bien confesser, que cognoissans et ayants par plu-

(l) Molz contcnuz en la cilation.

sieurs fois représenté au conseil, l'Importance dudict pays, estans advertis, que se traictoit quelque emprinse sur icelluy, y avons envoyé le Seigneur de Bouxtel , affin que sans nostre ordonnance, l'on ny accepta gens de guerre : comme cest l'ordinaire, que es Provinces dudict Pays, ne se face sans commandement du Gouverneur d'icelles, et ayans receu advcrtissement du Capitaine de Zeeburch, (qui est forteresse en risle de Wakheren , partie de ladicte Zeelande, estant toute de nostre gouvernement) (1) que deux cents souldarts y estoyent arrivez, de la part de ladicte Gouvernante, pour entrer en ladicte forteresse, et qu'il ne les pouvoit recepvoir, tant pource qu'il craindoit quelque esmotion de ses gens, n'estans payez, et lesquels à tant apparentement ne souffriroyent que aultres plus forts que eulx entrassent, comme aussi pour l'estroictcsse des vivres, et de la place, luy avons mandé, que trouvions sesdicts raisons bonnes , et qu'il ne debvoit recepvoir lesdicts souldarts, sans ultérieure charge de Madame, et de Nous, comme Gouverneur. Desquelles difficultez, estant aussi advertie par ledict Capitaine ladicte Gouvernante, estant en effect de semblable opinion, luj fist envoyer payement pour sesdicts souldarts : Et ordonnoil desdicls !200, seullemcnt recepvoir les oO. qui depuis y sont entrez, comme le mandions audit Capitaine, par nos lettres. Dont estant rapporté à ladicte Gouvernante, qu'avions commandé, par ledict Seigneur de Bouxtel, par toute ladicte Isle, ne recepvoir garnison, oires qu'il fust envoyé de par son Alteze, nous avons bien voulu excuser par lettres, combien que audict temps semblable ordonnance n'eust esté impertinente, pource qu'estions en Anvers, et son Alteze à

(1) Do lout cccy appert par plusieurs missives, envoyées en Mars, l'an 15(37.

Bruxelles, laquelle en semblahlcs affaires de nos gouvernemens, n'estoit accoustumce de faire quelque chose, sans nous preallablement advertir, et que nous tenions pourtant asseurez, qu'elle n'envoyeroit en ladicte Isle aucune garnison, sans nous faire semblable advertence, puis qu'icelle se pouvoit faire, sans aucun empeschement ou retardement. Ou au contraire, sous pretext de ladicte garnison, l'on eust peu surprendre ladicte forteresse (comme plus d'une fois l'on a veu advenir aux aultrcs). De laquelle par après, l'on nous eust faict et constrainct respondre, par raisons beaucoup plus apparentes, que à prosent l'on nous accuse. De sorte, que pour du tout asseurer ladicte forteresse et pays, avions raison, d'ordonner audict Capitaine et aultres, nerecepvoir aucune garnison, Signamment aussi, pource que ladicte forteresse, estoit souffissamment pourveu, et que ladicte estroictesse de vivres, par renforcement de ladicte garnison, se debvoit augmenter.

Pourquoy et que les aultres places et villes dudict Pays, ont tousjours offert d'employer corps et biens, pour le service de sa Majesté, et déclaré n'avoir bcsoing de garnison, envoyans à cesteffect leurs Députez vers ladicte Gouvernante, ny a aucune apparence, que par là, aurions voulu surprendre ledict Pays, et par ce boult fordore et empescher le passaige de sa Majesté par Mer, puis que de faict l'on a veu et descouvert le contraire.

Car s'estans devant ladicte Isle présentez quelques batteaulx chargez de gens, qu'avions parcry et edict publicq, pour asseurer le repos de la ville d'Anvers, faict sortir de ladicte ville, se sont les inhabitans misa deffense, et ont empesché le desembarquement, tellement que estans les embarquez retournez, par faulte de vivres, armes, et autres

nécessitez, la rivière à mont, environ Anvers, nonobstant qu'ils avoyent laict courrir le bruict, vouloir aller au secours du Seigneur de Bi'ederode, furent par après desfaicts, que causa grande levée et esmotion en ladicte ville, en laquelle le Seigneur de Hoochstraten ctNoiis,rusmes souventcsfois en dangier de nos vies (le Magistrat entretant ne se osant monstrer, qui avoit donné grande occasion à ce tumulte, pour avoir voulu rompre la pacification y establie) pour ce qu'on tenoit, que nous empescbions le secours, que aucuns leur entendoypnt faire (ensemble aussi les insolences, que les malvuellans taschoyent d'attenter, oires que en fin appaisimes le tout, par la grâce de Dieu, sans effusion de sang) qui est bien loing d'avoir envoyé lesdicts gens, pour surprendre ladicte Zeelande , estans toutes nos actions à ce contraires. Car estant nostre intention telle, ne debvions avoir commandé audict Capitaine, et ceulx du Pays , de ne recepvoir gens de guerre, ains au contraire de les recepvoir et admet- Ire. De tant plus qu'avions aussi présenté à ceulx d'Anvers, de sortir ladicte ville, et aveccj les compaignies qui y esloyent, nous mesmes deffaire ladicte assemblée. Ce que no fust trouvé bon par crainte d'esmotion, que se découvrit par après à ladicte deffaicte, comme cy devant a esté dict.

Et puis que l'on n'altendoyt la venue de sa Majesté par Mer, n'a aucune apparence, que par la surprinse de Zeelande, aurions voulu Ibrclore et empcscber le passaige d'icelle, ce que aussi faire ne pouvions, (estans les villes et forteresses à la dévotion de sa Majesté) par envoy de gens, sans Chief et Capitaine d'autorité , et qui n'avoyent expresse charge de nous, et lesquelz à tant, mesmes par nos ordonnances sus-dicts, avions commandé que l'on ne recepvroit, Ains debvions en ce cas, nous trouver personnellement au-

dict Pays, faisant bien à présumer, que comme à Gouverneur, l'on nouseust par tout faict ouverture, et monstre, à l'accoustumé, toute obeyssance, ce qu'on eust aussi faict à nostre personne en toutes aultres villes et fortz de noz Gouvernemens, qui estoit moyen plus apparent et asseuré, que d'y envoyer gens ramassez, sans armes, gouvernement, et conduicte, (Dont pour le moins, les eussions en tel cas faict pourveoir, ayants si grande commodité de ce faire, par moyen dudict Anvers, comme ung chascun scait.) Et qui par après ont esté deflaictz, sans quasi resistence et deffense (luelconcque. Et ausquels personne ayant expérience de la pierre, se eust voulu fier, en ung exploict d'importance, et beaucoup moins, Nous, qui avions moyens, par trop meilleurs, de nous asseurer dudict Pays, en cas que eussions eu la volunté, que non. Et sommes à tant esmerveillez que gens de sçavoir et de Conseil, usent de semblables allégations. Desqu'elles non seuUement ils n'ont, et ne recouvreront preuve, Mais que en soy, n'ont aucune apparence probable.

Venants à tant au poinct de ladicte Citation, contenant, qu'estans envoyez en Anvers, pour appaiser les troubles et esmotions populaires, aurions en ladicte ville permis et accordé, l'entier exercice de toutes sectes indifféremment : Vient à considérer, que auparavant accepter ladicte charge, avons ouvertement déclaré , en plein Conseil d'Estat, que ce n'estoit en nous, et n'entendions d'entreprendre , de y faire cesser les Presches (deslors accompaignees de l'exercice de la Religion, comme deppendance nécessaire d'icelles,) et que à ladicte charge, comme l'avons accepté, avons satisfaict avecq indicible travail, soing, et sollicitude, par advis de ceulx de la loy, membres de la ville, et n'ations des Marchans, qui

tous confessoyent (1) que par nos moyens et ordonnances, ils se tenoyent asseurez du repos de ladicte ville, nous remerchians des bons debvoirs.

Ce que en effect venoit aussi à confirmer, approuver, et confesser ladicte Gouvernante, Ayant en nostre absence, et ce pendant qu'estions empeschez, pour appaiser les Pays d'Hollande, Zeelande et Utrecht, commis, pour garder le repos de ladicte ville, le Conte de Hoochstraten. Luy enjoindant et ordonnant expressément (2) d'ensuyvre le pied que nous y avions tenu. Ce que toutesfois, à présent, l'on entend desguiser, et changer ce que ouvertement a esté approuvé, en crime de lèse Majesté, contre toute apparence de vérité. Car n'avons accordé aucune Religion, en ladicte ville. Mais seullement permis et toléré, ceulx qui auparavant nostre venue, avoyent commenché publicquement à prescher, suyvant nostre déclaration cy devant reprinse : Car combien que la Gouvernante declaroyt assez, qu'elle tenoit toutes Religions , n'accordantes à la Romaine, nommecment les Anabaptistes , (contre lesquels desirions faire publicque defence,si Madame le trouvoit bon) en semblable estime : Si est ce qu'avons empesché tous ceulx, qui, depuis nostre venue, se sont advanchez de comraencher lesdicts presches.

Et ne sont les-dicts presches, qui se faisoyent hors ladicte ville, par nous receus dedans l'enclos d'icelle, ains nous estans appeliez en court, sans avoir peu obtenir, que autre pour nous fust substitué, pour avoir regard au repos de ladicte ville, ou que eussions mis Lieutenant (combien que

(1) Apport par leur déclaration, faicte le 4, de Septembre, l'an 156G.

(2) Appert par lettres du 4. 5. et 8. d'Octobre, lî)66.

l'avions expressément requiz) se sont ce pendant,aucuns advanchez à destruire, briser, et rompre de tous costez, les statues et imaiges, et ceulx qui auparavant preschoyent hors la ville, se saisir d'aucuns Temples, mesmes aucuns par Tautorité du Magistrat, Desquels (après appoinctement faict entre la Gouvernante authorisee du Roy, et les confcderez) (1) estans finablement conlentz se déporter, et ensuyvant ledict appoinctement , continuer leurs presches aux lieux et places accoustumees, hors la ville, a le Magistrat, par plusieurs raisons, trouvé (2) plus expédient, leur accorder et assigner places dedans ladicte ville. Encpioy estans parties d'accord , ne povions , en vertu de nostre commission, moins faire, que d'ensuyvre ledict accord :

Car estans envoyé pour garder le repos de ladicte ville, en la fidélité du Roy, requiroit nostre office, que nous conformissions à ce, que voyons parties avoir mis en union et repos, y joinct l'importance des raisons , qu'avoyent meuz ceulx de ladicte ville, à consentir ce que dist est, desquels avons adoncq adverty, tant sa Majesté que la Régente (5), ensemble, qu'il n'estoit possible de garder ledict repos, sans quant-et-quant les-dicts presches, tolérer l'exercice desdicts Religions, s'offrant quasi d'heure en heure, par la multitude de ceulx qui suyvoyent les-dictes presches, la nécessité dudict exercice, lequel l'on souffroyt aussi par tout, et avoit illecq esté tenu publicquement es Eglises, que fust cause, que, non seullement le Magistrat trouva bon et nécessaire, tolérer ledict exercice : mais aussi l'érection des Temples. De tant plus que l'hyver approchoit, et que par là aultrement

(^) Appert par l'accord faict le 23. d'Aoust 1366.

(2) Par leur déclaration faicie le 24. d'Aougst. 1566.

(3) Appertpar lettres enuoyees en Septembre, 1566.

faisoil à craindre quelque seconde invasion, et occupation des aultres temples, qui fist audict Magistrat, non seullement accorder, mais désirer l'advancement desdicts Temples, à quoy voyant que les aultres n'avoyent moindre volunté, ne trouvions aucunement debvoir empescher ce, que nous pouvoit asseurer l'exécution de nostre charge.

Qui servira aussi de response,au regard des consistoires,veu que lesdicts consistoires y cstoyent auparavant nostre venue, voires auparavant que les-dicts presches se faisoyent en publicq, (comme ceulx de la Religion ont,de tout temps, eu par tout leurs consistoires)ct que à cause d'iceulx, combien qu'ilz n'estoyent par nous aggreez, n'avons veu aucune apparence de troubles. Bien vray est,que,pour empescher l'assemblée de la commune à toutes occurrences, avons advoué et trouvé bon, que aucuns fussent députez, pour traicter au nom des aultres, ne Yoyans moyen d'aultrement accomplir nostre charge, et maintenir et conserver ledict repos, et éviter toute confusion et desordre.

Et ne povons comprendre les inconveniens et dangiers, que l'on prétend estre ensuyviz par l'érection des-dicts Temples, veu qu'ung Temple ne peult causer plus de mal, que aultre maison ou place , et qu'il convenoit à nous, qui estions envoyez pour garder le repos et tranquillité de ladite ville, pour prévenir tous inconveniens , ester plustost les occasions et voluntez, de y parvenir, que par l'empeschement de l'érection d'ung temple , ou autre particulier moyen, irriter et altérer parties, et par là donner occasion à aultres moyens de troubles, ausquels par après, eust esté impossible, de donner ordre , sans contrevenir directement à nostre charge, et mettre le tout en desordre.

Que sert aussi en partie, pour solution au dernier poinct

de ladicte citation , contenant que aurions soulTert faire levées, cottisations, et collectes de deniers, qui depuis seroyent employez es soldées, et retenues des gens de guerre. Car ne sçavons à parler desdits levées, cottisations, et collectes, fors que celles, que des au paravant nostre venue, l'on faisoit, au proufit des povres, et à l'entretenement des Ministres, et par après, pour l'érection desdits Temples : et ne se trouvera, que aucune collectation a esté faicte à nostre proufit, ou employé es levées, ou retenues faictes de par nous, et à cause desquelles aurions eu apparente occasion, de souffrir les-dicts cottisations et collectes.

Et ayans refusé 55000. florins, que contantz nous furent offertz, par les Estatz d'Hollande, pour les bons services qu'avions, durant ces troubles, faict au Roy, et audict Pays, ayans par tout appaisé les esmotions d'icelluy, pensons assez avoir monstre, que ce n'estoit nostre intention, de souffrir semblables collectations , cottisations, et levées, lesquelles aultremcnt est impossible d'cmpescber en villes 3Iarcliandes, comme Anvers, esquelles ne se faict quasi aultre chose, que collectation de deniers, à divers effectz.

Ayant donc par ce que dessus, évidemment, comme espérons, remonstré, que nostre mauvaise et désordonnée aflection ou ambition de surprendre sur l'authorité du Roy, dont toutesnoz démonstrations, faictz,etactions, ont esté eslongez, voire contraires, n'a esté cause d'aucune altération : De laquelle aussi ne povions espérer aucun bien, et que n'avons esté cause d'aucunes nouvcllitez, qui pouvoyent altérer, et esmouvoir le peuple, là où au contraire, ledict Cardinal de Granvelle, des le commenchement, pour l'authorité extraordinaire, qu'il usurpoit pardessus tous consaulx, et mesmes la Gouvernante, et par l'espoir qu'il avoit de par l'institu-

tion des Evesques, confirmation de l'Inquisition, et renouvellement des Placcarts, maintenir, augmenter, et accroistre ladicte authorité, se treuve evidamment, avoir esté cause des-dicts nouvellitez, et de la diffîdence depuis engendrée entre le Roy et le peuple, pour satisfaire à son ambition et avarice. Lesquelles l'ont aultresfois si transporté, qu'il a mis dissentions et diffidences, entre plusieurs grands Potentats, mesmes entre feuz de treshaultes et tresheureuses mémoires, l'Empereur Charles, et son frère Ferdinand, et ses filz : Ne pensons que ceulx, qui ont jugement et expérience des affaires, feront moindre difficulté de nous absoudre, des maux, et inconveniens advenus audict Pays, et que l'apparente félicité d'icclluy est changée, et reduycte en extrêmes, servitude, calamité, et misères, que d'en charger ledict Cardinal : lequel l'on prétend, par la supplantationet ruyne dudict pays, remettre en son authorité , pour le recompenser, non de ses services (à quoy, quani il en auroit faict plusieurs et bien grands, luy, et les siens, ont plus que suffissamment pourveuz, ne laissans aucune partie à la discrétion de sa Majesté) mais des maulx et inconveniens susdicts, et donner occasion à aultres.

Là où, oubliant tous noz services, faictz avec nostre trèsgrand dommaige et interest, et de noz ancestres, mesmes de ceulx qui sont mortz au service et aulx pieds de sa 3Iajesté Imperialle, l'on nous despouille, non seullement de nostre bien, par causes, raisons et allégations frivoles, faulses, et controuvces : Et par manières de procéder, contraires à tous droictz, loix, et usances, (comme cy devant, et par aultre nostre escript (1), a esté remonstré) mais aussi de nostre

(1) Appert par la nullité et dcclinatoire enuoyec au Procureur gênerai et Ducq d'Albe le 3. de Mars 15(58.

honneur, et nostre Enfant, qui nous sont plus chiers que la vie : le tout, non seullement, en préjudice de nous, mais aussi de sa Blajesté : aux contractz, obligatîons, sermens et promesses de laquelle, n'est prins aucun regard, qui sont choses tant extraordinaires, exorbitantes, et odieuses, qu'il est impossible, que quelque jour elles ne soyent causes d'inconveniens. Lesquels prions à Dieu que sa Majesté illuminée de clarté et lumière divine, puisse divertir, et prévenir et au vray entendre les actions de ses bons et loyaulx serviteurs et subjectz, pour le présent à tort calumniez , persécutez et affligez. Afin que le monde cognoisse, que ce qui est passé ne procède du naturel d'icelle, mais, derapportz, délations' et calumnies, de ceux, qui jusques à présent, luv ont déguisé et recelé la vérité.