LE PRINCE D'ORANGES

Philippe, par la grâce de Dieii,Roy de Castille, de Léon, d'Aragon, de Navarre, etc. Au premier nostre Huyssier ou Sergeant d'armes, sur ce requis. Salut. De la part de nostre aymé et féal Conseillier et Procureur gênerai, nous a esté remonstré, comme Messire Guillaume de Nassau, Prince d'Oranges, auroit receu, de feu de treshaulte mémoire l'Empereur Charles le quint, Mon Seigneur et père (cui Dieu face paix) et de nous, des nostre advenement à nos Estats de par deçà, plusieurs honneurs et faveurs. Comme d'avoir esté choisy pour confrère de nostre Ordre : nommé, et constitué Conseillier de nostre Conseil d'Estat : Et pourveu de plusieurs et beaux Estats, Gouvernemens, et Offices, à sçavoir, des gouvernemens de Bourgoingne, Hollande, Zeelande, etlltrecht, ensemble d'une compaignie ordinaire de nos ordonnances , oullre plusieurs notables Mercedes, par où il

pouvoit veoir la grande confidence et estime, que nous avions tousjours eu de luy. Et que de tant plus de tort auroit il, de se conduyre autrement que à bon vassal appartenoit. Toutesfois, ledict Prince, ayant eu peu d'esgard à son honneur, et aux sermens de fidélité, et loyaulté qu'il nous avoit preste comme à son Prince souverain, et à cause de l'ordre, et de sesdicts Estats et Offices, se seroit faict Chief, aulheur, promoteur, fauteur, et receptateur des rebelles, conspirateurs, conjurez, séditieux, machinateurs et perturbateurs du bien et repos publicq. Car comme incontinent après nostre partementde nos pays de pardechà, vers nos Royaulmes d'Espaigne, son desseing, et de quelfpies aultres, seroit estre d'emprendre, et usurper l'entière administration et gouvernement denosdicts pays de pardeca. Il auroit depuis à cest effect, dressé et mené plusieurs secrètes et pernicieuses praclicques, jusques à s'estre oublié , tant que de se resouldre, de prendre les armes contre Nous, et Nous excluire hors d'iceulx pays, ce qu'il n'auroit délaissé de faire, sinon par faulte de n'avoir le moyen, faisant tous offices soubs main, vers nos bons subjects, pour les divertir de l'aflFection et loyaulté, qu'ils nous ont tousjours monstre, et à nos Prédécesseurs, Voires, qu'est bien plus détestable et abominable, soubs le manteau et pretext de Religion, et par faulses persuasions, que nostre intention estoit (que ne fust oncques telle) d'introduyre l'Inquisition d'Espaigne en iceulx nos pays de pardeca, tant que par ses séductions et impressions semblables, plusieurs de nosdicts subjects, se seroyent eslevez et rebellez contre Nous, et signammcnt,que ledict Prince auroit premièrement seduict,corrompu, et incité une grande partie de la noblesse, tellement qu'ils ayent faict ligues, conspirations , et conjurations : et juré, par icelles, se def-

fendre et fortifier contre Nous, et nos ordonnances, de tout temps gardées, et observées en nosdicts pays. S'estans les assemblées faictes à celle fin , en sa propre maison , tant en Breda, que en ceste nostre ville de Bruxelles, et mesmes, qu'il auroit depuis receu lesdicts rebelles en sa protection et sauvegarde, avecq promesse de toute assistence. Lesquels se auroyent aussi mis en armes, en divers lieux, en campaigne, contre Nous. Et que Icdict Prince auroit conseillé et assisté le Seigneur de Brederode, Cbief des rebelles susdicts, à fortifier la ville de Viane, contre Nous, luy ayant souffert, enroUer gens de guerre, en nostre ville d'Anvers , au veu et sçeu de chascun, contre les expresses ordonnances, lors nouvellement faictes et publiées, et iceulx embarquer vers ladicte ville de Viane, avecq toutes aumonitions de guerre, pourvoyant aussi ledict de Brederode, de quelques pièces d'artillerie, y joingt, que ledict Prince auroit deffendu, à aucuns de nos villes et places, de ne recepvoir garnison de par Nous, et entre aultres, en nostre pays de Zeelande, où il auroit envoyé gens exprès, pour le surprendre, et par ce bout fourdorre et empescher nostre passaige par mer. Et que estant ledit Prince envoyé en nostredicte ville d'Anvers, pour y appaiser les troubles et esmotions populaires, auroit, de son auctorité privée, et au dehors de sa charge, permis et accordé en ladicte ville, l'entier exercice de toutes Sectes indifferamment, et accordé, d'y ériger plusieurs Temples et Consistoires, par les sectaires. Comme de faict y seroyent érigez. Dont sont ensuyvis les inconveniens,et dangiers,que chascun sçait. Souffrant aussi faire levées, cottisations, et collectes dft deniers, qui depuis seroyent employez au payement des retenues et soldées desdicts gens de guerre. Et faisant au demourant, plusieurs autres actes, quenostreditProcureur déclarera

plus amplement, et fera apparoir en temps et lieu, si besoing est. Tous tendans à sondit desseing, et pour par ce moyen, usurper et emprendre sur nosdits pays, et l'auctorité • que à nous seul appartient, que seroit notoirement crime de lèse Majesté, non tolerable soubs dissimulation. Ains méritant punition, et justice exemplaire (si comme il dist) requirant que nostre plaisir soit, de luy accorder provision, criminelle convenable, alencontre dudit Prince d'Oranges, avec clause d'auctorisation. Pource est il. Que Nous, ces choses considérées, vous mandons et commectons, par ces présentes, que à la Requeste de nostredit Conseillier et Procureur gênerai exposant, et avec telle ayde et assistence, que trouverez convenable. Prenez et appréhendez au corps, ledit i Prince d'Oranges, quelque part que trouver le pourrez en i nosdicts pays de pardeça : Et le menez et condaijsez, soubs > bonne et seure garde, es prisons de nostre court, en nostredicte ville de Bruxelles, pour estre à droict pardevant nostre trescher et trcsfeal Cousin, Chevalier de nostre Ordre, Gouverneur et Capitaine gênerai, pour Nous , de nosdicts pays de pardeça, le Duc d'Alve, 3Iarquis de Coria etc. à ce, part Nous speciallement commis , Et recepvoir punition et correction desdicts cas crimes, et conspirations, selon l'exigence d'iceux, et comme en raison et équité, en tel cas set trouvera convenir. Et si prendre, ne appréhender ne le pou-vez, le adjonrnez, et appeliez par Edict et cry publicq, suri peine de Ban perpétuel, et confiscation de biens, A compor. roir en personne, iXcÛQWi trois quinzaines, prochainement venans : dont la première quinzaine, luy assignerez , pour le premier jour : aultre quinzaine, pour le ij. jour, et la troisiesme quinzaine, pour le dernier, et peremptoire jour de. droit, sans attendre autre, par devant nostredit cousin, le^

Duc d'Alve, en nostredilc ville de Bruxelles, ou en tel aultre lieu que lors il sera, esdicts nos pays bas : Pour respondre sur telles fins et conclusions, que nostredit Procureur gênerai vouldra contre luy prendre et eslire, pour les causes dictes, et autres, qu'il pourra, au jour servant, plus amplement à sa charge , proposer, et deduyre, et en outre procéder et veoir ordonner, comme de raison, luij signifiant^ que s'il ny vient à la première, dcu\iesme, ou troisiesme,et dernière quinzaine , l'on procédera en son absence , selon que en tel cas appartiendra. Et certifiant soufiisamment, audit jour, nostredit Cousin, le Ducq d'Alve, de ce que faict en aurez. Auquel mandons, et pour les causes dessusdictes,speciallement commectons,que aux parties, icelles ouyes, Il face et administre bon, brief droict, raison et justice, comme en tel cas il convient. Et en cas de deflault et contumace dudid Prince d'Oranges, Il procède à la pronunciation dudit Ban, et déclaration de ladicte confiscation, et autrement, comme il verra estre à faire, en tel cas, par raison, et de droict. Et de ce faire, vous donnons plein pouvoir, authorité et mandement espccial. Manuons et commandons à tous nous Justiciers, Ofllciers,'et subjects, que à vous, en ce faisant, ilz obeyssent, et entendent diligemment, et vous prestent conseil, ayde, confort, et prison, si mestier est, et par vous requis en seront. Car ainsi Nous plaist il.

Et pource (comme entendons) ledict Prince d'Oranges s'est retiré et absenté de nosdicts pays : Nous voulons en ce cas, qu(! ledict adjournemcnt etexploict, qui par vous sera faict, par Edict, et cry publicque, aux bailles de nostredicte court, en cestedicte ville de Bruxelles, afiigeant aux portes d'icelle court, Copie de ses présentes , ensemble de vostredict exploict : El le insinuant au dernier domicilie, en nosdicts

pays, diidict Prince d"Oranges : Et afligeant aussi semblables Copies aux valves et portaulx de la principale Eglise illecq : A fin quil nen puist prétendre ignorance, Soit de tel effect, valeur, et vertu, comme si faict estoit à la personne dudict Prince d'Oranges.

Et pour tel, avons Icdict Adjournement et Exploict, auctorisé et auctorisons parcesdictes présentes. Etpoiirce, que aultres sont commis pour procéder à l'annotation des biens dudict Prince d'Oranges, vous ne vous en meslerez.

Donne en nostredicte ville de Bruxelles, le 19. jour de Janvier, L"an de grâce, Mil, Cinq cens, soixante sept. De noz Règnes, à sçavoir des Espaignes, Sicille, etc. le 15. Et de Naples, etc. le 45.

Dessoubz estoit escript, ainsi : Par le Roy.

Et soubsigné. Mesdach. Et scellé à scelle Rouge à demy queue.