EXTRAIT DES LETTRES DU ROY ENVOYÉES A LA DUCESSE APRES LA REQUESTE

Premièrement quant aux placcarts et ordonnances tant vielles que nouvelles sur le fait de la Religion. Que ayant sa Majesté entendu Testât auquel se retrouvent les affaires de la Religion pardeca. Il ne convient quant aux placcarts et ordonnances faire aucun changement, ains que lesdicts placcarts de feue la Majesté Impériale, et de ceux de sa Majesté, soyent exécutés. Et pensoit sa Majesté la cause du mal qu'il y a eu, et de ce qu'il soit ainsi augmenté et passé si avant, avoir esté par la négligence , floclieté, et dissimulation des Juges. Et que s'il y a quelques Juges quy ne les osent, ou ne les veuillent exécuter, pour crainte de quelque tumulte, que l'on advise sa Majesté, à fin qu'elle y pourvoye d'autres, de plus de cœur et de meilleur zèle à ladite exécution, dont l'on ne doit estre en faute es-dicts Pays, où y a tant de Catholicques, et desireus du service divin et de sa Majesté, et que faisant cecy, et se executans Ics-dicts Placcarts, il est à es-

percr que l'on remédiera mieux et plus briefvement au dommage qu'il y a, que non par autre voye.

Pour le second : Quant à ce qui touche les Inquisiteurs de la Foy, sa Majesté encharge à son Altesse : de tenir la main que les-dicts Inquisiteurs soyent favorisez en ce qui touche l'exercice et administration de leur charge, estant ce que convient au bien et sustentation de la Religion, estant l'intention de sa Jlajesté, que ladicte Inquisition se face par lesdicts Inquisiteurs, comme elle s'est faicte jusques à maintenant, et comme leur appartient par droicts divins et humains, et que cecy n'est chose nouvelle, puis qu'elle a tousjours esté faicte ainsi du temps de feu la Majesté Impériale et du sien, estans les inconveniens qui se craindent, trop plus apparens, plus voisins, et plus grands, où l'on laissast de pourveoir par lesdicts Inquisiteurs, ce qui convient à leur Office, et l'on ne les y assistast. Et puis que son Altesse voyoitce que cecy importe, sa Majesté Tencharge, tant qu'elle peult, d'y faire, ce que tant y est nécessaire, et «qu'elle ne consente que l'on y traicte d'autre chose, scachant son Altesse, combien sa Majesté l'a à cœur, et le plaisir et contentement que ce luy sera.

Pour le troisiesme : Sa Majesté ordonne à son Altesse, que puis que le S. Concile de Trente estoit ja publié, qu'il ne reste sinon que en ce qui touche l'exécution qui concerne aus Evesques, son Altesse leur face donner toute adresse et assistence possible, à fin qu'elle s'effectue comme il convient. Aussi que l'on exécute ce que ledict Concile de Trente ordonne, quant à la reformation de la vie et mœurs des Ecclesiasticques,enchargeant sa Majesté, tant à son Altesse, que aux Officiers de sadite Majesté, de y donner toute la faveur et chaleur que besoing sera, et que en cas il fut requis, que

du costé de sa Majesté s'y donne quelque provision, icellé la fera depescher incontinent, mesmes où les gens d'Eglise ne voulussent obeyr à la Reformation à faire par les Evesques, conforme à la decretation dudict Concile de Trente.

Et pour Conclusion, que ce que sa Majesté escrit à son Altesse, comme dist est cy dessus, est ce qui convient au bien de la Religion, et des Pays de par-deçà, qui ne vaudroyent riens sans icelle,et que cecy est la voye pour les pouvoir conserver en Justice, paix, et tranquilité. Et puis que son Altesse voit ce qu'il importe, sa Majesté la requiert de rcchief de suyvre le chemin, par où ce que dessus se puisse effectuer : et que ce sera la chose où sa Majesté pourra recevoir plus de contentement, tant de son Altesse, que des Seigneurs estans chez elle : ausquels son Altesse doit encharger le mesme, à fin qu'ils s'y employent, comme sa Majesté se confie, qu'ils ne faudront, sçachans le contentement, qu'ils donneront à icelle, outre ce qu'ils y feront le devoir de Personnages tels qu'ils sont,et selon l'obligation qu'ilsontau service de Dieu, et de sa Majesté, et au bien universel des Pays de par-deça, et d'eus mesmes en particulier.

MMGYERITE,