PAR LA GRACE DE DIEV

Duchesse de Parme et de Plaisance, etc. Régente et Gouvernante :

Tres-chers et BiEN-aimez, combien que dés le commencement du Régime du Roy, mon Seigneur, des Pays de pardeça, tant par le renouvellement et publication des Placcarts et ordonnances de feu de treshaute mémoire l'Empereur Charles mon Seigneur, (que Dieu ait en sa Gloire) sur le Fait de la Religion , ratifiez et confirmez par sa Majesté Royale, que ce que depuis vous en a esté escrit par icelle, mesmes à son dernier parlement de cesdicts Pays, pour ses Royaumes d'Espaigne, vous avez tousjours peu cognoistre le bon zèle et tressaincte affection de sadicte Majesté, à la conservation de nostre ancienne vraye Foy, et Religion catholicque, et à l'extirpation de toutes sectes et hérésies en cesdicts Pays de pardcça : Ce neantmoins , comme il a pieu à sadicte Majesté, pour certaines occasions, nous refraischir sa tressaincte intention par ses lettres dernières, nous vous

avons, par expresse charge d'icelle, bien voulu représenter, ce, qu'elle nous en a escrit.qui est en efie( t : Que ne désirant sa Majesté riens plus , que la conservation de ladicte Religion, et de ses bons subjects de par-deça , en bonne tranquillité, paix, union, et concorde, et les préserver des inconvénients, que l'on a veu advenir en plusieurs endroicts de la Chrestienté, pour le changement de ladicte Religion : Sadicte Majesté veut et entend, que lesdicts Placcarts et ordonnances de feu sa Majesté Impériale et les siens, se gardent et observent entièrement , comme aussi est l'intention de sadicte Majesté, de faire bien et estroictement observer ce qui est statué par le sainct Concile de Trente, et les Synodes provinciaux mesmes quant à la Reformation du Clergé, sans en rien contrevenir, à fin que se punissans les hérésies, les mœurs soyent aussi corrigées, aussi que l'on donne toute faveur et assistence aux Inquisiteurs de la foy, en l'exercice de leurs offices, et que l'Inquisition se face par lesdicts Inquisiteurs, comme elle s'est faicte jusques à maintenant, et comme leur appartient par droicts divins et humains, ce que sa Majesté aussi expressément commande par sesdictes lettres. Et suyvant ceste rescription de sadicte 3Iajesté, et pour obeyr à icelle, en chose tant saincte et favorable, n'avons peu obmettre, vous escrire ceste, pour vous prier, requérir, et de la part de sadicte Majesté ordonner bien expressément, de vous reigler et conduire en cecy, selon l'ordonnance de sadicte Majesté, sans contrevenir en aucun poinct ou article, et que le mesme vous faictes entendre aux Officiers, et ceulx de la loy des principales Villes du Pays et Duché de Rrabant : à fin de selon ce, eulx reigler, sans dissimulation ou connivence, sous les peines contenues esdicts Placcarts. Et pour tant mieux y pouvoir entendre, vous commettez et de-

putez ung Conseiller de vostre Collège (lequel toatesfois se pourra changer de deniy an en demy an, à fin qu'ung seul n'en soit tousjours chargé) qui ne face aultre chose, sinon d'avoir regard audict Pays de Brabant sur l'observance des Decrectsdudict sainct Concile, et vous advertisse tousjoui's de ce qui s'offrira, pour y pourveoir selon l'intention de sadicte Majesté. Et à ce que nous puissions tousjours sçavoir l'Estat de ladicte Religion, quant à ce que dessus : Nous desirons et vous ordonnons, comme dessus , que de trois mois en trois mois, nous en escriviez bien particulièrement, le succez,prenans (en cas de difficulté) vostre recours devers nous, ou ceulx du Conseil privé de sadicte Majesté, pour nous en estre laict rapport, là où pareillement commettrons quelque Conseillier, qui en portera soing particulièrement, et tiendra correspondence avec vous, et celuy, qui par vous sera commis. Et à fin que sur tout ce que dessus, vous puissiez tant mieux veoir l'expresse volonté de sadicte Majesté, nous avons faict joindre à cestes, les poincts des lettres et aultres escripts de sadicte 3Iajesté, concernans ceste matière : pour selon la forme et teneur d'iceux, vous reigler et conduire, sans y faire faute. A tant treschers et bien-aimez, nostre Seigneur vous ait en sa saincte garde.

Escript à Bruxelles le 18. jour de Décembre, d 563. H. V. Soubs estoit escript : 3Iargarita. Et plus bas signé : d'Overloepe.

Sur le dos estoit encoire escript, A nos tres-chers et bienayniez, les Chancelier et gens du Conseil du Roy, en Brabant.