DES HOBLES DU PAYS BAS

présentée à Ma-dame la Duchesse de Parme, et Plaisance, etc. le 5. d'Avril, 66. devant Pasques-

Ma-dame, l'on scait assez, que par toute la Chrestienté a tousjours esté (comme est encores pour le présent) fort renommée la grande fidélité du peuple de ces Pays bas, envers leurs Seigneurs et Princes naturels, à laquelle tousjours la Noblesse a tenu le premier rang, comme celle qui jamais n'a espargné, ny corps ny biens, pour la conservation et accroissement de la grandeur d'iceulx. En quoy nous treshumbles Vassaulxde sa Majesté, voulons tousjours continuer de bien en mieulx, si que dé jour et nuict nous-nous tenons prests, pour de nos corps et biens, luy faire tresbumble service, et voyans en quels termes sont les alTaires de maintenant,avons plustost aymc de cliarger quelque peu de mauvais gré sur Nous, que de celer à vostre Altesse choses, qui par cy après pourroyent tourner au préjudice de sa Majesté, et quant-etquant troubler le repos et tranquillité de ces Pays : Espe-

rans que l'effect monstrera avec le temps, qu'entre tous services, que pourrions avoir fait, ou faire à l'advenir à sa Majesté, ccstuy cy doibt estre réputé entre les plus notables et mieulx à propos, dont asseurement nous-nous persuadons, que vostre Altesse ne le sçaura prendre que de très-bonne part. Combien doncques, Ma-dame, que nous ne doubtions pas que tout ce que sa Majesté a par cy devant, et mesmement à cest'-heure de nouveau ordonné , touchant l'Inquisition, et l'estroite observance des Placcarts sur le Fait de la Religion, n'aye eu quelque fondement et juste titre, et ce pour continuer ce, que feu l'Empereur Charles de très-haute mémoire, avoit, à bonne intention, arresté : Toutesfois voyant que la différence de l'un temps à rautre,ameine quant et-soy, diversité de remèdes, et que desja*, depuis quelques années en ça , lesdits Placcars , non-obstant qu'ils n'ayent esté exécutez en toute rigueur, ont toutesfois donné occasion à plusieurs griefs inconveniens. Certes la dernière resolution de sa 3Iajesté, par laquelle, non seulement elle deffend, de ne modérer aucunement Icsdicts Placcarts, ains commande expressément, que l'Inquisition soit observée, et les Placcarts exécutez en toute rigueur, nous donne assez juste occasion de craindre, que par là non seulement lesdicts inconveniens viendront assez à s'augmenter : mais qu'il s'en pouiTa finalement ensuyvre une esmeute et sédition générale, tendante à misérable ruine de tout le Pays, selon que les indices manifestes de l'altération du peuple (qui desja s'apperçoyvent de tous costez) nous monstrent à veuë d'œil.

Parquoy cognoissans l'évidence et grandeur du danger, qui nous menacent, avons jusques à maintenant espéré, que ou par les Seigneurs, ou par les Estais du Pays, seroit faict remonstrance en temps et heure à vostre Altesse, à fin de y

remédier, en ostant la cause et l'origine du mal : mais après avoir veu, que ceulx ne se sont point advancez, pour quelques occasions à nous incogneiies, et que ce pendant, le mal s'augmente de jour en jour, si que le danger de sédition et révolte générale est à la porte, avons estimé estre nostre devoir, suyvant le serment de fidélité et d'hommage, ensemble le bon zèle qu'avons à sa Majesté et à la Patrie, de ne plus long temps attendre, ains plustost nous avancer les premiers, à faire le devoir requis, et ce d'autant plus franchement, que nous avons plus d'occasion, d'espérer, que sa Majesté prendra nostre advertissement de tresbonne part, voyant que l'affaire nous touche de plus près que nuls aul- Ires, pour estre plus exposez aulx inconveniens et calamitez qui coustumierement proviennent de semblables accidcns, ayans pour la plus grande part nos maisons et biens, situez aulx champs, et exposez à la proye de tout le monde : considéré aussi que généralement en ensuyvant la rigueur desdicts Placcarts, ainsi que sa Majesté commande expressément procéder, il n'y aura entre nous homme, voire et non pas en tout le Pays de par-deça, de quelque Estât et condition qu'il soit, lequel ne sera trouvé coulpable de confiscation de corps et de biens, et assubjecty à la calumnie du premier ennemy, qui pour avoir part à la confiscation , voudra l'accuser, sous couverture des Placcarts, ne luy estant laissé pour refuge, autre chose, que la seule dissimulation de l'olïîcier, en la mercy duquel, sa vie et ses biens seront totalement remis. En considération de quoy, avons tant plus d'occasion, de supplier treshuniblement vostre Altesse (comme de faict nous la supplions, par la présente Requeste) d'y vouloir donner bon ordre. Et (pour l'importance de l'affaire) vouloir le plustost, que possible sera, depescher devers sa Majesté, homme ex-

près et propre, pour l'en advertir,et la supplier treshumblement de nostre part, qu'il luy plaise y pourveoir, tant pour le présent que à l'advenir. El d'autant que cela ne se pourra faire, en laissant lesdicts Placcarts en leur vigueur, veu que de là, dépend la source et l'origine desdicts inconvénients, qu'il luy plaise de vouloir entendre à l'abolition d'iceulx : laquelle se trouvera estre nécessaire, pour destourner la totale ruine et perte de tous ses Pays de par-deçà.

Et à fin qu'elle n'ait occasion de penser, que nous (qui ne prétendons que de luy rendre treshumble obéissance) voudrions entreprendre de la brider, ou luy donner loy à nostre plaisir (ainsi que nous ne doubtons point que nos adversaires, le voudront interpréter pour noslre desavantage) il plaira à sa Majesté de faire autres ordonnances, par l'advis et consentement de tous les Estais generaus assemblez, à fin de pourveoir à ce que dessus, par autres moyens, plus propres et convenables, et sans dangers si tres-evidens.

Supplians aussi tres-bumblement son Altesse, que tandis que sa 3Iajesté entendra à nostre juste Requeste, et en ordonnera selon son bon et juste plaisir, elle pourvoye ce pendant ausdiets dangers, par une surceance générale, tant de l'Inquisition, que de toutes exécutions desdicts Placcarts, jusques à tant, que sa Majesté en ait autrement ordonné.

Avecques protestation bien expresse, qu'en tant qu'il nous peut competer, nous-nous sommes acquittez de nostre debvoir, par ce présent advertissement : Si que dés maintenant nous-nous deschargeons devant Dieu et les hommes : declarans, si en cas qu'aucun inconvénient, desordre, sédition, révolte, ou effusion de sang, par cy après, en advient, par faute de n'y avoir mis remède en temps, nous ne pourrions estre taxez d'avoir celé ung mal si apparent. En quoy nous

prenons Dieu, le Roy, vostre Altesse, et Messieurs de son Conseil, ensemble et nostre conscience en tesmoignage, que nous y avons procédé, comme à bons et loyaus serviteurs et fidèles Vassaus du Roy, appartient, sans en riens excéder les limites de nostre devoir, dont aussi de tant plus instamment nous supplions, que vostre Altesse y veuille entendre, avant qu'autre mal en advienne.

Si ferez bien.

LA PiESPONSE ET .APOSTILLE,