LES ARTICLES DE L'ACCORD

au nom du Roy, faict auecq les nobles confederez, le 23. d'Aougst, et inséré depuis au long en ses lettres d'asseurance, contenuz dessus au feuillet 228. ouïe commenchement est aussi touché :

Son Altesse a Faict retourner les Gentilshommes siipplians, au vingtiesme de ce mois d'Aougst, pour leur donner Responce à leur Requesle, pendant lequel temps, est si bien venu à propos, que elle a receu Lettres de sa Majesté, par où elle aura meilleur moyen de leur donner responce certaine et absolute.

Et en premier lieu, leur declaire que sa 3Iajes(é, prenant regard à ce que son Alteze luy a remonslré, par advis des Seigneurs, Chevalliers de l'Ordre, et autres de ses Consaux d'Estat et Privé, est contente que l'Inquisition, dont ils se sont plainctz, cesse.

En second lieu, a sadictc Majesté consenti, que soit fait

nouveau Placcart, mais icelle u'esloit encores résolue, si ce sera par la voye des Estatz generaulx. Neantmoins son Alteze espère, que par le premier en aura Resolution, selon que sa Majesté luy en a escript. Et fera encores tousjours voluntiers le debvoir, affin que sadicte 3Iajesté veulle, à ce que dessus, condescendre, ainsi qu'elle a faict par itérées Lettres.

Et au regard de l'Asseurance, dont par leurs dernières Ilequestcs font mention. Que son Alteze estoit bien délibérée de la leur donner, aultant qu'en elle estoit. Et comme présentement, elle les peult du tout asseurer, voyant que sa 3Iajesté l'a consenti, luy ayant donné l'auctorité de la forme et manière, comme elle trouveroit convenir. Parquoy leur dict et declaire, que sadicte Majesté, désirant mettre hors de souspeçon, tous ceulx qui pourroyent penser, qu'elle fut mal informée d'eulx, et ostcr à tous la diffidence (cause de ces troubles) icelle, veullant user de son accoustumee Clémence, n'abhorrissant riens plus que aigreur, est contente, que sadicte Alteze, pour faire cesser toutes diflîcultez, leur face donner toutes telles lettres à ce servantes, et en telle forme, qu'elle verra convenir, à leur plusgrande seureté, et ce pour le passé. Moyennant qu'ils se conduysent comme bons et leaulx Vassaulx et subjectz de sa Majesté, Se confiant qu'ilz ne fauldront au debvoir, qu'ilz luy doibvent, à quoy présentement sadicte Alteze est preste d'entendre.

Et comme ils ont plaine et entière satisfaction, Son Alteze ne veult refuser l'offre qu'ilz ont diverses fois faict, de s'employer au service de sa Majesté, et de sadicte Alteze, pour le bien, repos et tranquillité du Pays, et à quoy le debvoir de fidélité et naturalité les oblige. Suyvant quoy, entend, qu'ilz luy donnent la foy, en premier lieu, qu'ilz ne feront ny pourchasseront, directement n} indirectement, chose con-

tre sa Majesté, ses Estatz,Pays et Subjectz,mais qu'ils s'employeront entièrement, à faire toutes et singulières les choses que bons et loyaulx Vassaulx et subjectz, doibvent alendroit de leur souverain Seigneur et Prince naturel.

En ce faisant, aideront de tout leur pouvoir, et de bonne foy, à empescher ces troubles, émotions , et tumultes presens, et à refréner ceste populace eslevee. Et que ces saccaigemens, piUeries et ruines des Temples, Eglises, Cloistres et monastères, en tous lieux cessent, mesmes assisteront à faire chastier, ceux, qui ont faict tels sacrilèges, oultraiges et abominations.

Que nul tort ne soit faict à aucunes Personnes Ecclesiasticques, Ministres de Justice, Gentilshommes, ny autres subjects et vassaux de sa Majesté.

Que feront tout leur effort, et à bon escient, que les armes prinses es mains par ledict populace (dont tant de maulx sont ia esté commis, et peuvent encoires plus estre) soyent posées et mises ius incontinent.

Ils feront leur mieulx, et tous bons offices, pour empescher que les Presches ne se facent es lieux où elles n'ont esté faictes, Et es lieux ou de faict elles se sont faictes,empescheront que on n'use d'armes, scandale et desordre publicq.

Au demeurant, ils s'employeront et ayderont selon lobligation et serment de fidélité, qu'ilz ont vers sadicte Majesté, au repoussement de tous estrangiers ennemis et rebelles d'icelle, et de la Patrie.

Pour la fin, feront debvoir pour le crédit qu'ils peuvent avoir vers ceulx qui sont aujourdhuy altérez pour la Religion et autrement, d'eulx submetlre à ce que par sa Majesté, à l'advis de ses Estatz généraux, pour le bien de la Religion, repoz et tranquillité d'icelle,sera ordonné. Faict à Bruxelles le xxiii* jour d'Aougst. 15GG. Soubzsigné, Margarita.