A LA GOUVERNANTE

Madame, ENCOiRES que je vous ave escript,bien amplement, depuis quinze jours, et mesmes par le Courrier, venant d'Espaigne, qui passa par icy, le xxvi. du passé. Si cslce, qu'ayant hier receu une depesche d'Espaigne, Je n'ay voulu faillir d'en tenir incontinent vostre Alteze advertie, et luy envoyer la copie de deux lettres, que l'on m'escript, par lesquelles elle pourra veoir plusieurs particularitez, d'ont je m'asseure, elle aura contentement, et mesmes d'entendre le bon ordre que sa Majesté donne, et les grands préparatifs, ([u'elle faict de jour à autre, tant pour faire teste à l'armée Turcquesque, si elle venoit à surgir es costes de delà, et y faire entreprinse, que pour reduyre tous ses subjects à l'obeissance de Dieu, et sienne. Vostre Altesse cognoistra aussi, combien l'on est satisfaict, de la façon, dont elle s'est déportée depuis le remuement survenu avix Pays, où elle est.

Et que sur tout, l'on a trouvé bon, et à propos, le dernier poinct (les intelligences et places fortes : Tellement que par la, sa Majesté faict maintenant estât, de parvenir au but de son desseing, avecq peu de peine, et resistence, contre le doubte, qu'elle en a eu au eommencement, Pourveu mesmement que les estrangiers ne s'entrcmeslent point trop avant, et aussi par le moyen de la continuation de la prudence, et dextérité, dont voslre Altesse a commencé à conduire tout ce faict. A laquelle, je vous puis bien asseurer. Madame, que sa Majesté attribue la conservation de ses pays bas, après Dieu- Lequel fera, par sa grâce, que de ce mal, qui y est advenu, sa Majesté tirera ung si grand bien, et commodité, que de les vcoir reduictz à son entière obéissance, et à Testât, gouvernement, et regiement, auquel ses prédécesseurs, n'ont jamais peu parvenir, et que de si long temps elle désire et desseigne, ensemble avecq eeste occasion, laquelle aucun bon serviteur de sa Majesté, ne luy conseillera de laisser perdre, d'avoir moyen de dompter les ungs, et se desfaire des aultres, de ceulx que bon luy semblera,et qu'elle cognoistra, estre, pour pouvoir cy après , s'opposer, au bien de ses affaires, audict pays. Et d'aultant, 3Ia-dame, que le poinct, qui me semble aujourdhuy plus important, et de plus grande conséquence, en ce faict, est d'asseurer, de plus en plus, les serviteurs masquez, que vous scavez : voslre Altesse ne trouvera (s'il luy plaist) mauvais, si je l'ay souvent advertie,et si derechief je luy ramentoy, par la présente, de temporiser avecq eulx, et de se contraindre, jusques là, que de leur tenir assez souvent propos, ou faire tenir par personnes interposées, de la grande opinion et satisfaction, que sa Majesté a de leurs actions, et de la bonne volunté qu'elle leur pOrte, voire jusques à leur afl'ermer, qu'elle croit, et dict,

qu'ils liiy ontfaictungsi notable service, qu'elle se sent tenue àeuiXjDe ce que ses pays bas sont encoircs en son obéissance, et que sans leur présence et prudence, ilz eussent esté, ou en proye des estrangiers, ou baignez du sang de ses propres subjectz. Car encoires, Madame, qu'ils fussent aussi simulez et accortz , comme on les faict, Si est ce, que le temps et roccasion requièrent, que pour le service de sa Majesté, l'on use de tels langages artificieulx : et croy,que vostre Altesse verra, par expérience, qu'ils serviront de quelque chose, à les entretenir, ou pour le moins à les contenir, comme desia nous en sommes appei'çeuz, non seullemcnt en leur endroict, mais aussi des deux, qui sont allez vers sa Majesté, avec lesquelz on n'a failly, de se gourerner dextrement, et industrieusement, leur usant de si bon traictement, qu'ils ne jurent, que par la foj qu'ils doibvent à leur Maistre. Et d'aultre part, on a donné si bon ordre, et faict telles practicques en leurs familles, que suyvant les moyens, dont vostre Altesse donna advis, ils ne scauroient faire, ne dire chose, dont l'on ne soit bien adverty. Ce pendant on a bien délibéré, de leur faire tenir bonne résidence auprès de sa Blajesté et de ne les en laisser partir, non plus que le Seigneur dlbermont, qui s'en pensoit incontinent retourner. Mais il fault que je vous die, Madame, que le plus grand mal, que je cognoy pour le présent, en cest affaire, est, que ceulx qui ont plus de puissance et crédit auprès de sa Majesté, et mesmes le Duc et le Prince (1), s'accordent bien, l)our le chastiement, mais n'ont point le moyen. Car l'ung presse, le plus qu'il peult,lepassaige de saMajesté, et l'autre rempesche au contraire, et le retarde, et mect en avant nou-

(1) Ce Ducqcst le Ducqd'Alba; cl ce Prince le Prince Deboly Ruygomes.

veaulx moyens. De ma part, j'ay tousjours pensé, qu'en telles choses, la présence de Maistre serviroit, et que sur tout, la diligence et célérité y estoit nécessaire, et emportoit gaing de cause, et qu'aux inopinées maladies, il est besoing d'applicquer remèdes promptes, voire violents, qui est l'opinion, en quoy l'on me mande (par une petite ame seullement) sa Majesté estre maintenant ferme et arrestee, et que le jour qu'elle arriva à Madrid dernièrement, après sa maladie, elle jura, en présence des Seigneurs dcssusdicts, qu'elle scavoit bien, que en ce qu'avoitesté faicten ses pays bas, il alloitde sa réputation non seullement, mais aussi du service de Dieu : Et qu'elle s'en resentoit tant, que pUistost elle hazarderoit tout le reste de ses Estats, que de faillir à faire ung chastiement exemplaire, et en veiie de toute la Chrestienté, d'une telle rébellion. Et pour cest effect, lors au lieu mesmes, sadicte Majesté résolut de partir d'Espaigne, le plustost qu'il luy sera possible, et mener avecq soy le Prince son fils, et la Royne, laquelle on pense toutesfois, pouvoir faire passer par France, laissant sa seur gouvernante aux Pays , et ses nepveux, les deux enfans de l'Empereur, avecq elle,encoires que ledict Seigneur Empereur soit après, pour en retirer l'aisné. Que quelques jours auparavant , le Ducq passera, pour refreschir les garnisons d'Italie, et en tirer les meilleurs et plus vieulx souldats et Capitaines, pour mettre en leur place ceulx qui passeront d'Espaigne avecq luy. Que bien tost après, sa Majesté arrivant en Italie, j^erlcra à quelques Princes et Potentats, et s'abouchera avecq le Pape, et par après avecq l'Empereur (s'il est possible) pour confermer ensemble conseils et forces, auquel a desia demandé deux de ses Regiinentz, que l'on ne doubte point, qu'elle n'obtienne, combien que pour la guerre, qu'il a avecq le Turcq, il n'en ait

peu rendre cncoires response asseiirec. Cela faict, Tordre (jui est requis pour son desseing, estant donné, sadicte Majesté faict son compte, de s'arrester en la France Conté, pour après descendre au pays bas, avecq telle force, que besoing sera, selon le deportcment de ses subjects, et la contenance qu'ils tiendront de se humilier, ou de faire rcsistence, à fin de s'y faire obeyr , et Dieu premièrement. Au reste, Bla-dame, il me semble, ne debvoir obmectre à vous dire. Que le Conte Palatin, et Lantgrave de Hesse, et autres Princes Luthériens, ont envoyé deux Ambassadeurs par deçà, qu'on dict estre Docteurs, l'ung nommé Junius, et l'autre David, lesquels y sont arrivez, depuis ung mois, ou cinq Sopmaines, soubs couleur de demander quelques deniers, que lesdicts Princes presterent, durant les troubles, de ce Royaulme, aux Chiefs Huguenots, ensemble pour rcconmiander au Roy de Fi'ance, ceulx qui tiennent leur belle Religion, mais à la vérité, c'est (à ce que j'ay peu d'escouvrir) pour faire practicques avec lesdicts Huguenots, et donner nouveaulx moyens d'entreprinse, contre l'Eslat et pays de sa Majesté Catliolicque, Et par ce que j'ay sccu de bon lieu, et au vray, que aucuns du Conseil desdict Roy et Royne, et mesmes des plus grands et plus vieulx (quelques Catholic(iucs qu'ils disent estre) estoyent d'advis, de se servir de l'occasion de ceste légation pour traîner quelque ligue avec lesdicts Princes, et se fortifier de leur confédération et amitié, j'ay esté quelques jours en peine de trouver moyen de rompre ce coup : Mais estant le Cardinal venu en ceste ville, bien à propos, lequel à la vérité, faict icy ung monde de bons offices, et en feroit d'avantage, s'il avoit le moyen, Je l'ay veu, et ay longuement discouru avecq luy,de l'importance de ce faict, et la conséquence qu'il tire pour la ruyue Catliolicque, de ce Royaulme, et luy

ay faict tellement pesci% qu'il ny alloit pas seullement de l'interest du Roy, mon Maistre, mais du sien propre : luy baillant, par mesmes moyen, couleur de s'attacher audit Junius, pour estre subject et natif des Pays bas, que des le lendemain il partit d'icy, pour aller en' une maison de la-dicte Royne, nommée 3Ionceaulx, où estoit la Court. Et a si bien faict, estant là, qu'incontinent lesdict Roy et Royne depescherent une lettre au Prévost de leur bostel, pour mettre prisonniers lesdicts Ambassadeurs Luthériens, estans enceste ville, et se saisir de leurs lettres, mémoires, papiers, et Instructions. Ce qui eust esté exécuté, sans ce, que durant la contestation, qui survint lors, que ledit Prévost les vouloit mener en prison : quelqu'un dudict Conseil, estant en ceste ville, fust d'advis, qu'on surceyt l'exécution , jusques à ce, qu'il y eust nouveau commandement. Si est ce, que je sçay, que encoires que depuis on ait essayé de r'accoustrer ceste faulte, lesdicts Ambassadeurs sentent avoir receu une telle escorne, et leurs maistros une telle injure, que je voy par la, ceste practicque, qui se brassoit, rompue, sans pouvoir estre renoudé. Attendu mesmement, que de nouveau ilz se sentent offensez, de ce, qu'au lieu de reparer ladicte injure, ilz ont esté assez mal receuz en ceste court, en l'audience qu'ils ont eue, et pensent avoir esté peu agréables ausdicts Roy et Royne, et à ceulx de leur Conseil, et qu'après leurdicte audience, on s'est mocqué d'eulx : chose qui ne peult sinon tourner au grand bien des affaires de sa Majesté, et par mesme moyen destituer de plus en plus, d'amys et aliances. La Dame (vous sçavez laquelle) je pense estre une des plus simulées du monde, et plus je negotie par deçà, plus je demeure ferme en l'opinion, que j'ay faict souvent entendre à voslre Alteze, qu'il ny a en elle fiance, asseurance, amitié,

ne resolution, je luy ay parlé par plusieurs fois, de l'affaire quesçavez, qui importe à sa 3Iaiesté, et luy assez vifvement remonstré, l'obligation qu'elle y a : le secours, qu'elle en a receu, à son grand besoing, et encoires tous les jours j'use de tous les moyens, dont je me puis adviser, pour faire réussir les choses, selon l'intention de sadicte Majesté, et de vostre Altcze. Mais je n'en rapporte que parolles, et suis aussi peu asseuré que le premier jour. Si est ce que j'ay bien délibéré de la presser tellement, à la première audience, que j'auray, qu'il fauldra qu'elle parle ouvertement. Elle envoyé souvent versmoy, lepetit homme noir, dont j'ày quelque fois escript à vostre Alteze, Lequel a esté souvent en Espaigne, lors que le Seigneur de sainct Suplice y estoit Ambassadeur. Et bon qu'il semble à ladicte Dame, que par luy, elle me faict croire tout ce, qu'elle veult, et qu'il tire de moy beaucoup de secretz. Je ne luy veulx faire cognoistre, que je l'entende, ne les tirer de ceste opinion, au contraire, je demonstre de parler à luy librement. Et de ceste façon, je me suis apperceu, que je leur en baille quelques fois de bonnes, et bien à propos, et que je tire plus d'eulx, qu'ilz ne font de moy, pour le moins donneray-je bon ordre désormais, avec l'ayde de Dieu, qu'ilz ne se vanteront point d'avoir trompé ung Espaignol, j'ay receu ceste d'^pesche par ung courrier, qui partit de Madrid, avecqledict Seigneur de sainct Suplice, Lequel ladicte Dame avoit n'agueres envoyé vers sa Majesté, et l'a laissé, le premier de ce mois, à Rayonne, pour s'en retourner en France, l'on me mande qu'on luy a tenu le langaige qu'il falloit, et dont j'avois donné adviz, lequel, je m'asseure,prouftîtera. Et si n'a point tant à pris de Nouvelles, qu'il pensoit, et comme l'intention estoit de ceulx, qui l'avoyent envoyé, Le Ducq avoit dict quelques jours

auparavant, qu'il vouloit m'escrire. Mais par ce que Icdict courrier le veit, lors de son parlement, merveilleusement triste, à cause du mariage de son filz : Il ne luy en osoit parler. On ne scavoit point encoires la mort du Sultan Solyman, en Espaigne: Laquelle aussi tost qu'on aura entendue, je m'asseure d'avoir une depesche, par laquelle je pourray scavoir, si sur ceste nouvelle, il y aura eu quelque changement d'advis, aux particularitez dessusdicts, dequoy je ne lauldray, de tenir incontinent vostre Alteze advertie, laquelle, etc.

No 6.

COPIE D'VNEAVTRE LETTRE,

Escripte par ledict Francisco d'AIava, Ambassadeur pour le Roy d'Espaigne, en France, à la Duchesse de Parma, etc. Gouvernante : oultre celle qui est insérée dessus, au feuillet 241. N° 6.

Madame, l'advertissement que vostre Altesse m'a donné, des affaires de pardelà, m'a conformé l'opinion que j'avois tousjours eu, que ce remuement ne se faisoit point, sans intelligence, et sans le support, des plus grands : et mesmes desTrois (1), qui font si bonne mine. Car comme vostre Altesse l'a soigneusement, et avec grande discrétion, considéré, aussi doibt elle croire, que de ces Trois vient toutle mal. Je n'ay faillyd'advertir sa Majesté de toutes choses, et mesmes de ce faict. Et m'asseure, comme vostre Altesse l'a recommandé à sa-dicte Majesté, ne les fauldra traicter, comme il fault, et suyvant vostre recommandation, et se peuvent bien

(i) n désigne le Prince d'Oranges, le Conte d'Egmont, et le Conte de Hornes.

asseurer, qu'ils seront les premiers,ausquels sa Majesté s'en attachera, non pour user de grâce, en leur endroict, car ilz ne le méritent pas : mais pour les faire punir et chastier, comme leur rébellion en est digne. Il ne fault point pourtant, que vostre Altes.se leur face mauvaise chère, ny aucune démonstration de mescontcntcment, de peur d'empirer les affaires. 3Iais les tenir tousjours en espérance, d'estre recognus par sa Majesté, pour ses fidelles serviteurs, et cela servira beaucoup. Car se laisser ainsi persuader, on en jouyra plus aisément, Mais quant le temps sera venu, Ton leur parlera bien ung aultre langaige. Etdoibt vostre Altesse s'asseurer, que, si elle a bonne volunté de leur faire recepvoir le payement qu'ils ont mérité, sa 3l3Jesté n'aura point moins (i affection, de faire encest endroict, ce que sera nécessaire. Aussi, 3Iadame, suyvant ce que vostre Altesse m'a faict entendre, de vous tenir advertie, en quelle asseurance nous sommes du secours de France : Je suis constrainct le dire à vostre Altesse, que l'on nous faict assez de promesses, mais je crains, que cela ne nous servira de beaucoup, et que à la fin, le tout ira en parolles, n'estant leur volonté, et n'ayant le moyen, de nous secourir, comme ils promectent : oultre, que les Huguenotz de pardeça, sont forts, et lèvent la teste. Je ne laisseray de faire ce, que sera possible : Dont j'adverliray à vostre Altesse à toutes occasions, mais sur tout, je la supplie, de se gouverner avec une grande dextérité, alendroict de ces Trois, que je vous ay nommé, A tant etc. De Paris, le 29. d'Aougst 1566.

RESPONSIVE