SECONDEMENT

du Mandement el edict perpétuel, ordonné et émané, le pcnultiesme d'Apvril, L'an 1550. ayant auparavant aussi esté décrétez autres rigoreus, L'an 1544. et 1546.

f f Et PREMIEREMENT, que personne, de quel estât ou condition qu'il soit, ne pourra imprimer, escripre, copier, de son sçeu, avoir soubs luy, recepvoir, porter, garder, receler, retenir soubs soy, vendre, achapter, donner, distribuer, semer ou laisser tomber es églises, par les rues, ou en aultres places, aulcuns livres ou escripts, composez par Martin Luther, lehan Ecolampade, Ulrich Zwingel, Martin Bucer,Iehan Calvin, ou autres Ilereticqucs, et autheurs de leurs Sectes, ou d'aultres mauvaises et faulses Sectes, réprouvées par la saincte Eglise, ou de leurs complices, adherens et fauteurs, fourvoyans de nostredicte saincte foy Catholicque, plus am-

plement spécifiez en certaine déclaration et spécification {]), joincte à cestes,par no^tre commandementde nouveau faicte, par le Recteur, et ceulx de L'université de nostre ville de Louvain, datée du 26. de Mars, dernier, laquelle déclaration avons authorisé, et authorisons, veuillans et ordonnans,que icelle soit ensuyvie, entretenue et publiée avecques ces présentes nos lettres, ne aussi aulcuns autres livres, composez ou imprimez, ou qui ce pourront par après composer ou imprimer, sans déclaration de l'Autheur, Imprimeur, temps ou lieu.

f-j- Ne pareillement paindre ou faire paindre, vendre ou mettre à vente, avoir, retenir, ou garder, aucuns Imaiges, painctures, ou figures schandaleuses de la vierge Marie, ou des saincts, canonisez par la sainctc Eglise, ou de Testât Ecclesiasticque : Ne rompre, casser ou tracher les Imaiges et painctures, faits à l'honneur et mémoire d'iceux.

■\-\- Ne en ses maisons, ou autrement, tenir ou souffrir estre tenus aulcunes secrètes conventicules, ou indeiies assemblées, ne soy y trouver, esquelles, lesdictes Hereticques et séducteurs sèment et endoctrinent secrètement et à cachette, leurs erreurs, rebaptisent, et font plusieurs conspirations contre la S. Eglise, et la Republicque.

Enoultre deffendons cà tous gens, Layz, et autres, de communicquer,ou disputer, en publicq ou en secret,de la saincte escripture, signamment en matières grandes et doubteuses, ou de prelire ou enseigner à autres, la saincte escripture :

(1) En icfille se défendent quasi tous les Bibles et Testaments, autres que latins, e( se contient vng nombre infiny de livres, et entre aultres aussy ceux de Melanlbon,Carlstadt.Corvin. Sarcer.Lambert. Bnllinger. Agrippe. Wyelef. Hus. Pomeraen. Puppe'r. lone. Brence. Spangcnberg. Rive. Epin. Martir. Vrban. Muscule. Buccr.

s'ilz ne sont Théologiens, endoctrinez en la Théologie, et approuvez en quelque fameuse Université, ou ad ce, par l'ordinaire du lieu, admis. Aussi de prescher, défendre, alléger ou soustenir, en publicq ou en secret, aulcunes doctrines desdicts aulheurs :

Sur peine, en cas que aucuns se treuventavoir contravcnu, ou faict contre aulcun des poincts dessus inserez, d'estre punys, comme personnes séditieuses, et perturbateurs de nostre Estât, et du bien commun, et pour tels estre exécutez, A sçavoir, les hommes par l'espee, et les femmes par la fosse, quant ils ne veuillent soustenir ou défendre leurs erreurs, Mais si avant qu'ils persistent en leurs erreurs, opinions, et hérésies, d'estre exécutez par le feu, et en tout événement tous leurs biens déclarez, confisquez, et fourfaicts à nostre proulTit, déclarant iceulx inhabils, pour pouvoir disposer de leurs biens, des le jour que auront faict contre nostre ordonnance, statut et deffence, ou qu'ils seront tombez esdicts erreurs. Et toutes aliénations, dons, cessions, venditions, transports, testaments, et dernières voluntez, depuis cedict jour, par eulx faicts, ou passez, seront nuls, invalides, et de nulle vigueur.

Ordonnons enoultre,etdeirendons,Que personne de quelle qualité ou condition qu'il soit, ne s'advanche de loger, recepvoir en sa maison, traicter, fournir ou administrer aucunes victuailles, habillemens, ou deniers, d'assister avecq ses biens, ne autrement de son sçeu favoriser, aucun qui aytesté tenu, ou suspecté, pour Hcreticque. Et que tous ceulx que logeront, recepvront ou hanteront iceulx , (saichans qu'ilz sont telz) seront tenus de le denuncier et déclarer à Vlivquisiteur, ou Officier du lieu, si avant que le mesme lieu est previlegié, ou, en cas que non, au principal Officier de la

plus prochaine bonne ville de leur résidence : Sur peine, s'ils en fussent defaillans, d'estre punys, comme faulteurs desdicts Hereticques.

Item nous voulons, ordonnons et statuons, que personne de quelle qualité, estât ou condition qu'il soit, ne sera admis ne receu en ville ne villaige de noz Pays de pardeça, pour y demourcr, s'il ne apporte certification de sa conversation, du Curé du lieu de sa d^îrniere résidence, laquelle certification il sera tenu d'exhiber et délivrer es mains du principal Officier de la viHe, ou villaige, où il vouldra demoui'er : Sur paine, que ceux qui n'apporteront telle certification, ne seront admis a y demourer, mais seront tenuz pour suspcctz, et ordonnons aux Officiers , de se informer soigneusement contre iceiilx, et y procéder, comme il conviendra. Sans qu'il sera permis ausdicts noz Officiers, ou aux Seigneurs particuliers, ou leurs Officiers, de donner aulcun congié ou saulfconduyct à i elles personnes.

Item voulons aussy, que tous noz Justiciers, Officiers, et gens de loy, et ceux de noz Vassaulx et subjectz. Seigneurs temporelz ethaulx Justiciers, à paine de foui'faire leursdicts Offices, jurisdictions,et haultes Justices, ou aultre paine arbitraire, selon l'exigence du cas, seront tenuz de s'enquester soigneusement, et de procéder, ou, par leurs Officiers, faire procéder, contre toutes personnes, de quelle qualité ou condition qu'ilz soyent, signamment en ce, que concerne la contravention de nostre dicte ordonnance, et es matières competans à leur cognoissance, et dependans de leur temporele jurisdiction. Et que enoultre à la réquisition et demande des Inquisiteurs de la foij, et des juges ordinaires des Evesques, (veuillans par ensemble, ou par concurrence, procéder contre aulcun, pour aultant, qu'il touche le crime Ecde-

siasticque de Theresie) leur facent et donnent toute ayde, faveur et assistence, pour l'exécution et accomplissement de leurs charges, et d'avantage pour appréhender, emprisonner et détenir ceulx, qu'ils trouveront infectez, sujvant l'instruction (1), que lesdicts Inquisiteurs ont de nous, et les mandemens, que leur avons, à ceste fin, faict depescher. Ausquels Officiers, Justiciers, et vassaulx, nous ordonnons de faire ladicte assistence, sans aulcun dilay ou empeschement, soubs pretext, d'aucune litispendence, prévention ou autre occasion quelconque. Commandant à nos Procureurs generaulx, et leurs substituts, de procéder contre les negligens, et prendre conclusion, au fin de privation de leurs Estais et Offices, et commise de leurs Jurisdictions, et autres peines, comme selon l'exigence du cas, trouveront convenir. Item, Que tous ceulx, qui scauront ou cognoistront aucuns infectez de hérésie, seront tenus, de incontinent et sans dilay, les denuncier, déclarer, nommer, et donner à cognoistre aux Inquisiteurs ou Officiers des Evesques, et en leur absence, aux Pasteurs et Curez des Eglises, pour en faire l'advertence à leurs Supérieurs. Semblablement si avant que aulcun se trouve avoir faict contre nos ordonnances et delfences, soy monstrant infecté, ou fauteur des Herelicques, ou faisant aucune acte contre nosdictes ordonnances et defences,mesmes tendantes à schandale, commotion du peuple, ou sédition, que tous ceulx qui les scauront et cognoistront, seront tenus d'enadvertir incontinent nos Procureurs, ou leurs substituts, et commis, ou les Officiers du lieu, où tels infectez, fauteurs, ou delinquans demoureront. Pareillement seront ils tenus, si avant qu'ils sçaivent quel-

» (1) Laquelle estoit ample et rigoreuse à merveilles.

que lieu, où aucuns tels Hereticques se tiennent et cachent, de le déclarer à l'Oflicier du lieu, sur peine d'estre tenus (comme dict est) pour fauteurs , receptateurs, et adherens de riieresie, et d'estre punys de la mesme peine, que seroit l'Hereticque ou délinquant, s'il fut prins.

•\-Au mesme Mandement sont aussi [entre autres) reprins et répétez les mots et effect des sept Poincts et Articles du précèdent Mandement , signez au commencement d'une croix. •]■