DU PRINCE D'ORANGES

CONTRE SES CALVMNIATEVRS.

Qui ONT EXPERIENCE dcs affaires d'Estatz et Publîcques, ne sont empeschez à cognoistre ceulx qui par ambition et désir de quelque bien particulier, cherchent troubler la tranquillité et repos publiçq, ains tiennent pour marcques certaines et infallibles de semblables desseings, toutes nouvellitez et manières inusitées, d'ont usent gens de pouvoir, crédit, et authorité. Et à tant pour monstrer qui ont esté chefs et autheurs des troubles advenuz au pays bas, fault seulement considérer, qui estoyent ceulx qui avoyent cause (pour quelque bien ou prouffit qu'ilz attendoîent) de désirer nouvellitez audict pays : et ont esté les premiers à les commencer, et mettre de faict en exécution.

Et pour ce faire, nous semble nécessaire, représenter Testât dudict pays bas, tel qu'il estoit au paravant iesdicts troubles, et après les guerres, que tant feu dé très-haute et tresdigne mémoire l'Empereur Charles, que le Roy d'Espaigne, Princes dudict pays bas, et souverains Seigneurs des vassaulx d'iceluy, ont quasi continuellement l'espace de dix ans soustenus contre le Roy de France,qui estoit tel, que nonobstant

que durant icelles, le peuple estoit en quelque altération par rinquisiti(Hi et placcartz, que en plusieurs Pr6vinces,ron y observoit an faict de la Religion (s'augmentant de jour à aul* tre par raccroissement de ladicte Religion, et rigueur desdicts placcartz (1) si exorbitante et extrême, qu'il faict à esmerveiller qu'on les a si longuement et avec telle pacience en ung pays si libre souffert et enduré) comme cy après sera remonstré. Ton s'estoit,toutesfois clairement aperceu, que les subjectz desdicts pays, estoyent aultrement prestz, non seulement de prester toute dette obeyssance, mais aussi d'exposer corps et biens pour sa Majesté.

S'estant la noblesse avecq vertu et promptitude incroyable acquité ausdicts guerres. Et ayant les Ëstatz desdicts pays généralement et de leur volonté, contribuez aux fraiz d'itelles, incroyable somme de deniers, revenant bien à la somme de quarante millions de florins, si voluntairement, que oncques l'on n'a apperceu à ceste cause quelque signe d'altecation : de manière que l'on peult asseurement présupposer, que ledict pays estoit tellement affectionné à sa Majesté,que pour maintiennement du bien et grandeur d'icclle, contre ses ennemis, n'espargneroit chose du monde.

Et sepouvoit à tant sa Majesté aisément asseurer de toutes forces estrangeres. Et estant chose naturelle, que tous grands services et biensfaictz, engendrent confidence, ne pouvoit estre que le«dicts pays, signamment les nobles, tenans que par leurs dangiers, sang et prouesse, sa Majesté avoit acquis tant honnorables victoires, et que par subvention, ayde et assistence commune s'estoit tant honnorablement deffaict

(i) Appert par les placcartz publiez es années 1521. 26. 29. 31. 40. 44. 46. SO. 56 et autres.,

d'une si longue et fascheuse guerre, n'eussent entière coniSdence, que sa Majesté (s'offrant l'occasion) auroit regard à leurs si grands et notables debvoirs et services, par où Ton pouvoitles-dictspays aussi apparentement asseurer,de toutes troubles et esmotions intestines.

Car n'attendant le subject aultre que bien de son Prince, continue avec plusgrande dévotion en l'obéissance d'iceluy : De manière que considérant Testât desdicts pays, florissantz par le cours de toute sorte de négociations et marchandises, et ce que en dépend, combien qu'il estoit fort fouUé par la guerre précédente, chargé, et quasi oppressé de Tailles, Impostz, et Exactions, imposées à cause desdicts sommes de deniers, qu'avoit^ convenu lever pour les fraiz d'icellc : N'y a rien plus apparent, que estant par dehors asseuré des ennemis, et par dedans si uni avecq son Prince, et secouru des Placcarts et ordonnances accommodez au temps, non seulement se seroit refaict, acquité et deschargé de toutes debtes, mais en peu d'années parvenu au comble de toute félicité humaine.

Dont sa Majesté venant à estre redoubté et crainct des estrangiers, et révéré et aymé de ses subjectz, se pouvoit tenir pour le plus grand et heureux Roy et Prince de son temps : De sorte, qu'il fault confesser, que ceulx qui ont empesché cestuy bien et félicité, et dissolu ceste union, et divertyceste affection, ont commis faulte si grande, au détriment de sa Majesté, et de la Republicque, qu'ilz méritent d'estre puniz et chastiez, à l'exemple d'aultres : Et pensons que tous ceulx qui voyent lesdicts pays à présent reduicts en extrêmes calamitez, servitude, et misères, au lieu de félicité tant appa^ rente, cohcurreront en ceste nostre opinion, et donneront la mesrae sentence. Et Nous Gvillaume de Nassav, Prince d*0-

ranges, cstans tenus par le Procureur gênerai, suyvant ses Lettres patentes d'adjournement et Citation (1), autheurde cestemutation,Ne refusons aucunement ladiclepunition, en cas que le prétendu dudict Procureur, soit Véritable. Lequel pour représenter quelque cause et occasion que nous pourroit avoir incité à icelle (n'ayant apparence que l'aurions entreprins sans cause) allègue nostre ambition et désordonnée affection d'administrations. D'ont s'ensuyt que la cause finale de noz actions et desseings, seroyent esté honneurs, entremises, et authorité extraordinaire.

Dont pour oster audict Procureur, ce fondament, sur lequel il prétend bastir son accusation, suffiroît à ceulx qui ont coghoissance de nostre personne alléger nostre naturel, nullement enclin à semblables convoitises, Et aux autres,les parties des biens, d'ont Dieu par sa grâce nous avoit pourveu, par le bon gouvernement et administration, desquels pouvions plustost espérer grandeur et authorité, que par aultre entremise quelconque. Car fault que tous confessent que estans retirez en noz maisons, et à noz affaires, avions beaucoup meilleur moyen d'amasser trebors et richesses, et par la gaigner, conserver et maintenir authorité, quedespendant largement en court,esperer ladicte authorité, par usurpation d'administrations : desquels tous ceulx qui ont quelque cognoissancede noz affaires,sçaventfort bien que n'avons oncques prétendu aucun prouffit : et estans les pays si affectionnez à sa Majesté^ comme cy devant a esté dict, n'y a rien plus absurd, que nous vouloir imputer avoir voulu usurper sur l'auctorité d'icelle, et ledict pays.

Mesmes que avons tousjours esté d*opinion, que sa Ma-

(I) Apport par les lettres dialoircs du 19.(ie Janvicrct laproclaiiuid»'" du 24. dudict moy.s,îm fin insérez.

jesté debvoit plustost entretenir ses subjeetz en ladicte affection et volunté, par modération des Placcartz, que par advancement de nouvellitez et rigueur les en divertir : qui est le seul poinct et moyen par lequel l'on peult prétendre, que aurions voulu parvenir à ladicte surprinse. Car Ton ne peult nyer, que affection et benevolence, sont moyens,par lesquels le Prince peult maintenir son auctorité et ses pays. Et fault à tant confesser, que par ladicte opinion venions à conserver et non à usurper l'auctorité de sadicte Majesté. Laquelle si aultres ont trouvé plus expédient que fust maintenue par rigueur, s'ensuyt bien, que, quant aux moyens de ceste conservation, avons esté en opinion contraires : mais nullement quant au poinct dudict maintiennement et conservation, laquelle l'expérience monstre que par ladicte rigueur ne se pouvoit faire, demourant lesdicts Pays en l'apparente félicité qu'ilz estoient, en laquelle desirions qu'ilz fussent, soubz l'auctorité de sa Majesté, conservez, qui a esté après le service deDîeu, la seule cause, que n'avons approuvé la rigueur de ladicte Inquisition et Placcarts.

Dont rendront aussi tesmoignage toutes noz aultres actions, eslongees, voire contraires à toute ambition : Car et auparavant avions renoncé à Testât que avions au conseil d'estat. Et à celuy de chief des finances (i), tant apparente, pour guigner la vogue et suyte de tous estatz (voire nous mettant quasi toute la superintendence des affaires en mains, si eussions voulu) et desquels, aultres s'en sçavent si bien servir à leur prouifit : Ains grâces à Dieu, avons esté tant eslongez de ceste pretension, que avons l'ung et l'autre desdicts Estatz remis à sa Majesté, puis que n'y povions faire bon service,

(I) Appert par les cojpmissions sur ce en forme depescbces et renvoyez ran 1558.

comme bien eussions désiré, obstant les trafficques d'îceaix aultres : toutesfois comme sa Majesté par eeluy nostre deportement et renvoy de noz commissions, ne laissa de nous adhiber souvent es délibérations, nous avons, à nostre possible, acquitez, pour adviser ce que nous sembloit,pour son service, et le bien du pays convenir, et ce nous estoit grand crevecœur, de veoir, que quelques deux ou trois, travcrsoyent ainsi la bonne intention de sa Majesté.

Mais comme icelle avoit tout ce temps cogneu la sincérité de noz actions, et promptitude de noz services, Et estant en Zeelande, pour partir vers Ëspaigne, nous fist autresfois grande instance , de reprendre ledict Estât de Conseillier, avons obey, après nous avoir grandementexcusé,mais voyant depuis les choses aller à raccoùstumé, et aultrement que sa Majesté nous avoit donné espoir, avons prié derechef estredeportez,environ deux ansapres(l).Et voyant que à toute force Ton vouloit réduire le Pays en servitude (que aucuns appellent entière obéissance) comme cy après sera déclaré, pour n'avoir occasion d'entrer sur ce poinct, (qui du tout sembloit tendre au détriment de sa Majesté, et de la Republicque) en plus ample contestation, avons aussi requis d'estre déportez de noz gouvernemens pour entièrement nous retirer, et vac- (]uer à noz affaires particulières, Et pour point estre notez des inconveniens que par la apparentement pourroyent advenir. A laquelle fin avons souvent faict plusieurs instances (â), tant vers sa Majesté, que la R^ente, mesmes encores plus d'une fois après la présentation de la Requeste des confederez, par noz adversaires tant descriee (5).

(I ) Appcrbpar lettres envoyées au Roy du S5. de Jullet 1561. (S) Appert par lettres envoyées au Roy du 11. de Mars 1562» et 29. de JuIIet 1563. ^

(5) Appert par lettres envoyées au Roy le 20. d'Apuril. et27.de May 1S66,

Et certes si nostre ambition eust esté aucunement suspecte, n'est vray semblable que sa Majesté, nous eust refusé ledict deportement, du moins ne nous eust tant de fois si expressément commandé et instamment requis, d'y vouloir continuer (i). Estant de droictnotoir, qu'on doibt eslonger de toutes administrations et gouvernemens, ceulx desquels on craint l'ambition. De sorte que sa Majesté nous continuant esdicts estatz et oiBces,yient à déclarer (directement contraire au soustenu dudict Procureur gênerai) que ne auparavant ne après le parlement d'icelle, estions suspectz de par ambition avoir voulu surprendre sur l'auctorité d'icelle, ou autrement sur ses pays, puis que par là appert assez que ne desirions rien tant que d'estre déportez de toute administration et auctorité.

Et qui prendra regard que après le parlement de sa Majesté tous les affaires restoyent es mains du Cardinal de Granvelle, et comme ledict Cardinal estoit jaloux de sa grandeur : (Mesme estant accoustumé de faire exiler et forclore de toute administration et entremise, ceulx qui en quelque manière luy sembloyent pouvoir empescher l'accroissement ou maintiennement d'icelle : Dont servira d'exemple que du temps du feu de tresheureuse mémoire l'Empereur Charles, il persuada à sa Majesté de n'entremettre aux affaires de l'Empire, Seigneurs de qualité, et qui povoyent obfusquer ou diminuer son auctorité. Et plus particulièrement le Seigneur Ferdinando Gonzaga,Gouverneur de Milan, et le Conseillier Rejnart : Ayant ledictSeigneur Ferdinando, durant le Gouvernement dudict Cardinal, es affaires d'Italie, esté constrainct abandonner sondict gouvernement, etjus-

(i) Appert par lettres du Roy datées du 3d. de Septembre 156i. 6. de JniDg 1$63. etSi. de Jullet. 1566.

ques à la mort continuer à la poursuyte de certain procès criminel, que luy estoit suscité par son moyen (pour par là gaigner la vogue des Espaignolz, lesquels quant à la reste, avoyent soubz leur domination toutes les Seigneuries de sa Majesté en Italie) : Et ledict Reynart laisser sa maison, femme, enfans, et estatz au pays bas, et se trouver en Espaigne, où il est apparent, comme confiné ou relégué, finir ses jours. Ne trouvera aucunement vray semblable , que si nous eussions prétendu par administration usurper sur l'auctorité du Roy (ce que faire ne pouvions sans diminuer Tauctorité dudict Cardinal) Ton nous eust retenu ausdicts Estatz, ains au contraire que à l'exemple des deux precedens eussions esté constrainctz les abandonner plustost que ne l'avons requis, du moins Ton ne nous eust refusé congé d'en départir à la première demande, et encores aux itératives.

Mais cognoissant ledict Cardinal nostre naturel eslongé de toute ambition^ et que de faict ne desirions aucune entremise, et moins grande et extraordinaire, et par laquelle eussions prétendu d'usurper sur son auctorité , a bien voulu practiquer que fussions retenuz ausdicts Estats, à fin d'abuser le peuple, auquel il se sentoit fort odieux, et par moyen de nous et auttres, faire trouver ses actions meilleures,qu'elles n'estoyent : A l'exemple de Dionysius, Tyran deSecllIe, qui retenoit en son Conseil, ceulx, d'ont le peuple avoit bonne opinion : point, comme il disoît, pour user de leur advis, mais seuUementà fin qu'il semblast qu'il en usast.

Et après le partement dudict Cardinal, s'offrant l'occasion de descouvrir l'ambition si aucune estoit en nous, ne s'est oncques veu qu'avons prétendu le moindre poinct pardessus les autres , ains a esté rendue à Madame de Parme Gouvernante, l'auctoritéque luy appartenoit, et que ledict Car-

dinal avoil usurpé, se servant d'elle (comme des autres liu Conseil) de couverture et ombre : De manière que ladicte Dame a depuis ouvertement déclaré et confessé , qu'elle avoit plus entendu des affaires du Pays, en peu de mois après ledict partement, que de tout le temps que ledict Cardinal avoit esté auprès d'elle.

Laquelle veullant parapres aux dernières troubles abandonner la ville de Bruxelles, et se retirer à Mons, (laissant lout au bénéfice de nature) et par la donner occasion à ceulx qui eussent peu avoir envie de surprendre sur son autorité, Tavons avecq aultres , par grande instance et importunité, requiz et supplié ne vouUoir faire ce tort à soy mesme, ne telle disreputation et desservice à sa Majesté, qui monstre bien que noz actions et pensées ont esté du tout contraires à Tambition, dont pour le présent à tort Ton nous accuse. Et certes si eussions eu quelque desseing d'usurper seulz l'autorité, ne ce nous pouvoit offrir occasion, ny moyen, plus propice et convenable, que de veoir la Régente effectuer sondict desseing. Mais comme nostre intention estoit du tout contraire, Tavons^à nostre povoir,emp3sché, comme dist est. Et estant remonstré à sa Majesté estre convenable pour son service, que le Conseil d'estat fust augmenté des Seigneurs et gens de lettres, et autorizé en aucuns poinctz,pour obvier à toute confusion et dissenlion,et pouvoir tant mieulx en beaucoup d'affaires resouldre, mesmes aussi afin que les decretzet resolutions d'icelluy, fussent entretenus, et sortissent effect, avecq plus grande autorité et respect, aussi afin que seroit mieulx ostee toute occasion à ung chascun d'usurper toute l'administration, ou cercher son privé aux despens du publicq.

Etestans requis de par Madame, de dénommer aucuns

que Ton pourroit à ce promovoir, nous en sommes excusez, pour ne donner aucune suspition, que y voulussions mettre quelques ungs à nostre main, et avecq lesquelz avions intelligence, ayant le tout remis à sa Majesté, sans que oncques ayons faict demoustrance, de penser à nostre particulier.

D'ontse peult inférer quenonseullement à tort,mais aussi contre toute apparence de vérité, sommes accusez, de par ambition et convoitise de gouvernemens et administrations, avoir voulu usurper sur Tauctorité de sa Majesté, et à cest effect, troubler le repos et tranquillité, d*ung pays auquel debvons quasi autant, qu*à nostre propre patrie : Et ce sans prendre regard à nostre propre dommaige et interest, esquellesdebvionsapparentementencourrir,à causedes biens qu'avions esdicts Pays, par moyen desdicts troubles, estant nostre bien, interest, et dommaige, inséparable de celuydudict Pays.

Car estant le naturel des ambitieux, de vouloir gouverner seul, et avecq forclusion d'aultres , avons au contraire non seullement proposé que le Conseil se debvroit augmenter, et Tauctorité communicquer à plusieurs, mais aussi offert de nous en retirer, pour donner place aux autres : Dont ladicte Gouvernante et ceulx dudict Conseil pourront estre tesmoings.

Convient à tant cercher allieurs causes plus apparentes desdicts troubles ; et pour ce faire, considérer, que lesdicts Pays estoyent sur tout jaloux de la conservation des libertez et franchises qu'ilz avoyent, tant en vertu des conlracts faicts avec leurs Princes, que des Privilèges obtenus d'iceulx,mesmes aussi des Empereurs, de toute ancienneté : craindant que par introduction des estrangiers, et noromeement Espaignols. Ton les en vouloît priver, pource que ledict Cardinal

avoit dict que le Roy ne pouvoit maintenir lesdicts Pays,sans retenir forces d'Espaignols, et se faire absouldre par le Pape, da serment qu'il avoit faict à la réception d*iceux : Et les conquerrede nouveau, pour, en abolissant lesdicts contractz et Privil^es, les gouverner à sa volunté : Et mesmes alleguoit, que Ton n'y poUvoit parvenir, sans trencher les testes à quatre ou cincq des principaulx.

Par où toutes Nouvellitez venoyent à estre tant plus suspectes et odieuses, y joingt, que durant les dernières guerres, l'on avoit assez modéré et suspendu l'extrême rigueur de rinquisition et Placcartz. Et par l'Introduction des gens de guerre AUemans, d'ont on estoit contrainct s'aider, donné liberté aux presches qui se faisoyent ouvertement entre eux, tant en villes que en campaigne : et secrètement entre les autres en plusieurs lieux, joinct que en tous les Pays circonvoisins estoit desja receu la doctrine contraire à la Romaine. Et que par là en ung Pays si peuplé et fréquenté de tous costez, le faict de la Religion estoit successivement, et par l'espace de tant d'années si advancé, que en la fin l'on tenoit pour exécrable, le nom de ladicte Inquisition et Placcarts, par lesquelles multitude innumerable de gens, voire, plus de cinquante mille personnes, avoient cruellement esté exécutez et mis à mort, et autre semblable contraincte d'abandon* ner biens, parens, amis, et alliez, et vivre en perpétuel et misérable exil, seulement (comme l'on veoit et entendoit de jour à aultre plus clairement) pource qu'ilz ne s'avoyent voulu eslongner des commandemens de Dieu, et suyvre les inventions des hommes.

Ce que causoit non seulement altération, mais aussi par divers respects, aigreur si grande contre ladicte Inquisition et Placcartz , que les Officiers en plusieurs lieux n'osoient

plus procéder à Texecution d'iceulx, sinon de nuict, et à la desrobee, et ce point encores sans péril et dangier de troubles. Et pourront tesmoigner s'ilz n'ont souvent avecq grand liazard garanti leur vie de la rage de la commune, esmeue par ce misérable spectacle des exécutions si horribles.

D*ont tous ceulx qui avoyent expérience des affaires, prevoyent, que cestuy poinct seul, seroit occasion d'esmotions, si sagement et en temps n*y estoit pourveu.

Lesquels et autres inconveniens craindant desja de son temps, la Royne Marie, Gouvernante desdicts pays , s'estoit Tan 50. en personne transportée à Augsbourg, vers feu de tresheureuse mémoire l'Empereur Charles, à fin de modérer et mitiguer la rigueur des Placcartz, lors conceuz (1) : et laisser affranchiz de ladicte Inquisition la ville d'Anvers, et le pays de Brabant, et autres qui n'en avoyent esté subjectez. Ce que aussi vers sa Majesté elle obtint (2). Quoy non obstant ledict Cardinal avec ses Créatures et Inquisiteurs, nëcessarent de leurs persécutions et practicques, avec grand murmure du peuple.

Mesmes sceurent bien user d'une grande cautelle, et faire depescher au nom de sa Majesté au commencement de son règne, l'an 55. lettres de Placcart pour donner assistence aux Inquisiteurs (5). Et ores que icelles furent incontinent après revocquees, quant sa Majesté fust informée, de ce,que alendroict de l'Inquisition s'estoit paravant comporté,toutesfois ce causa une véhémente aigreur au peuple, voyant leur

(1) Appert par le placcarl du moys d'Apuril 1550. (î) Appert par le placcart du moys de Septembre 1550. (5) Appert parles lettres de placcart surce depcscheesVan. 1555. eties lettres reuocquatoires depuis concédées.

£t ayoyent à tant au parlement de sa Majesté, l*œii sur celuy qui seroit commis au gouvernement gênerai desdicts pays : de tant plus que les Estatz generaulx, avoyent adonc à grande difficulté peu obtenir de sa Majesté que les soldatz Espaignols, retireroyent du Pays, desquels ledict Cardinal s'entendoit fortifier.

Ce que 'prévoyant aussi d'extrement ledict Cardinal (lors Evesque d'Arras) combien qu*il entendoit en effect avoir seul ledict gouvernement, fist tant, que le tiltre et nom de Gouvernante, fust attribué à la Duchesse de Parma, (laquelle alors n'avoit aucune expérience des affaires, ne humeurs du Pays bas, s'ayant tousjours tenu en Italie, à fin que à ceste occasion elle fusse quasi constrainote de se rapporter à ce qu'il luy persuaderoit.) Et pour faire trouver ses actions meilleurs, que sa Majesté, au paravant partir, ordonnoit nng Conseil d'Estat, auquel furent députez , aucuns des principaulx Chevaliers de l'Ordre, et Nous, (nonobstant nostre refus, comme dict est) entre les autres. Car se sentant tenu ennemi de toutes libériez, franchises, et Privilèges, qui pouvoyent empescher ses desseings , et Chief, Autheur et Promoteur de Tlnquisition et exécution des Placcarts, scavoit tresbien, que ceulx desdicts Pays, n'eussent souffertson Gouvernement, sans s'opposer, des la première heure.

Estant doncq le repos et tranquillité dudict Pays sousteniie de ceste umbre,apparence, et couverture, que les affaires se traictoyent par Tauctorité de ladicte Gouvernante,et advis dudict Conseil d'Estat, fust par l'ambition et indiscrétion dudict Cardinal, bien tost après, osté, et descouvert ceste Masque, pource que quasi incontinent après le parlement de sadicte Majesté, il commença seul, ou avecq quelques ungs dependans de luy, à part traicter tous affaires d'importance,

sans les représenter, comme il appartenoit, à ladicte Gouvernante, et communicquer et proposer audict Conseil d'Estat, disant ouvertement aux députez des Provinces et villes, qu^il se falloit à luy et point ailleurs, addresser, pour parvenir à bonne fin et depesche des affaires : et neantmoins soustenant que tous ceulx dudict Conseil d'Estat, debvoyent esgalement respondre des inconveniens , si aucuns advenoyent. Ce que alteroit et sembloit fort irraisonnable à aucuns dudict Conseil, qui en firent aussi remonstrance par lettres à sa Majesté, comme icelle leur avoit ordonné de faire en cas semblables.

Et comme ce pendant d'Evesque il se fist Cardinal, Et le Président Viglius (ung de ses premiers) Prestre, concurrant le bruict des nouvelles Eveschies et incorporation des Abbayes et prelatures (1), mesmes aussi les déterminations du Concile de Trente (choses résolues par sa Majesté, avant son partement, par le conseil desdicts deux; et quelques trois ou quatre aultres, taschans par là assouvir leurambition €t avarice) fust fort altéré et esmeu le peuple, duquel n'y avoit membre ny estât, qui ne se sentoit grandement intéressé : Tenans les Seigneurs et Nobles que ceste authorité dudict Cardinal, et Nouvelle Introduction d'Evesques (tous dependans de luy) tendoyent à leur dépression, et pour mettre le gouvernement et administration dudict Pays es mains des Ecclesiasticques : et à tant indirectement en priver sa Majesté (à laquelle lesdicts Ecclesiasticques soustiennent,ne debvoir ne pouvoir porter aucune obeyssance,)et tous autres : Et les Abbez, Prelatz, Conventz et Collèges, que lesdicts Evesques se vouloient enrichir de leurs despoilles, mesmes en incor-

(1 ) Appert par les Bulles Papales de Paul 4. et P|e 4.

poranl lesdîcts Abbayes et Prelatures, leur oster toute élection, et espoir de parvenir aux dignitez accoustumees : Et le peuple, que c'estoit le vray chemin pour abolir toutes libériez, franchises et privilèges, et introduyre Tlnquisition, et renouvefler l'ancienne rigeur des placcars, et les reduyre en servitude des Ecclesiasticques : qui ont esté les vrayes causes et sources des difBdences, troubles, et maulx depuis ensuyvies (quant Ton a voulu mettre en exécution ce que ces beaux Conseilliers avoyent persuadé à sa Majesté, lesquels pource en debvroyent estre notez et reprins) Lesquels Ton prétend divertir dudict Cardinal, pour nous en charger, sans couleur ou apparence quelconque.

Et combien que par hystoires Ton trouve, que à moindres occasions sont advenus changemens, esmotions, et révoltes : si est ce, que en ung peuple si tresaffectionné à son Seigneur et Prince, ne firent encores ces causes leurs effects accoustumez et ordinaires , pource que Ton esperoit, que les Estats desdicts Pays (recommandez par les debvoirs et services falots es guerres précédentes) pourroyent divertir l'intention de sa Majesté, et que icelle accommodant ses délibérations au temps, et selon leurs traictez et Privilèges, empescheroit plustost, à la Requeste d ung peuple si loyal et fidel, toutes nouvellitez, et mesmes le progrès des Eveschees, de l'Inquisition, et rigueur de ses Placcarts, que à l'appétit d'ung estranger, et quelques gens incognus, advanceroit nouvellitez si exorbitantes, contre la disposition desdicts temps. Privilèges du pays, ses promesses, et en effect la nature mesme, veu les troubles au mesme temps suscitez en France à l'occasion d'ordonnances et Placcarts, tendans à semblable effect. Combien que ledict Pays n'est si fréquenté, et de toutes parts enclos et environné des pays suyvants autre Reli-

gion, que la Romaine, comme sont lesdicts pays bas.

De tant plus que desdicts novellitcz se commençoy 3ntaussi à ressentir estrangiers , Archevesques, et Evesques de FEmpire, par l'Erection desdicts nouvelles Eveschees , intéressez en leur Jurisdiction et Diocèse : Et que d'icelles sa Majesté ne pouvoit tirer aultre prouffit, que de coUocquer son auctorite, en ceulx, qui expressément faisoyent profession de ne le vouloir recognoistre.

Par ces raisons et aultres, que chascun se proposoit selon la capacité de son entendement, et sur tout Tespoir que lesdicts Pays, tant en gênerai, que les particuliers avoyent en la bonté du Roy, ayant tant par sa Majesté que ses prédécesseurs, tousjours esté traictez en raison, et par justice, et selon les droicts du Pays, et estans accoustumez remonstrer ce, en quoy ils se sentoyent grevez , par requeste et doléances, ont bien voulu prendre le mesme chemin, et par iceluy advertir sa Majesté des Nouvellitez susdicts, et inconveniens apparens d'en sourdre, si bien tost ny fust remédié, et à tant de la part de la Gouvernante, et des Seigneurs , estans au Conseil d'Ëstat, (lesquels ledict Cardinal, comme dist est, soustenoit debvoir esgallement avecq luy estre chargez de tous inconveniens, qui pourroyent advenir) fust envoyé (4) vers sa Majesté par la poste, et en diligence, le Seigneur, Baron de Montigny, Chevalier de l'Ordre, avecq charge etinstruction de remonstrer Testât et nécessité du Pays, et mesçontentement gênerai desdicts nouvellitez, que fist surceoir toute ultérieure et particulière poursuyte des nobles, estans des Estats du Pays, esperans par ce, que sadicte Majesté ordonneroit sur lesdictes remonstrances satisfaction , ou du

(i)£nAou8t,raiil562.

moins allégement des poincts, d'ont ils se sentoyent intéressez et grevez, Veu que pour empescher l'incorporation des Prelatures et Abbayes, lors vacquantes en Brabant, les Prélats et antres Estats dudict Pays, avoyent au paravant envoyé (i) leurs députez, comme aussi avoyent faict ceulx d'Anvers (2), pour empescher l'Inquisition et Introduction de leur nouvel Evesque, que retint lesdicts pays pour quelque temps suspens , et sans quelque esmotion ou trouble, soubs espoir d'obtenir par iceulx leurs députez, quelque bon remède et appoinctement tel, que Testât des affaires requiroit, combien que le faict de la Religion s'advançoit de touscostez.

De sorte que Ton commenchoyt en aucuns lieux à prescher, non seullement secrètement (ce que par aucune rigeur l'on n'avoit oncques sçeu empescher,) mais aussi publicquement, et nommeement à Valenciennes, Tournay, et quelques aultres lieux, àquoy donnoit, du moins augmentoit les occasions, la liberté de la Religion accordée en France : De tant que leur sembloyt, n'avoir moins mérité vers leur Roy et Prince, que les Franchoys, à l'exemple desquels estanstraictez en plusieurs endroicts, leur semblovt aussi qu'ils meritoyent d'obtenir liberté de leurs consciences , et veoyt-on à l'œil que esdicts pays (environnez d'aultres tous suyvans aultre Religion, comme dist est : Et lequel se doibt entretenir par l'intercours de la marchandise, fréquentation et conversation des voysins,) estoit impossible de plus observer les anciennes ordonnances et placcarts au faict de la Religion : Laquelle par iceulx l'on avoit prétendu desraciner et extir-

(1) En Peurler, Tan 1562.

(2) En May, Tan 1562.

per, là où toutesfois Ton trouvoit par expérience, que aussi en la plus grande rigeur,eile estoit creùe et augmentée : Et que à tant du tout est impossible, par rigeur efforcer et coiistraindre Religion ou conscience, du moins plusavant que à quelque dissimulation.

Ce nonobstant, continuoit ledict Cardinal, d'introduire et mettre en possession les-dicts Evesques, ayant pour soy practicqué rArchevesché de Malines, (en vertu de laquelle il entendoit aussi demeurer Métropolitain et Primat, Et engloutir l'Abbaye d'AlIligem,la plus riche de Brabant, oultre celle de S. Amand, dont s'estoit desja saisy) et les aultres reparti entre gens si mal propices et idoines , que publicquement Ton en mocquoit. Et combien que les-dicts introductions se faisoyent en aucunes villes, sans opposition manifeste, si est ce que l'on s'apparcevoit aisément du mescontentement, que plusieurs en recepvoyent, et s'opposoyent aucuns, nomméementceulx d'Anvers, Groeningen, Leewaerden, Deventer, Ruermonde, assez ouvertement.

Et estoit aysé d'entendre, à quoy ces menées tendoyent, puis que le Cardinal (qui dominoit pardessus tous les consaulx, et la Gouvernante mesme, Et qui à tant avoit auctorité et pouvoir absolut) devenoit chef de tous ces Evesques, qui par leur inidoneité et inexpérience, tous devoyent dépendre de luy, et que à tant usurpoit plus d'auctorité qu'onques Prince dudict pays avoit eu, et qui pour maintenir, confirmer, accroistre et augmenter icelle par moyens violons, avanchoyt le faictdc rinquisition,et exécution des-dicts placcarts. Et pour gratifficr, avoit moyen de à sa recommandation, faire donner, distribuer, et conférer tous offices, bénéfices et mercedes du Roy, et de ladicte Gouvernante, sans le moyeu qu'il avoit de par soy et par lesdicts Evesques : et à

taJnt s'avoil ouvert le vray chemin, pour gaigner, acquérir, et maintenir auclorité sur le Roy et ses pays : Et d'avantage pour estre adverty au vray de ce que passoit par tout, et entretenir les Roys et Princes voisins, avoit quasi de sa main et à sa poste, tous les Ambassadeurs, agens et députez de sa Majesté : et entre autres, son frère propre, qui mist les affaires de France en tel estât, que pour le bien et repos dudict Royaume, la Royne requist tresinstamment, sa Majesté, Poster de là.

A quoy qui voudra prendre regard, pourra facillement juger, qui estoit qui pretendoit sur Fauthoritéde sa Majesté : Nous qui n'avions aucuns desdicts moyens, et recepvions que mescontentement de toutes nouvelletez : Et que nous estions plus de unefois déportez du conseil d*estat, et celluy de Chief des finances, et ne desirions riens tant que d'estre aultresfois déportez (flidict conseil d'estat, et aussi par après de nos Gouvernemens, et d'icelluy Conseil, Ou ledict Cardinal, qui par nouvelletez, et moyens si extraordinaires, de faict, declaroit, avoir la-dicte authorité, tendant par iceulxà se confirmer et maintenir en icelle, voire plus grande que oncques Prince avoit eu audict Pays.

Certes, nous pensons que ceulx qui prendront regard, et jugeront de ce que dist est, sans affection, ne trouveront moins absurd, que Ton nous prétend en ceste partie accuser, que si Ton vouloit excuser ledict Cardinal.

Or ayans les députez des Prélats par moyen d'argent et Pensions, obtenu que Ton ne procedoit à l'incorporation des Abbayes : et lesdicts d'Anvers, que l'on ne les molesteroit de l'Inquisition, et useroit avecq eulx de connivence, au regard de l'introduction dudict nouvel Evesque : Et estant ledict Seigneur de Montigny retourné sans resolution souifisante.

pour remédier aux autres Inconvenîens, et par le peu d'es* poir du r'addressement des affaires, veu que par moyen des* licts pensions, I*on advançoit le faict desdicts Evesques (rîntroduction desquels n'estoit que la vraye Inquisition,) Et que Ton pretendoit indirectement priver lesdicts d'Anvers de Teffect de ladicte connivence, les vueillant reduyre en pouvoir dudict Gardinal,et sous TArchevesché de Malines,trouyd la Régente en Conseil, d'aultresfois représenter à sa Majesté Testât des affaires, et signamment de Valenchiennes etXournay, ou sembloit par tout impossible, contenir le peuple de l'exercice de la Religion, sans continuelle garnison et garde. Et fust par son Alteze envoyé vers sa Majesté son Conseillier Armenteros (i), que lors finablement fust résolu par sa Majesté que ledict Cardinal, apparent autheur de toutes altérations et mescontentemens, s'absenteroit desdicts Pays, que donna derechef quelque contentement et espoir d'amendement des affaires au peuple. Et fust en effect cause, de tenir autresfois lesdicts Pays suspens, et sans procéder à ultérieure altération.

Mais comme les créatures dudict Cardinal continuoyent es mesmes nouvelletez,et traictoyent,en son absence,les affaires au mesme ordre qu'il avoit observé, retournèrent bien tost les mesmes desordres : Estant impossible d'y remédier par les dissentions, qui estoyent entre les trois princip^ulx consaulx : Assçavoir, celluy d'estat, privé, et des finances, tous trois en effect dominez par ledict Cardinal et ses «natures : Mais tellement qu'ils ne pouVoyent entre eulx venir à corres-'^' pondence. Enquoy faict à noter la notoire malversation et calumnie dudict Cardinal, qui, pour empescher que les autre

(1) Enranir>G4.

idict conseil d'estat, ne pourroyent faire à sa Majesté les services qu'ils desiroyent, les avjit entièrement privé d'accès et correspondence des finances et justice, où que toutes ordonnances de policie et aultres se decretoyent : Sçaichant que sans sçavoir Testât d'icelles,estoit impossible de bien délibérer et resouldre sur plusieurs affaires d'importance : et pour par là aussi retenir et establir son authorité. Et neantmoins tasche de accuser nous et aultres de crime de lèse Majesté, pour ce que, pour le service du Roy, avions désiré, que les secrets des-dicts finances fussent communicquez audict conseil d'estat, comme nécessaire ^ pour s'acquiter en icelluy de son debvoir, là où luy, et après luy le Président Viglius, ont dominé à tous trois les-dicts consaulx, comme si à luy et les siens, de droict toute authorité appartenoyt, et que ce fust au contraire crime et delict exécrable aux aultres, requérir qu'on transporta une partie de ladlcte authorité. Non en nous qui offrions de partir dudict conseil, mais en ung entier et souverain conseil : qui est la sincérité de laquelle l'on procède, pour le présent, au pays bas, pour conserver (comme l'on prétend) l'auctorité de sa Majesté.

Estant doncq les affaires tellement reparties, qu'il estoit impossible àceulx dudict conseil d'estat (que Ton pretendoyt, comme dist est, charger de tous inconveniens qui pourroyent survenir) par faulte d'authorité et intelligence avetq les aultres, prévenir et remédier à iceulx , et par là advancher le bien et sei ice de sa Majesté : et voyant le peuple que -les Fâjuveaulx Evesques par leur inidoneité, vie, et conduyle si désordonnée, que la Gouvernante fust constraincte les apptUer et repiendre,ne pouvoyent servirpour mettre quelque bien audict pays,et se descouvrant par les insolences, menaces, et manières defaire,d'ont eulx, et ceulx de leur sequele,

usoyent, qu'il estoit résolu à Rome (1), que chacun Evesque auroyt neuf Prébendes affectées à Tassistence de Tlnquisition, mesmes deux d'icelles pour deux Inquisiteurs : Et que à tant ilsneservoyent que pour advancheret establir ladicte Inquisition,pourpar moyen de sa Majesté obvier aux maulx, qui de ce que dist est, apparentement pouvoyent soudre,fust trouvé en conseil, d'envoyer (2) vers icelle, le Prince de Gavre Conte d'Egmont, qui à son retour donnoit grand espoir et apparence d'amendement et redressement des affaires au regard de la mitigation des placcarts, et abolition de l'Inquisition : Desquels l'on veoyt ouvertement, dé faict, et par expérience, tant par l'exemple de France (comme cy devant a esté demonstré,) comme aultrement, que deppendoit l'altération ou appaisement dudict peuple : Et ausquels à tant, et point à nostre prétendue ambition, se doibt référer tout ce que depuis est ensuyvi. Et furent à l'effect que dessus, de faict assemblez (3) trois Evesques, trois Théologiens, trois faisans profession du droict Civil, et trois aultres du droict Canon, lesquels ayans donné quelque advis sur ladicte mitigation, estant ledict advis envoyé à sa Majesté, n'a icelle, (par l'instigation dudict Cardinal et aultres, estans à ses oreilles) à icelluy (combien que fort rigoureux,) ne aux remonstrances précédentes, prins aucun regard.

Commandant expressément au fin de l'an 65. que sans ultérieure replicque, l'on procederoit à l'introduction desdicts nouveaux Evesques, n'estans encores en possession, publication des Decretz du Concile de Trente, et à donner

(1) Appert par les susdictes Bulles I-ig^ales, et la consulte de sept Gardn Daulx.

(2) Au commencement de Tan 1565.

(3) En TEsté, ran 1565.

aux Inquisiteurs l'authorité, que de droîct Civil et Canon leur appartient, et au surplus à l'exécution des Placcarts en effect, en toute rigueur, et au pied de la lettre.

Dont furent incontinent envoyez copies et extraicts (i) contenans ce que dessus, à toutes les villes, et leur enjoinct et commandé, de se conformer à la resolution et commandement de sa Majesté, qui fust la seconde et principale cause des altérations, maulx et inconveniens depuis ensuyvlz,ayant pour source, l'ambition dudict Cardinal^ et non la nostre, et la diffidence par luy causée, par les nouvellitez susdicts, en> tre le peuple, comme appert evidamment par ce que dist est, et se (2) confirme par les ensuyvies doléances des villes de Brabant, et membres de Flandres, et autres , ensemble par la confédération qui se flst bien tost après, entre aucuns Seigneurs et Gentilshommes, contre l'Inquisition et rigueur desdicls Placcarts.

N'ayant aucune apparence, que le Procureur gênerai prétend, que aurions esté cause de ladicte confédération , par avoir persuadé à aucuns,que l'intention de sa Majesté estoit, d'introduyre l'Inquisition d'Espalgne(3),commesi plustost la qualité et forme de l'Inquisition, que l'effect, et exécution faisoit altérer les gens. Chose de tant plus absurde, que ce n'est la qualité de la mort, que faict craindre, àltei*er, et esmouvoir les gens, mais la propre peur d'icelle, mesmes au cas présent, ou par l'adjection de ce mot d'Espaigne, ne qualité, ne espèce de supplice se changeoit, ains seullement le nom gênerai, de l'Inquisition se restraindoit à celle d'Es-

{\) Appert par Tcxtraictr des lettres Royales, enuoyé partout par lettres delà Gouvernante, du 18. de Décembre 4505. Ambedeuxau fin insérez.

(2) Appert par les rcmonstrances et requestes exhibées en court.

(3) Motz repnns hors la cUalion.

paigne, qui n'est cause souffisante pour faire aucune altération ou esmotion, combien que pour respondre plus péremptoirement, disons, que ce n'estoit, ne en nous, ne en autres, persuader, que sa Majesté entendoit , introduyre Flnquisition d'Espaigné, puis que au paravant n'avoit esté aucune question d'icelle Inquisition. Et que par après, par les lettres de sa Majesté divulguées, en manière susdictç, estoil expressément déclarée la forme de llnquisition, que Ton entendoit advancher, par où promptement se trouvoyent convaincus, ceulx qui par moyen de ce mot d'Espaigne, entendoyent inciter et csmouvoir le peuple.

Ayant adoncq l'Inquisition spécifiée et déclarée par lesdictes lettres de sa Majesté, esté cause du mescontentement, s'ensuyt que à elle, et non ailleurs, se doibt référer tout ce qui est ensuyvy, (veu que tout ultérieur espoir de remède failloit) et consécutivement, qu'il n'est vray que par noz inductions et impressions semblables , plusieurs subjects seroyent rebellez et eslevez contre sa .Majesté, et que aurions premièrement seduict, corrompu, et incité une grande partie de la noblesse (4), tellement qu'ilz auroyent faict ligues, conspifations, et conjurations, et juré par icelles se deffendre et fortifier contre sa Majesté et ses ordonnances, de tout temps gardées et observées, s'estans les assemblées à ceste fin faictes en noz maisons, tant à Breda que à Bruxelles. Et que par ainsi aurions esté chief, autheur, promoteur, faulteur et receptateur de rebelles, conspirateurs, conjurez, machinateurs et perturbateurs du bien et repos public.

Car n'appert d'aucune rébellion et esmotion, que seroil faicte contre sa Majesté : et de laquelle serions tenus de respondre. Et ladicte confédération a esté faicte non à nostre

(1) Ce sont mots expresses en Li citation.

occasion, mais à raison des difficuUez causées de ladicte Inquisition et Piaccarts, Et que Ton contravenoit aux promesses faictes l'an cincquante, Iv. Ixij. Ixv. et en autres temps, comme cy devant a esté remonstré, et se doibt à iceulx et à l^nbition dudict Cardinal , comme dist est, imputer la perturbation du bien et repos publicq : Et non à persuasions et impressions si frivoles, comme, de l'Inquisition d'Espaigne et semblables, n'estant ceste allégation, moins absurde, que le propos d'iceluy, qui pensoit obvier à toutes altérations par dire que ce que le Roy entendoit establir, n'estoit l'Inquisition, mais seullement Visitation, comme si l'on prenoit plus de regard aux parolles que au faict, et l'on fust plus pour s'altérer à ces motz d'Inquisition, ou d'Espaigne, que par la rigueur et cpuaulté que l'on avoit veu, et craindoit par l'exécution des Piaccarts.

Et disons à tant, que par ladicte confédération et doléances, et tout ce qu'est ensuyvy, s'est seullement monstre en effect, ce que en plein conseil d'estat auparavant avions predict à Madame la ^Gouvernante, que craindions debvoir advenir, à sçavoir, que ladicte resolution de sa Majesté, causeroit quelque grande altération , mesmes par l'espoir que plusieurs avoyent receu par le retour et rapport dudict Seigneur Conte d'Egmont. Et ayant escript{I) en effectle mesrae à son Alteze par après, nous a confessé par sa response (î2), qu'elle s'appercevoit clairement que ladicte resolution estoit cause de toutes altérations, à laquelle à tant, comme dist est, se doibt aussi référer ladicte confédération, faicte sans nostre sceu et adveu. Et de laquelle estans advertiz quelque peu de temps (comme de quinze jours ou environ) au paravant

{{) et (2) Appert par ces deux missives, envoyées au eommcncenu ni de ran 1566.

que lesdicts confederez se trouvoyent en court, déclarions ouvertement et rondement, qu'elle ne nous contentoit, et que ce ne nous sembloit eslre le vray moyen, pour maintenir le repos et tranquillité publicque.

Bien vray est, que ne l'avons estimé pour rébellion, co^ spiration, ou conjure, pour ce que lesdicts confederez s'arrestoyent fermement sur cepoinct,qu'ilz n'entendoyent riens faire ou entreprendre contre le bien de sa Majesté, et du Pays, (i) estans à nostre advis Inséparables, et que la commune opinion, confermee par expérience, portoit , que ladicte Inquisition et rigueur des Placcarts, ne pouvoyent revenir à bien, et que par les exemples que au paravant avions veuen Allemaigne^ France, Angleterre et Escosse, estions contraincts de confesser, que la resolution de sa Majesté, en ccste partie, ne pouvoit apporter que grand desgast, désolation et ruines desdicts Pays, sans advancer le desseing d'icelle, là où au contraire Ton veoyt, que les Pays ayans liberté de Religion, du moins de conscience, et où ladicte Inquisition et rigeur des placcarts ne sont observez, s'entretiennent en repos et tranquillité ; qui monstre evidamment, que vivre sans Inquisition en liberté de conscience, est aultre chose, que vivre en toute dissolution , et sans loy ou riegle, comme aucuns fausement et calumnieusement prétendent : Ce que les Princes d'Allemaigne, et aultres, qui ont le repos et bien de leur Pays, aultant recommandé que sa Majesté, ne vouldroyent aucunement souffrir : Mesmes si par là fai^ soit à craindre que s'ensuyvroit quelque desobeyssance.

£t estions de tant plus confirmez en ceste opinion que lesdicts confédéré? ne se monstroyent obstinez, et qu ils entendoyent obtenir leur requeste à toute force, ains requiroyent

(1) Appert par les motz exprès, de la soubzsignee confédération.

seullement, (1) que sa Majesté (laquelle ils disoyent estre abusée, par aucuns qui soubs umbre et pretext de Religion, pretendoyent assouvir leur propre ambition et avarice) voulsist entendre leur querelle et requeste, et sur icelle ouyr Midvis de ses Estais, s'oflfrans rigler et conduyre, selon que lors par icelle, deiiement informée , seroit ordonné, sur le faiet de la Religion. De sorte que .estant en cecy rébellion, conspiration, ou conjure, elle debvoit estre en ce que les confederez requiroyent, que regard, fust prins à leurs remonstrances, où en ce qu'ilz requiroyent que lesdicts Estais fussent ouys : Ou, que generallement et sans distinction, toutes confédérations sont à reputer du mesme : Dont confessons que ne pouvons riens approuver. Car selon nostre discours, se peult ung Prince abuser : et est à tant raisonnable, que le subject, vassal, et quiconque est intéressé, luy puisse faire remonstrances. Et sont louez les Empereurs et Roys, qui se ont laissé reprendre de personnes particulières, pour ce qu'il leur sembloit, qu'ils n'attendoyent à leurs requestes et doléances, comme celluy qui souffrit qu'on luy dîst en pleine rue : Si ne vueillez entendre à noz querelles, ne vueillez aussi imperer : Et l'autre, que combien qu'il estoit Roy et Souverain, souffrit qu'une vielle appelloit de luy, pource que (comme elle disoit) il n'entendoit à son affaire. Et puis que l'on est au Pays bas en cas d'importance, et dont honneur et bien, tant de l'universel que du particulier dépend, accoustumé se rapporter aux Estais, lesquels à cest effect, de tout temps, selon leurs Privilèges, et mesmes, par feu de tresheureuse mémoire l'Empereur Charles, ont par plusieurs fois, pour occurrences de semblable et moindre

fi) Appert par la requeste des confederez, et la response Ambcdeux au fin inserez.

importance, mesmes au faict de la Religion, esté assemblez: Ayant aussi à leur advis en l'an xxxi. faict l'ordonnance et Placcart lors publié, comme appert par le text et narrée d'iccUuy, Pensions n'estre deffendu de requérir ce que ou voyt estre faict et usité en cas semblables. Et a t-on trouve plusieurs confédérations et alliances bonnes et sainctes, comme celle des Machabees et autres faictes, et qu'on pourroit encores faire pour l'honneur de Dieu, et prospérité des Princes et Pays. De sorte que à «ostre advis, l'on ne peult desdicts poincts inférer aucune rébellion.

Car quant à ce que ce pendant lesdicts confederez avoyent promis et jurez,de se conserver,ayder,et défendre contre ladicte Inquisition et Placcarts, puis que par moyens tels que dessus, l'on pouvoit faire cesser ladicte promesse, Et que estant apparu que icelle estoit contre le bien de sa Majesté, ils offroyent en effect, par leur requeste, s'en départir, et obeyr à ce, que par l'advis desdicts Estais, seroit ordonné, nous sembloit absurd, puis que veneurs et autres qui se meslent de dompter bestes irraisonnables, s'employent à les oster la fierté, sauvaige et farouche, pçir diligence, accoustumance et nourriture,plustost que par coups de fouet et rudesse, que le Roy, par les sinistres instigations, dudict Cardinal et ses sequaces, à vassaulx et subjects si loyaulxet fidèles, useroit plustost de rigueur et rudesse, que de quelque doulceur et clémence, pour les entretenir à sa dévotion accoustumee : surceant (du moins pour quelque temps) l'exécution de ladicte Inquisition et Placcarts, que à tous sembloit que Ton ne pouvoit advancer, ne en ce temps là continuer, sans tresapparent dommaige, interest, et préjudice de sa Majesté, et des pays : veu mesmes que par les guerres précédentes, comme dist est, l'on avoit desia en ef-

fect, en partie suspendu et modéré ladicte rigueur, et que à tant icelle estoit venue en quelque discontinuation, et que les diversitez et changemens depuis de tous costez survenus, ne sembloyent aucunement souffrir, qu'elle fust renouvellee et remise.

Et se sembloyt à ce que dist est, aussi conformer la Gouvernante, laquelle auparavant là venue, desdicts confederez, disoit desia avoir pense à la modération (1) desdicts Placcarts. Et avoit desia ouvertement de la part de sa Majesté, déclaré, quicte de ladicte Inquisition le Pays de Brabant (2), et ne faisoit, ne dez le commenchement ne par après (du moins jusques à nostre partement) semblant de tenir ladicte confédération, et requeste sur icelle présentée, pour rébellion. Ce que avons bien voulu remonstrer, point pour entrer en formele contestation, au regard de ladicte confédération, laquelle, par ce que dist est, ne nous touche, alns seullement pour monstrer que n'avions raison, de seul tenir les-dicts confederez pour rebelles, et comme tels les forclore de l'accoustumee fréquentation, et conversation de noz maisons, esquelles sommes asseurez, que de nostre iceu, aucune assemblée n'a esté faicte contre le bien, honneur et prospérité de sa Majesté.

Et n'avions à tant, et puis que Madame, par le commandement du Roy et advis de tous ses consaulx, secondoit le»» dicts confederez, jusques à leur promettre par lettres signées de sa main, et scellées de son seau (5), que à cause de la»-

(! ) Appert par le proposé concept du nouveau edict. ^

(2) Appert par Tappoinctement, donné le 24. de Mars, Tan 4566. stil commun, qui s'escript i565 stil de Brabant.

(3) Appert par les lettres d'asseurances, datées du 25 d'Aoust 1566 cy après insérées.

dicte confédération, et ce qu'estoit cnsuyvi, riens ne leur seroît imputé, raison de les traicter ou tenir en aultre estime : et dire que Madame Tauroyt faict à aultre fin, et seuUement pour les endormir, et s'en servir contre ceux, qui s'estoyent débordez au brisement des imaiges, ne faict riens contre nostre intention.

Car combien que par là l'on pourroyt inférer, que nostre opinion ne s'est point extendue si avant, ssi est ce toutesfois que au poinct de les entretenir en conversation, bantise et fréquentation, Nous venons à con'turrir en l'opinion du Roy, et de son Alteze. Et que à tant par là avons advanché,et non empesché ou retardé le bien et service de sa Majesté, ou du moins que par ladicte déclaration de sadicte Majesté et son Alteze, avons esté abusez, que suffist de nous excuser de toute prétendue receptation et promotion, puis que lesdicts confederez, ou du tout ne sont et n'ont esté rebelles, ou pour le moins n'ont esté par sadicte Majesté, son Alteze et la commune, tenuz pour telz : estant notoir que ung commun erreur, et principallement causé de Roy et Prince, à force de loy et de droict.

Et en conformité de ce, nous a sa Majesté escript de sa main propre, au mois d'Aougst (1), et à tant, après que ladicte confédération, et présentation de requeste, estoit venue à cognoissance d'icelle, qu'il se tenoit trescontent de noz services, et ne nous scavoit mauvais gré de tout ce que estoit passé. Et que ne nous debvions laisser persuader le contraire, et mesmes qu'il se confioyt entièrement à nous, Et n'adjoustoit nulle foy à ce, que quelques malings nous

(1} Appert par les lettres du Roy, du premier d'aoust 1566. d'ont la traduction est après insérée.

blasmoyent, lesquelz disoit faire mauvais office, et plusieurs propos semblables-

Et considérant cest affaire, comme il appartient, n'avoit sa Majesté raison, par ce que dist est, d'en juger aultrement, veu que auparavant ladicte confédération, avions assez déclaré que nostre opinion portoit, que Tlnquisition et rigeur des Placcarts, ne se pourroyent remettre sans altération et inconveniens, et successivement requiz (4), d'estre déporté (le nos estats et gouvcrnemen s, estant sa Majesté par là assez advertie, que ne tiendrions semblable confédération pour rébellion, et nous retenant esdicls Estats et gouvernemens, accordoit assez (du moins tacitement) continuer en ladicte opinion, et ce qu'en dépend.

Et n'a à tant aucune apparence, que l'on nous prétend baptiser Chiefz,autheurs, faulteurs, promoteurs, etreceptaleurs des rebelles (2), puis qu'il n'apperraque ayons,comme telz, aucuns receu, favorisé, pourveu, ou authorisé. Et »ese trouvera, que ayons aucuns desdicts confederez, ou aultres, prins en nostre particulière protection et sauvegarde. Dont loutesfois l'on nous prétend aussi accuser, par où l'on peult entendre, de qu'elle Justice l'on use pour le pr4îsent, au Pays bas, puis que pour causes si notoirement mal fondées, et moins que véritables, l'on a, non seullement saisy et annoté nostre bien, mais aussi le confisqué et emmené partie d'icelluy, commenchant par exécution, contre tout ordre de droict. Et monstrant par là évidemment, que sans prendre regard à justifications ou deffenses quelconques , l'on est d'intention, soubs maïUeau et couverture de justice,exploic-

(1) Appert par les lettres envoyées au Roy, le li. de luing, 1566.

(2) Metz de la citation.

ter toutes sortes de violences, et en effect administrer, Pro summo iure^ summam iniuriam.

A quel effect, l'on nous accuse aussi, que aucuns confederez, se seroyent mis en armes, en divers lieux et campaignes, sans prendre regard que ne sommes tenus de respondre du faict d'autres. Et que ne pouvons estre chargez, de ce que aucuns desdicts confederez, pourroyent par après estre devenus rebelles, puis qu'ils n'estoyent tels, ou pour tels reputez, du temps qu'ils hantoyent et frequentoyent nos maisons, et que tout ce qu'en ceste partie s'est faict, est passé, non seulement sans nostre adveu, mais aussi à nostre indicible iregret, et loing de nous, estans pour lors en Hollande, où, et non allieurs, debvions faire levées, vuellans par force usurper sur l'authorité de sa Majesté, estans les villes et forteresses à nostre commandement.

Mais n'ayans rien en pensée, que,suyvant nostre commission, et charge expresse de Madame, pacifier ledict Pays, ensemble les Provinces de Zeelande et Utrecht (toutes de nostre gouvernement) et les retenir en l'obéissance de sadicte Majesté, Nous sommes de tout nostre pouvoir employez, pour nous bien et fidellement acquiter de ladicte charge. Dont les Presidens, les Consaulx, Estats, OfiSciers, et Magistrats des villes desdicts pays, nous pourront rendre bon tesmoignage : et si jamais leur ayons tenu propos, que, pour les animer en obéissance, fidélité, el service de sa Majesté, comme avons faict aussi tous aultres , où avons eu quelque administration ou authorité.

Ce que se demonstre bien ouvertement, par ce, que nonobstant toutes ces garbouilles, nous avons avecq la grâce de Dieu, precavé, que place, ne ville, ne fort, de nos gouverneroens, soit destruit, ou saccagé, ne diverty,

de la deiie obéissance du Roy, ne de la Régente.

Et de la mesme forge procède, ce qu'est inséré en la Citation du Conte de Hoochstraten (à tort diffamé d'avoir secondé à nos ambitieux desseings) Que à Hoochstraten avions tenu plusieurs suspectes communications et practicques , et que à Denremonde aurions avec ledict Conte d'Egmont, et le Conte de Bornes, et dudict Hoochstraten , arresté de prendre les armes contre sa Majesté , et empescher la veniie d'icelle, avecq force, au pays bas. Car nous nous rapportons aux Seigneurs, qui ont esté audict Hoochstraten, quant y estions, s'il y eust aultre question, que de faire bonne chère, et nous enlreveoir,et festoyer quelques Seigneurs estrangiers,comme amis et alliez par ensemble, et ne se vérifiera jamais, que y soit conclu quelque chose , qui pourroit estre suspecte, ou practicqué aucun desservice de sa Majesté.

Aussi ne se trouvera, que ayons audict Denremonde, ou allieurs, traicté d'empescher la venue de sa Majesté, avecq forces, ou autrement : Car combien qu'estions advertis, que l'on interpretoit sinistrement toutes nos actions, vers sa Majesté pour divertir la bonne affection, que icelle nous pouvoit porter : Et qu'estoit venue entre nos mains , copie, de certaines lettres, escriptes de Don Francisco d'AIava, Ambassadeur de sa Majesté en France, à la Duchesse Gouvernante (4), contenant que les trois y désignez (qui estoyent lesdicts Contes d'Egmont, et de Hornes,et Nous) seroyent en temps et lieu chastiez,comme ils meritoyent, jusques auquel temps, Ton nous debvroit tenir toute bonne mine, et en effect, que à nous faisoit à imputer tout ce qu'estoit advenu audict Pays (qui estoit la principale cause de l'assemblée

(i) Appert par deax ses lettres, envoyées au moys d'Âoust, Fan i566.

aadict Denreroonde.) Toutesfois nous confiaiis à plain sur nostre innocence, n'arrestames aultre chose, que de communicqucr le contenu desdictes lettres à son Altcze, et luy demander rondement ce qu'en esloit : bien y furent traictez quelques aultres poincts , concernans ceulx qui y estoyent, et leurs actions en particulier : Dont nous tenons, que lesdictsdeiîx Seigneurs prisonniers, en ont faict suflSsante déclaration. Pourquoy et qu'elles sont ici impertinentes, et qu'il faict à présumer, que en ceste partie l'on se tient (du moins en nostre endroict) pour appaisé, puis que desdiets deux assemblées, ne se faict aucune mention, es lettres patentes de nostre Citation, n'en ferons plus ample discours.

Adjoustant senllement que qui auroit preveu les forces et violences, dont pour le présent on use au Pays bas, et se seroit mis en debvoir pour les empescher, suyvant les contracts de la Duché de Brabant,et son serment et obligation, ne seroit paradventure reprenable d'aucune rébellion, et pour ce faire, eust on trouvé plus de moyens, que nos adversaires ne pensent, si la presumption qu'avions de la bonté du Roy, et que à l'appétit d'ung Cardinal de Granvelle, il ne gasteroit, destruyroit, et ruyneroit Pays si affectionnez à son service, et par conséquent, soy mesme, ne nous eust diverty de semblables pensées.

Et venants à tant aux aultres poincts de nostre citation, nommeement celluy, qui porte, qu'aurions assisté et conseillé le Seigneur de Brederode, Chief (comme l'on prétend) des rebelles susdicts, à fortifier sa ville de Viane, contre sa Majesté (1), confessons, qu'estans quelque année au paravant ces altérations, venuz à Viane : Et Nous déclarant ledict Seigneur de Brederode, que par Testament, et dernière

(l]Motz de la citation.

Yolunté, de feu son Seigneur et père, luy cstoit enjoinct et ordonné, de continuer la commencée fortification de sadicte ville et maison, Nous requirant sur ladicte fortification, vouloir donner nostre advis , que Tavons faict, par où se peult inférer, qu'avons donné advis audict Seigneur, pour exécuter la dernière volunté de son feu.Seigneur et père trespassé, Mais nullement, qu'aurions assisté, et conseillé au Chief des rebelles, fortifier ladicte ville contre sa Majesté. Pourquoy et que donner advis sur la fortiffication de quelque lieu, n'est crime de lèse Majesté se voyt clerement, que par ces accusations, l'on ne tend que à calumnieusement déguiser la ve« rite, et opprimer l'innocence.

De tant plus qu'aux Pays bas à tous Seigneurs et Gentilshommes ayans povoir, et commodité, de tout temps a esté parmis, munir et fortiflier leurs places. Desquelles on voyt beaucoup qui d'ancienneté et depuis, ont, en vertu de ceste liberté, esté fortiffiez,tant aulx frontières que au millieu et fin cœur des-dicts Pays : laquelle fortiffication estoit autant plus permise audict Seigneur de Brederode, qu'il tenoit et possessoit ladicte ville de Viane en toute souveraineté. Et combien que sur ce poinct, ses prédécesseurs avoyent esté, passé long temps, en procès et litige : Ce nonobstant, estoit il demeuré en possession, et saisine de ladicte souveraineté.

Et regardant plus près ledict advis, l'on trouvera la grande absurdité et iniquité, de ce que sur icelluy,ron prétend fonder ung crime de lèse Majesté, pour ce qu'il n'a esté donné sur le principal poinct, assçavoir, si fortiffication se debvoit faire, ou non , d'ont ledict Seigneur de Brederode ne faisoit doubte ou difficulté aucune, ains seuUement sur la qualité et forme de ladicte fortiffication : Lequel à tant ne pouvoit estre ensuyvi, sans que l'aultre poinct preallablement fust

vuydé, conclud , et arresté. Duquel icdict Seigneur de Brederode seul seroit tenu de rcspondre, et ne faict riens que ladicte fortiffication a esté depuis lesdicts altérations mise en œuvre : Car estant Tadvis donné auparavant, regard doibt estre prins audict temps.

Quant à ce que l'on prétend que aurions souffert, que ledict de Brederode auroit enrollc gens de guerre en la ville d'Anvers, au veu et sceu d'ung chascun, contre les expresses ordonnances lors nouvellement iaictes et. publiées, et icealx embarqué vers ladicte ville de Vianen , avecq toutes munitions de guerre (1), servira de responce, que combien qu'estions venuz en ladicte ville d'Anvers, seullement pour contenir icelle en repos ,, et en l'obeyssance de sa Majesté : Dont peult apparoir par lettres de la Gouvernante (2), envoyées quant et nous, au Magistrat de ladicte ville, et mesmes par confession dudi< t Procureur, contenue en ladicte Citation : Si est ce que ayans entendu dudict enroUement, et où il se faisoit, l'avons déclaré audict Magistrat , et au Marcgrave principal Officierd'icelle, et auquel appartenoit de pourveoir à ces et semblables occurences, et luy commandé, suy vant la charge que Madame nous avoit donné par lettre sur ce envoyée, appréhender et saisir au corps ceulx qui le faisoyent. Surquoy estant ledict Marcgrave de nous party, et ayant au lieu que luy avions designé, trouvé ceulx que Ton disoit faire ledict enrollement, à table, se mist avecques eux, rapportant par après qu'il n'avoit trouvé, que Ton y faisoit enrollement, qui donna aux sus-dicts opportunité de se retirer secrètement.

Bien vray est, que long temps, auparavant ces altérations,

(1) Ce sont mois n prins en la Citation.

(2} Appert par les lettres, datées du 12 de lullet. 1366.

avons faict présent audict Seigneur de Brederode, de trois pièces d'artillerie, lesquelles, par après, avons faict fondre à Utrecht (ville de sa Majesté) au veu de tout le monde, et avons envoyé audict Seigneur, mais long temps auparavant ledict enrollement, et estant ledict Seigneur encoires au service de sa Majesté, et tenant d'icelle une compaignie d'ordonnance. De sorte, qu'il n'est moins absurd, nous vouloir imputer ledict don et présent d'artillerie, que si Ton vouloit charger ceulx qui ont advanché ledict Seigneur de Brederode à ladicte compaignie, ve#mesmes que ledict de Brederode, asseuré par la Gouvernante, authorisée (comme dist est) par sa Majesté que riens ne iuy seroit imputé de tout ce que jusques alors estoit passé, n'avoit raison de se fortifier contre icelle : ne Nous, apparence de refuser l'exécution et accomplissement dudict don, que auparavant Iuy avions faict, et qu'il sçavoit estre prest et destiné pour Iuy, et si près de Viane comme est Utrecht.

Venans à tant au poinct de ladicte Citation , contenant, qu'avions deffendu à aucunes places et villes de sa Majesté, de recepvoir garnison d'icelle, et entre aultres, eu Zeelande, où aurions envoyé gens exprès, pour la surprendre, et par ce bout, forclore et empescher le passaige de sa Majesté, par Mer (i). Pour autant, que touche le poinct de ladicte garnison, ne pensons avoir oncques usé des propos qui pourroyent donner occasion d'excogiter ceste accusation , et faict à presumer,si nostre partie en eust preuve souffisante,que l'on ne fauidroit de spécifier le temps et lieu, veu que à ladicte spécification tous accusateurs, de droit, sont tenus et obligez : et neantmoins comme entre aultres est nommé Zeelande, voulons bien confesser, que cognoissans et ayants par plu-

(1) Motz contenuz en la citation.

sicurs'fois représenté au conseil, rimportance dudiet pays, estans advcrtis, que se traictoit quelque emprinse sur icelhiy, y avons envoyé le Seigneur de Bouxtel , affin que sans nostre ordonnance, Ton ny accepta gens de guerre : comme cest Tordinairé, que es Provinces dudiet Pays, ne se face sans commandement du Gouverneur d'icelies, et ayans receu advertissement du Capitaine de Zeeburch, (qui est forteresse en risle de Walcheren, partie de ladicte Zeelande, estant toute de nostre gouvernement) (1) que deux cents souldarts y estoyent arrivez, de la part de ladicte Gouvernante, pour entrer en ladicte forteresse, et qu'il ne les pouvoit recepvoir, tant pourçe qu'il craindoit quelque esmotion de ses gens, n'estans payez, et lesquels à tant apparentement ne souffriroyent que aultres plus fort.s que eulx entrassent, comme aussi pour Testroictesse des vivres, et de la place^ luy avons mandé, que trouvions sesdicts raisons bonnes, et qu'il ne debvoit recepvoir lesdicts souldarts, sans ultérieure charge de Madame, et de Nous, comme Gouverneur. Desquelles dif- . ficultez, estant aussi advertie par ledict Capitaine ladicte Gouvernante, estant en effëct de semblable opinion, lujfist envoyer payement pour sesdicts souldarts : Et ordonnoit desdicts 200, seullement recepvoir les 50, qui depuis y sont entrez, comme le mandions audit Capitaine, par nos lettres. Dont estant rapporté à ladicte Gouvernante, qu'avions commandé, par ledict Seigneur de Bouxtel, par toute ladicte Isle, ne recepvoir garnison, oires qu'il fust envoyé de par son Alteze, nous avons bien voulu excuâer par lettres, combien que audict temps semblable ordonnance n'eust esté impertinente, pource qu'estions en Anvers, et son Alteze à

(I) De lout cccy appert par plusieurs missives, envoyées en Mars, l'an 1507.

Bruxelles, laquelle en semblables affaires de nos gouvernemens, n'estoit accoustumee de faire quelque chose, sans nous preallablement advertir, et que nous tenions pourtant asseurez, qu'elle n'envoyeroit en ladicte Isle aucune garnison, sans nous faire semblable advertence, puis qu'icelle se pouvoit faire, sans aucun empeschement ou retardement. Ou au contraire, sous pretext de ladicte garnison, Ton eust peu surprendre ladicte forteresse (comme plus d'une fois Ton a veu advenir aux aultres). De laquelle par après, Ton nous eust faict et constrainct respondre, par raisons beaucoup plus apparentes, que à présent Ton nous accuse. De sorte, que pour dutoutasseurer ladicte forteresse et pays, avions raison, d'ordonner audict Capitaine et aultres, ne recepvoir aucune garnison, Signamment aussi, pource que ladicte forteresse, esloit souffissamment pourveu,et que ladicte estroictesse de vivres, par renforcement de ladicte garnison, se debvoit augmenter.

Pourquoy et que les aultres places et villes dudict Pays, ont tousjours offert d'employer corps et biens, pour le service de sa Majesté, et déclaré n'avoir besoing de garnison, envoyans à cesteffect leurs Députez vers ladicte Gouvernante, ny a aucune apparence, que par là, aurions voulu surprendre ledict Pays, et par ce bouit forclore et empescher le passaige de sa Majesté par Mer, puis que de faict l'on a veu et descouvert le contraire.

Car s'estans devant ladicte Isle présentez quelques balteaulx chargez de gens, qu'avions par cry et edict publicq, pour asseurer le repos de la ville d'Anvers, faict sortir de ladicte ville, se sont les inhabitans mis à deffense, et ont empesché le desembarquement, tellement que estans les embarquez retournez, par faulte de vivres, armes, et autres

nécessitez^ la rivière à mont, environ Anvers, nonobstant qu'ils avoyent faict courrir le bruiet, vouloir allerau secours du Seigneur de Brederode, furent par après desfaicts, que causa grande levée et esmotion en ladicte ville, en laquelle le Seigneur de Hoochstraten etNous,fusmes souventesfoîs en dangier de nos vies (le Magistrat entretant ne se osant monstrer, qui avoit donné grande occasion à ce tumulte, pour avoir voulu rompre la pacification y establie) po^r ce qu'on tenoit, que nous empeschions le secours, que aucuns leur entendoyent faire (ensemble aussi les insolences, que les malvuellans taschoyent d'attenter, oires que en fin appaisimes le tout, par la grâce de Dieu, sans effusion de sang) qui est bien ioing d'avoir envoyé lesdicts gens, pour surprendre ladicte Zeelande, estans toutes nos actions à ce contraires. Car estant nostre intention telle, ne debvions avoir commandé audict Capitaine, et ceulx du Pays, de ne recepvoîr gens de guerre, ains au contraire de les recepvoir et admettre. De tant plus qu'avions aussi présenté à ceulx d'Anvers, de sortir ladicte ville, et avecq les compaignies qui y estoyent, nous mesmes deffaire ladicte assemblée. Ce que ne fust trouvé bon par crainte d'esmotion, que se découvrit par après à ladicte deffaicte, comme cy devant a esté dict.

£t puis que l'on n'attendoyt la venue de sa Majesté par Mer, n'a aucune apparence, que par la surprinse de Zeelande, aurions voulu forclore et empescher le passaige d'icelle, ce que aussi faire ne pouvions, (estans les villes et forteresses à la dévotion de sa Majesté) par envoy de gens, sans Chief et Capitaine d'autorité , et qui n'avoyent expresse chaîne de nous, et lesquelz à tant, mesmes par nos ordonnances sus-dicts, avions commandé que l'on ne recepvroit, Ains debvions en ce cas, nous trouver personnellement au-

diet Pays, faisant bien à présumer, que comme à Gouverneur, Ton nouseust par tout faict ouverture, et monstre, à l'accoustumé, toute obeyssance, ce qu*on eust aussi faict à nostre personne en toutes aultres villes et fortz de noz Gouvernemens, qui estoit moyen plus apparent et asseuré, que d*y envoyer gens ramassez, sans armes, gouvernement, et condtticte, (Dont pour le moins, les eussions en tel cas faict poarveoir, ayants si grande commodité de ce faire, par moyen dudict Anvers, comme uug chaseun scait.) Et qui par après ont esté deffaictz, sans quasi resisltence et deffense quelconcque. Et ausquels personne ayant expérience de la guerre, se eust voulu iBer , en ung exploict d'importance, et beaucoup moins. Nous, qui avions moyens, par trop metlieurs, de nous asseurer dudict Pays, en cas que eussions eu la voiunté, que non. Et sommes à tant esmerveillez que gens de sçavoir et de Conseil, usent de semblables allégations. Desqu*elies non seullement ils n*ont, et ne recouvreront preuve. Mais que en soy, n*ont aucune apparence pro* bable.

Venants à tant au poinct de ladicte Citation, contenant, qu'estans envoyez en Anvers, pour appaiser les troubles et esmotions populaires, aurions en ladicte ville permis et accordé , l'entier exercice de toutes sectes indifféremment : Vient à considérer, que auparavant accepter ladicte charge, avons ouvertement déclaré, en plein Conseil d'Estat, que ce n*estoit en nous, et n'entendions d'entreprendre , de y faire cesser les Presches(deslors accompaignees de l'exercice de la Religion, comme deppendance nécessaire d'iceiles,) et que à ladicte charge,comme l'avons accepté, avons satisfaict avecq indicible travail, seing, et sollicitude, par advis de ceulx de la loy, membres de la ville, et n'ations des Marchans, qui

tous confessoyent (1) que par nos moyens et ordonnances, ils se tenoyent asseurez du repos de ladicte ville, nous remerchians des bons debvoirs.

Ce que en effect venoit aussi à confirmer, approuver, et confesser ladicte Gouvernante, Ayant en nostre absence, et ce pendant qu'estions empeschez, pour appaiser les Pays d'Hollande, Zeelande et Utrecht, commis, pour garder le repos de ladicte ville, le Conte de Hoochstraten. Luy enjoindant et ordonnant expressément (2) d'ensuyvre le pied que nous y avions tenu. Ce que toutesfois, à présent. Ton entend desguiser, et changer ce que ouvertement a esté approuvé, en crime de lèse Majesté, contre toute apparence de vérité. Car n'avons accordé aucune Religion, en ladicte ville. Mais seullement permis et toléré, ceulx qui auparavant nostre venue, avoyent commenché publicquement à prescher, suyvant nostre déclaration cy devant reprinse : Car combien que la Gouvernante declaroyt assez, qu'elle tenoit toutes Religions , n'accordantes à la Romaine, nommeement les Anabaptistes, (contre lesquels desirions faire publicque defettce,si Madame le treuvoit bon) en semblable estime : Si est ce qu'avons empesché tous ceulx, qui, depuis nostre venue, se sont advanchez de commencher lesdicts presches.

Et ne sont les-dicts presches, qui se faisoyent hors ladicte ville, par nous receus dedans l'enclos d'icelle, ains nous estans appeliez en court, sans avoir peu obtenir, que autre pour nous fust substitué, pour avoir regard au repos de ladicte ville, ou que eussions mis Lieutenant (combien que

(1) Appert par leur déclaration, faicte le i. de Septembre, Fan 1566.

(2) Appert par lettres du i. 5. et 8. d*Octobre, 1566. ^

l'avions expressément requiz) se sont ce pendant,aucuns advanchez à deslruire, briser, et rompre de tous costez, les statues et imaiges, et ceulx qui auparavant preschoyent hors la ville , se saisir d'aucuns Temples , mesmes aucuns par l'autorité du Magistrat. Desquels (après appoinctement faict entre la Gouvernante authorisee du Roy, et les confederez) (1) estans finablement contentz se déporter, et ensuyvant ledict appoinctement , continuer leurs presches aux lieux et places accoustumees, hors la ville, a le Magistrat, par plusieurs raisons, trouvé (2) plus expédient, leur accorder et assigner places dedans ladicte ville. Ënquoy estans parties d'accord , ne povions , en vertu de nostre commission, moins faire, que d'ensfï^vre ledict accord :

Car estans envoyé pour garder le repos de ladicte ville, en la fidélité du Roy, requiroit nostre oflSce, que nous conformissions à ce, que voyons parties avoir mis en union et repos, y joinct l'importance des raisons , qu'avoyent meuz ceulx de ladicte ville , à consentir ce que dist est, desquels avons adoncq adverty, tant sa Majesté que la Régente (5), ensemble, qu'il n'estoit possible de garder ledict repos, sans quant-et-quant les-dicts presches, tolérer l'exercice desdicts Religions, s'offrant quasi d'heure en heure, par la multitude de ceulx qui suyvoyent les-dictes presches, la nécessité dudict exercice, lequel l'on souffroyt aussi par tout, et avoit illecqesté tenu publicquement es Eglises, que fust cause, que, non seullement le Magistrat trouva bon et nécessaire, tolérer ledict exercice : mais aussi l'érection des Temples. De tant plus que l'hyver approchoit, et que par là aultrement

(1) Appert par raccord faict le 23. d'Aoust 1566.

(2) Par leur déclaration faicte le 24. d'Aougst. 156^

(3) Appert par lettres enuoyees en Septembre, 1566.

faisoit à craindre quelque seconde invasion, et occupation des aultres temples, qui fist audict Magistrat , non seullement accorder, mais désirer Tadvancement desdicts Temples, à quoy voyant que les aultres n'a vo vent moindre volunté, ne trouvions aucunement debvoir empescher ce, que nous pouvoit asseurer Texecution de nostre charge.

Qui servira aussi de response,au regard des consistoires, veu que lesdicts consistoires y estoyent auparavant nostre venue, voires auparavant que les-dicts presches se faisoyent en publicq, (comme ceulx de. la Religion ont,de tout temps, eu par tout leurs consistoires)et que à cause d'iceulx, combien qu'ilz n'estoyent parnous aggreez, n'avons veu aucune apparence de troubles.Bien vray est,que,pour empescher l'assemblée de la commune à toutes occurrences, avons advoué et trouvé bon, que aucuns fussent deputez,pour traicter au nom des aultres, ne voyans moyen d'aultrement accomplir nostre charge, et maintenir et conserver ledict repos, et éviter toute confusion et desordre.

Et ne povons comprendre les inconveniens et dangiers, que l'on prétend estre ensuyviz par l'érection des*dicts TemplojS, veu qu*ung Temple ne peult causer plus de mal, que aultre maison ou place , et qu'il convenoit à nous, qui estions envoyez pour garder le repos et tranquillité de ladite ville, pour prévenir tous inconveniens , oster plustost les occasions et voluntez, de y parvenir, que par l'empeschement de l'érection d'ung temple , ou autre particulier moyen, irriter et altérer parties, et par là donner occasion à aultres moyens de troubles, ausquels par après, eust esté impossible, de donner ordre , sans contrevenir directement à nostre charge, et mettre le tout en desordre.

Que sert aussi en partie, pour solution au dernier poinct

de ladicte citation , contenant que aurions souffert faire leyees, cottisations, et collectes de deniers, qui depuis seroyent employez es soldées, et retenues des gens de guerre. Car ne sçavons à parler desdits levées, cottisations, et collectes, fors que celles, que des an paravant nostre venue, l'on faisoit, au proufit des povres, et à Tentretenement des Ministres, et par après, pour Terection desdits Temples : et ne se trouvera, que aucune collectation a esté faicte à nostre proufit, ou employé es levées, ou retenues faictes de par nous, et à cause desquelles aurions eu apparente occasion, de souffrir les-dicts cottisations et collectes. ''

Et ayans refusé 55000. florins, que contantz nous furent offertz, par les Ëstatz d'Hollande, pour les bons services qu'avions, durant ces troubles, faict au Roy, et audict Pays, ayans par tout appaisé les esmotions d'iceltuy, pensons assez avoir monstre, que ce n'estoit nostre intention, de souffrir semblables coUectations , cottisations, et levées, lesquelles aultrement est impossible d'empescher en villes Marchandes, comme Anvers, esquelles ne se faict quasi aul- Ire chose, que collectation de deniers, à divers effectz.

Ayant donc par ce que dessus, évidemment, comme espérons, remonstré, que nostre mauvaise et désordonnée affection ou ambition de surprendre sur Tauthorité du Roy, dont toutes noz demonstrations,faictz,etactions,ont esté eslongez, voire contraires, n'a esté cause d'aucune altération : De laquelle aussi ne povions espérer aucun bien, et que n'avons esté cause d'aucunes nouvellitez, qui pouvoyent altérer, et esmouvoir le peuple, là où au contraire, ledict Cardinal de Granvelle, des le commenchement, pour Tauthorité extraordinaire, qu'il usurpoit pardessus tous consaulx, et mesmes la Gouvernante, et par l'espoir qu'il avoit de par l'institu-

tion des Evesques, confirmation de Tlnquisition, et renouvellement des Placcarts, maintenir, augmenter, et accroistre ladicte authorité, se treuve evidamment, avoir esté cause des-dicts nouvellitez, et de la diffîdence depuis engendrée entre le Roy et le peuple, pour satisfaire à son ambition et avarice. Lesquelles l'ont aultresfois si transporté, qu'il a mis dissentions et diffidences, entre plusieurs grands Potentats, mesmes entre feuz de treshaultes et tresheureusés mémoires, l'Empereur Charles, et son frère Ferdinand, et ses filz : Ne pensons que ceulx, qui ont jugement et expérience des affaires, feront moindre difficulté de nous absoudre, des maux, et inconveniens advenus audict Pays, et que l'apparente félicité d'icelluy est changée, et reduycte en extrêmes, servitude, calamité, et misères, que d'en charger ledict Cardinal : lequel l'on prétend, par la supplantation et ruyne dudict pays, remettre en son authorité , pour le recompenser, non de ses services (à quoy, quant il en auroit faict plusieurs et bien grands, luy, et les siens, ont plus que suffissamment pourveuz, ne laissans aucune partie à la discrétion de sa Majesté) mais des maulx et inconveniens susdicts, et donner occasion à aultres.

Là où, oubliant tous noz services, faictz avec nostre trèsgrand dommaige et interest, et de noz ancestres, mesmes de ceulx qui sont mortz au service et aulx pieds de sa Majesté Imperialle, l'on nous despouille, non seuUement de nostre bien, par causes, raisons et allégations frivoles, faulses, et controuvees : Et par manières de procéder, contraires à tous droictz, loix, et usances, (comme cy devant, et par aultre nostre escript (1), a esté remonstré) mais aussi de nostre

(1 ) Appert par la nullité et declinatoire enuoyee au Procureur gênerai et Ducq d'Albe le 3. de Mars 1568.

honneur, et nostre Enfant, qui nous sont plus chiers que la vie : le tout, non seullement, en préjudice de nous, mais aussi de sa Majesté : aux contractz, obligations, sermens, et promesses de laquelle, n'est prins aucun regard, qui sont choses tant extraordinaires, exorbitantes, et odieuses, qu'il est impossible, que quelque jour elles ne soyent causes d'inconveniens. Lesquels prions à Dieu que sa Majesté illuminée de clarté et lumière divine, puisse divertir, et prévenir, et au vray entendre les actions de ses bons et loyaulx serviteurs et subjectz, pour le présent à tort calumniez , persécutez, et affligez. Afin que le monde cognoisse, que ce qui est passé, ne procède du naturel d'icelle, mais, de rapportz, délations, et calumnies, de ceux, qui jusques à présent, luy ont déguisé et recelé la vérité.