FAICTE EN

Conseil d'Estat, par Ma-dame, à ceste Requeste, fust telle que s'ensuyt :

Son Altesse, ayant entendu, ce qui se requiert et demande par le contenu en ceste Requeste, est bien délibérée, d'envoyer devers sa Majesté, pour le luy représenter, et faire devers icelle tous bons offices,que son AUesse advîsera pouvoir servir, à disposer et incliner sadicte Majesté, à condescendre à la réquisition des remonstrans, lesquels ne doibvent espérer, si non toutes choses dignes et conformes à sa bénignité naifve et accoustumée : ayant desja sadicte Altesse, au paravant la venue desdicts remonstrans, par Tassistence et advis des Gouverneurs des Provinces, Chevaliers de rordre,et ceulx du Conseil, estans lez elle, besoigné à concevoir et dresser une modération des Placcarts, sur le Faict de la Religion, pour la représenter à sadicte Majesté. Laquelle modération son Altesse espère debvoir estre trouvée telle, que pour devoir donner à chascun raisonnable contentement. Et puis

que Tauthorîté de son Altesse, comme les remonstrans peuvent bien considérer et comprendre, ne s'estend si avant, que de pouvoir surseoir Tlnquisition et les Placcarts, comme ils demandent, et que ne convient de laisser le Pays, à Tendroict de la Religion, sans loy, icelle son Altesse se confie, que les Remonstrans se contenteront de ce qu'elle envoyé, à la fin susdicte, devers sa Majesté, et que pendant que s attend sa response, son Altesse donnera ordre, que tant par les Inquisiteurs (où il y en a eu jusques oires) que par les Officiers respectivement, soit procédé discrètement et modestement endroict Leurs charges, de sorte que l'on n'aura cause de soy plaindre, se confiant son Altesse,que les Remonstrans se conduyront aussi de telle façon, qu'il ne sera besoing d'en user autrement, et se peult bien espérer, que parles bons offices que son Altesse fera devers sa Majesté, icelle se contentera, de descharger les autres, de l'Inquisition où elle e$t,selon que s'estpeu entendre,que desja s'est déclaré sur la Requeste des Chief-villes de Brabant, qu'elles n'en seront chargées. Et se mettra son Altesse tant plus librement, à faire tous bons Offices devers sadicte Majesté, à la fin et à Tefifect susdict, qu'elle tient asseurement, que les Remonstrans ont propos et intention déterminée, de riens innover endroict la Religion ancienne, observée es Pays de par-deçà, airis la maintenir et observer de tout leur pouvoir.

Faict par son Altesse à Bruxelles, le sixiesme jour d'Apvril. Mille, cinq cens, soixante-cinq, avant Pasques. Soubsigné de Margarita.

LES mPCRES D'ASSEURANCE,