DONNEES AUX CONFEDEREZ
Marguerite,par la grâce de Dieu, Duchesse de Parme et de Plaisance, Régente et gouvernante, pour le Roy, mon Seigneur, es pays de pardeça : A tous ceulx qui ces présentes verront, Salut. Comme il soit, que grand nombre de Gentilshommes de ce pays de pardeça. Nous ayent présenté par ensemble, des le mois d'Apvril dernier, certaine requeste, à fin que le plaisir de sa Majesté fust, ester et abolir l'Inquisition, et Placcarts, tant vieulx que nouveaulx, qu'ils disoyent estre trop rigoreux, et à ceste occasion, ne se pouvoir mettre en exécution, et en lieu d'iceulx, en faire aultres, par advis et consentement des Estats generaulx desdicts Pays, requirans que ladicte requeste fust, par nous, envoyée à sadicte Majesté, pour y pourveoir. Sur laquelle aurions tenu plusieurs grandes consultations, avecq les Gouverneurs des provinces, Chevaliers de l'ordre, consaulx d'estat, et privé de sadicte Majesté. £t enapres représenté le tout, avecq nostre advis à sadicte Majesté, et pour ce, que trouvions bon, par advis que dessus, que à l'occasion, que lesdicts Gentils-
hommes pourroyent avoir quelque scrupule et double, que sadicte Majesté ne Youlsist prendre de mauvaise part ladicte requeste, ensemble le compromis qu'ilz auroyent sur ce fait par ensemble, et tout ce que s'en estoit ensuyvi, et que telle doiibte pourroyt estre cause de plusgrand mal, et trouble en cesdicts pays. Nous, par le mesme advis,et délibération dessus mentionnée, avons requiz, que pareillement le plaisir de sa Majesté fust, leur donner lettres d'asseurance, que à ceste occasion, pour l'advenir, ne leur seroy t quelque chose par elle imputée : Surquoy sadicte Majesté nous a mandé son bon vouloir et intention, ensuyvant laquelle, nous, desirans le bien, repos, et tranquillité de sesdicts Pays, et maintenir et rendre tant plus voluntaires iceulx Gentilshommes supplians : à Tobeyssance et service de sa Majesté, selon l'obligation qu'ils en ont, tant de nature que par serment, et comme ilz se sont tousjours offertz : Avons à leur requeste et remonstrance , et ensuyvant le povoir et aulhorité, que avons de sa Majesté, et comme Régente et Gouvernante générale desdicts Pays, et par advis desdicts Gouverneurs, Chevaliers de l'Ordre, et Conseil d'Estat, estant lez nous, donné pour leurdicte asseurance, l'escript, signé de nostre main, en la forme et manière que sensuyt :
Son Alteze, etc.
Sçavoir faisons. Que toutes les choses susdicts considérées, et en ensuyvant le consentement et volunté de sadicte Majesté, et le povoir et commandement que avons d'icelle, Nous, au nom , et par vertu du povoir que dessus, avons promis, et promectons par cestcs, que pour cause de ladrcte requeste, et compromis susdict, et ce que s'en est ensuyvi jusques à présent, ne leur sera imputé par sadicte Majesté, ny nous, aucune chose, moyennant le serment et foy, que
la
lesdicts Gentilshommes^ tant pour eux que pour les autres confederezy nous ont faict, conforme aux poincts et articles cy dessus côuchez,et dont ils ont donné leurs obligations. Si requérons et ordonnons, de la part de sa Majesté, à tous Gouverneurs, Chevaliers de Tordre, et gens du Conseil d'Ëstat susdict, Chief, Président, et gens du Conseil privé, et à tous autres Justiciers, et OiBciers de sadicte Majesté, cui ce regardera, que ceste présente asseurance ils entretiennent et facent entretenir inviolablement, et a tousjours, et que de tout le contenu en cesdietes présentes, ils facent, seuffrent et laissent lesdicts supplians plainement, paisiblement, et perpétuellement jouyr et user, sans leur faire, mettre ou donner, ne souffrir estre faict, mis, ou donné, ores, ny en temps advenir, directement ou indirectement, aucun trouble, ou empescbement au contraire, ny aussi attempter de faict, aucune chose, contre lesdicts supplians, à la cause que dessus, en manière quelconque. Car le plaisir de sadicte Majesté et le nostre, est tel. En tesmoing de ce , avons signé ces pn> sentes, de nostre nom, et y faict appendre nostre Seel.
Donné en la ville de Bruxelles, le vingtecinqaiesrae jour d'Aougst, L'an de grâce, i566.
Signé soubs le ply du costel dextre : Margerùa, Et sur ledict ply du costel senestre, estoit escript : Par ordonnance expresse de son Alteze, et soubsigné, d'Overloepe,et estoyent ces lettres scellées du seel de son Alteze, en cyre vermeille, et double queue pendant
No 4.
