A MESSIEURS LES ESTATS GENERAULS
Vous avez cogneu Messieurs par ma vie passée et mes deportements que je n'ai voulu oneques respondre aux libelles diffamatoires qu'aulcuns calumniateurs avoient divulguez contre moi, tellement que n'eust esté la qualité de rinjure qui m'a esté faicte par la proscription, que le Roi d'Espaigne a faict publier, je m'en fusse encores passé, et n'eust esté aussi que mon honneur me commandoit le contraire, comme je Tai plus amplement deduicten ma defenselaquelle je vous ai présentée. Depuis est tombée entre mes mains une lettre faulse et contrefaicte par mes ennemis qu'ils disent avoir esté par eus interceptée et par moi envoiee à Monseigneur le Duc d'Anjou, ou comme ils disent au Duc d'AUançon, de laquelle aulcuns personnages d'entre eus et de la plus grande qualité ont envoie des copies tant en aulcunes villes de pardeça,qu'à aulcuns Princes estrangers. Geste lettre Messieurs est escripte si ineptement soit qu'on regarde le style, ou qu'on veulle prendre esgard au subject qui y est contenu, lequel par sa simple lecture descouvre assez qu'il n'y a aulcune apparence de vérité :
que telle inveDtion impudente ne mérite point de response, comme aussi Dieu merci ne s'est trouvé homme de pardeça qui s'en soit aulcunement esmeu. Au contraire a esté cogneu à un chascun, leur but n'avoir esté Hultre que d'obscurcir par telles fumées» la clarté par laquelle leur misérable et pernicieuse intention contre ce païs, a esté descouyerte es lettres du Cardinal de Granvelle , et aultres que vous avez commandé estre imprimées après avoir recogneu leurs mains, leurs signes et leurs seauls : et pour se donner subject et matière dedesgorger à la mode de femmes effrontées des mesdisances pleines de mensonges. Mais tant s'en fault qu'ils aient eu par ce moien Teffect pour mon regard qu ils preiendoient qu aucontraire ils m'ont faict plaisir en divulgant telles inepties, par ce que par icellesils verifîentd'advantagema défense, prouvant suffisament qu'ils sont menteurs effrontez,calumniateurstresimpudents,et faulsaires tresineptes, qui sert de plus en plus à justifier mon innocence , et donner approbation à mes actions. Car puisqu'il est notoire à un chascun, que la meilleure nouvelle qu'ils pourroient recepvoir ce seroit que je leur quittasse le païs, je leur offre Messieurs, et vous promets sus mon honneur de l'accomplir. Si ils peuvent vérifier en vos présences que j'aie oncques escrit ni commandé estre escrite, ou envolée une telle lettre, qu'incontinent je sortirai le païs, et me retirerai sans jamais m'opposer à eus : et leur promets sur la simple demande leur envoier tels passeports et saufconduicts, et en telle forme qu'ils les pourront ou vouldront demander. Mais ce sera à telle
condition, s'ils ne veullent accepter ceste oflFre tant raisonnable, que touts ceuls qui ont esté autheurs d'un tel cscrit, ou qui Tout publié ^ et qui Font envoie es villes de pardeça, ou aus Princes et païs estrangers soient tenus pour menteurs, calumniateurs et mesdisants , comme de faict ils sont tels. Fait à Delft le xxv janvier, MDLXXXl.
LA LETTBE
