SIRE

Je ne double point que Vostre Majesté n'aist esté advertie d'une proscription que le Roi d*Espaigne a faict publier contre moi, d'aultant qu'il Ta faict divulguer en toutes langues, et Ta envoiée en plusieurs endroicts de laChrestienté.Il m'a semblé, et à tous mes meilleurs amis, que je ne pourroi satisfaire à mon honneur (lequel pour rien je ne suis conseillé démettre en dangier) sinon en opposant une juste défense à ceste proscription. Suivant quoi j'ai présenté à Messieurs lesEstats de ces pais ma respense, laquelle aussi pour maintenir mon honneur, et ma réputation envers les Princes et Potentats de TËurope, lesquels pour raison de leurs preemîrenceset dignité? sont

ie secours des paoures Princes et Seigneurs affligez, j'ai pris la hardiesse de leur envoier, et à vous Sire particulièrement, suppliant treshumblement Voslre Majesté, Taiant veue en faire pareil jugement qu'il a pieu faire à Messieurs les Eslats, qui ont esté tresfideles tesmoings de toutes mes actions, en juger comme il plaira à Vostro Majesté le cognoistre par leur advis, qui est aussi joincl à madicle défense.

Et d'aultant Sire que Vostre Majesté pourroit trouver estrange, le Roi d'Espaigne m'aiant par ci devant ravi tous mes biens, après que j'en rerais mes gouvernements es mains de la Duchesse de Parme lors Gouvernante de cest estât, je m'estoi retiré au païs d'Allemaigne lieu de ma nativité, où je me tenoi paisiblement, avec mes frères, parents et amis, ce que j'avoi délibéré de continuer : au mesme temps, aiant enlevé des escoles mon fils le Conte de Bueren, et contre les privilèges du païs et son serment faict mener prisonnier en Espaigne, où il est encores détenu cruellement : et d'abondant m'aiant fàict condemner à la mort par son ministre le Duc d'Alve : pour toutes ces raisons, qui estoient toutesfois grandes, que je n'ai publié aulcune défense qui s'adressast audit Roi : ce que neantmoins je fais à présent, et monstre par icelle que les crimes dont le Roi d'Espaigne me veult charger lui appartiennent : Je supplie treshumblement Voslre Majesté Sire devant quejuger de ce mien escript, vouloir considérer la qualité des crimes et blasmes dont je suis chargé par ceste proscription, et celle de ma personne. Car si le Roi d'Espaigne se fust contenté de me retenir

raon Fils et mes biens, qu'il a en sa possession, et encores de présenter, comme il fait, vintcincq milescus pour nin teste, promettre d'anoblir les homicides, leur pardonner tels crimes qu'ils pourroient avoir commis : j'eusse essaie par tout aultre moien, comme j'ai faicl par ci devant, de me conserver moi et les miens, et de pouvoir rentrer en ce qui est mien, et eusse suivi la mcsmc façon de vivre que j'ai faict. Mais le Roi d'Espaigne aiant publié par tout le monde que je suis peste publicque, ennemi du monde, ingrat; infidèle, trahistre et meschant : ce sont injures Sire que nul gentilhomme, voire des moindres qui soit des subjects naturels du Roi d^Espaigne, peut et doit endurer : tellement Sire quand je seroi l'un de ses simples et absoluts vassauls : si est ce que par telle sentence, et si inique en toutes ses parties, et aiant esté par lui despouilléde mes terres et Seigneuries, à raison desquelles je lai auroi eu serment par ci devant, je me tiendroi absouls de toutes mes obligations envers lui, et essaieroi, comme nature l'enseigne à un chascun, par touts moiens à maintenir mon honnettr,qui me doibt estre et à touts hommes nobles plus cher que la vie et les biens. Toutesfois puis qu'il a pieu à Dieu me faire la grâce, d'estre nai Seigneur libre, ne tenant d'aultre que de l'Empire, comme font les Princes et aultres Seigneurs libres d'Âllemaigne et d'Italie, et en oultre que je porte tiltre de Prince absolut, ores que mon Principaulté ne soit bien grand; quoi qu'il en soit, ne lui estant subject naturel, ni aiant rien tenu de lui sinon à raison de mes Seigneuries, desquelles il m'a entièrement dépossédé : il m'a semblé ne pouvoir

satisfaire à mon honneur, et donner contentement à mes parents proches, à plusieurs Princes ausquels j'ai cest honneur d'appartenir, et à toute ma postérité : sinon en respondant par escrit publicq à ceste accusation proposée en la face de toute la Chrestienté. Et combien que je ne lai peu faire sans toucher à son honneur, j'espère neantmoins Sire que Vostre Majesté l'imputera plustost à la contraincte que m'a apporté la qualité de ceste proscription que non pas à ma nature ou à ma volonté. Car quantàcequ'aulcuns pourroient trouver estrange que je me défende en ceste sorte, veu que j'ai aultre fois tenu plusieurs terres et Seigneuries de lui : je supplierai très* humblement Vostre Majesté de considérer l'atrocité de l'injure qui m'est faicte^ que jamais vrai gentilhomme n'endura, que je ne lui suis sufoject naturel, et quant à mes fiefs qu'il m'en avoit despouillé. Mais quand j'en eusse tousjours jouï, si est ce que le mesme droict dont il use ne me peult estre refusé. Il tient du Roi de France (1), à foi et hommage et comme vassal de son Seigneur, le Conté de CharoUois, pour cela il n'a laissé de faire la guerre à la couronne de France, et ne cesse touts les jours de machiner contre icelle. Il prend pour fondement, qu'estant d'allieurs Souverain il lui est licite se vanger du tort qu'il pretendoit lui avoir esté faiet par le feu Roi Henri de treshaulte mémoire. Quand il lit la guerre au Pape Caraffe, d' aultant qu'il tenoit de lui comme vassal les Roiaulmes de Sicile et de Naples, il

(1 ; Es lettres au roi de Franee est cscripl : 11 tient de vostre Majesté.

publia sa défense, par laquelle il se maintient estre ab*souls de son serment, à cause que le Pape ne s'estoit tenu es termes, que le Seigneur doibt vers son vassal, suivant les droicts feodauls qui sont mutuels. Or il n'est rien si naturel Sire, sinon qu'un chascun reçoive en son endroit lamesme règle, qu'il veiilt estre reçeue par aultrui. Pourtant il ne doit trouver estrange, si estant oultragé en tant de sortes de lui, et ne lui estant subject, je m'aide des moiens que Dieu me donne, et desquels il s'est voulu aider contre ses Seigneurs, qui ne l'avoient offensé en chose quelconque approchante des torts que j'ai soufferts de lui, et de ceste marcque ignomineuse, dont il essaie de me flaistrir et ma race. Et d'aultant que Messieurs les Estats qui ont de plus près cogneu la vérité de ce qui est contenu en ceste mienne défense, l'ont approuvée, m'aiants rendu assez suffisant tesmoignage de ma vie passée : je«supplie aussi Vostre Majesté Sire treshumblenient en approuvant icelle mienne response, croire que je ne suis ni trahistre, ni meschant, mais que je suis Dieu merci Gentilhomme de bonne et tresancienne maison, et homme de bien, véritable en tout ce que je promets, non ingrat, ni inûdele, n'aiant commis chose dont un Seigneur et Chevalier de ma qualité puisse recepvoir aulcune reproche. Vous suppliant treshumblemept me tenir au nombre de vos treshumbles serviteurs. Et après avoir treshumblement baisé les mains de Y. M. je prierai Dieu,

Sire,

lui donner en parfaicte santé tresheureuse et trèslongue vie.

A Delfl en Hollande le un jour de febvrier, mdlxxxi.