CHAPITRE XXXVI

qu'ayoit endurez nostre seigneur Jésus Christ, il baissa tellement la teste et les espaules en croisant les bras, qu'il descouyrit toutes ses postérieures : lesquelles yoyans ceux qui estoyent derrière ceste chaire, ne se purent tenir de rire^ au lieu que ceux qui estoyent devant estoyent esmeus à plourer, tant par les propos qu'il leur tenoit, que par les simagrées qu'il faisoit. Voilà comment il gangna la gageure, ayant faict pleurer une partie du peuple et rire l'autre en un mesme temps, voire en un mesme instant.

Un autre cordelier nommé par Érasme Robertus Lîciensis (i), s'estant vanté en un banquet qu'il pouroit £Edre venir les larmes aux yeux à ses auditeurs toutes et quantesfois que bon luy sembloit, fut mocqué par un de la compagnie, disant qu'il n'estoit pas assez habile homme pour foire pleurer quelques personnes d'esprit, mais seulement pourroit faire pleurer quelques femmes des plus idiotes, ou les petis enfans. Alors ce moine, bien fasché de ceste mocquerie, luy dict : — « Vous donc, monsieur, qui faites tant du grave, » trouvez-vous demain en mon sermon en la place » que je vous assigneray vis à vis de moy : à la charge » que si je ne vous fay sortir des larmes des yeux, je » donneray un bon banquet à la compagnie : si je 9 vous en fay sortir, vous le donnerez. » Cela estant accordé, et cestuy-ci s'estant le lendemain assis où il avoit esté dict, le cordelier vint prescher : lequel ayant bonne mémoire de sa gageure, se mit en propos de la bonté et douceur de Dieu envers les hommes et de sa largesse, et puis vint monstrer comment les hommes estoyent ingrats et mescongnoissans de tant de biens

,(1) Robert Caraccioli, né à Lecce en 1435, mort en 1473. Vojes Erasme, Eeclesiattœ sive de ratione comeionandi libri quatuor, Basil., i533, 1. III, Cf. Menagianay t. I, p. 171.

qu'ils recevoyent de luy journellement : aussi comment ils estoyent si endurcis en leurs mauvaises façons de faire que par remonstrance aucune on ne les pouvoit attirer à faire pénitence et à s'aimer mutuellement. Et après avoir poursuivi ce propos un peu plus avant, en la fin vint introduire Dieu parlant ainsi, O cueur plus dur que fer, ô cueur plus dur que diamant. Le fer se fond par le feu, le diamant est surmonté par le sang de bouc : et moy quoy que je face, je ne te puis tant amollir que tu jettes une seule larme. Et ne se contenta de dire une fois ce propos, mais le réitéra tant de fois, criant tousjours de plus fort en plus fort, qu'en la fin celuy contre lequel il avoit gagé, ne se put garder de pleurer non plus que les autres qui estoyent autour de luy. Ce que voyant le cordelier, tendit la main vers luy, disant, a J'ay gangné. > Lequel mot les autres pensoyent estre dict en parlant encores en la personne de Dieu : comme voulant dire qu'il avoit esté le plus fort, ayant obtenu des bommes ce qu'il demandoit, quant à s'amollir le cueur (i).

Ce mesme Robert avoit un'amoureuse (par dispense de son sainct François) qui luy dict une fois que bormis Tbabit, il luy plaisoit bien quant à tout le reste. — « Quel habit » (dit-il) a me faudroit-il prendre » pour vous plaire en tout et par tout? — L'habit de » gendarme, » dit-elle. — « Ne faillez donc » (respondit-il) « de vous trouver demain à mon sermon. • Le lendemain il entra en la chaire portant l'espée, et quant au reste pareillement habillé en soldat, sous sa robbe. Puis en preschant se mit à exhorter les princes

(i) Erasme ajoute : « In convhio vero epinicio quum Robertus jaet€aret suam vietoriam, noH inscite tergiversatus est vicarius : Nom tua, inquit, facundia mihi excussit lacrytnas, sed mea misericordia reputanti quant indignum esset quod tam felix natura wnmdo terpiret potius quam Christo. ■