CHAPITRE XXXI

Or n*estoyent moins hardis à paraphraser ainsi les passages du vieil Testament que ceux du nouveau. Pour exemple : au m livre des Roys, chap. m, en l'histoire qui nous raconte le jugement du roy Salomon qu'il fit entre les deux femmes pour rendre Tenfant à celle à qui il appartenoit, le texte ne porte point que ces femmes s'entrebatoyent en la présence dudict roy, ni aussi que Tune juroit par sa foy. Encore moins que le roy leur dict, Taisezvous, taisez-vous : car comme je voy, vous n'avez jamais estudié à Angers ou à Poictiers pour sçavoir bien plaider (i). Et toutesfois ledict Menot nous feroit volontiers croire que tout ceci est de ceste histoire.

(I) • Cessate loqui : ut video^ nunquam studuistis Andegavis vel Pictavis^ ut sciretis bene litigare. • Menot, feuiil. 47. Cf. Rabelais, IV, i3 : « Angien, Yoire Poictiers avec leur parlouoire. •