CHAPITRE XXXV
De plusieurs sortes de questions, et aucunes non moins meschantes que frivoles, dont aussi estoyent garnis lesdicts prescheurs.
) Ls employoyent aussi une partie de leurs presches à des questions qui ne valoyent guère mieux que le reste : je di questions les unes trop curieuses, les autres non seulement curieuses, mais aussi frivoles et inutiles, et puis, pour la plus part, fort sottes et ridicules. Et toutesfois nous sçavons ique telle curiosité a esté reprise de tout temps. Car nous voyons combien ell'a despieu à S. Paul (i), et puis à plusieurs anciens docteurs. Entre lesquels Sainct Augustin raconte {si bien me souvient) d'un qui fit response à un curieux telle que sa curieuse et outrecuidée question méritoit. Car ayant demandé que Dieu faisoit avant la création du monde, il luy fut respondu qu'il bastissoit un enfer pour tels curieux. Nous trouvons aussi un' epistre de l'empereur Constantin en laquelle il monstre le mal qu'apportent les questions curieuses. Mais cela n'a point gardé Thomas d'Aquin, Pierre Lombard, et autres, de mettre en avant plusieurs
(i) Ep.adTiL,m,g.
2l8 APOLOGIE POUR HÉRODOTE
questions frivoles et inutiles, voire aucunes pernicieuses et ayans du blasphème : ni aussi n'a gardé les docteurs de nostre temps de tenir en leurs escholes disputes de telles questions, et en inventer tous les jours de nouvelles. Et touchant quoy sont ces questions ? Touchant Dieu, touchant la divinité et humanité de Jésus Christ, touchant les anges. Comme, Utrum Deus posset peccare si vellety etc. A-sçavoirmon si Dieu pourroit pécher s'il vouloit. A-sçavoirmon si Dieu peut faire maintenant tout ce qull a pu faire par le passé. A-sçavoir-mon si Dieu peut sçavoir quelque chose qu'il ne sçache. A-sçavoir-mon si Dieu pouvoit prendre la nature humaine en sexe féminin. Mais celles-ci principalement sont réservées aux plus illuminez docteurs { je di illuminatis doctoribus) : Utrum plures in Christo filiationes. Item, Utrum Deus potuerit suppositare mulierem, vel diabolum, vel asinum, vel cucurbitam, vel silicem. Et si suppositasset cucur^ bitam, quemadmodum fuerit concionatura, editura miracula, et quonam modo fuisset fixa cruci. Item, A-sçavoir-mon qu'eust consacré S. Pierre s'il eust consacré alors que le corps de Jésus Christ estoit pendu en la croix. Item, A-sçavoir-mon si après la résurrection il sera licite de manger et boire. Et quant aux anges, A-sçavoir mon si les anges sont bien d'accord ensemble. A-sçavoir-mon si Dieu se sert de tous. Asçavoir-mon si les anges sont marris de la damnation des hommes qu'ils ont en garde. Je laisse les questions des noms des anges et archanges, de leurs prééminences et leurs sièges : combien est haut monté l'un pardessus l'autre, et autres choses qui concernent leur hiérarchie. Ils ont aussi force questions de notionibus, relationibus, instantibus, formalitatibus, quidditatibus, ecceitatibus, et autres mots qui semblent avoir esté faicts pour conjurer les diables, et souloyent toutesfois
