CHAPITRE XVIIf
la main presque à moitié coupée: de laquelle (ainsi qu'ils présumoycnt) ell' avoit pensé faire bouclier contre la rage paternelle. Le bruit courut depuis que ce malheureux s'estoit précipité du haut de quelque montagne vers le comté de Tirole, où il s'estoit sauvé. L'autr'exemple est d'un homme de Suisse, qui ayant surpris sa femme en paillardise, et luy ayant pardonné à l'heure, au bout de quelques jours se ravisa, et rétractant ce pardon, la tua : allégant que son cueur ne pouvoit porter qu'il laissast vivre une femme qui luy avoit joué un tel tour. Ce qu*ayant faict, il dépescha aussi ses enfans, allégant qu'il ne vouloit point avoir des enfans qui fussent nommez enfans de putain. Et dit-on qu'après avoir esté ainsi meurdrier de sa femme et de ses enfans, il fut aussi meurdrier de soy-mesmc, se précipitant du haut d'une maison, ou (selon les autres) d*une tour : après avoit escrit en un papier ( lequel il mit sur soy) Tacte qu'il avoit commis, et les raisons qui Tavoyent induict : et que sçachant que la justice le feroit mourir pour raison dudict acte, il avoit mieux aimé luy-mcsmc s'cxccutcr que d'endurer une mort honteuse. Or congnoissons-nous par ces deux exemples comment le diable dresse des embusches aux personnes autant et plus qu'il lit jamais : lesquels nous voyons cstre (comme j'ay dict) conformes en ce que tous les deux pères auroyent tué leurs enfans pour l'occasion d'une chose dont ils cstovent innocens.
Et en réciproque, des fils meurdriers des père ou mère (ce qui est proprement appelé parricide), le diable ne nous en a-il point voulu faire voir des exemples? Hclas si a : et mesmcment en nostre France, depuis bien peu de temps. Car l'an mil cinq cens soixantecinq, pénultième jour de Septembre, en la ville de Chastillon sur Loing, ce maudict ennemi du genre humain eut tel commandement et pouvoir sur un povre
trouver mauvais si je suis un peu plus long en ce récit que je n'ay accoustumé d'estre es autres. Car à dire la vérité, congnoissant que le nom mesme du parricide est horrible, je n'eusse voulu le raconter si avant, sinon en intention d'ajouster la conversion d'iceluy, pour monstrer aussi bien Texemple de la grande miséricorde de Dieu, comme l'exemple de la cruelle inimitié que porte Satan au genre humain : laquelle il monstre par expérience envers ceux qu'il Voit ne se tenir aucunement sur leurs gardes. Ce meurdrier donc, appréhendé par la justice, fut mené en prison. Contre lequel déposoyent les tesmoins entr'autres choses, qu'il avoit esté toute sa vie fort desbauché, et mesprisant ordinairement les répréhensions de sesdicts père et mère : et néantmoins tout cela n 'avoit empesché qu^ils ne l'eussent tousjours receu en toute douceur, toutes les fois qu'il estoit retourné à eux. Or luy ayant esté faict son procès, sa sentence fut prononcée par la justice de Chastillon, le samedi prochainement suyv^ant. Laquelle sentence portoit telles peines : Qu'il auroit le poing dextre coupé sur un eschaffaut en la place publique de ladicte ville, et devant la maison de sondict père. QuUl seroit tenaillé tout vif aux deux mamelles de tenailles ardentes de feu : et après seroit là pendu par les pieds à une potence, et estranglé d'une pierre du poids de six vints livres qu'on luy attacheroit au col. Qu'il demeureroit ainsi pendu en ladicte place l'espace de vint-quatre heures : puis seroit porté pour demeurer ainsi pendu à tousjours au gibet ordinaire de ladicte ville. Ceste sentence luy estant ainsi prononcée, il en appela : estant persuadé à ce faire par un meschant garnement de fausaire , qui pour ses mesfaicts avoit receu sentence avec luy d'estre envoyé aux galères, et de laquelle aussi il avoit appelé. En attendant donc qu'on les menast à Paris, on les remit dedans la grosse tour du
