CHAPITRE XVIII 35C

pardessus toutes celles desquelles on oit parler) ; les autres -regardent à l'exécuter ouvertement, et de bonne guerre, comme on dît : à-sçavoir en ne prenant point son homme au despourveu, ou autrement k son avant^e (ce qu'on appelle aujourdhuy supercherie), mais l'avertissant, et luy donnant loisir de mettre la main aux armes : et mesmes font conscience de se mettre deux à assaillir un. Ce que nous sçavons s'estre pratiqué anciennement en France plus religieusement qu'en pays quelconque, et se pratiquer en cores aujourdhuy par tous vrays François r c'est-à-dire qui ne dégénèrent point, et ne changent leur naturelle manière de faire à celle des autres. De laquelle toutesfois je sçay bien que j'ay souvent ouy les Italiens se mocquer : mais il ne s'en faut esmerveiller, veu que, comme j'ay dict, ib font profession de l'autre façon qui est totalement contraire à ceste-ci. Car depuisqu'ils ont une fois serré le bout du doigt entre les dents par menace, chacun sçait que s'ils prennent leur homme par devaut, ce sera faute de le pouvoir prendre par derrière : et qu'ils se garderont bien de dire Défen-toy, encore mieux de l'assaillir, qu'ils ne se sentent beaucoup plus fors , et tellement accompagnez qu'ils soyent pour le moins deux cootr'uD. Et quand bien mesmes ils auront esté dix contr'un i exécuter la vengeance de leur ennemi, ils ne laisseront de crier Vittoria, vittoria. Encore le pis est qu'outre tous ces avantages qu'ils taschent d'avoir sur leurs ennemis, et outre la trahison de laquelle ils s'efforcent d'user en faisant leur coup, ils font leurs préparait^ par le moyen d'une Irajstresse dissimulation. Tesmoin Simon Turq en la ville d'Anvers, qui tua ou fit tuer en sa présence (il y a environ quinz* ans) un autre Italien dedans une chaire faicte avec une très-malheureuse ingéniosité, après avoir dissimulé maintes années l'inimitié et rancune, et avoir

3(iO APOLOGIE POUR HERODOTE

monstre plusieurs signes de réconciliation. Tesmoin aussi (environ ce mesme temps) l'Iulien qui tua le chevalier du guet dict Vaudra/, à Paris, en la rue 5. Antoine, dedans le propre logis d'iceluy. Car ayant jà de longue main faict acroire à ce gentilhomme François qu'il avoit oublié toute l'inimitié du temps passé, vint une fois en sa maison à l'heure qu'il disnoit. Et ayant esté receu comme ami qu'il se disoit estre, tua ce povrc gentilhomme se levant de table pour luy donner l'accolade. Aussi environ deux ans auparavant, le lieutenant criminel de Rouan, estant monté sur sa mule et s'en allant à la Cour, fiit tué par un Italien, qui luy donna si subtilement un coup de dague dedans le sein, que ses gens n'en virent rien et ne l'apperceurent mort que ce meurdricr ne fust ]h bien loin, estant monté sur un cheval, par la vîstesse duquel il se sauva. Mais pource que je sçay qu'il se trouve tant d'autres exemples de semblables actes (voire de beaucoup plus fraische mémoire), que quiconque voudra s'en enquérir, il luy sera fort aisé d'en entendre, et mesmement que ceux qui ont demeuré en Italie, en doivent avoir les oreilles batues, je parleray d'un homicide de nostre temps, auquel se monstre un plus énorme désir de vengeance qu'on pense estre jamais venu en l'entendement de créature du monde. C'est d'un Italien, lequel garda une rancune l'espace de dix ans, faisant semblant ce pendant d'estre réconcilié : et un jour qu'il se promenoit avec celuy auquel il la portoit, se trouvant en un lieu à l'escart, le prit par derrière et le renversa : puis luy ayant présenté la dague à la gorge, luy vint à dire que s'il ne renioit son Dieu, il le lueroit. Cestuy-cy, après avoir faict grande difficulté de telle chose, toutesfois en la fin s'y accorda, plustost que de mourir : tellement qu'il renonça Dieu, et les saincts, et toute la kyrielle, ainsi qu'on parloit