CHAPITRE XIV

femmes ainsi que Jésus-Christ les hommes, trouva plusieurs qui commençoyent à luy prester l'oreille : que ce n'est merveille que Mahomet ait peu faire croire que les hommes alloyent en paradis, non pas les femmes? Si ledict Postel eust presché telle folie non pas à ceux de Paris, mais à quelques Auvergnas de la Limagne, ou à quelques Normans du fond de la Hague (i) ; non point à gens lettrez, mais à gens qui eussent esté bien empeschez à conter leurs doits; non point depuis que les abus de la religion ont esté descouvers, mais du temps que les ténèbres d'ignorance estoyent encores au monde, plus palpables en leur endroit que n'estoyent celles d'Egypte, qui estoyent ténèbres réalement et de faict : encores auroit-on trèsgrande occasion de s'esbahir comment il auroit esté possible qu'un tel propos, ayant esté mis en avant, auroit esté trouvé recevable. Quelle merveille est-ce donc qu'il ait esté non seulement receu, mais grandement estimé en la ville qui s'est de longtemps vantée, et se vante encores à présent d'estre la thrésorière de toute la France en cas de vrayes richesses, qui sont les sciences? On me respondra que combien que plusieurs l'allassent ouïr (tellement que pour la grand' foule on estoit en danger d'estoufîer), toutesfois il n'est vraysemblable qu'aucuns luy adjoustassent foy, sinon quelques idiots. Mais je respon comme de chose de laquelle je suis bien asseuré, qu'au contraire il n'est point seulement vraysemblable, mais totalement vray, qu'il donnoit je ne sçay quelle sause ausdicts propos, par laquelle il faisoit que ceux mesmement qui avoyent et bonnes lettres et bon jugement, y commençoyent à prendre goust, combien qu'auparavant ils s'en fussent

(i) Aujourd'hui la Hougue, Ogigia dans l'Index du Dict. de Ch. Estienne, éd. de Lloyd, Londiiii, 1686.

mocquez comme de la plus badine impiété du monde. Or sçavons-nous que ce meschant ne s'est point contenté de desgorger en particulier aux uns et aux autres ses monstrueux blasphèmes, mais les a fait imprimer; et pourtant est du nombre de ceux desquels nous parlons maintenant. Toutesfois je ne sçay pas si entre les livres qu'il a voulu estre imprimez, se trouvent des propos lesquels il a tenus une fois à Venise à plusieurs, et à moy entr'autres, en la place de Realte, à sçavoir que pour faire une bonne religion il faudroit qu'elle fust composée des trois religions, de la Chrestienne, de la Judaïque, et de la Turquesque : et que nommeement la religion des Turcs avoit de bons points, si on la considéroit de près. Qui est celuy qui, oyant telles parolles, ne soit contraint de confesser que nostre siècle est le superlatif en toute sorte de blasphèmes (non procédans des ténèbres d'ignorance, comme le temps passé, mais d'un cueur envenimé contre la lumière), aussi bien qu'en toutes sortes d'autres meschancetez ? Mais dont vient ceci? dira quelqu'un. Mon argument ne porte pas que j'en rende raison ; et néantmoins je diray ce mot en passant, qu'il semble bien que ceci vienne en partie de ce que le diable, se sentant assailli d'une façon plus étrange que jamais, se pourvoit aussi de soldats plus furieux que n'estoyent ceux desquels il se servoit auparavant. Car, pendant que l'ignorance régnoit par tout, et nommeement quant au faict de la religion Chrestienne, et qu'il n'estoit question que de les entretenir, il est certain qu'il n'avoit pas besoin de tel secours que maintenant, quand il se voit de jour en jour perdre ses places.

Je vien à un autre, lequel semblablement a fait imprimer ses blasphèmes, comme dignes de mémoire. Lequel je prie ne trouver mauvais si je le nomme, puisqu'il n'a point trouvé mauvais de mettre son nom