XX INTRODUCTION

avoir plustost faict, il chargeoit sur le dos de cestuyla les actes des autres aussi. Et puis au lieu qu'une table doit renvoyer au livre, il semble en plusieurs lieux que du livre il vueille renvoyer à la table : comme s'il ne contenoit qu'un abbrégé des choses traitées plus au long en icelle. Ce qu'il ne fait cependant sans mesler du sien, sans obscurcir ce qui est clair au livre, sans mettre force qui pro quo, bref sans bien mettre du brouillamini à mon povre livre. Item au lieu que les autres ayans extraict les propos qu'ils veulent mettre en un indice, les mettent sous les mots principaux d'iceux, ce gentil tabuliste les a mis sous le premier venu : comme pour exemple, ce propos : Il n'y-a pas trente ans qu'il se faloit cacher pour lire la Bible, au lieu qu'il devoit estre mis sous ce mot de Bible, il l'a mis sous ce mot II. Et c'est dont viennent en sa table tant de Celuy et de Celle : Celuy qui fit (ou dit) telle chose. Celle qui fit (ou dit) telle chose : au lieu de réduire un chacun des faicts et dicts au mot principal. Mais à propos des qui pro quo, par lesquels Ravot a monstre qu'il y avoit du vif-argent ou du sablon mouvant en sa teste, notez (pour exemple) qu'au lieu que j'avois dict, S. Medard me semble venir du mot Grec meidan, qui signifie Rire : il a mis en sa table, S. Medar en Grec, vaut autant à dire en François que S. Rire. Toutesfois ce passage n'est rien, ni plusieurs semblables, aupris de ceux o\x il équivoque si dangereusement que c'est assez pour luy faire faire son procès : et seroit assez pour me le faire faire aussi, si j'avois mis en mon livre ce qu'il dit. Comme (pour exemple) au lieu que j'ay dict Bible dont l'interprétation estoit faicte à poste, il met Bible faicte à poste : au lieu que j'ay dict qu'un homme du comté de Tonnairre fut mis sur la roue, il met que le comte de Tonnairre fut mis sur la roue. Avisez lecteur