CHAPITRE XV

fort bien faicte, et qu'elle estoit justement de la sorte qu'il la luy falloit. Le rustre qui espioit l'occasion de jouer un tour de son mestier, après avoir bien contemplé monsieur le prestre de tous cotez, dict en la fin qu'il y trouvoit une faute, à-sçavoir que la chappe estoit plus courte par devant que derrière. Alors le vendeur respond qu'il ne tient pas à la chappe, mais que la grosse bourse engarde qu'elle ne s'estende uniement, et par conséquent la fait trouver plus courte par devant. Le prestre oste la bourse, et la met auprès. Ce qu'estant faict, ils le veulent de rechef contempler; mais le galand, pour achever de jouer son rôle, pendant que le prestre se retournoit, empoigna très-bien la bourse, et puis monstra par expérience qu'il n'avoit pas les gouttes aux jambes ni aux pieds. Là-dessus le prestre crie : « Prenez ce larron ! » et le marchand : « Prenez ce prestre ! » le galand : « Arres- » tez ce prestre qui est enragé ! » Et de vray chacun qui voyoit ce prestre courir par les rues en tel équippage, ne pouvoit juger autre chose de luy. Mais cependant que le marchand et le prestre disputent ensemble, le larron se sauve.

Il en conte encores un autre qui s'accorde avec cestuy-ci quant à l'habileté des pieds : mais au demeurant n'ha pas grand esprit : comme aussi le pays dont il vient ne le porte pas, sinon que ce soit comme par miracle. Car le tour duquel il est question fut joué par un Hollandois en une ville d'Hollande nommée Leiden (1). Ce bon compagnon, en se promenant par ceste ville, entre en la boutique d'un cordouannier : le maistre luy demande s'il y a quelque chose qui luy plaise, et l'ayant apperceu jetter la veue sur des bottines qui estoyent là pendues, luy demande s'il auroit

(i) Voy. Erasme, même colloque.

envie d'en avoir une paire. Quand il eut respondu qu'ouy, il luy choisit celles qui luy sembloyent le mieux venir à ses jambes, et les luy chaussa. Quand il les eut, il se fit aussi essayer des souliers : lesquels luy semblèrent venir bien à ses pieds comme les bottines a ses jambes. Après ceci, au lieu de faire marché et de payer, il vint à demander au cordouannier par manière de jaserie : « Dites-moy par vostre foy, ne » vous advint-il jamais que quelcun que vous auriez » ainsi bien e'quippé pour courir, s'en soit fuy sans 1) payer? — Jamais, » dict-il. — « Et si d'adventure il » advenoit, que feriez-vous? — Je courrois après, » dit le cordouannier. — « Dites-vous ceci à bon escient? i> — Je le di à bon escient, et ne ferois point autre- » ment, » respondit le cordouannier. — « Il en faut voir 1) l'expérience, » dict l'autre. « Orsus, je me mettray à » courir le premier : courez après moy. » Et sur ceci commença à fuir tant qu'il peut. Alors le cordouannier de courir après, et de crier : « Arrestez le larron! » arrestez le larron ! » Mais l'autre, voyant que chacun sortoit des maisons, de peur qu'on ne mist la main sur luy, faisant bonne mine, et comme celuy qui ne faisoit ceci que pour son passetemps : « Que personne » (dit-il) « ne m'arreste, car il y a grosse gageure. » Ainsi s'en revint à la maison le povre cordouannier, bien fasché d'avoir perdu et son argent et encore sa peine, car l'autre avoit gangné le pris quant à courir. Or ay-je traduict bottines, pource qu'Érasme dit ocreas : et toutesfois (de quoy j'ay bien voulu advertir) encore ne faut-il pas entendre des bottines faictes à la laçon des nostres, puisque elles se mettoyent en des souliers (i).

i) Ocrea : nouse de er ou cauche de fer, Ducange. « Cuissard, ambière, jambart, chaussure des soldats, chasseurs et paysans et qui couvrait la partie antérieure de la jambe (elle était faite d'une com-