CHAPITRE XV

point les vertus ecclésiastiques parmi celles des séculiers; car le tour que je veux réciter est d'un prestre de Louvain (i). Ce prestre, nommé Antoine, ayant convié à disner deux bons compagnons lesquels il avoit rencontrez par la rue, et voyant au retour qu'en sa maison il n'y avoit rien si froid que l'atre (comme nous parlons à Paris), et que tous les prisonniers s'en estoyent fuys de sa bourse, s'advise incontinent de cest expédient pour tenir promesse à ceux qu'il avoit conviez. Il s'en va en la maison d'un avec lequel il avoit quelque familiarité, et en l'absence de la chambrière prend un pot de cuyvre dedans lequel cuisoit la chair, et l'ayant mis sous sa robbe, l'emporte chez soy. Estant arrivé, commande à sa chambrière de verser le potage avec la chair en un autre pot de terre; et après que ce pot de cuyvre fut vuidé, l'ayant fait très-bien escurer, envoyé un garson à celuy auquel il appartenoit, pour le prier de luy prester quelque somme d'argent, en retenant ce pot pour gage. Le garson rapporte bonne response à messire Antoine, à-sçavoir une pièce d'argent, qui vint fort bien à point pour garnir la table du reste qu'il y falloit : et un petit mot de scédule par laquelle ce créditeur confessoit avoir receu le pot de cuyvre en gage, sur la somme. Lequel, se voulant mettre à table, trouva faute d'un des pots qui avoyent esté mis au feu, et alors se fut à crier. La cuisinière asseure que depuis qu'elle l'a perdu de veue, n'est entré que messire Antoine. Mais on fait conscience de le souspeçonner d'un tel acte; toutesfois en la fin on va voir si on l'appercevra point chez luy, et pource qu'on n'en oyoit point de nouvelles, on le demande à luy-mesme. Il respond qu'il ne sçait que

(1) Voy. Érasme, Colloq. : le Repas des histoires plaisantes. Cf. Des Périers, nouv. CXVIII.

c'est. Et quand il se sentit pressé, d'autant qu'on luy maintenoit qu'autre que luy n'estoit entré vers le temps qu'il avoit esté pris : — « Il est bien vray » (dit-il) « que j'ay emprunté un pot, mais je l'ay renvoyé )) à celuy duquel je l'avois emprunté. » Ce qu'ayant esté nié par le créditeur : — « Voyez, messieurs, » (dict messire Antoine), « comme il se fait bon fier )) aux gens de maintenant sans bonne scédule. II me » voudroit incontinent accuser de larrecin, si je u n'avois scédule escrite et signée de sa main. » Alors il monstra la scédule que le garson luy avoit apportée. Tellement que pour payement le créditeur receut de la mocquerie par tous les endroits de la ville de Louvain, le bruit estant couru incontinent qu'un tel avoit preste argent sous un gage qui estoit à luy.

Maintenant, après le tour larronicque joué par un prestre, c'est raison que nous en oyons un joué à un prestre, pour revanche. En la ville d'Anvers (i), un bon galand ayant remarqué un prestre portant une bourse laquelle luy sembloit avoir une grosse apostume (or estoit ceste bourse attachée à la ceinture), luy ayant fait une grande révérence, luy dict qu'il avoit charge du curé de sa paroice de luy acheter une chappe. « Et » pourtant » (dict-il), « monsieur, que je vous voy estre ') totalement de sa stature, je vous voudrois prier de » me faire tant de bien que de venir avec moy jusques » en la boutique d'un marchand. Car je sçay bien que » celle qui vous sera bien faicte, sera bien faicte à luy » aussi. M Ce prestre luy ayant accordé aiseement ce plaisir, ils s'en vont en une boutique, où on leur monstra des chappes. Le prestre en ayant vestu une, le marchand dict qu'il luy sembloit qu'elle luy estoit

(i) Voy. Erasme, mOme colloque.