CHAPITRE XV

lutins ou autres, qui ont servi aux femmes à jouer leurs mystères. Et de vray quand les esprits ont cessé de venir la nuict, les femmes de ce mestier y ont beaucoup perdu; car c'estoit ordinairement leur dernier refuge. Et de ma part j'ay bonne souvenance d'une trousse qu'une femme de Paris joua à son mari par le moyen desdits esprits, pendant que j'estois encor jeune. Duquel tour futfaicte une farce, que long temps depuis j'ay veue jouer aux badins de Rouan. Voilà comment les moines et les femmes ont sceu faire leur proufit, voire (comme on dit en parlant priveement) faire leurs choux gras d'une opinion ou persuasion, de laquelle, depuis que le pot aux roses a esté descouvert, se sont moquez ceux mesmes qui audemeurant ont combattu pour plusieurs autres abus. Car nous sçavons quelles tragédies les Jacopins de Berne et les Cordeliers d'Orléans (entr'autres) ont faict jouer ausdicts esprits. Desquels néantmoins les moines et prestres ne s'aidoyent pas à l'endroit de leurs chalandes, pource que l'opinion qu'on avoit de leur saincteté, leur fournissoit inventions de plusieurs autres tours (comme nous verrons ci-après), par le moyen desquels toutesfois, depuis ce mesme descouvrement (i)du pot aux roses, ils n'ont sçeu passer par tout, comme ils avoyent accoustumé. Et se faut-il donc esbahir si la vraye religion, qui a faict ouvrir les yeux aux hommes, voire les a faict voir si clair, n'ha point de plus mortels ennemis que les prestres et les putains ? Et en parlant ainsi (afin que les moines ne se plaignent que je les aye oubliez) je compren les moines (soyent noirs, soyent blancs, soyent gris) sous le nom de prestres.

Et pour retourner à ces gens de bien, escoutons un peu comment une certaine dame Sienoise sçeut par

(i) Exemplaires cartonnés : [depuis le susdit descouvrement].

une subtile invention sauver envers son mari son honneur, et celuy de frère Regnaud : auquel néantmoins ell'avoit abandonné une autre sorte d'honneur, non pas une fois, ni deux, ni trois, mais si souvent qu'elle s'en devoit bien contenter : combien qu'il fust son compère d'un enfant qu'il luy avoit tenu devant qu'estre religieux. Or avint une fois entre autres, pendant que frère Regnaud luy enseignoit sur un lict la pateuQstre, et le compagnon d'iceluyl'enseignoit à la chambrière aufeste de la maison, que le mari heurta à la porte, et appela sa femme. Elle oyant ceci, « Hélas » (dict-elle) « c'est » faict de moy : voici mon mari : toutesfois vestez- » vous seulement, et je la luy bailleray bonne (i). » Ayant donc averti frère Regnaud quel personnage il devoit jouer, respondit à son mari, qui redoubloit son heurtement (2), « Je m'en vay à vous, mon ami. » Et se leva aussi tost après ; puis luy ayant ouvert, vint incontinent à dire (or faut-il noter qu'ell'avoit mené son petit garçon au lieu où ils s'estoyent jouez), « Hé- » las, mon mari, vous ne sçavez pas : j'ay veu aujour- » dhuy l'heure que nous avions perdu nostre petit fils, » et sans frère Regnaud nostre compère (que Dieu » nous a envoyé au besoin), je croy qu'il ne seroit plus » en vie. » Ce sot mari, qui de prime face avoit pensé évanouir, après avoir un peu repris courage, voulut sçavoir comment cela estoit avenu. Alors ceste bonne dame luy vint comter par le menu : — 0 Au comman- » cément j'ay esté toute esbatjie qu'un évanouissement » a pris à ce petit garçon, lequel a esté tel que je pen-

f i) Exemplaires cartonnés : [Il avint donc une fois entre les autres, pendant que frère Regnaud estoit avec ceste vilaine, et son compagnon avec la chambrière d'icelle, au feste de la maison, que le mari heurta à la porte, et appela sa femme. Elle oyant ceci, « Hélas » (dict-elle) (( c'est faict de moy : voici mon mari. » Puis ayant un peu songé ajousta, « Vestez-vous seulement, et je la luy bailleray bonne. »]

(2) Son heurtement : supprimé dans les exemplaires cartonnés.