CHAPITRE XV

semblant de ne le recongnoistre point à la parole : et pour faire mieux la mine, vint dire à haute voix à un sien serviteur, « Que ne vous levez-vous, et allez faire » taire ceux qui font ce bruit à la porte ? Est-ce main- » tenant l'heure de venir en la maison des gens de » bien ? Si mon mari estoit ici, il les en garderoit » bien. » Or nonobstant que son mari criast souvent tant qu'il pouvoit, « Ma femme, ouvrez-moy, » elle n'en fit rien jusques à ce qu'elle vit son ami estre habillé et prest à sortir. Alors en ouvrant la porte à son mari qui estoit borgne, et faisant (ou plustost contrefaisant un grand accueil, commença à luy dire, « O » mon mari, que je suis aise de vostre venue: car je » faisois un merveilleux songe, et estois tant aise que » jamais je ne receu un tel contentement : pource qu'il » me sembloit que vous aviez recouvré la veue de vo- » stre œil. » Puis en l'embrassant et le baisant le print par la teste : et en luy bouchant d'une main son bon œil, luy demanda, « Voyez-vous point mieux que de » coustume? » Et cependant qu'elle l'amusoit ainsi, en luy ostant l'usage de la veue, fit sortir son ami dehors. Geste mesme princesse raconte aussi de la femme d'un laboureur (i), laquelle sentant venir son mari, fit sauver monsieur le curé, son second mari, en un grenier : et couvrit la trappe par où il monta, d'un van à vanner. Maiss'ennuyant d'estre (2) là si longuement, regarda par ladicte trappe, et apperceut le mari dormant auprès du feu : mais en regardant il s'appuya si lourdement sur ce van, que tous deux tombèrent à bas auprès du bon homme. Lequel s'estant esveillé à ce bruit, et ayant

(1) Trois, journée, vingt-neuv. nouvelle.

(2) La feuille entière de l'édition originale, commençant à cet endroit (signature /, pages 161 à 176), a été réimprimée par Estienne. Nous donnons ici le texte primitif et nous mettons en note les variantes que nous fournissent les exemplaires cartonnés.

demandé à sa femme que c'estoit, — « Mon ami » (ditelle) « c'est vostre van que le curé avoit emprunté: » il vous l'est venu rendre. » Et il trouva ceste response assez pertinente, hormis qu'il dict, — « C'est bien lour- » dément rendu ce qu'on a emprunté, car je pensois » que la maison tombast par terre. » Elle fait aussi un conte d'une chambrière (i), laquelle pour jouir mieux d'un sien ami, serviteur en une mesrae maison (qui est par elle nommée), avoit trouvé moyen de chasser d'icelle la damoiselle sa maistresse (en l'absence du mari), en luy faisant peur d'une sorte d'esprit qu'on appelle lutin. Mais le mari à son retour, qui ne fut qu'au bout de deux ans, trouvant sa femme avoir changé sa demeure pour ceste occasion, la ramena en leur logis ordinaire : luy disant que quand ce seroit le diable mesmes, il ne le craindroit point. Et de faict joua si bien son personnage, qu'ayant la première nuict receu un soufflet par cest esprit (c'est à dire par sa chambrière contrefaisant l'esprit, et entr'autres choses aussi renversant table, tresteaux, scabelles, il s'en vengea très-bien la seconde, ayant arresté (2) la main de l'esprit qui luy avoit derechef donné un soufflet. Lequel conte me réduit en mémoire un autre semblable que j'ay ouy souvent faire à feu ma mère, d'une chambrière de son père Joce Badius, laquelle pareillement, pour se faire quitter la place où ell' avoit accoustumé de se venir jouer avec un des serviteurs de la mesme maison, s'avisa de contrefaire l'esprit: et ne fut descouverte la tromperie que par ledict Badius, son maistre, homme de bon esprit et de grans lettres, pour le temps : ainsi qu'il a monstre par efFect. Nous trouvons aussi en Bocace des esprits,

(i) Quatr. journée, trente-neuv. nouvelle.

(2} Arresté. Les exemplaires cartonnés portent : [empoigné].