CHAPITRE XV

qui sont de leur créa ( c'est à dire lesquels elles ont forgez sous leur chapperon, ou coiffe, ou couvrechef), je raconteray l'acte (i) d'une femme Florentine, duquel nous avons tesmoignage par deux Florentins (2) qui l'ont couché par escrit presques en semblable sorte. Pendant que ceste Florentine estoit avec son amoureux, en une sienne métairie près de Florence , arriva l'autre (3) auquel contre son gré, mais pour certains respects, elle complaisoit. Ainsi donc qu'elle le sentit monter les degrez, elle pria le premier de se cacher en la ruelle du lict, et avoir un peu de patience (4) jusques à ce que ce second s'en fust allé. Auquel toutesfois n'ayant pu donner congé comme elle délibéroit, et ne l'ayant peu esconduire (5), avint que le mari retourna pendant qu'ils estoyent tous deux en la maison. Alors si jamais femme se trouva empeschée, fut ceste-ci, d'autant qu'eir avoit à respondre de deux hommes tout à la fois, qu'ils venoyent faire à la maison; et quant au second, il ne pouvoit éviter d'estre descouvert, à cause de sa haquenée qu'il avoit laissée en la cour, comme celuy qui pensoit que le mari fust bien loin. Comment fait-elle donc ? voici l'eschappatoire qu'elle trouve. Elle prie le second de desgainer son espée toute nue, et avec un visage fort courroucé et troublé descendre en bas par les degrez, et en s'en allant, dire : Je fay vœu à Dieu que je l'attraperay ailleurs. Luy donc

(i) Exemplaires cartonnés : [Poursuyvant donc telles histoires (après avoir derechef prié les lecteurs me pardonner si j'en récite quelques unes au long, non pour autre cause que pour descouvrir et faire détester telles et si meschantes finesses, desquelles autrement la mémoire mérite d'estre à jamais ensevelie}, je commenceray par l'actej.

{2) Boccace et Pogge; voy. Tome II, Notes complémentaires, \o Florentins.

(3) Exemplaires cartonnés : [avec son paillard, arriva l'autre].

(4) Et avoir un peu de patience : supprimé dans les exempl. cartonnés.

(5) Et ne l'ayant peu esconduire : supprimé.

ayant faict ainsi, et n'ayant rien respondu au mari, qui luy demandoit que c'estoit, sinon qu'il l'attraperoit ailleurs (en ajoustant un grand serment), le mari monta puis en haut, et trouvant sa femme audessus de la montée, toute desconfortée en faisant l'effrayée, luy demanda : « Qu'est ceci ? qui est-ce qu'un tel va ainsi » menaceant? » Elle,' s'estant retirée vers la chambre (àfin que l'autre qui estoit caché en la ruelle du lict, l'entendist), respondit : — « Hélas, je n'eu jamais en ma » vie telle frayeur. Car il vous faut entendre qu'ici de- » dans s'est sauvé un jeune homme que je ne congnoy » point, estant poursuyvi par un tel l'espée au poin. » Bref ceste femme fit si bien par son babil (auquel s'accorda puis le galand qui estoit caché), qu'au lieu qu'ell' estoit une vilaine qui le faisoit doublement cocu (i) en une mesme fois, elle luy persuada qu'ell' avoit faict honnestement et sagement d'avoir engardé qu'un tel scandale n'avinst en leur maison. Et après avoir (2) donné à souper à celuy qui s'estoit ainsi sauvé, et l'avoir bien monté, le mena seurement jusques en sa maison à Florence. Voilà le tour joué par une Florentine ; nous en orrons maintenant un que joua aussi à son mari un' autre non de la ville , mais d'auprès. Lequel tour, encore que de prime face ne semble pas avoir tant de finesse que celuy que je vien de réciter, si est-il de plus grand proufit non seulement que cestuy-là, mais que tous les précédens ; d'autant que les autres desquelles nous avons raconté les ruses jusques ici, n'ont gangné autre chose par icelles, sinon qu'elles ont faict évader leurs amis bagues sauves, et en sauvant l'honneur et d'elles et d'eux : mais ceste-ci trouva le moyen de retenir son ami, et faire fuir son

(1) Exemplaires cartonnés : [qui lui faisoit doublement tort].

(2) Ibid. : [Luy donc après avoir).