CHAPITRE XV

mari. Car ayant faict mettre son dict chaland sous le lict ( I ) , s'en vint incontinent au devant de son mari, qui estoit survenu à l'heure qu'elle ne l'attendoit pas : et commança à le tancer bien fort, disant qu'il sembloit qu'il ne demandast autre chose que de se mettre entre les mains des sergeans : lesquels ne faisoyent que de sortir de sa maison , après l'avoir cerché par tous les coins d'icelle. Ce povre homme, tremblant à telles nouvelles, luy demanda conseil (d'autant que les portes de la ville estoyent ferme'es). Elle dict qu'elle n'en sçavoit point de meilleur que cestuy-ci, à-sçavoir qu'il se cachast dedans le colombier. Et quelque temps après l'avoir là enfermé , et osté l'eschelle, pour luy faire avoir encore plus grand' peur, fit contrefaire le sergeant par son dict chaland (2) : et après avoir mené grand bruit, en la fin s'en alla coucher avec luy en seureté, tenant en prison celuy duquel ell' avoit eu crainte. On conte aussi d'une qui fit entrer son ami en un tonneau quand elle sentit venir son mari : et fit semblant que c'estoit un homme qui estoit venu pour l'acheter, et le vouloit voir dedans (3). Mais ce seroit une chose non seulement longue, mais infinie, de mettre par escrit tous leurs tours desquels on a ouy parler : sans ceux qui s'in-

(i) Exemplaires cartonnes : [que je vien de réciter, passe toutestois plus outre non seulement que cestuy-là, mais que tous les précédens. Sur quoy je ne me puis assez esmerveiller que les personnes de leur costé ayent esté si subtiles et cauteleuses pour cuider sauver leur honneur, et cependant si malavisées à le hazarder. iVIais la providence de Dieu en cela est encore trop plus admirable sans comparaison, quand elle fait que telles finesses inventées pour couvrir le mal, ont esté les vrayes causes de le faire congnoistre et publier jusques à la postérité mesmes. Ce qui nous doit bien enseigner de cheminer en crainte devant la face d'iceluy. Ceste-ci donc ayant faict mettre son paillard sous le lictj.

(2) Ibid. : [par sondict paillard].

(3) On conte aussi vouloit voir dedans : toute cette phrase est

supprimée dans les exemplaires cartonnes.

ventent tous les jours : voire quand il ne faudroit tenir comte que de ceux de Paris : où toutesfois la plus part des femmes n'ha si grand besoin d'avoir recours à telles finesses et telles eschapatoires (veu la grande liberté) comme elles ont en plusieurs autres villes. Et ainsi que nous avons parlé des larrons les uns plus fins que hardis, les autres plus hardis que fins, ainsi se trouveront là exemples de ces deux sortes de larronnesses, en cas du larrecin duquel il est maintenant question. Pour le moins quant à la hardiesse, j'en sçay un exemple notable, d'une femme qui m'a esté monstrée plus d'une fois à Paris : laquelle, oyant son mari heurter à la porte, pendant qu'ell' estoit couchée avec son mari subalterne (i), ne se daigna bouger, voire garda que le serviteur du logis (qui avoit d'elle le mot du guet) ne luy allast ouvrir, sinon après l'avoir laissé tremper là environ une heure, et avoir pris cependant ses déduits avec ledict subalterne mari tant que bon luy sembloit. Or le bon fut que plus ce povre mari crioit: « Ma femme, ouvrez-moy, » plus elle le maudissoit, disant qu'il avoit beau faire (2), et qu'ell' estoit trop fine pour se laisser tromper à un tel rustre, encore qu'il sçeust si bien contrefaire la voix de son mari : voire jusques à le menacer que s'il ne s'en alloit, elle le couronneroit d'une couronne qui ne luy seroit guère plaisante. En fin, quand il luy sembla qu'il estoit bon d'ouvrir, après avoir fait cacher son chaland, alors envoya (3) ledict serviteur : auquel toutesfois (pour faire bonne mine) elle crioit par la fenestre : « Me- » schant, pourquoy ouvres-tu à ce ruffian? tu en re-

(i) Exemplaires cartonnés : [avec son adultère].

(2) Ibid. : [environ une heure, pour commettre cependant tout à loisir sa vilenie. Dequoy ce povre mari ne se doutant aucunement, continuoit à crier : a Ma femme, ouvrez-moy. » Mais plus il crioit, plus elle le maudissoit, disant qu'il avoit beau faire].

(3) Ibid. : [après avoir faict cacher l'adultère, elle envoya].