CHAPITRE XV

qu'elle seroit accouchée. Après laquelle pratique ceste dame ayant usé de toutes les mines ci-dessus mentionnées, requises pour contrefaire l'enceinte, en fin pour jouer le principal et dernier jeu, incontinent qu'ell' eut entendu que la susdite estoit en travail d'enfant, se mit au lict, feignant estre en la mesme peine, pendant qu'ell' attendoit qu'on luy apportast l'enfant de ceste femme qui luy avoit esté promis. Ce qui fut faict : et luy fut apporté par certaines sagefemmes si secrettement, qu'il fut receu du mari comme sorti du ventre de sa femme : tenu aussi et réputé pour tel de la plus part du peuple. Surquoy je ne veux omettre un exemple notable d'un jugement de Dieu : car la mère, qui ne pouvoit naturellement estre induite à porter aucun amour, ni à donner aucune puissance en sa maison à cest enfant (combienque au moyen de ladicte supposition il eust esté laissé héritier par celuy qui pensoit estre son père), l'ayant tousjours en mespris de plus en plus, en fin le contraignit de se bander contr' elle, et avoir recours à justice, poursuyvant ses droits, comme fils héritier, jusques à luy vouloir faire rendre conte. Ce qui irrita tellement ladicte dame, qu'elle pourchassa sa mort : pour le moins a esté tenu que le meurdre commis en la personne de luy, fut par la solicitation d'elle. Mais voici un autre tour qui se joue plus souvent, comme aussi il est plus aisé à jouer (i) : c'est de celles qui estans vrayement grosses, mais ayans désir d'accoucher d'un enfant masle, pour estre mieux en la grâce de leurs maris, font cercher, au temps que leur travail approche, quelques povres femmes qui aussi soyent prochaines de leur terme, à-fin d'avoir par quelque bonne composition les enfans masles d'icelles et les supposer en la place des leurs, s'il avient qu'elles ayent enfanté des filles. Or n'entens-je

(i) Comme aussi il est plus aisé à jouer: supprimé dans les exemplaires cartonnés.

pas toutesfois que ceste raison par moy alléguée pour laquelle les femmes s'adonnent à telles sortes de finesses, soit seule : ains je di que celles qui usent de ces larroniques finesses pour ceste raison, sont plus excusables (si excusables peuvent estre) qu'aucunes qui en usent pour l'autre raison, à-sçavoir pour succéder aux biens du mari, en fraudant ceux ausquels de droit appartient l'héritage. Surquoy il faut confesser la vérité, que quand les povres n'auroyent autre avantage pardessus les riches, ils ont pour le moins cestuy-ci, c'est qu'ils ne sont point en danger de telles suppositions : de sorte que quand ils voyent leurs femmes estre devenues bossues par le ventre, ils sont exempts de ceste crainte, que ce soit quelque rembourrement (i). Ici je mettray fin à ce chapitre, combienque je sçache que l'argument que j'ay entrepris d'y traiter, s'estend beaucoup plus avant, et que j'ay omis plusieurs points à luy appartenans. Mesmement entr'autres larrons je confesse avoir oublié les traistres, qui sont toutesfois la plus horrible et détestable sorte de larrons, qu'aucuns qui ayent esté ci-dessus mentionnez. Et à dire la vérité, je ne doute point que quiconque voudra considérer de près quels sont les actes des traistres, il ne trouve qu'ils sont meslez et comme composez de toutes façons de larrecins, c'est-à-dire de toutes les meschancetez qui se commettent en toutes les autres sortes de larrecins. Voire j'ose dire que si nous voulons faire l'anatomie de ce crime qu'on appelle trahison, nous y

(i) Exemplaires cartonnés: [. . . en fraudant ceux ausquels de droit appartient l'héritage. Il y en a d'autres qui tout au-contraire cachent leur grossesse, à fin de n'estre tenues pour autres que pour filles, ou femmes de bien: ou à-fin qu'on ne sçache que ceux ausquels elles se marient, estoyent auparavant leurs paillards. A quoy leurs sont fort propres le% vertugales (invention de courtisanes), sur lesquelles ne rencontra pas mal un Cordelier preschant à Paris, quand il dict que les femmes en prenant les vertugales avoyent quitté la vertu, mais que la gale leur estoit demeurée. ]

trouverons du sacrilège : si nous ne voulons démentir ceux qui ont dict que l'amitié estoit une chose saincte et sacrée, et pourtant inviolable : à laquelle toutesfois premièrement ils s'attachent. Et néantmoins je pense qu'il n'y en avoit tant de demies douzaines anciennement, que maintenant on en pourroit trouver de douzaines. Bien est-il vray que Dieu nous aide en une chose : c'est que comme le nombre des traistres est plus grand en nostre temps, aussi est plus grand le nombre des bons esprits et accorts pour les descouvrir. Dequoy il me souvient avoir leu un exemple digne de mémoire en un livre d'Érasme qu'il a intitulé Lingiia (i) : à-sçavoir d'un ambassadeur du pape Jule II de ce nom, lequel par trois ou quatre mots fut descouvert, ou pour le moins donna occasion de souspeçon, lequel fut cause de le descouvrir bien tost après. Voici donc le comte tel qu'il est là, en changeant seulement les mots Latins en François. Pendant que j'estois en Angleterre, vint au Roy un Italien ambassadeur du Pape Jule (deuxième de ce nom), envoyé pour animer ce Roy à faire la guerre aux François. Or, après avoir exposé sa légation au conseil privé dudict prince, luy ayant esté respondu que sa majesté estoit en bonne délibération d'embrasser son parti : mais qu'il luy seroit difficile d'assembler si soudain forces suffisantes pour combatre un Roy si puissant, d'autant que le royaume d'Angleterre, sous une longue paix, avoit discontinué l'exercice des armes : un mot luy eschapa duquel il se pouvoit bien passer, car il vint à dire que desjà il avoit remonstré cela audict pape. Lequel propos fit entrer en souspeçon les seigneurs qui estoyent là, que combienque ce personnage fust ambassadeur du pape, il portoit toutesfois quelque

(li p. 100. cdit. de i()2|.

faveur au Roy de France. Et on veilla si bien sur luy, qu'il fut apperceu communiquer de nuict avec l'ambassadeur dudict roy de France. Dont il fut mis en prison, et perdit tous ses biens : comme aussi il eust perdu la vie s'il fust tombé entre les mains de son pape. Et ce propos qui ainsi sottement eschapa à cest ambassadeur, fut cause que le roy d'Angleterre se hasta de faire la guerre, au lieu qu'en la retardant il eust paraventure mis la paix entre ces deux princes. Voilà l'histoire telle qu'Érasme la raconte, parlant (comme nous oyons) d'une chose avenue au pays d'Angleterre pendant qu'il y estoit, et de laquelle par conséquent il pouvoit estre bien informé : comme nous sçavons que son crédit estoit fort grand, en la cour de ce Roy spécialement. Or ay-je bien voulu réciter ceste histoire comme en passant seulement, pource qu'elle me sembloit contenir un exemple assez rare, touchant les traistres ausquels on rongne ou plustost on arrache les dens avant qu'ils puissent mordre : suyvant ce que j'avois dict du descouvrement d'iceux. Je di que je l'ay voulu réciter comm' en passant seulement, pource que ma délibération n'est pas de m'arrester à ce propos des traistres, pour le poursuyvre au long : mais me contenter de ce que j'en ay dict, et laisser cercher au lecteur les exemples qu'il verra s'y pouvoir commodeement applicquer. (Ce que toutesfois ne luy donnera grand' peine, veu que les histoires de nostre temps en sont quasi pleines.) Et cependant je viendray à luy enseigner et quasi monstrer au doigt autres meschancetez, dont la recerche ne leur seroit si aisée, lesquelles doivent aussi participer du titre de larrecins. Car, combien que je mette fin à ce chapitre (lequel je confesse estre excessivement grand), je ne donne pas pourtant encores congé à toutes sortes de larrons.