CHAPITRE XVI

les apothiquaires pour l'usage des malades, ne sont pas viandes, et que mesme les médecines se tournans en nouriture leur sont fort pernicieuses : cela ne fera point contre moy, ains plustost pour moy. Car si les me'decines ne se baillent pour nourriture, mais comme Contrepoison de la maladie qui est comme un venin, combien plus grand danger y a-il en la falsification d'une contrepoison que d'une viande? Or sçay-je bien que c'est de longtemps qu'on a commencé à crier contre les Qui pro qiio d'apothiquaires : et mesmes nous avons ouy parcidevant ce qu'en a dict Olivier Maillard, alléguant le proverbe qui couroit alorsi: mais je di que l'abus commis en telles choses es siècles précédens, ne fut jamais semblable à celui qui se commet au nostre, non pas tant faute de bon sçavoir (comme nous devons imputer à ignorance la plus part de tels erreurs commis par nos prédécesseurs) que faute de bonne conscience. Car il est certain que les drogues tant simples que composées n'estoyent si bien congnues au temps des susdicts prescheurs qu'elles sont au nostre : mais que servent les livres qui apprennent à les con- "gnoistre, si on ne les veut pas lire ? que servent les maistres qui les enseignent, si on ne tient conte de les escouter ? que sert à un povre malade que les jardins de tels ou tels siens voisins, qui recerchent curieusernent les simples, soyent pleins de celuy qui luy fait besoin, si l'apothiquaire, nonobstant cela, luy en apporte un autre, qui luy sera peut estre autant pernicieux comme cestuy-là luy eust esté proufitable ? Que sert aussi la commodité de trafique que nous voyons estre maintenant plus grande qu'elle ne fut oncques, si les apothicaires ne font point conscience d'apporter aux malades les drogues pourries et moisies, et pendant qu'il leur reste de celles-ci, ne tiennent conte d'aller à l'emploite des fraisches? Que sert aussi d'avoir un sçavant mé-

decin et heureux en prattique, s'il envoyé sa recepte à un apothiquaire qui ne la sçache pas lire -* Car je croy que les apothicaires m'accorderont qu'il se trouve plusieurs entr'eux qui sont fort empeschez quelquesfois à lire les receptes des me'decins. De ma part j'ay bonne souvenance que me trouvant un jour en quelque lieu où j'oyois un apothiquaire lire la recepte d'un me'decin, j'apperceu qu'il disoit une chose contraire à ce que j'avois peu de jours auparavant appris en une leçon de monsieur Sylvius (i); et ayant esté faicte gageure entre nous deux touchant le mot sur lequel je le reprenois, nous en rapportasmes au médecin duquel estoit l'escriture. Lequel ayant demandé à cest apothicaire s'il avoit point honte de douter de ce que je disoye, adjousta bien d'avantage, à-sçavoir que la médecine ainsi accoustrée comme il lisoit, eust faict perdre mille vies au malade, s'il les eust eues. Il m'a aussi esté conté par un apothiquaire fort expert et fort homme de bien, qu'il a veu avenir à Blois, qu'un médecin ayant escrit agarici optimi, mais pour optimi ayant mis opti avec un titre par dessus (comm'on fait pour abbréger), l'apothiquaire leut agarici opii, et de

(I) Jacques Dubois, né à Amiens en 1478, mort à Paris en i555. « Me souvient avoir ouy ce bien parlant J. Sylvius lire De usu partium de Galen, au collège de Treguier à Paris, avec un merveilleux auditoire d'escholiers de toutes nations : mais lorsqu'il deschiffroit les parties que nous appelions honteuses, il n'y avoit coin ny endroit qu'il ne nommast en beau François par nom et surnom, y adjoustant les figures et pourtraits, pour plus ample déclaration de sa leçon, qui eust esté illusoire, sans goust ni saveur, s'il eut passé par auprès, et fait autrement. Je luy ay veu apporter en sa manche, car il vescut toute sa vie sans serviteur, tantost la matrice d'une chèvre ou brebis, et tout le bas du ventre, tantost la cuisse ou bras d'un pendu, en faire dissection et anatomie, qui sentoient tant mal et puoient si fort que plusieurs de ses auditeurs en eussent volontiers rendu leur gorge s'ils eussent osé : mais le paillard, avec sa teste de Picard, se courrouçoit si asprement, menaçant ne retourner de huit jours, que tous se remettoient en leur premier silence. » Du Fail, Contes d'Eutropel, XX.