CHAPITRE XVI

et autres offices et terres pour luy et pour ses amis. Ledict médecin luy estoit si très-rude que l'on ne diroit point à un varlet les outrageuses et rudes paroles qu'il luy disoit. Et si le craignoit tant ledict seigneur qu'il ne l'eust osé envoyer hors d'avecques luy : et si s'en plaignoit à ceux à qui il en parloit. Mais il ne l'eust osé changer, comm'il faisoit tous autres serviteurs : pource que ledict médecin luy disoit audacieusement : o Je sçay bien qu'un matin vous m'en- » voirez comme vous faites d'autres : mais» (par un grand serment qu'il juroit) « vous ne vivrez point » huit jours après. » Ce mot l'espouvantoit très-fort : et tant, qu'après ne le faisoit que flater, et luy donner : qui luy estoit un grand purgatoire en ce monde, veu la grand' obéissance qu'il avoit eue de tant de gens de bien et de grans hommes. » Voilà que raconte cest historien de ce médecin : lequel notamment en deux autres passages fait mention de ses gages de dix mille escus par mois. Or ces deux exemples nous garderont de nous esbahir de ce que Froissart raconte (i) d'un médecin nommé maistre Guillaume de Harsely, qui guarit le roy Charles sixième, et luy fit recouvrer le sens et la santé : à-sçavoir qu'on luy trouva après sa mort jusques à trente mille francs. Mais j'ay délibéré de mettre pareillement les mots de cest historien : pource qu'en ce passage il parle tant de l'avarice des médecins en général, que dudict Guillaume en particulier. Après donques avoir parlé de ceste belle cure faicte par ce médecin, il dit : « Or fut regardé et avisé qu'on retiendroit ce maistre Guillaume de Harsely, et qu'on luy donneroit tant qu'il s'en contenteroit. Car c'est la fin où médecins tendent tousjours que d'avoir grans salaires et proufits des seigneurs et des dames,

(I) Liv. IV, ch. 3o.

?o8 APOLOGIE POUR HERODOTK

de ceux et celles qu'ils visitent. Si fust requis et prié de demeurer delez le roy : mais il s'excusa trop fort : et dict qu'il estoit un vieil homme, foible et impotent, et qu'il ne pourroit souffrir l'ordonnance de la Cour : et que briefvement il s'en vouloit retourner à sa nourrisson. Quand on vit qu'on n'en auroit autre chose, on ne le voulut pas tenir : ains luy donna-on congé'. Mais à son département on luy donna mille couronnes d'or : et fut escrit et retenu à quatre chevaux, toutes et quantes fois qu'il luy plairoit venir à l'hostel du Roy. Je croy qu'onques puis n'y retourna : car quand il fut venu en la cité de Laon, où plus communeement il se tenoit, il mourut trèsriche homme, et avoit bien en finances trente mille francs. Et fut en son temps le plus eschars (i) qu'autre qu'on sceust : et estoit toute sa plaisance tant qu'il vesquit d'assembler grand' foison de florins : et en sa maison il ne despendoit tous les jours deux sols Parisis : mais aloit boire et manger à l'avantage où il pouvoit. De telles verges sont battus tous médecins. »

Mais s'il faut parler d'un médecin qui ait surmonté en avarice non pas seulement tous les médecins qui ont jamais esté, mais (peut-estre) tous les avaricieux desquels on ha jamais ouy parler, il ne nous faut point aller si loin, mais parler d'un qui est mort depuis neuf ans seulement, ou environ : nommé Jacobus Sylvius, de l'avarice duquel je déclareray un seul traict qui pourra faire penser à plusieurs autres. Dieu avoit donné à ce personnage un très-grand et très-profond sçavoir en l'art de médecine, et spécialement l'avoit

! i) Ecliars, chiche. It. scarso, prov. escars, csp. escaso, néerl. schaars, angl. scarce. Le moy. latin offre excarpus et scarpsus comme participe d'excarpere pour excerpere: voy. Miiratori. Antiquitates

TTALIC^.