CHAPITRE XVI OOQ

doué d'un boutehors admirable, pour se faire entendre en language Latin autant bon et pur que l'art le peut porter : et pour le faire court, ce me'decin avoit telles grâces spéciales en la théorique, que s'il les eust eues pareilles en la prattique, on le pouvoit appeler un second Galien : mais il avoit tellement laissé l'avarice gangner sur soy, voire elle luy avoit tellement faict oublier Dieu, qu'au lieu que pour l'honneur d'iceluy, en mémoire des grandes grâces qu'il avoit receues de luy, il devoit instruire particulièrement et en privé quelques povres escholiers, il n'enduroit estant en chère que cinq ou six povres d'entr'eux ouïssent sa leçon gratis, et sans avoir payé, encore qu'ils fussent parmi deux cents ou trois cents autres qui avoyent payé chacun leur teston pour mois : mais prenoit ceste •matière si fort à cueur, qu'un jour à Paris au collège de Tricquet (i) (dedans lequel il souloit faire leçon avant qu'il fust lecteur du Roy) appercevant deux povres escholiers, lesquels il sçavoit n'avoir point payé, leur commanda de sortir : et voyant qu'ils ne le vouloyent faire, dict aux autres auditeurs que s'ils ne chassoyent ces deux-là, il ne continueroit pas sa leçon. Ce que je ne raconte point pour l'avoir ouy dire, mais pour l'avoir veu. Et fut trouvé ce tour si estrange, que bien tost après fut faict un épitaphe par un Escoçois(2), à-fin qu'il ne l'attendist quand il voudroit mourir (ce qui n'avint toutesfois que long temps depuis), en ces deux vers qui sont de fort bonne grâce, pour expri-

[i] Tréguier ou Lantriguet, dit iMorcri. Le nom de Traoun-Trecor donne, dans les plus anciens titres, à la péninsule où est située cette ville, est, croit-on, une corruption de Traoan tri corn, vallée des trois cornes ou promontoires. Lan a la signifuation d'église. Tréguier se forma autour du monastère de Lan-Pabu, l'église du père ou du moine Tudwal. 'V. Renan, Souvenirs d'enfance, Revue des Deux Mondes, i5 mars 1876.

(2) Buchanan, Epif^ram., lih.,11.

3lO APOLOGIE POUR HERODOTE

mer combien pour son avarice il estoit de mauvaise grâce :

Sylvius hic sitiis est, gratis qui nil dédit unquam : Mortuus et gratis quod legis ista, dolst.

C'est à dire (ainsi que l'ay traduict),

Ici gist Sylvius, auquel onq en sa vie De donner rien gratis ne prit aucun' envie : Et ores qu'il est mort et tout rongé de vers, Encores ha despit qu'on lit gratis ces vers.

Ce mesme personnage, outre l'avarice de laquelle il brusloit, avoit ceste malheurté, qu'il portoit envie à tous ceux qui estudioyent en cest art duquel il faisoit profession, et sembloit les en vouloir dégouster. Dequoy pourroit rendre encore bon tesmoignage l'oraison qu'il fit en la première leçon après estre cre'é lecteur du Roy, ou en la seconde. Car il me souvient qu'outre ce qu'il vouloit donner à entendre qu'il n'y avoit aucune science de laquelle se peust passer celuy qui vouloit exercer la médecine, et qu'il estoit aussi totalement nécessaire qu'il fust d'une très-bonne température : il adjoustoit que c'estoit une grand' folie à ceux qui estoyent povres, de s'addonner à cest' estude : alléguant entr'autres choses ce passage de Juvénal,

Haud temere emergunt quorum virtutibus obstat Res angusta domi (i),

comme estant besoin, pour plusieurs raisons, que ceux qui s'applicquoyent à cest' estude, eussent très-

(i) III, 164. Toutes les éditions que nous avons pu consulter portent facile en place de temere. Forcellini ne cite comme poètes ayant employé temere dans ce sens que Plaute, Térence et Horace.