CHAPITRE XVI II

d'apporter sur peine d'estre confisquées), vindrent en fin à deux Cordeliers, au moins à deux hommes portans tel habit, pour leur faire ouvrir leur caisse. Ce qu'eux ayans plusieurs fois refusé, en fin fut ouverte par force : mais la marchandise qu'on trouva dedans, furent deux testes d'hommes fraischement coupées. Toutesfois ces Cordeliers, ayans dict quelque mot en l'oreille des suffi, il n'en fut pas faict grand bruit : ains fut ceci tourné comm'en risée, et en une plaisante dispute, à-sçavoir si ces deux testes estoyent marchandise de contrebande. Or pensoit-on bien toutesfois qu'on en feroit grande poursuite : rnais le bruit estoit évanoui au bout de deux jours. Ce qui donna à penser qu'il y avoit de l'intelligence ou d'une sorte ou d'autre. Il me souvient aussi qu'alors qu'on parloit de cest acte, j'ouy raconter que suyvant la licence donnée par un édict pareil à celuy duquel j'ay tantost parlé, on avoit veu quelquesfois le frère apporter la teste du frère. Et que pensons-nous qu'eussent dict Maillard et Menot d'une telle police, si police se doit appeler? Mais quelque nom que nous luy donnions, je prieray le lecteur en avoir mémoire, pour en temps et lieu la confronter (si l'occasion se présente) avec quelque loy estrange mentionnée en Hérodote.

Et pour retourner aux assasins et tueurs à gages, il est certain qu'en ceci la pitié est encore plus grande en Italie qu'autre part. Car il avient souvent que ces meschans ont si grand' haste de faire leur coup pour toucher deniers, que faute de bien remarquer les personnages de la mort desquels ils ont faict marché, par les enseignes qu'on leur a données, au lieu d'eux tuent souvent ceux qui leur resemblent, et appelle-on cela en language Italien, Amassar in fallo (i). J'ay ouy parler

{\) Ammaiiare in fallo, tuer par erreur.

aussi de quelques-uns qui estans masquez, ont esté tuez au lieu d'autres. Et toute la re'compense à ceux sur lesquels on a chargé en pensant charger sur des autres, voire chargé tellement qu'ils en sont aux derniers abbois, c'est, Ne vous desplaise, je vous ay pris pour un autre, ou, Pardonnez-moy. Mais quant à ceux qui sont masquez, l'ordinaire est qu'on leur commande d'oster le masque pour voir s'ils sont ceux qu'on cerche : et si on trouve que ce soyent-ils, on les relève de peine de le remettre.

Je n'ay toutesfois délibéré pour le présent de traiter sinon des meurdres qui sont punissables par tout, aussi bien selon la loy humaine, que selon la divine, et lesquels on punit aussi de faict. Pour venir donc aux deux principales espèces d'iceux, nous sçavons qu'il y a des meurdres qui se commettent par vengeance, et d'autres qui sont commis par avarice. Et entre ceux que le désir de vengeance incite à estre meurdriers, les uns font le coup de leur main, les autres le font faire par ceux ausquels ils sçavent que l'avarice commande jusque là : soyent assasins ordinaires (comme ceux dont nous avons faict mention ci-dessus) ou autres. Encores y a-il deux autres considérations à l'endroit de ceux qui sont menez du désir de vengeance : car les uns la font chaudement, ou pour le moins ne la gardent point longtemps, comme les François : les autres la gardent fort longuement, comme les Italiens entr'autres. Et quant à l'exécution d'icelle, il y a aussi deux points à noter : car les uns, en exécutant la vengeance de leur ennemi, pratiquent ceste sentence de Virgile (sans mesme considérer que ce payen parle de hoste non pas de inimico) : doliis an virtiis quis in hoste requirat? (i) (dequoy la nation Italienne est praticienne

(i) Enéide, II, 390.