CHAPITRE XVIII

gens du barisel (i), qui ne se doutoyent de telle chose : mais au lieu de leur voir faire le devoir de justice, je leur vi faire un acte par lequel ils ne difFéroyent non plus du meurdrier qu'il y a de différence entr'un receleur et un larron : car au lieu de mettre la main sur luy pour l'aller coffrer, ils luy donnèrent passage et moyen d'e'vader. Et quand j'en parlay à quelques-uns de ma congnoissance, je n'eu autre response sinon que c'estoit la coustume. Or me fait souvenir ceci de ce que j'ay ouy touchant un pendart de Bourges, duquel la plus seure retraicte estoit la prison (par le moyen de l'intelligence qu'il avoit avec le geôlier), de sorte que cependant qu'on estoit bien empesché à le cercher par toute la ville toutes et quantes fois qu'il avoit jou4 quelque tour de son mestier, il estoit jà au lieu auquel on l'eust voulu mener si on l'eust trouvé : mais il y estoit en autre qualité et avec autre traictement qu'il n'y eust esté. Toutesfois encore s'en faut-il beaucoup que ce soit chose si merveilleuse de voir une ou deux personnes qui sont du corps de la justice, donner retraicte à un meschant, comme de voir cela estre faict par un commun accord de toute une compagnie : ce que je vien de monstrer avoir esté pratiqué à l'endroit de ce meurdrier à Romme. Mais nous voyons en ce mesme pays estre pratiquée une façon de faire quant à quelque sorte de meurdres, laquelle aussi seroit en beaucoup d'autres lieux trouvée fort estrange. Car il se commet des meurdres à-l'endroit desquels la justice n'use pas seulement de connivence, mais les avoue totalement, voire quelquesfois leur propose salaire.

(i) Barigel, selon la 7» édition du Dict. de l'Académie. Du bas-latin barigildus : barigildi et advocati dans un Capitulaire de 864; servorum vel sclavorum sive parrochorum, quod bargildon vacant, Leukfeld, Antiq. pold., p. 252 ; jurisdictionem super parochos, quos bargildon vacant, exercere, Wenk, Hessische Geschichte, I, 369.

C'est quand un prince ou une république fait proclamer que le banni qui pourra tuer un autre banni qui sera rentré au pays, rachètera son bannissement : et aucunesfois outre cela adjouste quelque promesse de salaire. Laquelle proclamation il me souvient avoir ouy faire à Venise il y a environ douze ans : et le lendemain la vi mettre en exécution telle que sensuit. Un banni qui estoit arrivé secrettement en la ville le soir dont ce cri avoit esté faict le matin, incontinent qu'il en fut averti, ne fut paresseux de s'informer où il pourroit trouver quelcun de ceux qui estoyent tuables par cest édict : et ayant sçeu où il y en avoit un, l'espia jusques au soir : et luy ayant failli le coup au sortir de la maison, le poursuyvit jusques dedans un canal où il s'estoit jette, et là luy donna un coup mortel. Et je sçay bien les raisons qu'ils allèguent de ceste façon de faire : dont ceste-ci est la principale, que c'est un moyen de rendre les bannis suspects l'un à l'autre, et par conséquent de les garder de s'assembler : mais il est certain que les Chrestiens doivent laisser telles considérations à un Platon ou un Aristote escrivant ses politiques : comme nous sçavons qu'ils en ont plusieurs, lesquelles tant s'en faut qu'elles puissent avoir lieu entre les Chrestiens, que mesmes sans horreur elles ne pourroyent estre proférées. Quoy qu'il en soit, j'ajousteray à ceste histoire un'autre sur ce mesme propos, d'une chose qui avint pendant aussi que j'estois là : mais laquelle toutesfois je ne puis dire avoir veue comme la précédente. C'est que les suffi {i) du lieu, revisitans en une barque (comme la coustume est) si quelcun apportoit point quelque marchandise de contrebande (car ainsi appellent-ils celles qu'il est défendu

(i) Sajï, = ^ajî, plur. de ^affo, sbire; à rapprocher du comasque ^af = museau, du sicilien acciaffari =^ happer, du piémontais ciajlk = muflard.