CHAPITRE XViri

chasteau. Auquel lieu on les alloit visiter, et principalement ce parricide, pour l'amener à quelque sentiment de son pe'ché. Mais quand on vit qu'il n'en avoit aucune appréhension non plus que d'une petite faute, on luy remonstra au contraire la grandeur d'iceluy, et la rigoureuse vengeance que Dieu en prendroit, non seulement en ceste vie présente par le moyen du magistrat, mais aussi après la mort, par une damnation éternelle du corps et de l'ame , s'il ne recongnoissoit autrement son péché , à fin de recourir à la miséricorde de Dieu : qui seroit tousjours prest de luy faire merci, toutes les fois que d'un vray sentiment et desplaisir de ses fautes il l'en requerroit, en asseurance d'estre exaucé. Mais il ne fit jamais aucune démonstration d'estre esmeu de toutes ces remonstrances tant peu que ce fust : ains disoit tousjours qu'il estoit appelant, et qu'il n'avoit tué son père, mais que le fourreau de son espée estant tombé en terre, son père s'en estoit luy-mesme enferré. Et ne put-on gangner pour ceste fois autre chose avec luy. Encore depuis luy furent faictes d'autres remonstrances d'ailleurs, lesquelles aussi ne purent obtenir que ce misérable vinst à recongnoissance aucune : ains taschoit tousjours à s'excuser et pallier son crime. Et entr'autres choses il dict : « Ah, je m'en fusse bien fuy » si j'eusse voulu; et mon père mesmes, se sentant » blessé, m'en solicitoit : mais je ne voulu onc y en- » tendre. » Là-dessus luy fut remonstré qu'il n'estoit en sa puissance de mouvoir seulement le bout du doit, sinon d'autant qu'il plairoit à Dieu luy en faire la grâce : et pourtant qu'il devoit recongnoistre que ç'avoit esté la volonté d'iceluy qu'il fust au lieu où il estoit, à fin d'estre amené à la congnoissance de son péché, et en estre puni en ce monde, pour servir d'exemple de sa justice. Qu'il devoit donc aviser à en faire son proufit, et que la prison lui devoit servir d'eschole, pour ap-

SgO APOLOGIE POUR HÉRODOTE

prendre que Dieu hait le péché , desployant ses jugemens, quand bon luy semble, sur les iniques, soit par le moyen des magistrats, soit autrement. A quoy il ne respondit rien, sinon que pressé par plusieurs semblables propos, pour de plus en plus luy aggraver sa faute, dict finalement qu'il avoit le cueur si gros et si brûlant, que c'estoit chose incroyable. Et cependant il faisoit quelque contenance tant de la teste que des mains, par laquelle on s'appercevoit aucunement que Dieu commençoilà besongner en luy. Qui fut causequ'on vint à luy proposer la miséricorde de Dieu, comme jà au paravant avoit été faict. Or, après plusieurs autres propos de toutes sortes dont on se pouvoit aviser pour le faire penser à sa conscience, on fut averti que ce fausaire mentionné ci-dessus, mettoit en teste à ce povre parricide de faire bonne chère , en prolongeant sa vie par tous moyens , sans aucune appréhension de ce qui pouvoit donner chagrin : pourtant on ordonna qu'ils seroyent séparez, à fin que ce meschant fausaire ne continuas! d'empoisonner ce parricide par tels malheureux propos : lequel donnoit quelque meilleure espérance qu'auparavant, quand il ne les orroit plus. Et ne fut vaine ceste espérance : car dès l'heure qu'il fut à part, il pensa de plus près aux propos qu'on luy avoit tenus : tellement qu'il confessa en présence du geôlier et d'un autre, qu'il avoit grandement offensé Dieu, d'autant qu'il avoit malheureusement tué son père, et qu'il avoit bien mérité la mort : et pourtant qu'on envoyast quérir le baillif pource qu'il se vouloit désister de son appel. Dequoy les susdicts prindrent occasion de l'exhorter à bien faire son proufit des sainctes remonstrances qui lui avoient été faictes : et qu'à leur avis il faisoit très-bien de renoncer à son appel , pource qu'aussi bien ne pouvoit-il eschapper la mort : et mesmement qu'il y auroit danger qu'estant