CHAPITRE XVIII

baillast ses accoustrQmens. Sur cette dispute le père s'en alla coucher; et estant au lict fut contrainct de menacer son fils pour le faire taire, tant il rcpliquoit fièrement contre luy ; et en fin voyantqu'il n'y proufitoit rien, et ne pouvant plus porter ses longues et orgueilleuses répliques, se leva en colère de son lict pour aller chastier l'arrogance et irrévérence de son fils. Quoy voyant ledict fils, et que son père venoit courroucé contre luy pour le batre, empoigna soudain son espée qui estoit en la mesme chambre, et se rebellant contre son père, luy donna d'icelle au travers du corps. Duquel coup il tomba soudainement à terre, s'escriant à haute voix qu'il estoit mort. Duquel cri les voisins estonnez survindrent incontinent, et tost après la justice : lesquels trouvèrent le povre père estendu sur la place, et n'attendant plus que la mort, laquelle s'ensuivit bien tost après. Aussi fut trouvée l'espée toute sanglante auprès du fils qui se chaufFoit : auquel le père meu de compassion , et oubliant la cruauté qu'il avoit receue de luy, avoit jà dict plusieurs fois : « Sauve-toy, » sauve-toy, mon fils ; je te pardonne ma mort. » Aussi avoit la mère usé de mesme advertissement pour le faire évader : mais comme il pleut à Dieu le retenir par un juste jugement, il n'eut onc la force de desloger. Interrogué par la justice qui l'avoit meu à tuer ainsi misérablement son père, respondit en somme qu'il n'avoit tasché à le tuer : ains que la seule colère de sondict père avoit esté cause que luy-mesme s'estoit précipité sur son espée : laquelle il n'avoit prise que pour éviter tel courroux. Voilà quelle est l'histoire, quant au faict : mais d'autant que le livret ci-dessus mentionné par lequel ell' a esté publiée, contient plusieurs choses notables qui s'ensuivirent jusques à l'exécution dudict meurdrier, èsquelles consiste le fruict qu'on doit recueillir de ceste histoire, je prieray le lecteur ne

trouver mauvais si je suis un peu plus long en ce récit que je n'ay accoustunié li'estre es autres. Car à dire la vérité, congnoissant que le nom mesme du parricide est horrible, je n'eusse voulu le raconter si avant, sinon en intention d'ajouster la conversion d'iceluy, pour monstrer aussi bien l'exemple de la grande miséricorde de Dieu, comme l'exemple de la cruelle inimitié que porte Satan au genre humain : laquelle il monstre par expérience envers ceux qu'il voit ne se tenir aucunement sur leurs gardes. Ce meurdrier donc, appréhendé par la justice, fut mené en prison. Contre lequel déposoyent les tesmoins entr'autres choses, qu'il avoit esté toute sa vie fort desbauché, et mesprisant ordinairement les répréhensions de sesdicts père et mère : et néantmoins tout cela n'avoit empesché qu'ils ne l'eussent tousjours receu en toute douceur, toutes les fois qu'il estoit retourné à eux. Or luy ayant esté faict son procès, sa sentence fut prononcée par la justice de Chastillon, le samedi prochainement suyvant. Laquelle sentence portoit telles peines : Qu'il auroit le poing dextre coupé sur un eschaffaut en la place publique de ladicte ville, et devant la maison de sondict père. Qu'il seroit tenaillé tout vif aux deux mamelles de tenailles ardentes de feu : et après seroit là pendu par les pieds à une potence, et estranglé d'une pierre du poids de six vints livres qu'on luy attacheroit au col. Qu'il demeureroit ainsi pendu en ladicte place l'espace de vint-quatre heures : puis seroit porté pour demeurer ainsi pendu à tousjours au gibet ordinaire de ladicte ville. Geste sentence luy estant ainsi prononcée, il en appela : estant persuadé à ce faire/ par un meschant garnement de fausaire , qui pour ses mesfaicts avoit receu sentence avec luy d'estre envoyé aux galères, et de laquelle aussi il avoit appelé. En attendant donc qu'on les raenast à Paris, on les remit dedans la grosse tour du