CHAPITRE I
selon l'opinion d'aucuns d'eux : pour ce que les autres n'ont point mis ceste exception, mais ont asseuré que les bestes sauvages estoyent lors plus douces aux hommes, que les privées mesme ne leur ont esté depuis. Aussi que celles qui ont depuis monstre par expérience qu'elles estoyent venimeuses, ne l'estoyent point alors. Mais leur laissant ceste dispute, et poursuyvant ma description quant aux poincts que tous d'un commun a\;cord tiennent pour résolus, je di que nous croirons d'avantage que comme il n'y avoit point de loy, aussi n'en estoit-il point besoin : d'autant qu'il ne prenoit envie à personne de faire mal, ni n'en estoit sollicité par aucune occasion. Au demeurant on ne sçavoit que c'estoit que maladie. Et comme ils estoyent riches de santé, pareillement ils l'estoyent de tous biens nécessaires à la vie humaine : combien qu'on ne sceust encores si l'or estoit verd ou gris, ni de quelle couleur estoit l'argent, ou le cuyvre, ou les autres métaux. Car la curiosité n'estoit point encore si grande, qu'on vousist fendre la terre pour sçavoir qu'elle avoit au ventre. Aussi laissoit-on volontiers la mer pour telle quelle estoit : et ne vouloit-on point expérimenter de quelle façon y souffloyent les vents. Mesmement chacun demeuroit au lieu de sa naissance, sans estre curieux de sçavoir que faisoyent ses prochains voisins : non plus que le vieillard de Claudian (i), qui, demeurant à un quart de lieue de Véronne, ou environ, s'estoit passé toute sa vie d'y aller; non plus aussi que le gentilhomme Vénitien, lequel, approchant de quatrevingts et dix ans, n'eut jamais désir de sortir de Venise, sinon que depuis qu'on luy eut baillé la ville pour prison. Voici en substance ce que nous chantent les poètes de la félicité de ce siècle (car je laisse les rivières, les unes
(i) Epigr. de Sene Veronensi.
de laict, les autres de miel, et choses semblables) et de la preudhommie qui estoit lors, nonobstant une si grande fertilité : au contraire du proverbe qui a esté depuis et jà de long temps en usage, entre les Grecs mesmement, et de long temps aussi a esté trouvé véritable : Bonne terre, mauvaise gent.
Or, que telle description du premier siècle, quant à la félicité, ne soit vraye en général (si nous considérons Testât du genre humain avant le péché), la Bible ne nous en laisse point doubter. J'enten vraye en général, sans s'arrester aux particularitez d'icelle. Mais les poètes font bien durer plus long temps ceste félicité que ne fait la Bible : laquelle, incontinent après la transgression du premier homme, nous parle (entr'autres choses) de manger nostre pain à la sueur de nostre visage. De laquelle transgression ces poètes aussi ont faict mention : mais desguisans l'histoire, ou (pour mieux dire) convertissans l'histoire en fable. Car premièrement ayans dict que celuy qui tenoit le premier lieu entre les dieux avoit créé le monde d'une grosse masse appelée chaos (dedans laquelle les élémens estoyent peslemesle), et puis que Prometheus (i) de terre destrempée en eau avoit créé les hommes à la semblance et figure des dieux, ils adjoustent que par luy-mesme fut desrobbé du feu au ciel et apporté en terre. Dequoy ce plus grand Dieu fut si fort offensé
(i) Deux opinions principales et d'époques diverses ont eu cours chez les anciens touchant Prométhée. La première, celle qui est de beaucoup la plus ancienne et qui a eu pour interprètes Hésiode et Eschyle, représente le fils de Japet comme le contempteur des dieux, le ravisseur du feu et l'instituteur du genre humain. La seconde fait de Prométhée, non-seulement le propagateur des arts, mais le créateur des horfimes, statues d'argile d'abord muettes et insensibles; voy. Apollodore, 1,7; Pausanias, X,4; Ovide, A/e^, 1,82 ; Hygin.,Fa6. 143; Fulgent., Myth., II, 9; Lucien, Prométh. — Dial. des Dieux, I; Strabon de Sardes, Anthol., II, 373.
