CHAPITRE X

ne di pas incroyable, mais seulement difficile à croire? Mais je suis d'avis que nous nous arresttons un peu ici à ouïr ce que adjouste ledict Pontanus, après avoir raconté l'inceste de ce mal-heureux : car il met deux exemples fort notables d'une honnesteté gardée par des bestes, laquelle condamne telle vilanie des hommes. Le premier exemple est d'une sienne petite chienne qui ne voulut jamais endurer d'estre couverte par son chien : Nunquam (dit-il) passa est mater a filio se iniri : et quanvis meis a pueris comprehensa teneretur, nihilominus ea mordicus puer os a serejecit, et infilium illata, illum dentibus maie habuit. Le second exemple est d'un faict encore plus estrange, à-sçavoir d'une jument qui ne se vouloit laisser saillir par son poulain; et toutesfois ayant en la fin esté saillie par luy, estant desguisé tant par une peau d'autre poil qu'on luy avoit mise sur le dos, que par quelques autres artifices, et après s'en estant apperceue, de regret perdit le manger, dont s'ensuyvit la mort peu de jours après. Ce qu'il dit luy avoir esté conté par un marquis Italien nommé Jehan Vingtmille, auquel estoyent la jument et le poulain. Voilà les deux exemples alléguez par le dict Pontanus, personnage de si grande autorité que je n'ay point faict de difficulté de les donner au lecteur tels que je les tien de luy : combienque je préveusse que plusieurs les metteroyent au nombre des incroyables. Ce qu'il semble bien avoir préveu luytnesme auparavant, et pour ceste cause avoir usé de ceste préface quant au premier, Referam quœ ego ipse ex adverso et vidi et testor, et persancte etiam jura ; quant au second, avoir dict qui et quel estoit celuy après lequel il parloit. Mais comme les incestes sont chose extraordinaire Qntre les hommes, pourquoy ne croyrons-nous que Dieu ait voulu opposer à telle vilanie Thonnesteté extraordinaire de quelques bestes,

pour condamner les créatures raisonnables par les irraisonnables? Toutesfois je m'en rapporte à ce qui en est : veu mesmement que le proverbe François ne répute pour bon chien celuy qui guarde ceste honnesteté.

Il y a une autre sorte d'inceste, selon l'opinion de ceux qui ont pensé et ceux qui pensent encores aujourd'huy les nonnains estre sacrées. Et y a bien apparence que si elles tiennent le lieu que tenoyent anciennement les vestales (selon plusieurs qui ne les appellent point autrement en Latin que vestales), on doive aussi retenir le mot d'inceste pour exprimer la paillardise commise avec elles ; et que si elles ont peu vouer leur virginité à Dieu, ou plustost à tel ou tel sainct, celuy qui la leur oste, soit sacrilège. Mais j'accorderay bien l'un, non pas l'autre. J'accorderay bien, di-je, que en tant que ceste belle dévotion est tirée des payens, pour ce respect le mot aussi d'inceste par lequel ils exprimoyent telle faute commise contre icelle, soit retenu, et qu'en parlant à la façon des payens, on l'appelle inceste. Mais je n'accorderay pas que celuy qui ravit le pucelage à une nonnain soit sacrilège, à parler Chrestiennement. Car il faudroit, si ainsi estoit, qu'un tel pucelage fust sacré; et pour estre sacré, il faudroit que Dieu ou le sainct auquel on le voue et dédie, eust monstre par forme de stipulation qu'ill'auroit accepté. Or comment acceptera-on d'une personne ce qu'on* sçait qu'elle ne peut pas bailler ? Quelle raison y a-il de présenter ce sur quoi on n'ha aucun droict ? Si donc de Dieu seul vient le don de continence, comment pouvons-nous donner à luy ou à autre notre virginité pour toute nostre vie, laquelle est fondée sur ce don de continence, sinon que premièrement nous en eussions lettres ? Pour conclusion donc, celuy qui con-