HUART
LE WALLIER.
Chartrier de Thouars. Original.
1481, ro octobre. — Inventaire au château de Liney, après la mort de Georges de La Trémoille.
Cy apprez s’ensuivent l’inventoire et déclaration des biens meublez, extancilles et tappisseries appartenens aux héritiers et héritières de feu nostre très-redoubté seigneur, monseigneur de Craon, en son vivant conte de Liney, délivrez par Thiery du Boix, à monsieur de Chamoirealx, estans ou chastel du dit Liney, le rx° jour d'octobre l’an mil tie ur” et ung.
Premier, y a deux courtines verdez, qu’ilz servoient au lict de feu mon dit Seigneur.
Item, deux couvertures de tappiceries fourées de toille.
Item, x1 pièces de tappisseries.
Item, ung ciel de tapisseries.
Item, encore, ung ciel de taffetas blanc et la couverture pareil de taffetas blanc.
Item, encore plus, ung ciel de tappisserie et deux rideaux verd.
Item, encore plus, ung aultre ciel de tappisseries.
Item, encore plus, ung aultre ciel de tappisserie assez viel et usé.
Item, encore plus, cinq pièces de tappisseries ouvrées.
Item, deux couvertures de sarge doublées de toile. 3
Item, encore plus, deux ciel et deux rideaux, le tout de sarge.
Item, encore plus, sept pièces de tappisseries de sarge.
Item, encore, une pièce de tappisserie ymaigié de vielle fasson et fort vielle et usée.
Item, encore, ung rideau bien fort usé et viel.
Item, ung ciel blanc et trois linssieux de blanche toille.
Item, encore plus, deux couvertures de lictz de laine tissé et figuré. °
Item, une aultre couverture de tappisserie figurée d'oiseaux.
Item, ung grant lict duvet fait de queutis garniz de traversain.
Item, encore plus, ung lict et traversain en queutis royez en eschaquier.
Item, une couchette pareillement ouvrée et le traversain sans plus.
Item, ung fardelet de filles à prendre perdrix et congnis.
Item, deux gros pos de cuivre et ung moyen qui a le pied rompus.
Item, deux grandes paelles d’arain et une moyenne.
Îtem, deux grandez broches de fer à rôtir chars.
Desquelles pièces ci-dessus nommées, je Jéhan Lefèvre, prêtre, demourant à Liney, notaire publicque, j'en ay faicte la collacion au double d’icelles, lesquelles sont en la main du dit Thiery pour sa descharge, et à la resqueste des dites parties, j’ay signé ces présentes de mon saing manuel icy mis, le x®° jour d'octobre mil ur H1"* et ung.
Fasri.
Chartrier de Thouars. Original.
1481,(v. s.) janvier au Ordre des funérailles de Georges de La Trémoille, seigneur de Craon.
Pour CONDUIRE LE CORPS JUSQUES A SULY.
Premier, le corps sera mis dessus le chariot, et pardessus couvert de bougren à une croix blanche.
Item, par dessus, une couverture de vingt quatre aulnes de veloux avecques une croix par dessus de taffetas blanc. |
Item, ung drap d’or, contenant cincq aulnes, pour mectre sur le corps à l’enterrement.
Item, le chariot paingt de noir; les chevaulx couverts de drap noir, avecques les chartiers vestuz de noir, et ung valet de pié.
Item, devant le corps, près des chevaulx, quatre gentilzhommes à cheval.
__ Item, après le corps, mons' le prothonotaire, et après luy touz
les gentilzhommes et serviteurs deux à deux, à passer les bourgs.
Item, quant le corps entrera ès bourgs, se offriront quatre gentilzhommes pour tenir chascun la bordure de la couverture de veloux, pour conduire le corps tant qu'il soit hors desdits bourgs ou jusques à l’esglise où il sera mis pour la nuyt.
Item, trante pouvres vestuz de noir, tenant chascun une torche garniez d’escussons.
Item, autres treze pouvres, tenant chascun une torche de deux livres chascune; iceulx dits pouvres chascun ung chaperon vestu.
Item, faudra deux hommes pour appoincter aux curés, là où l'on mectra le corps pour la nuyt, en allant.
Item, faire chanter une grant messe en chascune esglise là où ledit corps repousera, et messes aux chapellains de la paroisse qui seront ordonnez pour dire le saultier toute la nuyt à garder ledit corps et ainsi le conduire, comme dessus, jusques au lieu.
Item, sera mené descendre le corps dedans l’église de Saint- Germain.
Item, là viendra audavant messeigneurs et tous les collièges et paroisses de àl’environ, pour conduirele corps jusqueslà où il sera mis.
Item, faire la listre de l’église de Suly tout à l’entour, garnye de armoirie en bannière, batuz d’or.
Item, faire une listre de veloux dedans le cueur.
Item, en la nef une listre tout à l’environ, de bougran, garnye d'escussons.
* Item, par toute l’église, de troys piez près l’une de l'autre, des torches à l’entour, poisante demie livre.
Item, à l’environ du corps, une carrée de bois en laquelle aura à chascun coing ung sierge de six livres de cire, garniz d’escussons ; et les treze pouvres à l’environ et les autres par l'esglise.
Item, d’autres menuz sierges.
Item, une chappelle à clocher ou meillieu, garniez de sierges à l'environ, et aux pignons de ladite chappelle ung angelot paingt en toelle noire, tenant ung escusson.
Item, à l'environ de ladite chappelle, des goutières de bougran.
Item, fault faire voulter la fousse, si elle ne l'est, avecques quatre barres de fer, pour mectre le corps.
Item, faire faire une cocte d'armes.
Item, ung escu aux armes de Monseigneur.
Item, ung heaulme. |
Item, une banière de taffetas, aux armes de Monseigneur.
Îtem, faire faire LX torches, de deux livres chascune.
Item, appoincter aux St" de l'église de Saint-Ythier.
Item, pareillement à Saint-Ythier.
Item, faire abiller touz les aultiers.
Item, au grant aultier un parement de veloux.
Item, fault deux ou troys douzaines d’esguillettes noires.
Item, ung millier espingues.
Pour gouverner les prestres et ceulx qui portent les torches: le procureur de Celles et le receveur de Gençay.
Pour faire charger et descharger le corps: Gacien avecques VI hommes et les chartiers, charpentier, charron, plombeur.
Pour ordonner l'ordre après monseigneur le prothonotaire, mons’ du Croiset.
Pour faire la mise et rendre compte tant de recepte que de mise: le receveur de Bommiers.
Pour donner l’aumosne.
VAISSELLE D'ARGENT BAILLÉE EN GAIGE A BOURGES, ICKLLE PRINSE A BOMMIERS.
Deux bassins, poisant . . . . XII marcs, demie once mains. Six grans tasses, poisant. . . XIX m. r once et demie.
Cinq petites tasses. . . . . . . X m. demie once mains.
Une esguière et ung pot . . . . VII m. demie once.
Deux flacons ......... XIX m.
Le tout poisant ensemble soixante sept marcs 1 111 0nces et demie.
Icelle baillée en gaige à Jehan Lalement, marchant, demourant à Bourges, au pris de dix livres le marc, qui est VI* LXX liv. baïllée par. mons' de Saint-Martin à mons' de Croiset, le XIII‘ jour de janvier l’an 1111° 1111 ung.
Sur quoy a esté prins six cents soixante dix livres tournois à la charge de les vendre dedans... mois pour recouvrer ladite vaiselle.
Chartrier de Thouars. Feuillet double en papier, ayant souffert de l'humidité.
1484.— Succession du sire de Craon.— L'oppinion du conseil de la ville et gouvernement de La Rochelle.
Mémoire de savoir l’oppinion du conseil de la ville et gouvernement de La Rochelle des choses cy amprès déclairées, touchant les choses estant ou dit gouvernement.
Primo, de savoir quel droit entre nobles il appartient à l’aisné et ce qu’il appartient au puysné tant filz que filles.
Par la coustume du gouvernement de La Rochelle, entre nobles ès choses nobles, l’aisné prant le principal houstel avec ses perclousures et le quint par advantaige, et le surplus se départ et divise par teste entre tous les enffens et héritiers tant filz que filles.
Item, comment se doivent partir les meubles entre l’aisné et les puisnez escheuz de père et de mère?
Les dits meubles se partent par teste soient filz ou filles, comme dit est.
Item, quant une fille a esté mariée par le père par don d’argent, et après le mariaige consumé elle n’ayt voulu renuncer à la succession, quel droit elle a d’y demander ?
Par la coustume, en rapportant par la fille mariée ce qu’il lui avoit esté baïillé en mariage par ledit père, elle peult et doit venir à succession comme les autres héritiers, gardé le droit de l’esné, comme dessus est dit.
Item, si une fille qui a esté mise en relligion par père et mère à qui doit venir la succession qu'elle eust peu avoir après le décès de ces père et mère ?
Selond la coustume du pays notoirement gardée en la ville et gouvernement de La Rochelle, ladite fille entrée en relligion ne peut succéder et appartient sa succession ès autres plus prouches parens.
Item, comment seront partiz les meubles qui sont en pluseurs pays au père et ledit père soit déceddé ou pays de Berry où les meubles sont appartir teste pour teste ?
Les dits meubles estans ou dit gouvernement se doyvent partir par teste, soient filz ou filles, comme dit est, et des autres, qui seroient alleurs, se conviennent reiller selon les coustumes des pays où 1l seront.
Item, que après le trespas de monseigneur de Craon, monsieur de La Trémoille estoit son héritier, et incontinant après son trespas le feu Roy s’il fist mectre en commission et empescher ses terres, tant meubles que héritaiges, et après ledit feu seigneur de La Tré-
moille se transporta devers le Roy demandant la délivrance des héritaiges et biens meubles dudit sire de Craon, son dit frère.
Item, et ledit Seigneur envoia l’évesque de Poictiers et Guyot Pot, ses serviteurs, par lesqueulz il manda qu’il voulloit que ledit seigneur de La Trémoille se désistast à son filz aisné de tous et chacuns les meubles et héritaiges, de par moyen de certaines terres, seigneuries, or et argent que ledit filz aisné dudit seigneur de La Trémoille bailla à son dit père des terres et biens meubles dudit sire de Craon, frère dudit seigneur de La Trémoille et oncle dudit filz ainsné. |
Item, que voyant ledit seigneur de La Trémoille que ledit Seigneur envoiroit ses gens au logeis dudit feu seigneur de La Trémoille à Tours, où il estoit allé, cuydent renoncer les terres et biens meubles de son dit feu frère, doubtant estre en indignacion dudit Seigneur pour les menasses que ledit évesque et ledit Guyot Pot faisoient audit seigneur de La Trémoille, consentir à l’appoinctement tel qu'il fut fait, et estoit pour en avoir pour l’eure la voulunté du Roy, ce qui luy fut offert.
Îtem, nonobstant, voyant ledit seigneur de La Trémoille que son dit filz estoit en la grâce du Roy et ledit Seigneur désiroit son avancement en destriment dudit seigneur de La Trémoille et de ces autres enffens, à ceste cause ledit seigneur de La Trémoille, huit jours après lesdites choses passées, protesta que ce qu'il avoit fait estoit contre son gré et voulunté et que jamais il ne l’ust fait sinon par contrainte et force que ledit Seigneur luy faisoit faire.
Semble que se ainsi est que portent lesdits articles que les héritiers dudit feu seigneur de La Trémoille ont matière d’avoir relièvement dudit appoinctement faict par ledit feu seigneur de La Trémoille, leur père. |
Item, et se la lectre de la donnacion de la conté de Bénon vault pour l’esné, qui est telle qui s'ensuit :
Que feue dame Francoyse d’Amboise et damoizelle Marguerite d’Amboise estoient seurs, parentes ex utroque, avint que ladite Françoise entra en relligion, et par avant délessa l’uisfruit de ladite conté à ladite Margarite, sa seur et seulle héritière, auctorisé de feu Loys, seigneur de La Trémoille, son mary, et la propriété d’icelle conté à Loys de La Trémoille, son nepveu, filz dudit Loys, seigneur de La Trémoille, et dès lors en avant au filz aisné dudit de La Trémoille.
Item, ladite Françoise entrée en relligion, icelle Margarite, sa seur, print et appréhenda la possescion et usuffruit de ladite conté de Bénon, ensemble et tous ses autres héritaiges, montans par estimacion à la somme de mil cinq cens livres de rente, et des dits biens à joy ensemble et ledit Loys, seigneur de La Trémoille, son mary, jucques à leur décès et trespas.
Semble que ladite donnacion de ladite conté de Bénon, veu ledit articles, vault et doit tenir, et n’y a coustume au contraire,
Item, que ladite dame Françoise devait au temps qu’elle entra en relligion douze mille escuz ou autre grant somme de deniers et à pluseurs créanciers.
Semble que lesdites debtes n'empeschent en riens la dite donnacion de ladite conté au dit seigneur de La Trémoille, qui à présent est, parce qu'il n’estoit lors héritiers de ladite dame, et partent n’estoit tenu paier aucunes debtes personnelles.
Ainsi signé : BouDan. ANGLOIS. BALON. AUNNER.
Chartrier de Thouars. Pièce papier.
