J. MESME
Chartrier de Thouars. Original.
1479, 11 février. Craon. — Fondation de l'église des Cordeliers de Ligny-en-Barrois.
Georges de La Trémoille, seigneur de Craon, comte de Linei, seigneur de l'Isle-Bouchart et de Rochefort, premier chambellan du Roy, nostre sire, et gouverneur de Touraine, à tous ceux qui ces présentes lettres verront, salut.
Scavoir faisons, que nous, inclinant à l’humble supplication de nos chers et bons orateurs les vicaire, provincial de la province de France, gardien, et frère de Rambercourt, religieux de l’observance de monsieur saint François, à iceux, en l’honneur, louange et révérance de Dieu, nostre Créateur, de la glorieuse, benoîte vierge Marie et de monsieur saint François, et à ce qu’au
tems avenir nous puissions être et soyons dit fondeur, et que ès biens, oraisons, messes et prières, qui par eux seront faits, dit et célébrez, nous, nos prédécesseurs et successeurs, soyons participans, avons donné, octroyé, cédé, transporté et délaissé, donnons, octroyons, cédons, transportons et délaissons à toujours perpétuellement, notre chapelle, lieu, manoir, closture et jardin seulement, apellé les Hermites, autrement dit de Froidefons lèz nostre ville de Linei, sans toutesfois en ce y prendre aucune chose des autres héritages, cens, rentes, droits ne devoirs appartenans et étans des appartenancés des dits Hermites, lesquels nous pourrions donner et mettre autre part, pour la continuation du service accoutuméestre célébré ès dits Hermites, pour, par les dits vicaires, provincial, gardien et religieux, estre au dit lieu fait college et demourance de certain nombre de frères et religieux, qui seront et célébreront le service divin, selon l’ordre, statut, règle et observance de monsieur saint François. Si donnons en mandement à nos gouverneurs, prévost, procureur et officier en nostre dite ville et comté du dit Linei, que de nos présens octroy et consentement, facent, souffrent et laissent les dits religieux jouir et user, et icelle chapelle, lieu, manoir, closture et jardin des dits Hermites leur délivrent à pur et à plain, et ce sans préjudice d’autrui. En témoin de ce nous avons mis à ces présentes le seing de nostre main avec le seel de nos armes.
Donné en notre chatel de Craon le onzième jour de février, l'an mil quatre cens soixante dix-neuf.
CRAON
Chartrier de Thouars. Original.
1.Le sceau porte un écu écartelé, au premier et quatrième, de La Trémoille ; au second:et
troisième, de Craon, et sur le tout de l’Ile-Bouchard. Supports, deux lions. Le contre-sceau est de Craon.
1481, 30 septembre. — Inventaire au château de Liney après la mort de Georges de La Trémoille, baron de Craon.
Inventoire des besongnes de Monseigneur qui demeurent à Liney, à la garde de Thiery Gohière qu'il la pris et s’a chargé.
Premiers.
En la salle de Monseigneur, neufve, six pièces de tapiceries ouvrées, deux andiers, ung ciel garni de deux rideaulx vers. Ung lict de duvet, une table, ung bancquier, ung biffet. Item, ung couvert de couchette.
Item, en la chambre de Monseigneur, sept pièces de tapiceries, ung grant ciel garny de rideaulx vers, ung petit ciel, deux andiers, deux couvertes de tapicerie pour le lict et pour la couchette et une petite couchette.
Item, une table garnie de tréteau et d’ung bancq.
Item, en la garde-robe, la couverte d’une couchette, deux andiers, deux tables garnies de tréteau et d’un bancq.
Item, six arbalestres d’assié garnie d’ambrie. Item, deux chaieres percée.
Item, en la chambre d’emprès la garde-robe de Monseigneur, deux pièces de tapiceries pallées de pers gris et rouge, ung ciel de mesme garny de trois rideaulx et une couverte.
Item, deux charliz, ung bancq et ung buffet.
Îtem, en la salle d’emprès la chambre, ung grant lict, une couverte à la livrée de Monseigneur, une autre couverte de rouge, deux charlictz, ung bancq, une table, deux tréteaulx et ung biffet.
Îtem, en deulx chambres de la tour de la poterne, deux charlictz.
Item, en la chambre d’emprès la chappelle, ung lict, une couverte de tapicerie, ung ciel garny de rideaulx et de traidous, le tout de linges, ungne petite table et ung bancquiet.
Item, un petit charlit de couchette.
Item, en la chambre de maistre Robert, deux landiers, deux charlitz, ung petit bacquiet, trois thiolles à bender arbalestes.
Item, en la chambre basse, soubs les salles de Monseigneur, ung lict sans travers, une couverte de tapisserie.
Item, trois pièces de tapisseries pallée de pers gris et rouge et ung ciel de mesme, deux charliz.
Item, ung charlict qui se ploye à porter par le pays.
Itern, en la garde-robe d'emprès, ung charlict, ung épies ?.
Item, en l’autre basse chambre, deux charlictz, deux pièces de tapiceries pallées, ung ciel de tapicerie ouvré à feullaige, ung buffet.
Item, en la garde-robe prochienne, ung charlict.
Item, en la grant salle basse où mengent les gentilzhommes, deux tables garnies de tréteaulx, ung buffet, une sarpentine, dix-sept haquebouthes.
Item, en la cusine, trois grandes paelles, une grande chaudière à quatre ance, ung grant chaudron, deux grant potz de cuyvre et ung petit qui a le pied rompu.
Item, une autre grande chaudière à deux ances.
Item, cinq broches de fer, dont il en y a une rompue, deux rotisseues et deux gros chenés, ung charlict.
Item, en la chambre dessus l’estable, ung grant coffre ferré à fest, ung bancq.
Item, huyt grans pladz d’estain, huiz petiz pladz d’estain.
Item, vingt-sept escuelles d’estain.
liem, ung filet à prendre perdriz.
Item, en la chambre du consierge, trois pièces de tapiceries ouvrées et Ung quareau.
Item, neuf escabeaulx, deux landiers.
Item, ung ciel de taffetas blanc et une couverte de lictz de mesme, le ciel et ung rideau.
Item, ung autre quareau qui n’est point garny.
Ainsi signé : R. LEFEBVRE.
Collacion faicte à l'original par nous, Henry Huart, substitut ou tabellionage de Liney, commis de par le Roy, nostre sire, et Colot Le Wallier, notaire royal ou tabellionage de Sens, tesmoings noz seingz manuelz cy mis, le dernier jour de septembre, l'an mil III: ITITF et ung.
