id. n°* LI à Lil

1451, 22 mars. Tours. — Procuration du comte de Tonnerre pour marier sa fille avec Georges de La Trémoïlle.

Pierre de Breszé, conte de Maulévrier et de Tonnerre, conseiller et chambellan du Roy nostre seigneur et grant séneschal de Normendie, à tous ceulx qui ces présentes lettres verront, salut.

Savoir faisons que nous avons aujourduy fait, constitué et establi, et, par cesdictes présentes, faisons, constituons et establissons nostre procureur général et certain message espécial messire Jehan d’Aigreville, chevalier, ser d'Aigreville, auquel avons donné et donnons, par ces mesmes présentes, povoir et auctorité de faire, traicter et parfaire le mariage piéça parlé par feu monssr de La Trémoille, derrenier trespassé, et madame de La Trémoille, sa femme, d’une part, nous et Jehanne Crespin, la nostre, d'autre, entre George de La Trémoille, seigneur de Craon, filz desdiz deffunct et madicte dame de La Trémoille, et Jehanne de Breszé, nostre fille; icellui traicté de mariage entretenir, se mestier est, le quicter ni faire prendre ; et requérir avec des peines indites dudit George de La Trémoille, de monss de La Trémoille et autres qu’il

appartendra, chascun en son esgart, quictance ou quictances pour nous et de par nous et nostredicte femme, teles que mestier sera et au cas appartendra ; et généralement de faire et procurer, pour et ou nom de nous et de nostredicte femme, touchant ceste matière, toutes et chascunes les choses que procureur, deuement estably, faire pourroit et que nous mesmes ferions et faire pourrions se présens et en personne y estions, jàäsoit ce que la chose requière ou puisse requérir mandement plus espécial; promectant en bonne foy.. En tesmoing de ce, nous avons signé ces présentes de nostre main et fait séeller du séel de noz armes.

Donné à Tours, le XXII* jour de snars, l'an mil cccc cinquante ung.

BRESZÉ.

Chartrier de Thouars. Original en parchemin.

1459, 31 août. Le Rivau-lès-Chinon.— Lettres de rémission données par le rot Charles VII au sire de Craon, pour l'arrestation et la détention de Péan de La Vallée.

Charles, par la grâce de Dieu, roy de France, à tous ceulx qui ces présentes lettres Ÿerront, salut.

L’humble supplication de Georges de La Trimoille, s8r de Craon, avons receue, contenant que unze ans a ou environ, Péan de La Vallée s'en vint demourer en la maison de nostre chière et amée cousine la dame de La Trimoille, sa mère, ouquel temps ledit suppliant et le sire de La Trimoille, son frère ainsné, estoient demourans avecques et ou bail et gouvernement de la dicte dame, leur mère ; et que peu après que ledit Péan de La Vallée s’en fut ainsi venu demourer en la maison de la dame de La Trimoille, il entreprint fort le gouvernement d’icelle maison et y vouloit prendre de l’auctorité, et print de faict plus que nuiz autres serviteurs d’icelle, soubz couleur de ce qu’il estoit parent d’icelle dame de La Trimoille. Et de l’auctorité y print si avant, qu'il en débouta tous les anciens serviteurs de la maison qui pour icellui temps servoient ladicte dame, et y demoura seul, quequesoit avec peu d'autres jeunes gens estans en ladicte maison; et qui plus est, voulut tenir et de faict tint au suppliant et au sire de La Trimoille, qui lors estoient jeunes et ou gouvernement de leur mère, très malgracieux termes, et ne vouloit souffrir, au moins empeschoit à son pouvoir, qu'ilz ne fussent vestus et habillez selon leur estat, et tellement qu'ilz estoient et furent par aucun temps très mal habillez et traictez en la maison de leur mère. Et à ceste occasion, et des malgracieux termes que ledit Péan tenoit au suppliant et à son frère, de ce qu’ilz n’estoient, par le moien dudit Péan, se leur sembloit, pas entretenuz en la maison de leur mère comme enfans et comme il leur appartenoit, 1lz se départirent d’icelle maison, par le despit d’icelui Péan, et s’en allèrent demourer en aucunes de leurs terres, dont à ceste

1. Nous avons supprimé dans cette pièce les très nombreux dicte et dit qui ne sont pas utiles pour le sens du texte.

occasion la dame de La Trimoille, leur mère, au pourchas dudit Péan, print procès et fut très indignée à l’encontre d’eulx ; dont ilz ont soustenu et porté de grans pertes et dommaiges, et tellement qu'ilz en ont vendu et engagié aucunes de leurs terres, et par le moien dudit département et desditz procès, la maison de la dame de La Trimoille, leur mère, et la leur, ont esté intéressées et endommagées très grandement, et tout par la cause et moien dudit Péan. |

Lequel, ou mois de may mil cccczvmi, se transporta à Bruxelles en Brebant, où lors estoit le suppliant, et tout musséement et embrunché de sa cornette, vint au lougis du suppliant auquel, après qu'il fut ainsi venu devers luy, icelui Péan dit et remonstra comment la dame de La Trimoille, sa mère, l’envoioit par devers luy, et qu'elle avoit traictié par deçà le mariage de lui et de la fille de nostre séneschal de Normandie ‘, et que nous voulions expressément qu'il se fist; et que oudit mariage il auroit de nostre séneschal cent mil escuz, avec d’autres grans biens que ledit Péan le asseuroit que la dame de La Trimoille luy feroit; et avec ce qu'il seroit nostre premier chambellan, coucheroit devant nous et auroit quatre mil livres de pension de nous chascun an, et autres grans biens que ledit Péan donnoit entendre au suppliant qu’il auroit par le moien dudit mariage; en lui disant que, à ceste cause, il convenoit et estoit forcé qu'il s’en venist par decà, autrement que sa mère seroit très mal contente de luy, et n’amenderoit jamais d'elle. Moiennant lesquelles grans promesses et asseurances dudit Péan, et aussi qu’il menassoit le suppliant du dommage que sa mère luy feroit s’il ne s'en venoit, et pour doubte de luy desplaire, cuidant

1. Pierre de Brézé eut deux filles ; rien n’indique de laquelle il s’agit.

que ce que ledit Péan luy disoit et affemoit fust vérité, et pour la grant affection et désir qu’il avoit de estre et venir en nostre service, ainsi que ledit Péan luy asseuroit qu'il seroit, il se délibéra de s’en venir, et de faict s’en vint avec ledit Péan, et perdit par ce moien ses terres et seigneuries de Jonvelle et de Courselles, lesquelles, ou temps de son partement, il estoit en paroles et sur le point de recouvrer de nostre très chier et très amé cousin le duc de Bourgongne, qui les tient et occupe; et prindrent le suppliant et ledit Péan leur chemin à eulx en venir par le pays de Normandie, pour parler audit Séneschal, et par Nogent, où estoit sa fille, pour la voir ; et de là s’en vindrent à l'Isle Bouchert, devers la dame de La Trimoille, sa mère.

Mais quant le suppliant s’en fust ainsi venu, il trouva tout le contraire de ce que ledit Péan luy avoit donné entendre, et que de tout ce qu'il luy avoit raporté et asseuré il n’estoit riens, ne dudit . mariage n’en avoit oncques esté riens escript ne appoincté, mais estoient encores tous les traictez et mémoires à faire, et la matière entière comme se jamais n'en eust été parlé. Et en furent faicts lesditz mémoires et traictez tout de nouvel depuis la venue du suppliant, et envoiez des uns aux autres ; mais en effet le Séneschal tint tous autres termes au suppliant que ledit Péan ne luy avoit rapporté, et si ne trouva aucune entrée, par le moien du Séneschal ne autrement, d’estre notre premier chambellan, ne d'avoir aucune pension de nous, ne d’autre chose que ledit Péan luy eust dicte ne assurée, dont il fut moult desplaisant. Et à ceste cause, ledit suppliant différa ledit mariage et se tint par decà, tant devers nous et devers la dame de La Trimoille, sa mère, que ailleurs ès parties de Touraine et d'Anjou, jusques ou mois de décembre ensuivant et derrenier passé, l'an dessus dit mil cccczvui.

Pendant lequel temps, et mesmement que le suppliant résida au lieu de l'Isle Bouchart, en la maison de la dame sa mère, ledit Péan, en haine de ce que le suppliant avoit différé ledit mariage ou autrement, commença à tenir fières manières et malgracieux termes envers le suppliant, comme s’il ne fust pas enfant de le maison, et semblant qu'il luy despleust de ce qu'il y estoit. Aussi faisoit il pour ce qu'il luy cuida faire mettre ses chevaulx hors des estables et livrée de la maison de sa mère et les luy faire envoyer en hostellerie ; et plusieurs fois luy fist enfermer les chiens et oyseaulx de la maison de sa mère, à ce qu’il ne les menast en gibier à son esbat, et tint telz termes au suppliant qu'il luy convint plusieurs fois envoyer en la ville acheter, à ses deniers, le pain à donner à ses chiens qu'il avoit neument à luy. Et quand ledit Péan rencontroit le suppliant, il passoit par devant luy tenant ses fières manières, sans le deigner saluer ne parler à luy, ne au plus et moins que à un bien petit homme. Et qui plus est, un jour le suppliant avoit ordonné à son faulconnier mettre une perche à percher ses oyseaulx en la sale basse de l’Isle Bouchart, mais en la y cuidant mettre à point, ledit Péan la fit oster et mettre hors et ne voulut souffrir qu'elle y fust, en parlant outrageusement du supliant, jaçoit qu'il y en eust une autre où ledit Péan faisoit percher les siens oyseaulx. Et encores pour ce que la dame de La Trimoille avoit presté au suppliant une tapisserie, qui avoit esté chargée en un bateau sur la rivière audit lieu de l’Isle-Bouchart pour la mener à Craon, à la réception des hommages de la baronnie de Craon, que le supliant y avoit fait assigner ou mois de novembre derrenier passé, ledit Péan, en démonstrant plus que devant la haine et envie qu'il avoit contre le supliant, cuida trouver moien envers la dame de La Trimoille, sa mère, de faire demourer et descharger la tapicerie et

la garder de mener audit lieu de Craon, et en fist ce qui luy fut possible, pour cuider nuire et desplaire au suppliant. Et encores depuis qu'il fust alé audit lieu de Craon, à la réception de ses hommaiges, pour ce que ledit Péan sceut que les habitants de la ville et baronnie de Craon vouloient donner au supliant, à sa nouvelle venue, cent marcs d'argent, ledit Péan escripsi aux officiers dudit lieu de Craon, quequesoit au chastelain, qu'il empeschast les habitans de faire ledit don au supliant ; ce qu'il fist tellement que icellui suppliant a perdus lesditz cent marcs d'argent.

Et pour ces causes et plusieurs autres, le suppliant, estant desplaisant qu’il n’avoit peu entrer et estre en nostre service, ainsi que ledit Péan l’avoit asseuré qu'il seroit, et cognoissant la haine et mauvaise envie que, sans cause, avoit contre luy, desplaisant des fières manières et malgracieux termes qu'il luy avoit tenus et tenoit chascun jour en toutes les manières qu’il pouvoit, et de ce qu’il l’'avoit ainsi trompé et déceu par l’en avoir fait venir, et par ce moien fait perdre sesdictes terres ; et considérant aussi les grans maulx et dommaiges qui, à l’occasion dudit Péan, avoient esté et estoient survenuz en la maison de la dame de La Trimoille depuis qu’il y estoit venu demourer, et qui encores doubtoit qui y peussent survenir se plus y demouroit, proposa et se délibéra le suppliant de trouver manière d’en envoyer ledit Péan et mettre, s’il povoit, hors de la maison de sa mère. Et pour ce que, après son retour de Craon à l’Isle-Bouchart, il congneut que bonnement il ne povoit trouver moien d’en envoier ledit Péan sans le faire prendre et transporter quelque part loing de là, le suppliant se délibéra d’aler, et de fait ala, voler aux champs le jour de saint Nicolas d’yver derrenier passé, après diner, qui fust à ung jour de mécredi, avecques lequel ledit Péan ala et avecques eulx Jehan Méron,

Pierre Serpillon et autres ; et se partirent de l’Isle Bouchart environ deux heures après midy, et de là s'en alèrent par les champs, volant avecques leurs oyseaulx contremont la rivière de Vienne, droit au village de Troques. Et quant ilz furent outre l’église dudit lieu de Troques, à un petit boucaige hors du grant chemin, où ledit Péan avoit fait voler son oyseau après une perdris, que son oyseau y poursuivit, le supliant ala à luy, et trois de ses serviteurs en sa compagnie, c'est à sçavoir Jaques Blanchart, Denisot Doré et un nommé Empireville, son varlet de chevaulx; et si tost que le supliant arriva sur ledit Péan, qui estoit audit boucaige, mist la main en iceluy Péan, lequel luy demanda pourquoy il le faisoit, auquel le supliant respondit qu’il le luy diroit une autre foiz plus à loisir. | Et après que le supliant eust ainsi prinz ledit Péan et fait descendre de dessus son cheval, il le bailla aux dessus nommez Jaques, Denisot et Empireville, et leur chargea le mener à Bélabre, sans luy faire aucun mal s'il ne s’efforçoit de soy eschaper, en leur disant que s’il leur eschapoit, qu’ils se gardassent bien de retourner devers luy. Et de là, qu'il estoit presque nuict, les laissa le supliant et s’en revint celui soir mesmes à l'Isle Bouchart devers la dame de La Trimoille, sa mère, où il demoura par trois ou quatre jours, et après s'en alla à Chasteau-Guillaume devers le s&r de La Trimoille, son frère ainsné, où il demoura ung jour ; et de là envoya ung sien serviteur, nommé Colas, audit lieu de Bélabre, devers lesditz Denizot et Empireville qui y estoient demourez avec ledit Péan, et leur manda qu'ilz l'en emmenassent à Dracy en Bourgongne, où le supliant s’en alla d’une autre part. Et quant il fust audit lieu de Dracy, il y trouva jà ledit Péan, lequel il fist venir devers luy et luy dict: « Péan, je vous dys, quant

« je vous prins, que je vous diroy les causes pourquoy je le faysoys, « lesquelles sont telles : premièrement, vous sçavez que venistes « devers moy à Brucelles et me distes que estiez venu devers moy « pour mon grant bien, c’est assçavoir que on avoit traicté le « mariage de la fille du grant Séneschal et de moy, et que moien- « nent iceluy mariage je en amenderoye de plus de cent mil escuz ; « et en outre que seroye premier chambellan du Roy, coucheroye « devant luy et auroye si grant pension de luy que ce seroit mer- « veilles ; aussi que feriez envers Madame ma mère qu’elle me « feroit si grant avancement, tant de ses biens meubles que de ses « héritaiges, que devroye estre content; et encores plus, que quant serions en chemin en nous allant, que me diriez encores d’autres « choses qui me feroient venir l'eaue à la bouche. Et vous sçavez bien que, loing ne prés, vous ne me distes chose que ne m'’eussiez dicte dès le commencement, et ne m’avez fait tenir chose que m'’eussiez promise. »

A quoy ledit Péan respondit au suppliant, que le grand Séneschal et l'Admiral ‘ le luy avoient fait faire. Et avec ce dist le suppliant audit Péan qu'il sçavoit bien les mauvais termes qu'il luy avoit tenus, durant qu’il avoit esté en la maison de la dame de La Trimoille, sa mère ; à quoy respondist ledit Péan qu’il sçavoit bien qu’il estoit vray, en luyÿ en requérant, tout de genoulz, pardon, et en luy disant qu’il ne luy sçauroit faire tant de mal que plus n’en eust desservy envers luy. Et combien que le suppliant deust, à l'occasion des choses dessusdictes, aucunement avoir eu cause de vouloir mal audit Péan et de luy avoir fait desplaisir de sa personne, néantmoins il ne l’a jamais voulu ne eu intention de