Jean V de Bueil, comte de Sancerre

faire, ainçois l’a traicté gracieusement, fait boire et manger avec luy et à sa table, et ne l’a fait battre ne férir, ne faire aucun autre desplaisir à sa personne. Aussi ne tendoit il, et ne tendit il onques, fors seulement à trouver moien de l'en envoyer et mettre hors de la maison de sa mère.

Et voyant iceluy suppliant que ledit Péan se repentoit des maulx et malgracieux termes qu’il luy avoit tenuz et de la tromperie qu'il luy avoit faicte, espérant que plus ne se trouvast en la maison de la dame de La Trimoille, sa mère, fust esmeu de luy donner congié; ce qu'il fist, après ce que préalablement il fist faire sérement audit Péan, sur le corps de Nostre-Seigneur, de luy estre d’ilec en avant bon et loyal et luy garder et pourchasser son bien et honneur , et de non jamais, à l’occasion de ladicte prise, luy porter ne faire faire aucun dommaige ne poursuite, à luy ne à ses gens qui l’avoient ainsi prins et mené, et que jamais ne se trouveroit à l’entour de la dame sa mère, ne ne résideroit audit lieu de l'Isle ne en aucune des autres places de sa mère, ne ne s’entremettroit de ses besongnes ; et en oultre, pour ce que le suppliant sçavoit que la dame sa mère avoit engagé ung brassellet, il fist promettre audit Péan de le faire desgager par ladicte dame sa mère, et [qu'il le] luy envoieroit ou feroit envoyer par elle, avecques la somme de deux cens escuz et une panne de martres. Et ce faict, le suppliant donna congié audit Péan, et luy envoya et luy bailla de l'argent, avecques ledit Empireville pour le conduire et accompaigner jusques au lieu de l'Isle Bouchart ; et depuis ladicte dame envoya au suppliant le brassellet avec deux cens escuz, et ledit Péan luy envoya la panne de martres.

A l’occasion desquelz cas, ledit Péan de Valée et nostre orocureur au baillage de Touraine, par vertu de certaines noz

lettres par eulx obtenues et moyennant certaine information, ont puis naguères fait adjourner ledit Georges, suppliant, à comparoir en personne, et à certaines peines, par devant nostre amé et féal conseiller et chambellan le baïlli de Touraine ou son lieutenant, à son siège de Chinon, à certain jour préfix, pour respondre à nostre dit procureur à telles fins et conclusions qu’il voudroit eslire, et audit Péan de Valée à fin civile seulement; auquel jour, obstant certaine maladie intervenue au suppliant, il ne peut obéir et renvoya son exoine. Et depuis, par vertu du registre prins de ladicte exoine, ledit Péan et nostredit procureur oudit baïllage ont de rechief faict adjourner le suppliant, terme o jugement de main mise, à comparoir en personne, et aux peines que dessus, par devant nostre bailly de Touraine ou son lieutenant, à son siège de Chinon, à certain jour avenir, pour leur respondre comme dessus, et procéder en outre comme de raison. Et doubte le suppliant que, à l’occasion des choses dessusdictes, et mesmement d'avoir transporté et fait transporter ledit Péan de jurisdiction en autre, et aussi de luy avoir fait faire sérement, sur Corpus Christi, de jamais ne se tenir autour de ladicte dame ne résider en aucunes de ses places, et de luy envoier, et par elle, ung brassellet avec la somme de deux cens escuz et une panne de martres, — lesquelz deux cens escuz et brassellet ladicte dame luy envoya après, et ledit Péan ladicte panne de martres — nostre procureur le vouloit tenir en grant involution de procès, et sur ce demander, imputer et tendre à l'encontre de luy à fin criminelle'ou conclure à grans amendes, se noz grâce et pardon ne luy estoient sur ce impartiz ; humblement requérant que, attendu les choses dessusdictes et les mauvais termes et dommaiges que ledit Péan luy avoit faitz, faisoit et tenoit ; aussi qu’il ne luy a fait ne avoit intention de

faire aucun mal de sa personne , mais seulement le mettre hors de la maison de sa mère, et que, pour avoir prins et fait transporter la personne dudit Péan, il ne cuidoit pas si griefvement mesprendre envers nous, que il a tousjours esté homme de bonne fame, renommée et honneste conversation , sans jamais avoir fait chose digne de reprouche ou de répréhension, il nous plaise luy octroyer n10s grâce et pardon des cas dessusditz.

Pourquoy Nous, les choses dessusdictes considérées, inclinans à la requeste qui sur ce nous a esté faicte par nostre cousine la dame de La Trimoille, mère dudit Georges de La Trimoille, à icelluy Georges, suppliant, avons quicté et pardonné, et par ces présentes, de grâce espécial , plaine puissance et auctorité royal , quictons et pardonnons tous les cas, crimes et délits dessus déclarez, avecques toutes les peines, amendes et offenses en quoy, à l’occasion de ce, il pourroit estre encouru envers nous et justice, et l’avons restitué et restituons à ses bonnes fame et renommée au pays, et à ses biens et choses non confisquez , satisfaction faicte à partie civile tant seulement, si faicte n’est; et sur ce imposons silence perpétuel à nostre procureur ou baïllage de Touraine, présent et avenir, et à tous autres qu’il appartiendra.

Si donnons en mandement, par ces mesmes présentes, à nostredit bailly de Touraine et des ressors et exemptions d'Anjou et du Maine et à tous noz autres justiciers présens et à venir, ou leurs lieuxtenans, et à chascun d’eulx si comme à luy appartendra, que de nos présens grâce, quictance et pardon facent, souffrent et laissent ledit suppliant joyr et user plainement et paisiblement, sans luy mettre ne donner, ne souffrir estre fait, mis ou donné, en corps ne en biens, aucun destourbier ou empeschement, ores ne pour le temps à venir, en quelque manière que ce soit ; ainçois se son Corps

ou aucuns de ses biens estoient pour ce prins, saisis, arrestez ou empeschez, les luy mettent ou facent mettre tantost et sans délay à plaine délivrance.

Donné au Rivau-lez-Chinon, le derrenier jour d’aoust, l’an de grâce mil ccccuix, et de nostre règne le xxxvije.

Par le Roy en son conseil,

J. DE REILHAC.

Archives nationales. JJ 188, No 166.

1407-1470, avril. — Compte d'un tailleur de Georges de La Trémoille.

S'ensuit la besoigne que j'ai faite pour monseigneur de Craon, d’après le compte fait ou moys d'avril l’an mil cccc soixante sept après Pasques, par lequel compte m'est deu IIIc. XXXIII Liv. XVII s. VI d. dont je fuz assigné sus Jehan Marie. Et me en doit encores ledit Jehan Marie IT c livres.

S’ensuit la besoigne que j'ai faite depuis pour mondit Seigneur | depuis ledit compte fait.

Et premièrement, ou moy d'octobre ensuivant, avoir fait pour mondit Seigneur cinq pourpoins, c’est assavoir deux à armer

et trois à porter robe, pour façon et estoffes VII escus et demy, vallent . . . TS. . . . + Xliv. Vis. II d.

Item, ce dit moys, luy ay fait III robes, c’est assavoir l’une d’escarlete et de gris à deux endroiz, et deux de camelot, et une de soret, pour la façon . . . . . . . . IIliv.Ills. VI d. Item, luy ay fait ung menteau, pour la façon. . XIII s. IX d. Item, luy ay fait un grant menteau de camelot à cappe pour

couvrir le harnoys, pour façon . . . ÿ. «8 à. à XXS: Item, luy ay fait ung hocqueton d'escarlecte, pour fasson. . . DS sea es sx VITSs VId.

Item, luy ay fait deux hocquetons de satin, pour façon. XV s. Item, pour les paiges, ay fait quatre pourpoins de veloux, pour

fasson et estoffes IIII escus, vallent. . . . . . . . . Cs. Item, pour lesdits nn” ay fait quatre robes bacgues,

fasson. . . RSS. ss + + XLS.

Item, pour lesdits paiges, avoir fait IIII menteaux à XV blancs la pièce, vallent. . . . Su So enr ts XX S:

Item, ay fait une robe à die u meurier, pour fasson. Xs. Item, pour la fasson de quatre hocquetons d’archier AéCOUPPÉZS à à 2 & à Li à dE D EN HR + ea XXV S: Item, le moys de février en suivant, avoir fait pour mon dit Seigneur deux de satin et viollet, pour fasson et estoffes. . . . . DS . + + + + + + NII liv.

Item, ce dit moys, de ay fait ung pourpoint de satin cramoysy et ung pourpoint de damas, pour fasson et estoffes. . . IIII liv. Item, ce dit moys, luy ay fait trois robbes, une de gris etune de bleu, pour façon . . . , RE Item, luy ay fait une ds de veloux, pour la IASSOR 5 4 SL en à à 4 « XVII S VEG:

Item, ce dit moys, avoir fait pour Hector de Salezart ung pourpoint de futaine, pour fasson et estoffes . . . . XVITSs.VId. Item, pour luy avoir fait une robe, pour fasson . . . XSs. Item, pour mon dit Seigneur avoir fait deux hocquetons de satin et de damas, pour fasson. . . . . . . . . . . . XVSs. Item, luy ay fait deux cornetes de veloux, pour fasson . Vs. Item, le moys de mars ensuivant, avoir fait pour mon dit Seigneur deux pourpoints de satin noir et de damas, pour fasson estoffes . . . . . . . . . . . . . Hiliv.lls. VId. Item, ce dit moys, luy ay fait une robe de noir, pour fasson. XV s. Item, luy ay fait une robbe de veloux et une de camelot, 1ASSON 2 LS se a EVS:

Item, pour Martin, varlet de chambre, avoir fait un pourpoint de futaine, pour fasson et estoffes. . . . . . . XXVIISs. VI d. Item, pour le dit Martin, avoir fait une robbe, fasson. VII s. VI d. Item, le moys d'avril en suivant IIIe LXVIIT, avoir fait pour mon dit Seigneur, troys pourpoins, ung de damas et de satin à ung escu et demy la pièce, vallent . . . . . . . . . . . VIlwv. Item, luy avoir fait une robbe de veloux viollet, pour fasson. . . . . . . . . . . . . . . XXVIISs. VId. Item, luy avoir fait ung hocqueton et une cornete, pour IASSO SC en Su 2 AS:

Item, ensuivant, luy avoir fait ung pourpoint de satin noir, pour fasson et estoffes . . . . . . . . . . . . . . XLs. Item, luy avoir fait une robbe de veloux cramoysy, pour fasson. . . . . . . . . . +. . + + XXVIISs. VI d.

Item, luy avoir fait une mentheline de veloux viollet, fasson. . . . . . . . . . . . . . . XXVIIS. VI d.

Item, luy ay fait une die satin vert à manches et doublées,

pour fasson. . . . . . . . + + XVIISs. VId.

Item, pour Jéhan de Coast avoir r fait ung pourpoint de veloux cramoysy, pour fasson et estoffes. . . . . . . . XXXVSs.

Item, luy avoir fait une robbe grise, pour fasson. VII. s. VI. d. Monseigneur lui donna le dit habillement.

Le moys de may ensuivant, ay fait pour les paiges quatre pourpoins de futaine, pour fasson et estoffes . . . . III liv. Item, pour les dits paiges, quatre robbes bacguées, façon. XXX s. Le XXVII®e jour de juing en suivant, avoir fait pour mon dit Seigneur quatre pourpoins, un à armer et troys autres à robbes, fasson et estoffes VI escus . . . . . . . . . . VIllliv. Item, ce dit moys, luy avoir fait cinq robbes, deux de veloux courtes et deux de satin et une longue de veloux toutes doublés de taffetas et de satin, pour fasson V escus . . . . . . VI lv. Item, pour la besoigne que mon homme fist le voyage de Bretaigne et de Normandie dont fut fait compte à luy de . . XIIliv. Xs. Item, pour mon dit a avoir fait ung hocqueton, pour fasson. . . . . . . + + + NVlls. VId.

Item, le moys 7 scie ensuivant, avoir fait troys pourpoins de futaine pour un Lyegeoys et pour Corbenton et pour le vallet des chiens, pour façon et estoffes . . . . . . . . . . LXSs. Item, leur avoir fait ITII robbes, pour fasson. . XXII Ss. VI d. Item, pour mondit Seigneur, avoir fait deux pourpoins de satin,

pour la fasson et estoffes . . . . . see HIT Hv: Item, ce dit moys, luy avoir fait une nids noire, pour fasson. . , ; >

Item, le moys dd dissahes à ensuivant, he avoir fait une robbe de veloux gris, pour fasson . . . . . . . XXVIISs. VI d.

Item, ce dit moys, lui avoir fait deux pourpoins, l’un de satin

cramoysy et un de satin de gris, fasson et estoffes. . . IIII liv. Item, luy avoir fait une robbe de camelot viollet,

fasson . . . . . + + + XXVIISs. VId.

Item, luy avoir fait une sé hs soret, pour fasson . . XVSs.

Item, le moysde février ensuivant, avoir fait pour mon dit Seigneur deux pourpoins de satin noir, pour fasson et estoffes. IT liv. Item, luy avoir fait deux robbes noir et gris, pour fasson. XXX s. Item, le moys de mars ensuivant, luy avoir fait III robbes de veloux et de camelot et de noir, pour fasson. . . . . LXXSs. Item, luy avoir fait deux A de satin, fasson et es-

toffes . . . . . . = HIT iv.

Item, le XXme d'avril rite LXIX, avoir fait quatre pourpoints de futaine pour les paiges, pour la fasson et estoffes . . . IIII Liv.

Item, pour les dits paiges, quatre robbes, pour fasson. XXX s. Item, pour mon dit Seigneur, avoir fait deux pourpoins, fasson

et estoffes . . . . à ps se HIS.

Item, luy avoir fait mis bles rs de camelot et l’autre de noir, pour fasson . . . . Un + s EXS

Item, le moys de may ensuivant, avoir fait pour mon dit Seigneur, quatre pourpoins, deux de satin gris et ung de satin noir et ung de damas, pour fasson et estoffes . . . . . IIIliv. Vs.

Item, le dit moys, avoir fait pour les serviteurs de mon dit Seigneur, c'est assavoir pour le prestre, pour Christofle et pour Jacquelin et pour le vallet de l’estableIIII pourpoins, façon et estoffes. C s.

Item, pour le barbier avoir fait ung pourpoing, pour fasson. . . . . + + XXVIIS. VId.

Item, pour le ds dit avoir fait cinq robes à X s. la piesse, vallent. RC EE ii 2. à 0 AE SE

Item, pour Charlot, avoir fait ung Se ais de veloux, pour fasson et estoffes. . . . . . . . . . . . . . XXXSs.

Item, luy avoir fait une robbe, pour fasson . . . . . Xs. Item, pour Gibert, avoir fait ung Ed de veloux, pour fasson

et estoffes . . . . M ui ne + à MAS:

Item, luy avoir fait à une robbe, pour fasson . . . . . Xs. Item, pour la despense que j'ay faicte en III voyages à aller devers Monseigneur III escus . . . . . . . IIIliv. Xs.

Item, le moys de juillet ensuivant, avoir fait pour mon dit Seigneur ung pourpoint de satin, pour fasson et estoffes . XL s. Item, luy avoir fait une robbe de veloux, pour fasson. XXVIISs. VI d.

Item, le dit moys, avoir fait pour mon dit Seigneur, quatre pourpoints, deux de satin noir et ung de satin de gris et l'autre de damas, pour fasson et estoffe . . . . . . . . . VIIIliv. Item, luy avoir fait quatre robbes, deux de camelot et deux de drap doublés de taffetas, pour fasson . . . . . . . . Cs. Item, le moys de septembre ensuivant, avoir fait pour mon dit Seigneur, troys pourpoins de satin à Ï escu et demy la piesse, vallent. |; à & à 4 à à à & à . . . + VIliv.

Item, luy avoir fait quatre robbes, pour de ITITI lv. LX s. Item, le moys de novembre ensuivant, avoir fait pour mon dit Seigneur troys pourpoins, ung de veloux cramoysy et deux de satin, pour fasson et estoffe . . . . s à » NE. Item, luy avoir fait ung georget de til, Lu et estoffe, XV s. Item, le dit moys, luy avoir fait deux robbes de gris et de noir fasson . . . M is Sn 6 D DAS:

Item, pour ti de Menou, ung pourpoint de veloux, fasson et estoffe. . . . . . . . . . . ... . . . . XXXS.

Item, luy avoir fait une robbe, pour fasson . . . . . Xs. Item, pour mon dit Seigneur, avoir fait deux hocquetons damas et de satin, fasson. . . . . . . . . . . . . . XVSs.

Item, luy avoir fait deux cornetes, pour fasson . . . Vs. Item, pour Christofle avoir fait ung pourpoint de futaine, fasson. . . . . . +. + XXVIISs. VI d.

Item, luy avoir fait une ART grise, pour fasson . VIls. VI d. Item, pour le barbier, avoir fait ung prépoint de futaine, fasson . . . * . + + . XXVWVIISs. VI d.

Item, luy avoir fait une tbe. pour fasson . . . . . Xs. Le dixième jour de may IIII: LXX, avoir fait pour mon dit Seigneur, quatre pourpoins, ung de satin figuré et deux de satin noir, pour fasson et estoffe. . . . . .. + . VIliv. Item, ce dit moys, luy avoirfaittroys nr une de damas gris, une de camelot et une de noir doublés de taffetas, fasson . III iv. Item, luy avoir fait deux cornetes, pour fasson. . . . Vs. Item, luy avoir fait ung hocqueton de satin, façon . . . Vs. Item, pour Gibert, avoir fait ung pourpoint de satin et une robbe grize et que Monseigneur lui a donnés, pour fasson etestoffe. XL s. Item, le moys de juillet ensuivant, avoir fait pour mon dit Seigneur quatre pourpoins, deux de satin et ung de damas et ung de taffetas, fasson et estoffe. . . . . . . . + NII iv. Îtem, luy avoir fait quatre robbes, deux de noir et une de camelot et une de gris doublées de taffetas, pour fasson . . . LXXVSs. Item, le moys d'aoust ensuivant, l[uy ay fait deux menthelines de veloux bleu et cramoysy et une de satin cramoysy doublés de taffetas, pour la fasson . . . . . . . . . . . XXXVSs. Item, pour les paiges avoir fait quatre pourpoins de trilliz, pour fasson et estoffe. . . . . . . . . . . . . . IlIliv.

Item, pour les dits paiges, avoir fait quatre robbes, pour fasson . . . , hi de 5 à AAA:

Item, pour Christofle, le bts et : prestre, avoir fait troys pourpoins de futaine, pour fasson et estoffe . . . . . IlIIliv. Item, pour les dessus dits, avoir fait troys robbes, pour fasson . . . . nd mes se -XXITES NT d:

Item, le moys doté ensuivant, avoir fait pour mon dit Seigneur, troys pourpoints, deux de satin et ung de damas, pour fasson et estoffe . . . . . . . . . . . . . . VIliv. Item, luy avoir fait troys robbes, l’une de noir gris et de camelot, POUF ASSOR 2 + Le SSSR Rs se EXS:

Item, luy avoir fait ung hocqueton et deux cornetes’ fASSOM:. à à 3 à & à D Ok AR À à à à à + AWS. Item, le moys de novembre ensuivant, luy avoir fait quatre robbes, deux de drap estrange et deux de noir, pour fasson . LX s. Item, luy avoir fait une robbe longue de sorret, façon . . XVs. Item, luy avoir fait ung menteau noir, pour fasson . . . Xs. Item, pour les paiges quatre robbes noires, pour fasson XXXs. Item, pour la fasson et cornetes de bleu, viollet et gris, à X deniers la piesse, vallent . . . . . . . . : ITIIliv.lIlls.lll]d. Item, pour la fasson de une enseigne et le guiton . . . XXSs. Item, le moys de décembre ensuivant, avoir fait pour mon dit Seigneur troys robbes de camelot noir et viollet, pour fasson LX s. Item, luy ay fait une robbe grize, pour fasson . . . . XVSs. Item, le moys de janvier ensuivant, avoir fait pour mon dit Seigneur troys pourpoins de satin, pour fasson et estoffe, III escus et deMYE à 2 à & à à à à ES € À 86 & 6 2 VEN.

Item, le dit moys, avoir fait deux pourpoins à armer, satin gris et satin cramoysy, pour fasson et estoffe . . . HI] liv. Ils. VI d.

Item, le moys de may III c LXXI, avoir fait pour mon dit Seigneur deux pourpoins de satin, pour fasson et estoffe. IIII liv. ‘Item, luy avoir fait deux robbes, une de camelot et l’autre de gris doublés de taffetas, pour fasson, IT escus, vallent. . . . XLs. Item, le moys d’aoust ensuivant, luy avoir fait troys pourpoins, ung de veloux cramoysy et deux de satin noir, fasson et estoffe . . . . : nn 2 ON LV:

Item, luy avoir fait vil robbes, c'est assavoir une de veloux viollet, troys de camelot, une de satin et deux de drap toutes doublées de taffetas, pour fasson VII escus, vallent. . VIllliv. Vs. Item, pour Gibert, ung pourpoint de veloux et une robbe grize que Monseigneur luy a donnés, pour fasson. . . . . . XLs. Item, pour le dit Gibert, avoir fait ung prépoint de satin et une robbe noire, lesquels habillemens dessus dits Monseigneur les y a donnez, pour fasson et estoffes. . . . . . . . . . XLs. Item, le moys de novembre, avoir fait pour mon dit Seigneur une robe de veloux, pour fasson . . . . . XXVIISs. VI d. Item, ce dit moys, luy avoir fait troys pourpoints, deux de satin et

ung de damas, pour fasson et estoffe . . . . . . . VI iv. Item, luy avoir fait une robe de veloux gris, pour

fasson. . . . . . + +. + + + + XXVIIS. VI d. Item, pour la le di menteau de paige. . . . . . Vs.

Item, le moys de décembre ensuivant, avoir fait pour mon dit Seigneur, ung pourpoint de satin cramoysy, fasson et estoffe. XL s. Item, le moys de janvier ensuivant, pour mon dit Seigneur, ung

pourpoint de satin noir, pour fasson et estoffes . . . . LXs. Item, le dit moys, ay fait pour —— ung pourpoint de trillis, pour fasson et estoffes. . . . . se AXS:

Item, luy avoir fait une robbe de sorret doublé, pour façon. Xs.

Item, le moys de février ensuivant, avoir fait III] pourpoins, deux de satin gris pour armer, et deux de satin noir, pour fasson et estoffes. . . . . . . . . . . . . . . . . VIlIIliv.

Item, ce dit moys, luy avoir fait troys robbes, une de veloux et deux de camelot doublés de drap, pour façon IIT escus . IIII Liv.

Item, luy avoir fait une cornete, fasson. . . . . Ils. VId.

Item, le moys de mars IITI° LXXI avant Pasques, luy avoir fait troys pourpoins, deux de satin noir et ung de satin viollet, pour fasson et estoffes . . . . . . . . . . . . . . VIiliv.

Item, pour mon dit Seigneur, avoir fait cinq robbes, une de veloux cramoysy, et une de satin cramoysy, doublés de drap et de taffetas, et une de damas noir, doublée de drap, et une de camelot courte et une drap noir, doublée de veloux, pour la fasson cinq CCS M Un ON T II.

Chartrier de Thouars. Original.

1475 17 mars. Tours. — Mandement du sire de Craon.-— 1477, 5 août. — Quittance de Jean de Berry.

René de Moussoy, par nous commis à recevoir les pension et don à nous faiz par le Roy, nostre sire, pour ceste présente année

commençant en octobre dernier passé, baïllez et délivrez à Jehan de Berry, merchant et tailleur de la ville de Tours, des deniers venans et yssans de nos diz pension et don, et sur le dernier payement d’iceulx la somme de trois cens livres tournois, en laquelle somme, pour aucunes besongnes à nous faictes par ledit de Berry au temps passé, nous estions tenuz envers luy, et moyennant laquelle nous demourrons quictes à luy de toutes choses quelzconques que pourrerions avoir eu par cy devant à faire àluy. Et enrapportant ces présentes, signées de nostre main, avec quictance générale sur ce dudit de Berry, nous vous promectons allouer et faire allouer ladite somme de trois cens livres tournois en voz comptes par noz bien amez les auditeurs d’iceulx, par nous commis ou à commectre, auxquels nous mandons et ordonnons ainsi le faire sans difficulté.

Donné à Tours, soubz le seing de nostre main, le XVII® jour de mars, l’an mil Cccc soixante quinze.

CRAON

Je Jehan de Berry, boyrgois demourant à Tours, confesse avoir eu et receu de hault et puissant seigneur monseigneur de Craon, conte de Liney et seigneur de l’Isle-Bouchart, de Roicheffort et de Doué, premier chambellan du Roy, nostre sire, et gouverneur de Touraine, par les mains de René du Moussoy, commis à recevoir et lever les pencions de mondit Seigneur, la somme de troys cens livres, contenue au blanc, laquelle somme de IIIe livres tournois je me tiens pour content et bien payé et en quicte mondit Seigneur et touz autres.

Tesmoin mon seing manuel cy mis, le V* jour d’aoust, l’an mil

ITII< soixante et dix-sept.

J. pe Berry.

Chartrier de Thouars. Originaux en papier.

1469, 21 septembre. Toulouse. — Acte d'affranchissement de serfs de la seigneurie de Courcelles-les-Sémur.

A tous ceux qui ces présentes lettres verront et ouyront, nous Georges de La Trimoille, baron de Craon, seigneur de Dracy Saint Loup et Courcelles, premier chambellant du Roy, nostre sire, et gouverneur de Touraine, salut.

Sçavoir faisons que comme Jehan Pasturet, de Pont, et Catherine sa femme, dès longtemps ayent esté et soient nos homme et femme de serve condition et mainmorte, à cause de nostre terre et seigneurie dudit Courcelles, à la cause de laquelle servitude les enfants desdits Jean Pasturet et Catherine, sa femme, sont rebouttés et retardés en aucune manière de mariage et autrement, pour le danger de ladicte servitude dont ilz et leurs prédécesseurs estoient et sont liés et affectés envers nous et les nostres ; et soit ainsi que aujourd'huy, datte de cestes, lesdits mariés nous ayent fait supplyer très humblement et requérir qu’au moyen de plusieurs bons et agréables et aussy profitables services que ledit Jehan Pasturet à nous et à nos prédécesseurs a par cy devant faitz et qu'il fait de jour en jour, en nous gardant nos terres, seigneuryes et autres biens à nous appartenant et qui nous ont cy devant appartenu à cause de nostredicte terre dudit Courcelles, dont il a esté de sa personne en grand danger plusieurs fois et a soubtenu grandes pertes sur ses

biens, au moyen de nos malveillantz; il nous plust d’affranchir et manumiter lesdits Jehan Pasturet et Catherine sa femme pour eux et leurs hoirs, postérité et enfans nais et à naistre d'eux et d’un chacun d'eux, comme dit est, en loyal mariage, en ligne directe en dessendant d’hoir en hoir, perpétuellement, desdictes servitudes, condition et mainmorte en quoy lesdits mariés et leurs enfans et les descendantz d’eux et d’un chacun d’eux, comme dit est, sont et peuvent estre envers nous liés, chargés et affectés, et à nos successeurs perpétuellement.

Pour ce est 1l que nous, ledit chevallier, scachant, et bien informé pour vérité, par ledit Jehan Pasturet lesdits services à nous avoir esté faitz, et de grande utilité et proffict, et d’iceux services bien contant, et de ce relevant de toutes charges et preves ledit Pasturet, lequel desdits services jamais ne fust aucunement par nous recompancé ; non voulant estre en ce ny autrement encourir le péché d'ingratitude, mais iceluy de nostre pouvoir eschever et esvitter, de nostre certaine science et bon propos, pure, franche et libéralle volonté, sans induictes ny conctraintes aucunes, lesdits Jehan Pasturet, Catherine sadicte femme, pour eux et leurs enfans et d’un chacun d’eux nais et à naïstre, en descendant d’hoir en hoir en droicte ligne, comme dit est, avons affranchis et manumits, ensemble tous leurs biens meubles et héritages présents et avenir quelconques qn'ilz ont, tiennent et possèdent, tiendront et acquéreront et possèderont soubz nous, à cause de nostredicte terre et seigneurye dudit Courcelles, eux demeurantz en icelle ou aillieurs, en valleur semblable, en communion de biens et ensemble et séparément et divisément ; et par ces présentes lettres les affranchissons et manumittons, pour eux et leurs enfans et biens quelconques et de leurs enfans , perpétuellement et à tousjours, et les mettons hors, pour

nous ledit chevallier et nos successeurs, seigneur et dame dudit Courcelles, de toutes charges et taches de servitude et condition de mainmorte ilz estoient et pouvoient estre liés, affectés et chargés envers nous; ensemble de toutes tailles, censes, coustumes, courvées de charrues et de bras, tierces, gelines et autres charges et redebvances qu'ils, à cause de nostredicte terre de Courcelles et dudit Pont, nous ont accoustumé de payer chacun an, et à nos recepveurs dudit Courcelles, quelles qu’elles soient et pour quelque cause ou raison que ce soit; et ledit Jehan Pasturet, Catherine sadicte femme et leurs enfans, et d’un chacun d’eux, nais-et à naistre de loyal mariage ou descendant d’hoir en hoir , comme dit est, et d’un chacun d’eux, avons remis, restitués et restablis, et par ces présentes, remettons, restituons et restablissons à franche liberté et franchise, quittons et exemptons de toutes lesdites rantes, tailles, censes, mainmortes, courvées de charrues et de bras, coustumes d’aveyne et de gelines, tierces et autres redebvances et servitudes quelconques, comme dit est, pour nous et nos successeurs perpétuellement et à tousjours. Et voulons et consentons, nous ledit chevallier, pour nous et nos successeurs, que lesdits Jehan Pasturet et Catherine sa femme, et leurs enfans et ayants cause d'eux et d’un chacun d'eux perpétuellement, que desdits présents affranchissement, liberté et manumission puissent et doibvent jouir et user comme nous, ledit chevallier, et les nostres et ayants cause de nous perpétuellement, sans aucun contredit ou empeschement et sans que nous, ledit chevallier, ou les nostres y puissent jamais faire, dire, aller ny venir au contraire en aucune manière...

En tesmoing desquelles choses nous, ledit seigneur de Craon, avons signé de nostre seing manuel et faict séeller de nostre séel, armoirié de nos armes, ces présentes lettres, par nous faictes et

passées et données à Toulouze, le vingt et uniesme jour du mois de septembre, l’an mil quatre cent soixante et neuf.

CRAON

CArchives de la Côte d'Or, Chambre des Comptes de Dijon, B 41r. Copie.

1469, 4 février. Amboise. — Lettres patentes de Louis XI, aux sires de Chabanais, de Linières et de Vaudenay, pour le ban et l'arrière-ban.

Loys, par la grâce de Dieu, roy de France, à nostre chier et amé cousin le sire de Chabanaïis et nos amez et féaulx conseillers et Chambellanz le sire de Linières et Claude de Vaudenay, salut et dilection.

Comme nous ayons esté certainement advertiz.que les Anglois, noz ancienz ennemiz, qui par ci-devant ont aucun temps esté en division, aient puis naguères apaysé les questions, débatz et différences estant entre eux, moyennant et parmy ce que le roy Edouard, les princes, seigneurs, nobles et autres du royaume d'Angleterre ont conclut en leur parlement, juré et promis ensamble de mectre sus la plus grosse armée qu'ilz pouront pour venir descendre à puissance en nostre royaume, prendre et quester places

et pais en icellui, grever et dommaiger de tout leur pouvoir nous et noz subjectz, auxquelles choses est extrême nécessité de résister, ou aultrement s'en ensuivrait inconvéniens irréparables. Pour quoy, pour obvier à l’entencion et entreprinse de nos dis ennemis et aux perdes et destructions, maulx, désolacions et dommaiges qui adviendroient à nous et à tous noz bons et loyaulx subjectz et générallement à toute la chose publicque de nostre royaume, se par bonne et grande puissance, provision et résistance n'y estoyt mise.

Nous, désirans de tout nostre pouvoir garder et deffendre nostre dit royaume et tellement résister à l'entreprinse de nos dis ennemys que nos subjectz puissent demourer en seureté, paix et transquilité soubz nous, par grande et meure délibéracion des princes et seigneurs de nostre sang, gens de nostre grant conseil, nobles, chiefz de guerre et autres, que nous avons fait assambler pour ceste matière, veu la nécessité qu'il en est à présent, avons conclus et délibéré de faire mectre sus et en armes par forme de ban et arrière ban, de toutes manières de gens, tant nobles que autres, tenans noblement de nous ou d’autres soubz nous en fief ou arrière fief, de quelque estat, qualité ou condicion que ilz soient, sans personne quelxconques excepter, pour nous venir servir ou fait de la guerre, nonobstant quelxconques priviléges qu’ilz aient ou pourroient avoir de nous ou de noz prédécesseurs, et sans préjudice de leurs prévilléges, pour ceste foys tant seullement, et par ce soyt besoing de comectre en chescun pais et province de nostre dit royaume gens de grant auctorité à nous seur et féables, souffisans et ydoines, pour faire assembler les dis nobles et autres que mandons mectre sus, veoir l’abillement où ilz seront et leur ordonnés de par nous ce qu'ilz auront affaire. Nous, deuement acertainés de voz

vaillances, loyaulté, preudomye, conduicte, sens et bonne diligence, vous avons commis et ordonné, commectons et ordonnons, par ces présentes, pour faire assembler et mectre sus en nostre pais et duchié de Berry les dites gens.

Cy vous mandons expressément, enjoignons et commectons, par. ces présentes, et à chacun de vous sur le service que nous désirez faire, que vous faictes crier et peublier en tous les lieux que adviserez estre affaire en nostre dit pais et duchié de Berry et en manière que nul autre puisse prétendre cause d’ignorance, nostre présente ordonnance et délibéracion, en faisant exprès commandement de par nous à toutes manières de gens nobles et autres tenus noblement de nous ou d’autres soubz nous en fief ou arrière fief, de quelque estat, qualité ou condicion qu’ilz soient, que sur peine d'estre repputés à nous rebelles et désobéissans de confiscacion de corps et de biens et autres grans peines à nous à appliquer, 1z se mectent sus en armes et point et abillement souffisans, ainsi que leur ordonnerés, pour nous servir au dit fait de la guerre, et que tous se rendent en personne et abillement souffisant, sans personnes quelxconques excepter ni excuser, par devant vous au lieu que leur ferez savoir dedans le premier jour de mars prochainement venant ou autre plus brief jour que adviserés, pour faire et recepvoir leurs monstres et reveues, et leur ordonnés ou faire ordonner etdéclairé par les cappitaines, que sur ce avons commis, ce que ilz auront affaire, et au surplus se tiennent en point et abillement en leurs maisons tous pretz pour nous venir servir, touteffoys que par nous, vous ou autres noz commis et depputés, leur sera mandé, et de tous ceulx qui de ce faire seront désobéissants, reffusans, défaillans, prenés et mectés ou fectez prandre et mectre en nostre main tous et chescuns leurs fiefz et autres choses qu’ilz

tiennent noblement, et générallement tous leurs autres biens, meubles et immeubles quelxconques, et iceulx fectes régir et gouverner soubz nostre main par bons et solvables commissaires que en puissiez et sachiez respondre et rendre bon compte et reliqua, quant et à qui il appartiendra, et nous fectes savoir les noms de tous cœulx que trouverez estre défaillans affin que jamès ne leur en fassions pardon ne remission, en faisant au surplus le procès des dits déffaillans en déclèrent contre eux la confiscacion qu’ilz auront encourue en désobéissant à nos ordonnances et mandemens que faisons présentement, pour le bien, tuicion et deffense de toute ta chose publique de nostre dit royaume, et comme trangresseurs et infracteurs d’icelles et défaillans à la conservation de la couronne, et ainsi que par raison divine et naturelle 11z y sont tenuz, obligez et astrains, en contraignent ad ce vigoureusement et sans deport tous les dessus dits et autres qui pour ce seront à contraindre, par toutes voyes et manières qu'il est acoustumé pour les propres faitz et affaires de nous et de la chose publicque de nostre royaume, nonobstant leurs dits privilèges, comme dessus, et quelxconques oppositions et appellations faictes et affaires, pour lesquelles ne vœilons aucunement estre différé de ce faire, nous donnons pouvoir, auctorité, commission et mandement espécial, mandons et commandons à tous noz justiciers, officiers et subjetz que à vous et chascun de vous, voz commis et depputez, en ceste partie, obéissent et entendent diligemment, donnent et prestent conseil, confort, ayde et prisons, si mestier est, et par vous requis en sont. En oultre, deffendons à vouz, à tous les cappitaines et autres commissaires quelxconques, commis et à commectre pour le fait du dit arrière ban, qu'ilz ne composent ne excusent par argent ne autrement quelxconques personnes que ce soient, ne d’eulx ne

prennent ou recoyvent dons ou autres choses quelxconques pour les excuser pour quelque cause ou obcasion que ce soit aus dites monstres, et de nous servir, comme dit est, ne de leur faire aucune relaxacion des deffaulx en quoy 1lz ou aucun d'’eulx pourroient encourir, ne qu'ilz en recoyvent plusieurs ensamble affaire ung seul homme, sur paine de confiscacion de corps et de biens; car ainsi nous plest-il estre fait, nonobstant comme dessus.

Donné à Amboyse, le quatriesme jour de février, l'an de grâce mil cccc soixante et neuf, et de nostre règne le neufyesme.

Soubzscript en marge : Par le Roy en son conseil ouquel estoient le marquis du Pont, le conte de Sainct-Pol, connestable, le conte de Russillon, admyral, le sire de Craon, le gouverneur de Roussillon, les sires de La Fourest, du Lude et de Boysy, et autres présens. Ainsi signé :

TousTaIn.

1470, 12 mai. Amboise. — Lettre du Roy, relative à la pension du sire de Craon, et à sa maladie.

À nostre chier et féal cousin le sire de Craon. Monsieur de Craon, j’ay receu les lettres que m'avez escriptes ; et quant au regart de vostre pension, je l’ay desjà ordonnée à maistre

Pierre Doriole, et n’y aura point de faulte que ne serez bien appoinctié autre part. Guarissez vous fort et bien. Sitost que serez guari, venez vous en devers moy à Baugy, là où je m'en vays faire bonne chère.

Donné [à] Amboise, le xr1° jour de may.

Loys.

MEURIN.

Chartrier de Thouars. Original.

1470, 5 octobre. Les Montilz.— Donation par Louis XI à Georges de La Trémoille des biens confisqués sur Jean d' Armagnac.

Loys, par la grâce de Dieu, roy de France, savoir faisons à tous présens et avenir, que comme à l’ocasion de certains grans crimes, délitz et maléfices commis et perpétrez par Jehan, naguères conte d’Armignac, à l'encontre de nous et de toute la chose publique de nostre royaume, icellui Jehan d’Armignac ait esté déclairé, par arrest de nostre court de parlement, crimineulx de crime de lèze majesté et pour ce tous et chacun ses biens à nous forfaitz et confisquetz, parquoy nous loyse et appartiengue en ordonner et dispouser à noz plaisir et volenté. Pour ce est-il que nous, considérans les bons, notables et recommandables services que nostre

chier et féal cousin, conseiller et chambellan, Georges de La Trimoulle, chevalier, seigneur de Craon, nous a faiz et fait chacun jour à l’entour de nostre personne ou fait de noz guerres, et autrement, en plusieurs manières, et espérons que encores face ou temps avenir, à icellui nostre cousin et consiller, pour ces causes et afin qu'il ait mieulx de quoy honnorablement entretenir son estat en nostre service, et pour autres considéracions à ce nous mouvans, avons donné, cédé, quicté, transporté et délaissé, donnons, cédons, quictons, transportons et délaissons, de grâce espécial, par ces présentes, pour luy, ses hoirs, successeurs et ayans cause, les chasteaulx, chastellenies, terrres et seigneuries de Chastelnau, de Montmiral et de Villeneufve en Albigois, ainsi qu'elles se comportent et extendent avecques leurs appartenances et appendences quelxconques, tant.en chasteaulx et autres édifices, droiz et devoirs de guet, justice et juridicion, haulte, moyenne et basse, mère mixte et impère, hommes, hommaïiges, les ventes, quins, requins, deniers, foires, marchez, four à ban, forestz, boys, garennes, rivières, pescheries, estangs, molins, vignes, prez, pasturaiges, terres labourables et non labourables, cens, rentes en deniers et en grains, et toutes autres rentes, revenues, prouffiz et émolumens quelxconques, ensemble le commun de la paix qui a acoustumé estre levé chacun an ès dits chasteaulx, chastellenies, terres et seigneuries, et aussi le droit de passade, tail de canal annuel, et générallement tous autres droiz, appartenant à icelles terres et seigneuries à nous advenus et escheues par la forfaicture et confiscacion du dit Jehan d’Armaignac, sans aucune chose y retenir ne réserver pour nous ne les nostres, fors seullement les foy et hommaige, ressort et ‘souveraineté ; lesquelz foy et hommaige nostre dit conseiller et chambellan nous sera tenu faire dedans la feste de Noël, prouchai-

nement venant, pour iceulx chasteaulx, chastellenies, terres et seigneuries de Chastelnau, de Montmiral et Villeneufve d'Albigoys, leurs dites appartenances et appendances, ensemble le dit commun de la paix, droit de passade, tail de canal annuel et autres droiz dessus dis, avoir, tenir, possider et en joir par nostre dit cousin et conseiller, ses dis hoirs, successeurs et ayant cause, doresenavant, perpétuellement et à tousjours, et autrement en faire et disposer comme de leur propre chose et héritaige, et en prendre, cueillir, lever et parcevoir les fruiz, prouffiz, cens, rentes, revenues quelxconques, quelque part qu’ilz soient assis.et en quelque manière qu’ilz puissent venir, en payant les charges, saucunes en sont deues, à ceulx et ainsi qu’il appartendra.

Si donnons en mandement à nos amez et féaulx conseilliers, les gens de nostre court de Parlement et de noz comptes et trésoriers à Paris, aux séneschaulx de Tholouse , Carcassonne et Rouegue, et à tous noz autres justiciers et officiers ou à leurs lieuxtenans, présens et avenir, et à chacun d’eulx, si comme à luy appartendra, que en faisant nostre dit cousin et conseillier joir et user paisiblement de noz présens don, cession et transport, 1lz lui baïllent ou facent bailler, dès à présent, la possesion et plainière joissance des dis chasteaulx, chastellenies, terres et seigneuries de Chastelnau, de Montmiral et Villeneufve d’Albygois et de leurs dites appartenances et appendances, soit les dis cens, rentes et autres revenus quelxconques, ensemble des dis commun de la paix, droit de passade, tail de canal annuel et autres droiz et devoirs dessus dis, et l’en facent, seuffrent et laissent, ensemble ses dis hoirs, successeurs et ayans cause, jouir et user perpétuellement et à tousjours en la manière et tout ainsi que dessus est dit.

Et par rapportant ces dites présentes, signées de nostre main ou

vidimus d'icelles, et recongnoissance sur ce souffisant, pour une foiz tant seullement, nous voulons et mandons tous noz receveurs et officiers, qu'il appartiendra, en estre tenuz , quictés et deschargez par nos dis gens des comptes, et partout ailleurs ou mestier sera, sans difficulté, nonobstant que la valeur des dis chasteaux, chastellenies , terres et seigneuries et de leurs dites appartenances et appendances, et pareillement des dis commun de la paix, passade, tail de canal et autres droiz, dont cy-dessus est faicte mencion, ne soit icy autrement déclairée, que descharge n’en soit levé par le changeur de nostre trésor, que l’on vousist dire que les dites choses deussent être applicquées à nostre domaine et que n’en deussions avoir fait don, et quelxconques ordonnances, mandemens ou deffenses à ce contraire. Et afin que ce soit chose ferme et estable à tousjours, nous avons fait mectre nostre seel à ces dites présentes, sauf en autres choses nostre droit et l’autruy en toutes.

Donné aux Monti!z, le cinquième jour d'octobre, l'an de grâce mil cccc soixante dix, et de nostre règne le dixième.

Sic signatum sub plica: Loys, et super plicam : Par le Roy, monseigneur le duc de Bourbon, l’admiral, les sires de Crussol, du Lude et autres présens. Sic signatum : Flameng.

Chartrier de Thouars.

1470, 19 octobre. L'Ile-Bouchard. — Louis XT fait savoir que Georges de La Trémoille lui a fait foi et hommage pour les terres confisquées sur Jean d'Armagnac.

Loys, par la grâce de Dieu, roy de France, à noz amez et féaulx gens de noz comptes et trésoriers, aux séneschaulx de Rouergue et de Roilz et juge d’Albigeois, ou à leurs lieuxtenans, et à noz procureurs et receveurs ordinaires ès dites sénéchaussées, salut et dilection.

Savoir vous faisons que nostre chier et féal cousin, conseiller et premier chambellan, George de La Trimoille, chevalier, seigneur de Craon, nous a aujourd’hui faiz en nostre personne les foy et hommaige lige qu'il nous estoit tenu de faire pour raison des chasteaulx, chastellenies, terres et seigneuries de Castelnau, de Montmiral et de Villeneufve en Albigeoys et de leurs appartenances et appendances, que nous lui avons naguères données, cédées et transportées, pour lui et les siens, comme à nous appartenans et advenues par la confiscacion et forfaicture de Jehan, naguères conte d’Armaignac, réservé à nous et aux nostres entre autres choses les dites foy et hommaige auxquelz nous avons le dit seigneur de Craon reçu, sauf nostre droit et l’autruy. Si vous mandons et enjoignons et à chacun de vous, si comme à luy appartiendra, que pour raison des dites foy et hommaige à nous non faiz, les dis chasteaux, chastellenies, terres et seigneuries ou aucunes de

leurs dites appartenances et appendances sont ou estoient prins, saisiz, arrestez ou aucunement empeschez, metez les lui ou faictes mectre tantost et sans délay à plaine délivrance, pourvu qu'il baillera son dénombrement et adveu dedans temps deu et fera et payera les austres droiz et devoirs, saucuns en sont pour ce deuz, se faiz et payez ne les a. | Donné à l’Isle-Bouchart, le xix° jour d'octobre, l’an de grâce mil cecc soixante et dix, et de nostre règne le dixième. Par le Roy, le conte de Roussillon, admiral, les sires de La Forest, du Lude et autres présens.