LES CHEVALIERS DU GUET

Liasse 16 {Suite)

ÉTABLISSEMENT d'uN CHEVALIER DU GUET ET SES ARCHERS RÈGLEMEiNT DE CE SERVICE DE NUIT

(F° 95, mai 1620.) — Convocation par le Roi d'une assemblée pour exposer les raisons qui motivent la création de cette police urbaine.

EXTRAIT DES REGISTRES DU CONSEIL d'ÉTAT

« Sur ce qui a esté représenté au Roy en son Conseil, > qu'estant la ville de Bourges, la cappitale de la province » de Berry, grandement peuplée, tant de naturels habitants » du pays que de toutes sortes de personnes qui y affluent » de diverses parts et nations, à cause de l'Université de » ceste Ville, qui est une des plus célèbres du royaume, il » seroit nécessaire, pour contenir toutes choses en debvoir j> et bon ordre en la dicte Ville, mesme empescher les » désordres qui surviennent souvent à cause des escholliers, » d'y establir ung chevalier et cappitaine du guet, ung

» Jieutenant-greffier et archers, comme Sa Majesté en a

» esté cy-davant supliée,

» Le Roy, en son Conseil, a ordonné et ordonne que les

» Maire et Eschevins du dict Bourges feront faire assemblée

» de Ville en laquelle seront convocqués les principaulx et

» plus notables de la Ville, tant du clergé que de la no-

D blesse et tiers-estat, où sera proposé et dellibéré de la

» commodité ou incommodité que Sa Majesté et ses sub-

T) jects en la dicte Ville pourroient recepvoir par l'esta-

» blissement de la dicte charge de chevalier du guet, son

» lieutenant-gTeffier et archers, et de la résolution qui

» sera encore prinse en la dicte assemblée, donner advis

» à Sa Majesté et de tout dresser ample procès-verbal, pour

» iceluy rapporté et veu en son Conseil estre ordonné ce

» qu'il appartiendra.

» Faict au Conseil d'Estat du Roy, tenu à Paris le 2* jour » de may 1620.

» Ainsy signé : Bardeau. »

« LOUIS, par la grâce de Dieu, Roy de France et de » Navarre, à Nos chers et bien-amés les xMaire et Eschevins » de Nostre ville de Bourges, salut.

» Suyvant l'arrest par Nous cejourd'huy donné en Nostre

» Conseil d'Estat, dont l'extraict est cv-attaché soubs le

)^ contre-scel de Nostre chancellerye, sur la proposition qui

« Nous a esté faicte pour l'establissement d'ung cappitaine

» et chevalier du guet, ung lieutenant-greffier et archers

» en Nostre dicte ville de Bourges, Nous vous mandons et

» ordonnons que vous aïez à faire assemblée de Ville, aux

i) fins, en la forme et selon qu'il est parlé par Nostre dict

» arresté, et de la résolution qui sera prinse en la dicte » assemblée Nous donner advis, et de tout dresser bon ). procès-verbal que vous Nous envoyrez (sic), pour iceluy > rapporté et veu en Nostre dict Conseil estre ordonné ce )^ qu'il appartiendra, de ce faire vous donnons pouvoir, car » tel est Nostre bon plaisir.

» Donné à Paris, le 5* jour de may en Tan de grâce 1620, » et de Nostre règne le X*.

Signé: LOUIS.

» Aiîisy signé par le Roy en son Conseil : Bardeau,

» Et scellé sur simple queue du grand sceau de cire » jaune. »

lettre de monseigneur le prince de conde a cette occasion

« Messieurs,

» M'estant tousjours proposé d'apporter pour la conser- » vation et sécrété des bourgeois et habitants de la ville de » Bourges tout ce qui me seroit possible, les affectionnant » comme je fais, et aïant jugé nécessaire, pour faire cesser » les querelles et rencontres de nuict qui se font par les » escholliers qui y sont aux Universités, d'establir ung » chevalier du guet, ung lieutenant-greffier et 20 archers )> qui auront seing d'empescher que ces désordres n'ar- » rivent mesme contre les bourgeois et habitants, j'en ay » parlé au Roy, qui me l'a permis, et faict ordonner en son )) Conseil, avant que d'y pourvoir, que vous ferez une

» assemblée de Ville pour adviser de la commodité ou

7> incommodité qu'apportera cest establissement. Je vous

» envoyé donc l'arrest qui y a esté donné, suyvant lequel

» je vous prie de faire la dicte assemblée au plus tost et de

» la disposer à ce que mon intention soict en cela suivye,

» puisqu'elle ne regarde qu'à vous conserver le repos. Le

» S*" Gaïault, qui vouldra celle-cy remestre de ma part,

» vous fera plus particulièrement entendre les raisons qui

» m'obligent à vous faire ceste peine. Je vous prie de

» prendre créance en luy-mesme et moy-mesme, et de

» vous asseurer que je rechercherai lousjours soigneu-

0 sèment les occasions de vous tesmoigner que je suis,

» Messieurs, vostre bien affectionné à vous servir.

» Signé : Henry de Bourbon.

» Suscript :

» A Messieurs les Maire et Eschevins de la ville de Bourges. »

Suit la délibération de l'assemblée de Ville :

« Le mardy, 26'' jour de may, l'an mil six cent vingt, en » la Maison commune de la ville de Bourges, à deux heures » de rellevée, où estoient convocqués et assemblés les prin- X cipaulx et plus notables habitants de tous estats de la » dicte Ville, suyvant l'arrest de Nosseigneurs du Conseil » du 2* jour de ce moys et an, et sur la proposition faicte » par Monsieur le Maire pour l'exécution du dict arrest, » qui a esté leu à haulte voix avec la commission y attachée )) par le greffier des affaires communes de la dicte Ville,

» A esté advisé et conclud et arresté qu'il sera baillé » advis au Roy et à Nosseigneurs de son Conseil de faire » ung establissement d'ung chevalier et cappitaine du guet,

y> d'ung lieutenant-greffier et archers, selon le nombre » qu'il plaira à sa dicte Majesté, comme estant le dict esta- » blissement utile et nécessaire pour la manutention, seu- » reté des habitants de ceste Ville, et pour empescher les » désordres et bateries qui arrivent nuictamment par les » escholliers estudiant en l'Université de ceste Ville et » aultres estrangers, au grand préjudice des habitants de * la Ville, qui désirent vivre et mourir pour le service de » Sa Majesté.

» Faict et arresté en la dicte Maison commune, les jour » et an que dessus.

» Signé : Doulé, Maire, et Hémeré, Durand et » GouGNON, Eschevins.. »

Suit :