RÉCEPTION ET ENTRÉE

» Le 15* jour du moys d'octobre 1581, la dicte entrée et » réception de mon dict seigneur l'Archevesque de Bourges

» a esté faicte, et ont Messieurs les Maire et Eschevins,

» Officiers et Conseillers de la Ville esté trouver le dict

» Archevesque au couvent Sainct-Sulpice, où aussy ont

» esté trouver Messieurs du clergé et de la noblesse, où

» estoict Monseigneur de la Ghastre, bailly et goubverneur

» de Berry, accompagné de plusieurs gentilshommes du

» pays, de l'Université et de la Justice, tous lesquels ont

» respectueusement faict leurs harangues à mon dict sei-

» gneur l'Archevesque, estant assis sur une chaise, sur le

» hault du reffectoire du convent, assisté au costé droict de

» mon dict seigneur de la Ghastre, et de l'aultre costé du

» S' de Gamaches, seigneur de Jussy, et aultres gentils-

» hommes, et ont ceulx du clergé faict leurs harangues les

» premiers et après eulx Monseigneur de la Ghastre, et la

» noblesse, et après eulx le recteur de l'Université, puis les

» Maire et Eschevins, par la voix du S' advocat de la Ville, et

» puis les officiers de Justice, par la voix de M. Régnier, lieu-

» tenant général, et, ce faict, sont venus vers luy les cha-

» noines et chappitre de Sainct-Ursin, qui luy ont apporté

» baiser ung reliquaire et luy ont faict leurs harangues et

» remonstrances, et, ce faict, est le dict sieur Archevesque

» entré en l'esglise du dict Sainct-Sulpice, de laquelle,

» après avoir faict ses prières, est sorty dans une chaise et

» porté par quatre hommes assistés aux quatre coings par

» les quatre barons, ainsy qu'il est accoustumé, et passoient

» par la rue ci-dessus désignée et estoient tous à pied, assca-

» voir le clergé avec les croix, cierges et choses accous-

» tumées aux processions les premiers, et après eulx l'Uni-

» versité, ayant leurs bedeaux et officiers avec leurs masses

» et basions, et après eulx le dict sieur Archevesque, porté

» dans la dicte chaise, aux quatre coings de laquelle

» estoient les quatre barons. Après estoict Monsieur de la » Ghastre et ceulx de la noblesse, et après la noblesse » estoient les Maire et Eschevins et Officiers de la Ville d'un » costé, et ceulx de la Justice de l'aultre, et avoient au- » davant d'eulx six sergents de la Ville et les dixainiers » avec leurs robbes de livrée du costé de la Ville, et six ser- » gents royaulx au-davant de la Justice.

» Et estant à l'endroict de la porte Gourdaine au coing de » Myrebeau, la chappe du dict sieur Archevesque fust ostée, » combien qu'elle ne debvoit estre ostée, suyvant l'ant> cienne coustume, que à l'endroict de l'esglise de la Four- » chaud.

» Et estant à la porte Janine, qui est la porte pour entrer » au cloistre de Sainct-Estienne, le chappitre de Sainct-Ursin » luy présenta ung livre pour sur ycelui faire serment, » ainsi qu'il est accoustumé.

» A l'entrée de la grand porte Sainct-Estienne fust faict » ung aultre serment en main du Doyen de la dicte esglise.

» Et ce estant entré, il fist ung aultre serment en la nef, » et lequel sieur Archevesque, après les dictes solennités, » donna à disner en la grand salle de l'archevesché à tous » les ci-dessus. »