III
.1642. Janvier.] — 498 —
les déclarèrent avoir commis trahison , pour avoir dit que sans leur présence tout estoit de nul valeur; qu'yls ne représentèrent le clergé comm' un membre du Parlement, mais qu'yls furent seulement une dépendance de la noblesse; sur quoy yl fust conclu qu'on les envoyeroit au black-rod et depuis dix dans la Tour, où yls sont encor, et grandement blasmez d'avoir si inconsidérément adjousté à leur requeste une telle protestation. Toute la sepmaine passée les prentices firent des grandes insolences, mesmes à Withal, le jour que le Roy traittoit les colonnels et capitaines qui doibvent aller en Irlande; quelques gentilhommes les voulurent faire sortir hors la cour, et comm' yls s'opposèrent, yls tirèrent leurs espées et les firent sortir par force, en blessants quelque soixante prentices. Or comm' vis jurèrent de vouloir revenir pour en avoir revenge, le Roy ordonnoit qu'une sentinelle seroit bastie tout contre Schotlant-parck proche de la Cour, où ceux des traines-band à présent tiènent garde; les estudians, qui sont icy en grand nombre, gentilhommes cadets, estudiants aux collèges, vindrent à mesme temps présenter leur service au Roy ; S. M. les faisoit entrer et baiser la main, comme aussi yls firent à la Roy ne et au Prince. Ceux du Parlement ayant tesmoigné estre mal satisfaict de ce que le Roy ne déclaroit ceux qui ont pris les armes en Irlande pour rebelles, le Roy les déclara tels; mais mardy, estant adverty, comm' on dit, que quelques uns machinèrent de faire quelque chose à son préjudice, ou contre la Royne, laquelle yls croyent trop encourager le Roy, S. M. alloit le mesme après-disné au Parlement; estant là entré, toutefois pas si viste qu'yl n'eurent ad vis, car ceux à qui le Roy en voulut estoyent desjà sortiz, ils monstrèrent estre estonnés, se levèrent sans dire mot; le Roy, leur demandoit si Mrs Hollis, Haslerig, Pym, Hambden, et Strode n'estoyent là; persone ne respondit au Roy; S. M. s'addresse au speaker, qui donnoit à S. M. pour responce qu'yl n'avoit là ny yeux ny oreilles, qu'yl n'estoit que pour dire ce qu'on luy commandoit; là-dessus le
499 [1G42. Janvier.
Roy dict tout hault qu'yl les cerchoit et qu'yl les accusoit de trahison, et de mesme milord Mande ville, et qu'yl les prendroit là où yl les trouveroit. Le Roy estant sorty, la maison-basse adjournèrent leur assemblée pour huict jours, et ne firent qu'assembler des committés à Guildhall en ville, où le lendemain le Roy se trouvoit encor, protestant de ne vouloir rien altérer sur leur liberté, au contraire les défendre et maintenir, mais pas tous ceux qui estoyent là dedans, comme ses six qu'yl accusoit de trahison. Ils ne dirent encor rien, ny ceux de la ville, qui y furent présents, mais en sortant un homme crioit: „Sire, liberté, liberté pour le Parlement," à qui le conte de Linsey disoit: „ aussi veult le Roy." — S. M. avoit donné ordre qu'on cacheroit ' les papiers avec ses armes de ceux qu'yl avoit accusé, mais furent incontinent après par ordre de la maison-basse ostés et les sieurs Kilgry et Flemen menacez d'estre mis dans la Tour, pour avoir en cela obéi au commandement du Roy. Le mesme jour ceux de la ville présentèrent une pétition, demandants que le Roy donneroit liberté au Parlement, qu'yl osteroit ses gardes, et qu'yls 2 nommeroit les accusateurs des surnommés six personnes. Et la maison-basse ont déclaré traistres ceux qui metteroyent la main sur les six personnes que le Roy pour tels a déclaré, et aujourdhuy publiquement, et [eux] tous ceux qui ont assisté le Roy, lorsque S. M. vint à la maison-basse (du nombre duquel le Prince Electeur estoit) ennemis de la patrie.
Ils ont une si grande appréhension de ce que le Roy a traitté ses officiers d'Irlande, à cause qu'yls lèvent des gens icy à l'entour, qu'yl crièrent cette nuict dans la ville allarme, et que toute la bourgeoisie se mit en armes, comme pour une partie yls sont encor, et adjoustent astheur que c'est pour garder le Parlement. A ce matin à dix heures le Roy m'envoya dire que je le viendrois trouver; je ne manquois à mesme instant, mais comme grand monde y estoit, S. M. me commenda d'aller trou-
1 cachéteroit. 2 il.
1642. Janvier.] 500 —
ver la Royne et elle me commendoit d'escrire un aultre fois à, [Satyn] pour assister Mr Bosvel, et que S. M. envoyeroit un exprès avec encor aultres choses, et ensuite me contoit le misérable estât de ce royaume, non sans esmotion. Je la suppliois de patienter, que je ne doubtois ou cecy passeroit et que Dieu suppéditeroit au Roy des conseils salutaires pour trouver un accommodement; toutesfois que j'obéirois et que sur le soir j'apporteroi la lettre; revenant le soir S. M. me fîst la grâce m'ouyr longtemps et de me commander à la fin que je garderois encor la lettre, et tesmoignoit n'estre plus altéré. Je prie Dieu de disposer les coeurs à paix et garder voz Alt. en santé et longue vie, et à moy la grâce de les servir à contentement, comme, Monseigneur,
De V. A. le très-humble, très-obéissant et très-fidèle serviteur,
HEENVLIET.
London, 17 janvier 1642.
LETTRE DCCXLVI.
Le même au même. Perplexités du Roi et de la Reine oV Angleterre.
Monseigneur. J'ay mandé à V. A. par tous les ordinaires les grandes altérations de ce royaulme, et comme le Roy et le Parlement commencèrent à se chocquer. Je diray par cette commodité ce qu'on m'a dit , et ce que je tiens la pluspart de la bouche de leurs Majestez.
Le Roy, estant du 1 retour d'Escosse, et les ayant avec beaucoup de peine là appaisez, croyoit à son retour en faire aultant en ce royaume ; c'est pourquoy yl trouvoit à propos de faire une entrée solemnelle, pour obliger son peuple, aultant qu'yl se pourroit; S. M. fust très-magnifiguement receu et traitté, et yl s'ouvrit au magistrat de cette ville plus que jamais, les asseurants en Roy de les 1 de.
— 501 [1642. Janvier.
maintenir en leur religion et privilèges, et de mesme le Parlement, tant qu'yls ne luy osteroyent ses prérogatives; mais qu'yl ne sçavoit pourquoy on voulut oster les évesques et principalement les bonnes1; surquoy le maire et les principaux se déclarèrent n'estre de cest advis, ny aussi la ville, mais seulement quelques puritains et Brunistes 2. S. M. estoit de cecy fort satisfaict et la Royne pas moins, et ne songèrent qu'à les obliger, en faisant le maire baronet et les aldermans chevaliers. Ils disent que quelques uns au Parlement, et principalement ceux que S. M. a accusé, estoyent de cecy jalous ; c'est pourquoy yls couchèrent une remonstrance, et firent la lire dans leur conseil de Parlement, yls la improuvèrent, de quoy yls tesmoignèrent estre très-mal satisfaicts ; et firent tant envers la pluspart qu'à la résumtion elle fust approuvé et consenty estre imprimé. Cette remonstrance a tellement eschauffé le peuple qu'yls commencèrent de nouveau à crier contre le Roy plus que jamais, et, quoy que S. M. depuis a faist pour les regagner, n'a peu; il employa diverses personnes, mais en vain, au contraire, qu'yls commencèrent à parler, comm' on m'a dit, de mettre la main sur la Royne, et que ce n'estoyent que ces six susnommés. Il résolut de mettre la main sur eux et les accuser de trahison. Il va au Parlement, les demande, mais yls furent advertis et absents, S. M. les déclare criminels, et eux incontinent après les prennent en protection, et tels ceux qui les attaqueroyent et metteroyent la main sur eux, et ennemis de la patrie les personnes qui en cette action avoyent assisté le Roy. La déclaration du Roy est refusé d'estre scellée et proclamée , la leure se proclame. Allors la Royne me fit l'honneur de me dire que je voyois bien que tout se préparoit à une rébellion, et que le Roy ny elle ne poulvoyent plus endurer ces grandes affronts; que dans la ville yls n'avoyent osté le chappeau la dernière fois que S. M. y avoit esté et crié mesme qu'yl ne seroit pas le premier
1 bons. 2 Brownistes.
1642. Janvier.] — 502 —
Roy que le peuple auroit démis, [ouy] cela imprimé derrière les articles du Roy contre ces six personnes et allégué le passage de la Sfc Escriture 1 Rois, chap. vi : v. 16 (') , me montrant après cela des personnes qui n'y vindrent là que pour espier les actions de leurs Majestez et qui qui parloit à eux. Je contribuois tout ce que je poulvois pour appaiser S. M. et la suppliois a patienter. Ce qu'elle redisoit à quelques uns et que moi j'avois encore espérance qu'yls viendroyent à raison. Là-dessus quelques uns me vindrent sommer et demander si j'oserois m'entremettre. Je dis que non, mais que je parlerois à nostre ambassadeur, ce que je fis trois jours de suite, luy demandant s'yl oseroit sonder monsieur le conte d'Hollande pour sçavoir si son entremise seroit agréable au Parlement, et que je l'asseurois du Roy et de la Roy ne, mais yl me dit n'avoir ordre et n'y oser, ce que j'estois contrainct de respondre.
Dimanche au soir leurs Majestez résolurent d'envoyer un gentilhomme en Hollande, me disants, comme j'ay mandé à V. A., qu'yls estoyent asseurés que mardy ou mercredy yls viendroyent pour séparer la Royne du Roy; surquoy hier, sur les quatre heures du soir, vis partirent, avec le Prince, Princesse, Duc de Jorck, (et dit-on que les aultres enfants suiveront aujourdhuy) vers Hampton-Court. Quand messieurs les contes d'Hollande et Essex virent que c'estoit à bon escient, vis prièrent tout le monde de le dissuader à leurs Majestez, et aussi madame Carlile, mais personne n'osoit, et je confesse que je disois à monsieur Morray: qui oseroit?
Astheur ne font-yl que marcher et tirer, et tout est en armes ; ils font monter tous les navires qui peulvent passer le pont, vers Celse l. Je ne sçay ce qu'yl en arrivera, ny ce que je doibs faire pour ne donner umbrage;
(l) A tes tentes, Israël! cri de révolte des dix tribus exaspérées par la réponse du roi Roboam.
1 Chelsca.
— 503 [1642. Janvier.
j'attenderay les lettres qui doibvent venir dans trois jours, n'ayant encor de vos A. A. receues aucune et me régleray selon icelles; suis très-mary de voire ces extrémitez, et prie Dieu d'y aporter remèdes. Yoz A. A. me pardonnent que je dis que messeigneurs les Estats ne peulvent plus estre coy, soit par voye d'entremise ou aultre; tout le monde en parle et comm' estonné, mais, comme j'ay tousjours mandé à V. A., leurs Majestez ne m'ont jamais parlé ny rien dit, horsmis dimanche, et allors seulement que je manderois à V. A. en quel estât les affaires estoyent icy. Le Parlement et ceux de cette ville craignent que le Roy ira à Portsmouth et que là yl fera venir une armée et qu'en Galles et aultres lieux yls remueront aussi. S. M. a faict imprimer devant son départ la déclaration cy-joincte. Monsieur l'ambassadeur de France me vint veoir samedy dernier, et me contoit au long les debvoir qu'yl avoit contribué pour accommoder ceux du Parlement avec le Roy, mais qu'après tout cela yl n'avoit point de gré, et qu'on le tenoit suspect à la Cour, et qu'on luy tesmoignoit un mauvais visage; de vray hier, quand yl voulut parler au Roy, S. M. ne luy respondit pas un mot, et n'ostoit qu'à demy son chappeau et cela en passant, et après avoir attendu la Royne dans sa chambre plus de deux heures, S. M. demeurant dans sa galerie, yl en sortit, sans la poulvoir encor parler, de quoy en sortant la chambre yl montroit n'estre pas trop satisfaict. Et avec tout cela disent les aultres que monsieur Germain l, qu'on dit estre tant mal avec monsieur le Cardinal, luy a parlé depuis peu plus de trois heures de suite. — Ceux du Parlement envoyèrent hier au soir trois fois pour le lieutenant de la Tour, mais yl s'en excusa, et à la fin leur faisoit dire qu'yl ne poulvoit servir deux maistres; on n'entend que des coups de canon et musquets; ce qui a donné une telle espouvante ans capucins qu'yls ont porté tous leurs ornements chez l'ambassadeur de France et aultres sortent hors la ville; et crient-yls par
i Jermvn .
]G42. Janvier.] 504
la rue que le Roy est party cest après-disné vers Portsmouth, pour envoyer la Royne en France. Je prie Dieu avoir pitié de ce royaulme et donner au Roy des conseils salutaires et à Y. A. en prospérité santé et longue vie, et à moy la grâce de servir V. A. utillement, comme, Monseigneur,
de V. A. très-humble, très-obéissant, et très-fidèle serviteur ,
IIEENVLIET.
London, 21 janvier 1642.
LETTRE IIC i \ L% II.
Mr C. de Sommelsdyck 1 au Comte Guillaume- Frédéric de Nassau- Dietz. Décès de son père.
Monsieur. Si j'avois l'esprit plus libre de douleur et d'affliction, j'exprimerois mieux mon ressentiment pour l'honneur et l'office de vostre condoléance que je tesmoignerav asteure seulement en l'attribuant à la bonté de vostre naturel et à une non méritée faveur; mais si en ung temps d'intrigue et de fourberie ung bon serviteur ne peult estre trop regretté, croyez, Monsieur, qu'en ceste qualité vostre Excellence ne se trompe pas, ny n'a tort de participer à nostre perte; car je vous puis asseurer, et de bouche je le vous particulariseray, que le défunt n'a désiré que vostre bien, honneur et raccommodement à plain entendement en ceste Cour; mais le temps et aultre entremise vous peult redonner tout cela, là où moy tout au contraire demeure pour tousjours privé d'un père dont l'excès de son soing et de sa tendre affection en mon endroict, oultre les haultes parties qu'il possédoit, ne me peuvent en le louant assés faire acquitter de mon debvoir, ce qui est aussi cause que bien qu'en vain je ne puis faire ny trouver de fin à mes regrets; ce n'est donc pas par civilité, mais c'est l'humanité qui par une juste recognois-
1 Corneille d'Aerssen, gouverneur de Nymègue et colonel de cavalerie.
— 505 — r1642. Janvier.
sance me les arrache; aussi par sa sensualité elle a, et quelque déguisement que nous y apportions, tout le monde le résent, le droict de préférence, et la raison n'a lieu qu'après que le coeur s'est déchargé. Ma maladie ne contribue pas peu à nourrir ceste mélancholie, car le corps souffrant l'esprit languit et tous deux offencés ne peuvent que mettre ung homme en ung mauvais estât. Je demeure cependant obligé à vostre Excellence de son advis, car je sçay qu'elle croit qu'il va pour la conservation d'une personne, qui, quant elle n'en auroit l'inclination, luy doibt pourtant son service par succession; aussi debvez vous estre asseuré que, quand je le pourrois practiquer et en obtenir Feffect, qu'il demeureroit réservé pour à toutes occasions tesmoigner à v. Exe. que je suis franchement, Monsieur,
son très-humble et très-obéissant serviteur c. d'aerssen de sommelsdyck.
De la Haye, ce 24 de janvier 1642.
La Bibliothèque Université d'Ottawa
Echéance
Celui qui rapporte un volume après la dernière date timbrée ci-dessous devra payer une amende de cinq sous, plus un sou pour chaque jour de retard.
The Library University ef Ottawa
Date due
For failure to return a book on or before the last date stamped below there will be a fine of five cents, and an extra charge cf one cent for each addilional day.
CE DH 0185 •A6 1858 CGC GOREN VAN ACC# 1077245