W** ^ -NA/V

— 17 — [1642. Février.

LETTRE BCCIJV.

Le même au même. Entretiens avec le Roi et la Reine.

Monseigneur. . . La Reyne me dit: „ma fille ira et je l'accompagneray, et combien qu'elle a un fort bon naturel, toutefois le feray cognoistre à madame la Princesse, afin qu'elle la respecte, ainsy que je désire," et cela tout hault devant tout le monde. Pour Mr Morray, yl est aultant en crédit que jamais, et yl ne donne pas seulement des bons conseils au Roy pour patienter, mais me prie à tout heure le seconder. . . .

Les Estats ont donné ordre à Mr Joachimi; j'eusse bien désiré qu'il n'eust pas dit de l'avoir, sans en estre bien asseuré que son entremise seroit agréable; il s'est ouvert au contes de Bath, de Warwick et Nieupoort, et aussi au conte d'Hollande, qui, à mon retour samedy de Winsor me le vint dire et en estoit estonné; le dit sieur me prélisoit le soir devant mon partement la lettre de V. A. escrite à luy; je luy dis qu'à mon retour de Winsor je luy parlerois. Estant de retour, il me dit d'abord que ce mesme jour yl avoit receu une estrange lettre des Estats d'Hollande, par laquelle yls luy mandèrent que leurs députez n'avoyent eu le poulvoir de donner à luy commission de m'assumer, s'yl le trouvoit bon, et qu'yls n'entendissent point que je m'en meslerois, n'estant de leur corps. Je luy dis de croire en leur nom, et que cela je n'avois jamais prétendu, mais contraire escrit, et à luy tousjours dit que , sauf mon honneur, je ne poulvois estre son adjoinct; il me respondit que cecy avoit esté urgé1 par quelques uns, qui y voulurent venir eux-mesmes; je luy dis n'avoir rien à redire, mais estre estonné que cela estoit escrit dans tant des lettres icy; je ne crois pas les avoir déservy, et pour tout cela ne laisseray avoir la mesme zèle pour leur service, lorsqu'yl le désireront. Il est vray que le dit sieur Joachimi tire une aultre corde

1 pressé.