Moqué, raillé; du latin gaudere

Mais despita (i) chats, chates, et chatons,

Et prisa fort rats, rates, et ratons,

Dont (2) il avoit treuvé temps favorable

Pour secouryr le Lyon secourable :

Auquel a dict : Tais-toy, Lyon lyé :

Par moy seras maintenant deslyé :

Tu le vaulx bien, car le cueur joly as :

Bien y parut, quand tu me deslyas.

Secouru m'as fort lyonneusement,

Or secouru seras rateusement.

Lors le Lyon ses deux grans yeulx vertit (5),

Et vers le Rat les tourna un petit,

En lui disant : O povre verminiere,

Tu n'as sur toy instrument ne manière,

Tu n'as coulteau serpe ne serpillon,

Qui sceust coupper corde ne cordillon,

Pour me jecter de ceste estroicte voye :

Va te cacher, que le chat ne te voye.

Sire Lyon, dit le filz de Souris, De ton propoz, certes, je me soubis, J'ai des coulteaux assez, ne te soucye, De bel oz blanc plus tranchans qu'une sye : Leur gaine c'est ma gencive et ma bouche : Bien coupperont la corde qui te touche De si très près : car j'y mettray bon ordre.

Lors sire Rat va commencer à mordre Ce groz lien. Vray est qu'il y songea Assez long-temps, mais il le vous rongea Souvent, et tant qu'à la parfin tout rompt : Et le Lyon de s'en aller fut prompt, Disant en soy : Nul plaisyr, en effect, Ne se perd point, quelque part où soit faict.

1. Chagriner, mettre en colère, d'où dépit; — ici peutêtre mépriser, despicere.