I . Délivra

Mais pour venir au point de ma sortie : Tant doucement j'ay chanté ma partie, Que nous avons bien accordé ensemble :

Si que n'ay plus affaire, ce me semble, Si non à vous. La partie est bien forte : Mais le droict poinct (i), où je me reconforte, Vous n'entendez procès, non plus que moy : Ne plaidons point, ce n'est que tout esmoy. Je vous en croy, si je vous ay mesfaict, Encor posé le cas que j'eusse faict, Au pis aller n'y cherroit (2) qu'une amende.

Prenez le cas que je vous la demande, Je prends le cas que vous me la donnez : Et si plaideurs furent onc estonnez, Mieux que ceux ci je veux qu'on me délivre, Et que soudain en ma place on les livre. Si vous suppli (Sire) mander par lettre, Qu'en liberté vos gens me vueillent mettre : Et si j'en sors j'espère qu'a grand-peine M'y reverront, si on ne m'y rameine.

Très humblement requérant vostre grâce, De pardonner à ma trop grant'audace, D'avoir empris (3) ce sot escrit vous faire : Et m'excuser, si pour le mien afaire Je ne suis point vers vous allé parler ; Je n'ay pas eu le loysir d'y aller.