D'abord

CLÉMENT MAROT Sj

A vous payer (sans usure il s'entend)

Quand on veoirra tout le munde content :

Ou si voulez, à payer ce sera,

Quand vostre loz (i) et renom cessera.

Et si sentez que sois foyble de reins

Pour vous payer, les deux princes lorrains

Me pleigeront (2). Je les pense si fermes,

Qu'ilz ne fauldront pour moy à l'ung des termes.

Je sçay assez que vous n'avez pas peur

Que je m'en fuye, ou que je soys trompeur :

Mais il faict bon asseurer ce qu'on preste.

Brief, vostre paye, ainsy que je l'arreste,

Est aussy seure, advenant mon trespaz,

Comme advenant que je ne meure pas.

Advisez donc, si vous avez désir

De rien prester, vous me ferez playsir :

Car puis ung peu (3), j'ay basti à Clément,

Là où j'ay faict un grand déboursement :

Et à Marot, qui est ung peu plus loing :

Tout tumbera, qui n'en aura le soing.

Voilà le poinct principal de ma lettre, Vous sçavez tout, il n'y fault plus rien mettre : Rien mettre, las! certes et si feray, Et ce faisant, mon style j'enfleray, Disant : O Roy amoureux des Neuf Muses, Roy, en qui sont leurs sciences infuses, Roy, plus que Mars, d'honneur environné, Roy, le plus roy, qui fut oncq (4) couronné, Dieu tout puyssant te doint (5), pour t'estrener,