Près de moi

4. Scion d'arbre greffé sur un autre arbre, ou encore l'arbre même qui a reçu la greffe.

L'aigneau qui plus en son parc luy plaisoit :

Et le labeur qu'après moy il mist tant,

Certes c'estoit afin qu'en l'imitant,

A l'advenir je chantasse le loz (i)

De toy (ô Pan) qui augmentas son cloz (2),

Qui conservas de ses prez la verdure

Et qui gardas son troupeau de froidure.

Pan (disoit il) c'est le dieu triumphant

Sur les pasteurs, c'est celuy (mon enfant)

Qui le premier les roseaux pertuysa (3),

Et d'en former desflustes s'advysa :

11 daigne bien luy mesme peine prendre

D'user de l'art que je te veulx apprendre (4).

Appren le donc, afin que monts et bois

Rocs, et estangs, apprennent soubz ta voix

A rechanter le hault nom après toy

De ce grand dieu que tant je ramentoy,

Car c'est celuy, par qui foisonnera

Ton champ, ta vigne, et qui te donnera

Plaisante loge entre sacrez ruisseaux.

Là d'ung costé auras la grand'closture

De saulx espez : où pour prendre pasture,

Mouches à miel la fleur succer iront,

Et d'un doulx bruyt souvent t'endormiront (5)